Нүд эрээлжлэм гоё ганган байхад нь найр тавьж, урагдаж муудаад ирэхээр нь хаяж орхидог цамц, өмд шигээ мөрөөдөлд хандаж болохгүй. Мөрөөдөлдөө хүн төрөлхтөн хүндэтгэлтэй ханддаггүй, түүнийг үл ойшоодог, огт анзаардаггүй байсан бол өнөөдөр дэлхийн түүх төсөөлөхийн аргагүй өөр байдалтай байх байсан. Мөрөөдөл ганц нэгхэн хүнд олддог эд хөрөнгө, эрх мэдэл биш огт юм.

 

Тэнгэр дор, газар дээр ирэхдээ сүүгээр угтуулж, буцахдаа нулимсаар үдүүлдэг хүн гэгч оюун ухаант амьтан бүхний дотор мөрөөдөл байдаг ба мөрөөдөл нь он жил улиран өнгөрсөн ч цэл залуугаараа оргилдог сэтгэлийн хүч юм. Мөрөөдөл бол оюун ухаан үл хүрэх зүйл огт биш.

 

Гагцхүү бид л өөрсдөө мөрөөдөл биелэхэд ид шид, ер бусын хүч чадал хэрэгтэй гэж эндүүрч боддог. Оюун ухаанаа дайчилж чадвал мөрөөдөлдөө хүрч чадна. Оюун ухаан гэгч өөрийг ньзөвөөр ашиглаж чаддаг хэн бүхэнд юуг ч хэзээ ч харамлаж гайхамшигт хүч билээ. Мөрөөдлийн шаардлага хүслийг нь биелүүлж өөрийгөө дайчилж чадвал гундуу явахад тань хийморь болж, айхад тань зориг нэмж мөрөөдөл таньтай хамт явах болно.  Мөрөөдлөөс өөр юунд ч битгий донт.