ШУА-ийн Түүх, археологийн хүрээлэн, Япон улсын Осакa их сургуультай хамтран ”Монголын зүүн бүс нутгийн археологийн судалгаа, хадгалалт, хамгаалалт” олон улсын эрдэм шинжилгээний хурлыг зохион байгуулна.
Хурал энэ сарын 26-ны 09:30 цагт Улаанбаатар зочид буудлын "Хархорин” танхимд болно. Хурлаар Монголын зүүн бүс нутагт сүүлийн жилүүдэд хийгдсэн археологийн хайгуул, малтлага судалгааны үр дүн, түүх соёлын өвийн хадгалалт, хамгаалалтын өнөөгийн байдал, тулгамдсан асуудал, цаашдын зорилтын талаар ШУА-ийн Түүх, Археологийн хүрээлэн, МУИС, ШУТИС, Улаанбаатар их сургууль, БСШУСЯ-ны Соёлын өвийн төвийн судлаачид танилцуулна. Тодруулбал
- Японы Осака их сургуулийн профессор Такаши Осава,
- Отани Их сургуулийн профессор Такаши Мацүкава,
- Нарагийн Соёлын өвийн үндэсний хүрээлэнгийн мэргэжилтэн Хироши Ямагүчи,
- АНУ-ын Йелийн Их сургуулийн профессор Уиллиам Ханичёрч,
- БНХАУ-ын Ардын их сургуулийн профессор Вэй жянь,
- БНСУ-ын Далайн соёлын өвийн судалгааны үндэсний хүрээлэнгийн доктор Юн Хён Вон,
- ОХУ-ын ШУА-ийн Сибирийн салбарын Монгол, Түвд, Буддын судлалын хүрээлэнгийн доктор Н.В.Цыденова нар 30 гаруй илтгэл хэлэлцүүлнэ.
Хурлыг Монгол-Японы хамтарсан "Дорнод Монголын эртний Түрэгийн үеийн түүх, археологийн судалгаа" эрдэм шинжилгээний төслийн хүрээнд санаачлан, Япон улсын элчин сайдын яам, Япон сангаас дэмжин зохион байгуулах юм.
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих