"Монголын төмөр зам" ТӨХК-иас төмөр зам барихад зориулж 450 сая
ам.долларыг Хөгжлийн банкнаас аваагүй хэмээн мэдэгдэл гаргасан. Энэ
талаар тус компанийн төсөл хариуцсан захирал П.Бат-Эрдэнээс тодрууллаа.
-Эдийн
засгийн хөгжлийн сайд Н.Батбаяр 450 сая ам.долларын санхүүжилтийг
танайд өгсөн талаарх мэдээллийг няцаажээ. Үүнийг тайлбарлана уу?
-2011 онд шийдвэрлэж байсан Хөгжлийн банкнаас гаргах 55 сая ам.долларын
санхүүжилтийг өнгөрсөн оны нэгдүгээр сарын 26-нд 50 хувийг нь өгсөн.
Өмнө нь манай компанид нэг ч төгрөг өгөөгүй. 2011 оны 266 дугаар
тогтоолыг 2013 оны 28 тоот тогтоолоор шийдвэрлэж байгаа юм.
-Хөгжлийн банк "Чингис" бондоос 164.2 сая, өөрийн хөрөнгөөс 22.5 сая ам.долларын санхүүжилт хийсэн гэж байсан шүү дээ?
-Тийм ээ, гэхдээ "Чингис" бондоос 400 сая ам.долларын санхүүжилт өгөх
байсан ч эхний ээлжинд 200 сая нь орох байснаас өгч байгаа нь 164.2 сая
ам.доллар. Уг нь нийтдээ 455 сая ам.долларын санхүүжилт хийхээр шийдвэр
гарсан боловч бодитоор орж ирсэн нь 186.7 сая гэдгийг бид үгүйсгээгүй.
Нийт санхүүжилтийн 50 гаруй хувь нь орж ирээгүй байгаа хэрнээ 100 хувь
санхүүжүүлсэн мэтээр мэдээлж байгааг няцаасан.
-Тэгвэл дээр дурдсан хөрөнгөөр ямар ажил хийв?
-Бидний хийсэн ажил гүйцэтгэлээр дүгнэгдэнэ. Өөрөөр хэлбэл, газар
шорооны ажлын 70 хувь хийгдсэн. Гүүр хоолойн ажил эхэлсэн. Мөн бетон
дэрний үйлдвэр, зүүн чиглэлийн зураг төслийн ажил 90 хувьтай байна.
Төлөвлөгөөний дагуу ажлууд хийгдэж байгаа ч дараагийн шатны санхүүжилт
хэрэгтэй байна.
Д.Оюунчимэг ЗУУНЫ МЭДЭЭ

Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих