Монгол улсын хилийн тухай хууль, Монгол Улсын Ерөнхийлөгчийн 2000 оны 149-р зарлигаар батлагдсан "Иргэдийг хил хамгаалалтад оролцуулах журам”-ыг хэрэгжүүлж,хил хамгаалалтад туслах хүчний зөвлөлийн ажлыг эрчимжүүлэх зорилгоор Засаг даргын дэргэдэх Хил хамгаалалтад туслах хүчний зөвлөлийн зөвлөгөөн боллоо. Зөвлөгөөнд аймгийн удирдлагууд болон манай аймагт байрладаг хилийн отрядуудын захирагч,хил хамгаалахад туслах хүчний зөвлөлийн гишүүд хилийн бүсийн сумдын засаг дарга нар оролцсон юм.

 

Зөвлөгөөнөөр Хил хамгаалахад туслах хүчний зөвлөлийн 2014 онд баримтлах чиглэл, хил хамгаалалтад орон нутгийн удирдлага иргэдийн оролцоо, хилийн анги салбарууд ба орон нутгийн хамтын ажиллагаа, хилийн зурвас бүс хил орчмын нутаг дэвсгэрт гамшгийн нөхцөл байдал үүссэн үед хамтран ажиллах, мөн цагдаа, эрүүл мэндийн салбарын хилийн отрядуудын хамтын ажиллагаа гэсэн чиглэлээр зөвлөлдөх юм. Зөвлөгөөний төгсгөлд хилийн 0132-р ангийн үйл ажиллагаатай танилцах юм гэж аймгийн ЗДТГ-н ОНХА-наас мэдээллээ.