Баянтүмэн - www.Choibalsan.mn

Өнөөдрийн байдлаар ой, хээрийн түймрийн дуудлага бүртгэгдээгүй байна

khulan — Tue, 28 Jul 2020 10:31:42 +0800

Он гарсаар улсын хэмжээнд 07 дугаар сарын 28-ны өдрийн байдлаар Улаанбаатар хот, Архангай, Булган, Завхан, Дорнод, Сэлэнгэ, Сүхбаатар, Хэнтий, Хөвсгөл, Төв, Ховд, Баянхонгор, Өвөрхангай, Увс зэрэг 14 аймгийн 69 суманд нийт 119 удаагийн ой, хээрийн түймэр бүртгэгдсэн байна.

Дээрх түймэрт урьдчилсан байдлаар ойн 10158 /га/, хээрийн 215.715 /га/ нийт 225.874 /га/ талбай өртөж, 2 гэр, 4 айлын өвөлжөө, 1 автомашин шатаж нийт 1.6 тэр бум төгрөгийн хохирол учирчээ. Харин өнөөдөр буюу 07 дугаар сарын 28-ны өдрийн байдлаар ой, хээрийн түймэр бүртгэгдээгүй байна.

Аялал, амралт, зугаалыг улирал эхэлж, хөдөө орон нутгийг зорих иргэдийн хөдөлгөөн нэмэгдсэнтэй холбогдуулан ногоон бүсэд зорчихдоо автомашин техникийн бүрэн бүтэн байдалд хяналт тавих, ил задгай гал түлэхгүй байх, асаасан гал, түүдэг, тамхи, шүдэнзний галыг сайтар унтраах, гал асаагуурыг хээр, хөдөө ил задгай хаяхгүй байх, насанд хүрээгүй хүүхдийг ой, хээрт чүдэнз, асаагууртай явуулахгүй байж ой, хээрийн гал түймэр гарах эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Баянтүмэн сумын сайн малчид тодорлоо

marsbold — Fri, 10 Mar 2017 11:22:47 +0800

Алтан унжлагат гал тахиа жилийн босгонд Баянтүмэн сумын сайн малчнаар 1-р багийн малчин В.Ганзориг, 2 дугаар багийн малчин М.Жаргалсайхан, 3 дугаар багийн малин Л.Баярмөнх, 4-р багийн малчин Д.Батзориг, сумын мянгат малчнаар 4-р багийн малчин Х.Энхбаатар, 2-р багийн малчин М.Баасансүрэн, 2-р багийн малчин Д.Ганхуяг, 3-р багийн малчин Баасанжав нар тус тус тодорлоо

Баянтүмэн сумын уугуул О.Батбилэг Монгол Улсын Тод манлай уяач цолоо Ерөнхийлөгч Ц.Элбэгдоржоос гардан авлаа

marsbold — Thu, 23 Feb 2017 14:05:06 +0800

Улсын баяр наадмыг зохион байгуулах комиссоос өргөн мэдүүлсэн саналыг үндэслэн Монгол Улсын Ерөнхийлөгч Ц.Элбэгдорж ХYII жарны улаагчин гал тахиа жилийн босгон дээр зарлиг гаргаж олон жил хурдан морины уяа сойлго тааруулж улсын хэмжээний наадмуудаас түрүү, айраг авсан нэр бүхий уяачдад улсын цол хүртээлээ. Уяачдын цолыг Монгол Улсын Ерөнхийлөгч Ц.Элбэгдорж өнөөдөр Төрийн ордонд гардуулан өгөв.

Монгол Улсын Тод манлай уяач цолоор Дорнод аймгийн Баянтүмэн сумын уугуул О.Батбилэг, Ховд аймгийн Дарви сумын уугуул Т.Батцоож, Говь-Алтай аймгийн Есөнбулаг сумын уугуул Т.Гантөмөр, Төв аймгийн Батсүмбэр сумын уугуул С.Лувсанбалдан, Өвөрхангай аймгийн Хайрхандулаан сумын уугуул Б.Отгоннасан нарыг,

Монгол Улсын Манлай уяач цолоор Өмнөговь аймгийн Даланзадгад сумын уугуул Б.Бадраа, Говь-Алтай аймгийн Бигэр сумын уугуул Л.Батмөнх, Хөвсгөл аймгийн Мөрөн сумын уугуул Т.Болдбаатар, Завхан аймгийн Тосонцэнгэл сумын уугуул Т.Галбадрах, Говь-Алтай аймгийн Алтай сумын уугуул Ц.Гантөмөр, Төв аймгийн Сэргэлэн сумын уугуул Т.Ихбаяр, Архангай аймгийн Төвшрүүлэх сумын уугуул Ө.Пүрэвбаатар нарыг,

Монгол Улсын Алдарт уяач цолоор Улаанбаатар хотын Баянгол дүүргийн уугуул Б.Баасанбазар, Төв аймгийн Сэргэлэн сумын уугуул О.Батболд, Орхон аймгийн Баян-Өндөр сумын уугуул Г.Баярцогт, Улаанбаатар хотын Багахангай дүүргийн уугуул Г.Буянтогтох, Говь-Алтай аймгийн Шарга сумын уугуул Н.Зоригт, Дундговь аймгийн Хулд сумын уугуул Б.Лхагва-Очир, Дундговь аймгийн Хулд сумын уугуул С.Мөнхбат, Төв аймгийн Сэргэлэн сумын уугуул Б.Сүхбаатар, Өвөрхангай аймгийн Есөнзүйл сумын уугуул П.Сэргэлэн, Увс аймгийн Тэс сумын уугуул Ю.Төгсжаргал, Төв аймгийн Сэргэлэн сумын уугуул С.Хэрлэн нарыг тус тус шагнав.

Монгол Улсын Ерөнхийлөгч Ц.Элбэгдорж уяачдад цол гардуулсны дараа хэлсэн үгэндээ "Та бүхний энэ өдрийн түмэн амар амгаланг айлтгая. Дээд ивээлээ хайрласан бичин жил улирч, буян хишгээ дэлгэх улаагчин тахиа жил айлчлан ирж байгаа энэ өлзийт сайн цаг дор нүүдлийн соёл иргэшлийн амин чухал дархлаа-адууны соёлыг өвлөн уламжилж, хадгалан хамгаалж, баяжуулан хөгжүүлж яваа хүндэт уяачид та бүхэндээ чин сэтгэлийн мэндчилгээ дэвшүүлж, хамгийн сайн бүхнийг хүсэн ерөөе.

Монголчуудын сүлд хийморь, бэлгэдэл молор эрдэнэ цагийн цаг, үеийн үед монгол хүнтэй хамт явж ирсэн. Тиймээс ч бид монгол хүнийг морин эрдэнэтэй нь цуг төрийн сүлдэндээ мөнхөлсөн. Монголчуудын баатарлаг түүх, бахархам амжилт адуутай холбоотой байдаг. Мориндоо мордсон монгол хүн түүхийг бүтээж, алдар суугаа мандуулдаг жамтай.

Гурван цагийн хэлхээнд үл алдрах их түүхийн алтан цулбуурыг морь уях эрдмээрээ өвлөж, монгол бахархлаа дархлан яваа хүмүүс бол манай уяачид, малчин түмэн юм.Түмний наадамд өргөсөн хүлгийн тань шандас, зон олноо цэнгүүлсэн золбоо хийморь, хүч хөдөлмөрийг тань үнэлж улсын цол хүртээлээ. Ажнай хүлгийг тань унаж хурдлуулсан хүүхдүүд, гэр бүлийнхэнд тань баяр хүргэе. Адууны соёлыг алдаршуулан дэлгэрүүлж Монгол түмнээ олон жил баярлуулж явахыг чин сэтгэлээсээ хүсч байна.

Хүүхдийн гийнгоо цээл, хүлгийн давхил төгөлдөр, уяачдын эрдэм төгс байг ээ. Сар шинэдээ сайхан шинэлээрэй” гэлээ.

Баянтүмэн сумын 1, 2, 3, 4 дүгээр багийн ИТХ-н дарга, Засаг дарга нар сонгогдлоо

marsbold — Tue, 24 Jan 2017 18:03:38 +0800

2017 оны 01 дүгээр сарын 17-оос 24 ны хооронд тус сумын 1, 2, 3, 4 дүгээр багийн Иргэдийн Нийтийн Хуралдааныг хуулийн дагуу зохион байгуулж багийн ИНХ-ын дарга, Засаг дарга нарыг шинээр сонгов.

Багийн Иргэдийн Нийтийн Хуралдааны үр дүнг танилцуулбал:

              1 дүгээр багийн ИНХ-ын даргаар Б.Хатантөмөр,

                                            Засаг даргаар Н.Болдбаатар,

             2 дугаар багийн ИНХ-ын даргаар С.Төгсбаяр,

                                            Засаг даргаар Д.Буянхишиг,

             3 дугаар багийн ИНХ-ын даргаар Э.Жамбалнямбуу,

                                             Засаг даргаар Х.Баттөр,

             4 дүгээр багийн ИНХ-ын даргаар Х.Энхбаатар,

                                             Засаг даргаар С.Эрдэнбаяр нар тус тус сонгогдсон байна.

П.ГУНГААЦЭРЭНГ СУМЫН ЗАСАГ ДАРГААР ДАХИН БАТЛАМЖЛАВ

marsbold — Thu, 08 Dec 2016 12:24:12 +0800

Орон нутгийн иргэдийн Төлөөлөгчдийн хурлын анхдугаар хуралдаанаар Пүрэвсүрэнгийн Гунгаацэрэнг нийт төлөөлөгч нарын 95,5 хувийн саналаар дахин сонгосон бөгөөд 2016 оны 12 дугаар сарын 06-нд аймгийн Засаг дарга дахин батламжилж, 2016.12.07-нд Засаг дарга П.Гунгаацэрэн батламжаа гардан авлаа.

ЗАСАГ ДАРГА ХӨДӨӨГИЙН БАГУУДАД АЖИЛЛАЖ БАЙНА

marsbold — Wed, 30 Nov 2016 11:18:15 +0800

Баянтүмэн сумын хэмжээнд Цас их орж 2016-2017 өвөлжилт хүндэрч байгаатай холбогдуулан сумын Засаг даргаар ахлуулсан ажлын хэсэг хөдөөгийн 2, 3 дугаар багт 2016.11.25-аас эхлэн тойролтоор ажиллаж байна.

Тус сумын 2, 3 дугаар багт цасны зузаан 20-30 см хүрч малчдын өвөлжилтийн байдал хүндэрч зарим малчид бүлэг болон нутаг сэлгэн отор нүүдэл хийсэн байна. Иймд цаашид өвөлжилтийн хүнд байдлыг хэрхэн даван туулах, мөн хөдөөгийн багт эмнэлгийн хяналтад байдаг иргэд болон бага насны хүүхэд, жирэмсэн эхчүүдийг хяналтандаа авах болон төв суурин газарт оруулах, Баянтүмэн сумын эдийн засаг нийгмийг 2017 онд хөгжүүлэх үндсэн чиглэл, 2016-2020 оны үйл ажиллагааны мөрийн хөтөлбөр батлуулахтай холбогдуулан иргэдээс санал хүсэлт авах зорилгоор 2016.11.25-аас 2016.12.05-ны хүртэл хөдөөгийн 3 багт ажиллаж эхлээд байна.

БАЯНТҮМЭН сумын ТҮҮХЭН ТОВЧОО, ЗАМНАЛ

tonshuul — Tue, 29 Nov 2016 14:54:58 +0800

Одоогийн Баянхонгор аймгийн Баацагаан сум нь эрт дээр үеэс олон аймаг хошуунд харьяалагдан нэр нь солигдож иржээ. Засаг захиргааны түүхэн жагсаалт: -Сайн ноён хан аймаг 1725-1910 онд Халхын Сайнноён хан аймаг 1911-1920 онд Богд Хант Монгол улсын Сайнноён хан аймаг 1923 оноос БНМАУ-ын Цэцэрлэг мандал уулын аймаг-Засгийн хүшуу буюу Дархан гүний хошуу 1713 оноос халхын Түшээт хан, 1725 оноос Халхын Сайнноён хан аймгийн Засгийн хошуу 1913-1921 онд Халхын Сайнноён хан аймгийн Дархан гүний хошуу 1923-1924 онд Цэцэрлэг мандал аймгийн Гучин уулын хошууны Цагаан нуур сум 1925 оноос Цэцэрлэг мандал аймгийн Баянхонгор хайрхан уулын хошууны Цагаан гол сум 1931 оноос Өвөрхангай аймгийн Цагаан гол сум 1934 оноос Архангай аймгийн Баянцагаан гол сум 1940 оноос Говь-Алтай аймгийн Баянцагаан гол сум болсон байна.

1921 оны ардын хувьсгалаас өмнө Халхын Сайн ноён хан аймгийн Дархан гүний хошуу гэж нэрлэгдэж байжээ. 1924 онд Цэцэрлэг мандал аймгийн Гучин уул хошуунд Цагаан нуур сум байгуулагдсан нь өнөөгийн Баацагаан сумын үүсэл байлаа. 1924 оны 7 дугаар сарын 4-ний өдөр Дархан гүн Б.Равдандоржийн хошуунд нутгийн захиргааг байгуулан Дархан гүний хошуу гэж нэрлэх болсон байна. 1925 онд Гучин уулын хошууг (Энэ хошууны Цагаан нуур сум нь одоогийн Баацагаан сум) Баянхонгор Хайрхан уулын хошуунд нэгтгэсэн байна. 1929 оны 9 дүгээр сарын 30-нд Цагаан нуур суманд МАНамын 571 дүгээр үүр байгуулагдав.

1930 онд одоогийн төвөөс урагш 5 км орчим зайтай "Үхэг хашаат” гэдэг газарт сумын алба монгол гэрт ажлаа явуулж байжээ. 1935 оноос Сумын төв Баянсайр хэмээх энэ газарт төвлөрсөн байна. 1937 оны хавар соёлыг дэлгэрүүлэх сумын Улаан гэр, 1938 оны 06 дугаар сарын 25-нд сумын Хүн эмнэлгийн салбар, 1938 оны намар Сумын мал эмнэлгийн бага эмчийн тасаг, 1940 онд ард түмний хүүхдийг үнэ төлбөргүй сурган хүмүүжүүлэх бага сургууль, 1940 онд улсыг батлан хамгаалах сумын үүр, 1940 оны 8 дугаар сарын 01-ний өдөр хүн эмнэлгийн бага салбар тус тус үйл ажиллагаа эхэлснээр одоогийн төсөвт байгууллагуудын суурь тавигдсан байна. Баянхонгор аймаг байгуулагдахад Говь-Алтай аймгаас Баянцагаан гол сум, Өвөрхангай аймгаас Жинст сумын хоёр багийг нэгтгэн засаг захиргааны зохион байгуулалтад оруулснаар 1942 онд "Баацагаан " нэртэй сум үүсэн бий болжээ. Баацагаан сум нь анх байгуулагдахдаа 4 бригадтай байгуулагдаж байжээ. 1954 онд ХАА-н "Чойбалсангийн зам”, "Сталинч” нэгдлүүд байгуулагдсан байна. 1959 оны 3 дугаар сараас "Чойбалсангийн зам”, "Сталинч” нэгдлүүд нийлж, "Чойбалсангийн зам” нэгдэл нэрээр хөгжлийн түүхээ үргэлжлүүлсэн бөгөөд нэгдлийн даргаар Даваагийн Тарав ажиллаж байжээ. Д.Тарав нь 1957 онд БНМАУ-ын Ардын Их Хурлын депутатаар сонгогдож байсан байна. "Чойбалсангийн зам” нэгдэл нь 1969 онд ажлаараа улсад 3-р байрт, 1971 онд улсын тэргүүний нэгдэл, 1973 оны 02 дугаар сарын 27-ны өдөр БНМАУ-ын Ардын Их Хурлын Тэргүүлэгчдийн 54 дүгээр ЗАРЛИГААР төрийн дээд шагнал "Алтан гадас” одонгоор шагнагдсан зэрэг амжилтуудыг гаргаж байжээ.

1991 онд "Чойбалсангийн зам” нэгдэл задарч "Цагаан ээж”, "Их амьдрал” компани болж Баянсайр, Оройнбууц багуудад төвлөрсөн байна. 1992 онд Монгол Улсын Ардчилсан шинэ Үндсэн хууль батлагдаж, Монгол Улсын Засаг Захиргаа, Нутаг дэвсгэрийн нэгж, түүний удирдлагын тухай хуулийг хэрэгжүүлэн ажиллаж, анхны ИТХ-н даргаар Ө.Самбуу, нарийн бичгийн даргаар В.Энхмандахыг сонгож, сумын анхны Засаг даргаар В.Лундааг нэр дэвшүүлж Аймгийн засаг даргаар батлуулан ажиллуулсан байна. 1997 онд Баацагаан сум нь 4 бригадаа хувааж Баянбулаг, Оройн бууц, Буйлсан, Могой, Товгор, Зүүнхаяа, Баянсайр гэсэн 7 багтай болжээ. Баацагаан сум нь 2014 онд сум байгуулагдсаны түүхт 90 жилийн ойг тэмдэглэн өнгөрүүллээ. Засаг захиргааны нэгж 7-н багтай бөгөөд "Баянбулаг”, "Оройн бууц” "Буйлсан”, "Могой”, "Товгор”, "Зүүнхаяа” "Баянсайр”, гэсэн 7 багийн нийт 1000 өрх, 3126 хүн амтай. Хүн амынхаа тоогоор Баянхонгор аймгийн 20 сумаас эхнээсээ 7-р, газар нутгийн хэмжээгээр 4-рт ордог хүн амын нягтралаар 4.35 хүн/га ногддог, малын тоо толгойгоор аймагтаа тэргүүлдэг сум юм.

Баянхонгор аймгийн баруун урд хэсэгт: Улаанбаатар хотоос 771 км, Аймгийн төвөөс 141 км зайд байрладаг. Тус сум баруун хойд талаараа Бор үзүүрээс Өндөр овооны Долоон бургас хүртэл, өөрийн аймгийн Бууцагаан, хойд талаараа Өндөр овооны Долоон бургасаас Шар худаг хүртэл Бөмбөгөр, зүүн хойд талаараа Шар худгаас Өтгөнийг хүртэл Баян-Овоо, зүүн талаараа Өтгөний эхээс Эрдэнэ толгой хүртэл Жинст, өмнөд болон баруун өмнөд талаараа Эрдэнэ толгойгоос Бор үзүүр хүртэл Баянцагаан сумдтай хиллэдэг.

3000 МВ ХҮЧИН ЧАДАЛТАЙ ЦАХИЛГААН СТАНЦ БАРИНА

marsbold — Fri, 26 Aug 2016 09:12:59 +0800

Дорнод аймгийн Баянтүмэн, Матад сумын нутагт 3000 мв хүчин чадалтай цахилгаан станц барихаар болжээ. Энэхүү цахилгаан станц нь экспортын зориулалттай бөгөөд одоогоор Монголд анхных нь болох юм байна.

Төслийг БНХАУ-ын хөрөнгө оруулалттай ЖИНХУА групп хэрэгжүүлж, 5 тэрбум долларын хөрөнгө оруулах аж. Бүтээн байгуулалтын ажил ирэх 2017 онд эхэлж, 10 жилийн хугацаанд 3 үе шаттай хэрэгжих бөгөөд 3000 ажлын байр бий болох ажээ.

Баянтүмэн сумын малчин С.Сүхбаатар,гэргий Х.Мөнхтуяа нарт “Улсын сайн малчин” цол тэмдэгийг гардууллаа

magnai — Thu, 18 Feb 2016 11:50:24 +0800

УИХ-ын гишүүн, Хүнс, хөдөө аж ахуйн сайд Р.Бурмаа Дорнод аймагийн Баянтүмэн сумын малчин С.Сүхбаатар,гэргий Х.Мөнхтуяа нарт "Улсын сайн малчин” цол тэмдэгийг гардууллаа

Малын цэцэг өвчин дахин илэрлээ

magnai — Thu, 04 Feb 2016 11:35:29 +0800

Өнгөрсөн сард Баянтүмэн сумын Өлзийт багийн Зоогийн говь гэдэг газар хонины цэцэг өвчин илэрсэн тухай бид мэдээлж байсан. Өвчний голомтод буй хорио цээрийн дэглэм тогтоож, ариутгалын пост ажиллуулж буй.

Тэгвэл цэцэг өвчин дахин Матад суманд гарчээ. Тус сумын Жаргалант багийн "Зэрэглээт” гэдэг газар малчин Г-гийн 9 хонинд өвчний шинж тэмдэг илэрсэн байна. Ингээд өвчилсөн байж болзошгүй хонийг тусгаарлаж, дээжийг нь шинжлүүлэхэд "Хонины цэцэг” өвчин болох нь тогтоогдсон байна.

Хонь, ямааны цэцэг өвчин нь 21 хоног хүртэл нууц үедээ явагддаг бөгөөд нүд, ам, хамраас нулимс, салст идээт нус, нуух гоожих, зовхи хавагнах, судасны лугшилт олширч амьсгал түргэсэх, цэцгийн цэврүүт гүвдрүү, булдруу ихэвчлэн толгой, уруул, хамрын самсаа, шанаа, нүдний орчим болон цавь, суга, дэлэн, хуухнаг, гуя, сүүлний дотор талын үсгүй хэсэгт үүсэж ус тэжээлд дургүй болох шинж тэмдэг илэрдэг байна.

Өвчний эмнэлзүйн шинж тэмдэг нь хөнгөн хэлбэрээр илэрвэл үхэл, хорогдол 5–10 % иас хэтрэхгүй. Харин өвчний эмнэл зүйн шинж тэмдэг богино хугацаанд олон тооны малд илрэх үед вирусын хоруу чанар ихсэж өвчилсөн хонь, ямаа олноор хорогдохоос гадна 4–өөс доош сарын бойжилттой төлийн үхэл 100%-д хүрч болно. Гэхдээ нас гүйцсэн малын өвчлөл, үхэл, хорогдол өсвөр малынхаас харьцангуй бага байдаг аж.

dornod.net

Баянтүмэн сумын 3 дугаар багийн нутагт Малын цэцэг өвчин гарлаа.

magnai — Thu, 21 Jan 2016 12:09:49 +0800

Баянтүмэн сумын 3-р багийн нутаг Зоогийн говь гэдэг газар аймгийн төвөөс 80 км-т өвөлжиж буй малчин А.Пүрэвдоржийн суурьт 2016 оны 01 дугаар сарын 12-нд малын халдварт өвчний сэжигтэй тохиолдол байж болзошгүй дуудлагын дагуу сумын болон аймгийн Мал эмнэлэгийн эмч мэргэжилтэнүүд газар дээр нь очиж эмнэл зүйн үзлэг хийж ажилласан.

Үзлэгээр өвчний онош тодруулах шаардлагатай шинжилгээг хийж дээжийг Улсын мал эмнэлэг ариун цэврийн төв лабораторит хүргүүлэн 2016 оны 01 дүгээр сарын 14-ны өдөр шинжилгээний хариугаар хонины цэцэг өвчин болох нь тогтоогдсон байна.

Урьдчилан сэргийлэх арга хэмжээг авч хэрэгжүүлж сэжиг бүхий 82 толгой хонийг тусгаарлаж эрүүл өвчтэй нийт 850 толгой хонинд хонины цэцэг өвчний вакцинжуулаад байна.

Сумын Засаг даргын 2015 оны 01 сарын 15-ны А4 тоот захирамжаар хязгаарлалтын дэглэм тогтоож, улмаар сумын Засаг даргын 2015.01.18-ны А\ 05   тоот "Хорио цээрийн дэглэм тогтоох тухай” , 2015.01.18-ны А6   тоот "Хорио цээрийн хээрийн ариутгалын пост ажиллуулах тухай” захирамжуудыг тус тус гарган хэрэгжилтэнд хяналт тавин ажиллаж байна.

Дорнод аймгийн Онцгой байдлын газар
dornod.net

Баянтүмэн сум “Цас мөсний баяр”-т амжилттай оролцож тэргүүллээ.

magnai — Mon, 11 Jan 2016 15:56:09 +0800

Баянтүмэн сумын ИТХ, ЗДТГ нь 2015 оны 01 сарын 09-ны өдөр аймгийн Мэргэжлийн хяналтын газар болон Төрийн банкнаас зохион байгуулсан "Цас мөсний баяр”-т амжилттай оролцож тэргүүллээ.

http://bayantumen.dornod.khural.mn/n/t7ryn

Баянтүмэн сумын ЗДТГ-ын байр шатжээ

magnai — Wed, 25 Nov 2015 16:54:39 +0800

Уржигдар Баянтүмэн сумын ЗДТГ-ын барилгад гал гарчээ. Гал түймэр даваа гарагийн 11 цагийн үед гарсан бөгөөд тамгын газрын дээврийн хэсэг шатсан байна. Дуудлагын дагуу аймгийн төвөөс Гал унтраах, аврах 52 дүгээр ангийн 6 албан хаагч очиж бүрэн унтраажээ. Барилгын дээвэр шатсан ч сумын төрийн байгууллагуудын үйл ажиллагаа хэвийн явагдаж, тухайн өдөр сумын ИТХ-ын ээлжит 14-р хуралдаан болсон байна.

dornod.net

"Шилмэл мал - 2015" Улсын үзэсгэлэн худалдаанд Дорнод аймаг "Шилдэг оролцогч" аймгаар шалгарав.

magnai — Thu, 08 Oct 2015 10:23:57 +0800

Улаанбаатар хотноо жил бүр уламжлал болгон зохион байгуулагддаг "Шилмэл мал - 2015" Улсын үзэсгэлэн худалдаанд 8 сумын 400 гаруй мал амжилттай оролцож "Шилдэг оролцогч" аймгаар Дорнод аймаг шалгарч, Баянтүмэн сумын 4-р багийн малчин Ц.Чинзоригийн эм хонь 84 кг татаж дэд байр мөнгөн медалиар шагнууллаа. Уг үзэсгэлэн худалдаанд тус сумаас 10 малчин 200 гаруй малтай оролцож 10 гаруй сая төгрөгийн борлуулалт хийж амжилттай оролцсонд талархал илэрхийлж, ажлын амжилт, хамгийн сайн сайхан бүхнийг хүсэн ерөөе!

Баянтүмэн сумынхан шилдэг адуучнаа шалгаруулав

munkhbat — Mon, 17 Aug 2015 09:18:15 +0800

2014 оны Улсын аварга шалгаруулах "Адуучин” тэмцээний алт, мөнгөн медальт, 2015 оны Монгол Улсын болон Дорнод аймгийн аварга адуучин Э.Түвшиндондогийн нэрэмжит Баянтүмэн сумын аварга шалгаруулах "Адуучин” тэмцээнийг Баянтүмэн сумын 2-р багийн нутаг Хөөвөрийн булагт амжилттай зохион байгуулагдлаа. Уг тэмцээнд нийт 20 тамирчин оролцсоноос Тэргүүн байрын 2-р багийн адуучин Н.Хүрэлнохой, дэд байрыг 3-р багийн адуучин Д.Отгонтөгс, 3-р байрыг 3-р багийн адуучин М.Цэдэнсодном, 4-р байрыг 3-р багийн адуучин О.Жаргалсайхан, 5-р байрыг 2-р багийн адуучин И.Билгүүнтөгөлдөр нар шалгарлаа.

Дорнодын газрын тосонд Хонгконгийн компани шинээр нэмэгдэв

munkhbat — Mon, 25 May 2015 11:12:12 +0800

Газрын тосны хайгуулын "Хэрлэн-Тохой-28’ талбайг олон улсад нээлттэй сонгон шалгаруулалт зарлаж байсан цаг саяхан. Тэгвэл бүтээгдэхүүн хуваах гэрээ (БХГ) байгуулах сонгон шалгаруулалтад "Хонгконг Велпек Индастриал” компани шалгарчээ. Эх сурвалжийн мэдээллээр "Хэрлэн-Тохой-28” талбайд газрын тосны хайгуулын, ашиглалтын үйл ажиллагаа явуулах "Хонгконг Велпек Индастриал” ХХК нь 2011 оны тавдугаар сарын 21-ний өдөр гурван сая ам.долларын дүрмийн сантай байгуулагдсан аж. Хонгконгд бүртгэлтэй компани гэнэ. Уг компани уул уурхай, газрын тосны салбарт хөрөнгө оруулалт хийх, үйл ажиллагаа явуулах зорилготой аж. Тус компанийн хөрөнгө оруулагч "Анхуй Хуйшин”, "Сөожү Жинтиан” ХХК-иуд "Хонгконг Велпек Индастриал” ХХК-ийн хувьцааны 50 хувийг эзэмшдэг байна. 2014 оны долоодугаар сарын 1-ний өдөр батлагдсан Газрын тосны тухай хууль болон Засгийн газраас баталсан БХГ-ний загварт нийцүүлж газрын тосны хайгуулын "Хэрлэн-Тохой-ХХ-VIII” талбайд Засгийн газрын хэрэгжүүлэгч агентлаг Газрын тосны газар, "Хонгконг Велпек Индастриал” ХХК-ийн хооронд БХГ байгуулах эрхийг Монгол Улсын Засгийн газрын 2015 оны дөрөвдүгээр сарын 20-ны өдрийн 162 дугаар тогтоолоор олгожээ. Үүний дагуу энэхүү гэрээг байгуулсан байна.

Уг талбай нь хойгуураа БХГ-т Баянтүмэн-17 (Магнай Трейд), Хөх-Нуур-18 (Эн Пи Ай ), урдуураа Тосон-Уул-19 (ДАТАМО) талбайнуудтай хиллэдэг аж. "Хэрлэн-Тохой-28” талбай нь Дорнод аймгийн Булган, Баянтүмэн, Матад, Чойбалсан сум болон Сүхбаатар аймгийн Сүхбаатар сумын газар нутгийг хамарсан нийт 14.280.21 ам.метр талбайг эзэлдэг нутаг.

Сонирхуулахад, "Хонгконг Велпек Индастриал” ХХК нь "Хэрлэн-Тохой-28’ талбайд газрын тосны хайгуулын ажлыг Газрын тосны хуулийн дагуу найман жилийн хугацаанд явуулахаар болжээ. Хайгуулын хугацаанд гэрээт талбайд геологийн зураг зохиож, талбайн хэмжээнд хүндийн хүчний судалгааны хээрийн ажил, 500 тууш км хоёр хэмжээст, 1020 ам.метр талбайд гурван хэмжээст чичирхийллийн судалгаа хийж, хайгуул, үнэлгээ, ашиглалтын 31 цооног өрөмдохөор хайгуулын ажлын төлөвлөгөө боловсруулсан бөгөөд нийт 81.374.000 ам.долларын хөрөнгө оруулах ба байгаль орчныг хамгаалах, нөхөн сэргээх үйл ажиллагаанд 1.020.000 ам.долларыг зарцуулахаар төлөвлөжээ.

Ц.Отгонбаатар: Намайг хоёр улаан мориор минь нутгийнхан андахгүй

magnai — Wed, 08 Apr 2015 08:14:13 +0800

Дорнод аймгийн Баянтүмэн сумын хийморилог уяачдын нэг аймгийн Алдарт уяач Ц.Отгонбаатарын ярилцлагыг уншигч танаа хүргэе.

ЭНЭ ХАВРЫН АНХНЫ УРАЛДААН УДАХГҮЙ БОЛНО

magnai — Fri, 13 Mar 2015 12:44:08 +0800

Энэ сарын 15 нд Дорнод аймгийн Баянтүмэн суманд энэ хаврын анхны морин уралдаан болно

ЭНЭ ХАВРЫН АНХНЫ УРАЛДААН УДАХГҮЙ БОЛНО

munkhbat — Thu, 12 Mar 2015 11:44:42 +0800

Энэ сарын 15 нд Дорнод аймгийн Баянтүмэн суманд энэ хаврын анхны морин уралдаан болно. Монголын Морин спорт уяачдын холбооны 20, Дорнод аймгийн уяачдын холбооны 18 жилийн ойд зориулан уг уралдааныг зохион байгуулахаар болжээ. Тус аймгийн Морин спорт уяачдын холбоо нь орон нутагт хамгийн анхных нь юм. Жил бүр ойгоороо дээд гурван нас болох азарга, их нас, соёолон морьдын уралдааныг уламжлал болгон явуулдаг ч энэ жилийн хувьд урьдахиас онцлогтой болох талаар тус холбооны тэргүүлэгч С. Вандансүрэн ярив. Тухайлбал, морь болгоноос 20 мянган төгрөгийн хураамж авч, сугалаа явуулан 9 азтан тодруулах гэнэ. Шагналын бай ч өндөр дуулдана. Мөн 3 сая дахь иргэний үе чацуутан Дорнод аймгаас хоёр хүү төрснийг бэлгэшээн тэдэнд тусгайлан хүндэтгэл үзүүлэхээр болжээ.

Дорнод аймгийн Морин спорт уяачдын холбоо Монголд анх удаа уралдаанч хүүхдүүдэд зориулж Тайвань улсаас зориулалтын 120 малгай оруулж ирж, үнэгүй тарааж байсан гээд хүүхдүүдийн аюулгүй байдлыг хангах тал дээр аймгийн Хүүхэд хөгжил гэр бүлийн хэлтэстэй тун ойр ажилладаг.

Dnews.Mn

“Баянтүмэнгийн хурд 2014” наадам зохион байгуулагдлаа.

zulaa — Sat, 25 Oct 2014 16:31:37 +0800