Дорнод аймгийн орон нутгийн төсвийн хөрөнгө оруулалтаар Сумдын хэсгийн төлөөлөгч нарын ажиллах орчин нөхцөлийг сайжруулах, техник хэрэгслийг шинэчлэх зорилгоор эргүүлийн автомашинаар хангах ажлыг 2019 оноос үе шаттай хэрэгжүүлж байна.

Өнгөрөгч онуудад Чойбалсан, Сэргэлэн, Баян-Уул, Хөлөнбуйр, Матад сумдын цагдаагийн тасаг, хэсгийн албан хэрэгцээнд ашиглах автомашиныг олгосон бол үргэлжлүүлэн энэ онд Булган, Гурванзагал, Баяндун сумын цагдаагийн хэсэгт олгохоор тендер шалгаруулалтыг зарласан. Ингэснээр сумдын хэсгийн төлөөлөгч нарын нийтийн хэв журам хамгаалах, мал хулгайлах гэмт хэрэгтэй тэмцэх, хөдөлгөөнт эргүүлийн үйл ажиллагаа, гэмт хэргээс урьдчилан сэргийлэх, илрүүлэх, тэмцэх зэрэг ажлыг хурдан шуурхай зохион байгуулж, гүйцэтгэхэд чухал ач холбогдолтой юм.

---