Бадминтоны өсвөр үеийн аймгийн аварга шалгаруулах тэмцээн 2014 оны 05-р сарын 24-25-ны өдрүүдэд аймгийн ССАЖГ-ын спорт зааланд амжилттай болж өнгөрлөө. Тэмцээнд 1-р сургууль, 5-р сургууль, 8-р сургууль, Шинэ хөгжил цогцолбор сургууль, Сэргэлэн, Баянтүмэн, Чулуунхороот, Чойбалсан сумдын 8 байгууллага 90 гаруй тамирчид өрсөлдөж 2014 оны аваргаа тодрууллаа. Тус тэмцээний багийн нийлбэр дүнгээр

1-р байранд 15 оноогоор Б.Ариунзаяа дасгалжуулагчтай 5-р сургууль

2-р байранд 32 оноогоор Ч.Наранхүү дасгалжуулагчтай Чойбалсан сумын ЕБС

3-р байранд 32 оноогоор М.Нарантуяа дасгалжуулагчтай 1-р сургуулийн баг тамирчид эхний байруудад шалгарлаа.

Энэхүү тэмцээнийг зохион байгуулахад

-Н.Батмөнх захиралтай "Мөнх-Ариун-Ундрах” ХХК,

-М.Энхтөр захиралтай "ТСГ” ХХК,

-А.Тунгалагтуул захиралтай "Mobicom”-ын Дорнод салбар,

н.Энхболор захиралтай "Unitel”-ийн Дорнод салбарын хамт олон ивээн тэтгэж хамтран ажиллаа

Тус тэмцээний үеэр "АЗТАЙ ТАМИРЧИН” шалгаруулах сугалаа явагдаж "Mobicom”-ын нэрийн бүтээгдэхүүнүүдээр 7 тамирчин, бадминтоны спортын 1, 2 дугаар зэргийн болзол биелүүлсэн Б.Наранцэцэг /5-р сургууль/, М.Давхарбаяр /1-р сургууль/нарт "Unitel”-ийн гарын бэлэг, "Мөнх-Ариун-Ундрах” ХХК, "ТСГ” ХХК тамирчдын шагналын санг тус тус ивээн тэтгэлээ.

Тэмцээнийг ивээн тэтгэж, бидэнтэй хамтран ажилласан дээр дурдсан байгууллагын хамт олонд өсвөрийн тамирчдынхаа өмнөөс ажлын өндөр амжилт хүсэж, талархал илэрхийлье.

Ч.Мөнхбатаа  

URL: http://www.choibalsan.mn/index.php?newsid=2889