Баяндун - www.Choibalsan.mn

Дорнод аймгийн Баяндун сумын ойролцоо хээрийн түймэр гарчээ

zulaa — Mon, 27 Feb 2023 13:03:02 +0800

Сумын төвөөс зүүн зүгт Лүнгийн рашаан гэх газарт хээрийн түймэр гарч, 86000 га газар шатжээ. Тухайн дуудлага мэдээлэл энэ сарын 25-ны өдөр

БАЯНДУН СУМ ТЭРГҮҮЛЛЭЭ.

tugsuu — Fri, 15 Jan 2021 10:12:52 +0800

Өнөөдрийн байдлаар ой, хээрийн түймрийн дуудлага бүртгэгдээгүй байна

khulan — Tue, 28 Jul 2020 10:31:42 +0800

Он гарсаар улсын хэмжээнд 07 дугаар сарын 28-ны өдрийн байдлаар Улаанбаатар хот, Архангай, Булган, Завхан, Дорнод, Сэлэнгэ, Сүхбаатар, Хэнтий, Хөвсгөл, Төв, Ховд, Баянхонгор, Өвөрхангай, Увс зэрэг 14 аймгийн 69 суманд нийт 119 удаагийн ой, хээрийн түймэр бүртгэгдсэн байна.

Дээрх түймэрт урьдчилсан байдлаар ойн 10158 /га/, хээрийн 215.715 /га/ нийт 225.874 /га/ талбай өртөж, 2 гэр, 4 айлын өвөлжөө, 1 автомашин шатаж нийт 1.6 тэр бум төгрөгийн хохирол учирчээ. Харин өнөөдөр буюу 07 дугаар сарын 28-ны өдрийн байдлаар ой, хээрийн түймэр бүртгэгдээгүй байна.

Аялал, амралт, зугаалыг улирал эхэлж, хөдөө орон нутгийг зорих иргэдийн хөдөлгөөн нэмэгдсэнтэй холбогдуулан ногоон бүсэд зорчихдоо автомашин техникийн бүрэн бүтэн байдалд хяналт тавих, ил задгай гал түлэхгүй байх, асаасан гал, түүдэг, тамхи, шүдэнзний галыг сайтар унтраах, гал асаагуурыг хээр, хөдөө ил задгай хаяхгүй байх, насанд хүрээгүй хүүхдийг ой, хээрт чүдэнз, асаагууртай явуулахгүй байж ой, хээрийн гал түймэр гарах эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Дорнодын Баян-дунгаас Арслан зааны соёо олджээ

zulaa — Wed, 08 Aug 2018 14:34:05 +0800

Дорнод аймгийн Баяндун сумын нутгаас арслан зааны соёо олдсон байна. Алтны уурхайгаас иргэн Б.Одбаяр олжээ.

Баяндун сумын Түргэн багийн нутаг Дөч голд хууль бусаар алт олборлож байгаа Буга Сага ХХК-ийн сүйтгэсэн газар

zulaa — Mon, 04 Jun 2018 07:00:12 +0800

Баяндун сумын Түргэн багийн нутаг Дөч голд хууль бусаар алт олборлож байгаа Буга Сага ХХК-ийн сүйтгэсэн газар

Баяндун сумын Хүүхдийн баяр"-ын нээлтийн үйл ажиллагаа Залуус талбайд боллоо

magnai — Fri, 01 Jun 2018 11:51:57 +0800

Олон улсын "Хүүхдийн эрхийг хамгаалах өдөр- Хүүхдийн баяр"-ын нээлтийн үйл ажиллагаа Залуус талбайд боллоо. Нээлтийн үйл ажиллагаа Ерөнхий боловсролын сургууль болон Цэцэрлэгийн хүүхэд багачуудын баярын жагсаалаар

эхлэв.

Сумын Хүүхдийн элч, иргэдийн Төлөөлөгчдийн Хурлын дарга Б.Баатарцогт, сумын Хүүхдийн зөвлөлийн дарга бөгөөд Засаг дарга Х.Хүрэлчулуун, Ерөнхий боловсролын сургуулийн захирал Ш.Батжав нар баярын мэндчилгээ дэвшүүллээ.

Хуран цугларсан хүндэт эцэг эхчүүддээ зориулан Ерөнхий боловсролын сургуулийн сурагчид, Цэцэрлэгийн бяцхан үрс бэлтгэсэн урлагийн номероо толилуулж бэлэг барьсан юм.

Мөн "Кangaroo" олон улсын математикийн тэмцээнд амжилт үзүүлсэн сурагчдын шагналыг гардуулав.

Баяндун сум шороон нохой жилийн босгон дээр гал тахиа жилийн аваргуудаа тодрууллаа

magnai — Wed, 14 Feb 2018 09:21:25 +0800

Аймгийн Засаг даргын зөвлөлийн 2018 оны 02 дугаар сарын 07-ны өдрийн 04 дүгээр хуралдаанаар "АЙМГИЙН АВАРГА МАЛЧИД”-ыг шалгарууллаа.

"АЙМГИЙН АВАРГА МАЛЧИН”-аар Түргэн багийн малчин Шаравын Сэргээжав, Хайрхан багийн малчин Ишийн Батсайхан, Яргай багийн малчин Лэгжиймийн Загдсүрэн нар шалгарсан байна.

Сумын Засаг даргын зөвлөлийн 2018 оны 02 дугаар сарын 07-ны өдрийн 01 дүгээр хуралдаанаар "СУМЫН САЙН МАЛЧИН”, "МЯНГАТ МАЛЧИН”, "ТЭРГҮҮНИЙ ТАРИАЛАНЧ”, "ШИЛДЭГ АЖ АХУЙН НЭГЖ”, "ТЭРГҮҮНИЙ АЖИЛТАН” зэргийг шалгарууллаа.

Сумын "Арван мянгат малчин”-аар Б.Батмөнх, "Мянгат малчин”-аар Түргэн багийн малчин Ж.Болдбаатар, Н.Энхтүвшин, Хайрхан багийн малчин И.Батсайхан, Т.Бямба, Г.Төмөр-Очир, Яргай багийн малчин Р.Баяр, Д.Билэгсайхан, Б.Энхтүвшин, сумын "Аварга малчин”-аар Түргэн багийн малчин П.Болдган, М.Баярсайхан, Хайрхан багийн малчин Л.Жамбалсүрэн, Б.Батхүрэл, Яргай багийн малчин Д.Билэгсайхан, С.Ганбат, Наран багийн малчин Д.Баатарцогт, Л.Цамбасүрэн, Сумын "Шилдэг аж ахуйн нэгж”-ээр А.Бүрэнтогтох захиралтай "Улз гол” ХХК, "Тэргүүний ажилтан”-аар Ерөнхий боловсролын сургуулийн математикийн багш Ц.Батболд, "Тэргүүний тариаланч”-аар Наран багийн иргэн Т.Амгалан, Хүнс хөдөө аж ахуйн "Тэргүүний ажилтан”-аар Г.Хандам, Монголын үйлдвэрчний эвлэлийн холбооны "Хүндэт тэмдэг”-ээр Л.Нагмид, Монголын залуучуудын холбооны "ТЭРГҮҮНИЙ ЗАЛУУ ЭМЧ” цол тэмдгээр бага эмч Хүрэлганы Ганцэцэг, "ТЭРГҮҮНИЙ МАЛЧИН ЗАЛУУ” цол тэмдгээр Энхтүвшингийн Энхжаргал, Басгаадайн Баярцогт нарыг шагнав.

Мөн Хөдөлмөрийн баатар Ц.Цэрэндоржийн нэрэмжит "Шилдэг залуу малчин” шагналыг Наран багийн иргэн Б.Батзоригт хөдөлмөрийн баатрын үр хүүхдүүдээс гардуулав.

Шилдэг хэсгийн төлөөлөгчийг хүлээн авч уулзлаа

tonshuul — Thu, 21 Dec 2017 01:54:45 +0800

Хууль зүй, дотоод хэргийн сайдын нэрэмжит, цагдаагийн байгууллагын шилдэг хэсгийн төлөөлөгч шалгаруулах "Шилдэг хэсгийн төлөөлөгч” Улсын анхдугаар уралдаанд Дорнод аймаг дахь Цагдаагийн газрын Баяндун сум дахь хэсгийн төлөөлөгч, цагдаагийн дэслэгч Б.Бат-Отгон тэргүүн байр эзэлж, "УАЗ-469” маркийн автомашинаар шагнуулсан билээ.

Өнөөдөр түүнийг аймгийн Засаг дарга М.Бадамсүрэн хүлээн авч уулзаж баяр хүргэн, ажлын амжилт хүсэн ерөөлөө.

"Шилдэг хэсгийн төлөөлөгч” Улсын анхдугаар уралдаанд нутаг дэвсгэр хариуцсан цагдаагийн газар, хэлтсээс нэг, хоёрдугаар шатны шалгуурыг амжилттай давж шалгарсан 14 аймгийн 14 хэсгийн төлөөлөгч оролцож, эссэ бичих, гадаад хэл, хууль, эрх зүйн мэдлэг, цагдаагийн байгууллагын мэдээллийн цахим сан болон компьютерийн хэрэглээний програм хангамж ашиглах чадвар, логик сэтгэлээ IQ чадвараараа өрсөлдсөн байна.

Энэхүү уралдаанд мөн бие бялдрын бэлтгэлжилт болон тээврийн хэрэгсэл жолоодох, мал зүслэх, шүдлэх, им тамга нэрлэх зэрэг хэсгийн төлөөлөгчийн мэдлэг, ур чадвар, авхаалж самбаа, тэсвэр хатуужил шалгасан төрлүүдээр өрсөлдүүлэн шилдэг хэсгийн төлөөлөгчийг тодруулсан байна.

2016 онд аймгийн Засаг даргын баталсан удирдамжийн дагуу Дорнод аймагт "Шилдэг хэсгийн төлөөлөгч” шалгаруулах болзолт уралдааныг 2016 оны 1 дүгээр сард зарласан бөгөөд Гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд идэвх зүтгэл гарган ажилласан албан хаагчдыг шалгаруулан дүгнэхэд хэсгийн төлөөлөгч, цагдаагийн дэслэгч Б.Бат-Отгон мөн нэгдүгээр байранд шалгарч иж бүрэн компьютер, мөнгөн шагналаар шагнуулж байсан ю

м.

Гавьяат эдийн засагч Д.Балдорж “Номтой нөхөрлөе” аяны хүрээнд сурагчидтай уулзалт хийв

magnai — Fri, 01 Dec 2017 11:27:17 +0800

Монгол улсын гавьяат эдийн засагч Д.Балдорж, Соёлын төвтэй хамтран "Номтой нөхөрлөе” аяны хүрээнд Ерөнхий боловсролын сургуулийн 7-8 дугаар ангийн сурагчидтай уулзалт зохион байгуулав.

Уулзалтын үеэр орон нутаг судлах музейн эрхлэгч Н.Болд-Эрдэнэ "Угийн бичиг хөтлөхийн ач холбогдол” сэдвээр сургалт зохион байгуулж, Ж.Лодойн зохиол "Хурим” жүжгийг үзүүлэв.

Мөн сурагчдын дунд Буриад хэлээ хэн сайн мэдэх бэ? тэмцээнийг зохион явууллаа.

Нэгдүгээр байранд: 7 а ангийн сурагч Д. Ариун-Эрдэнэ

Хоёрдугаар байранд: 7 а ангийн сурагч М.Хулан

Гуравдугаар байранд: 7 а ангийн сурагч Б.Сувд-Эрдэнэ нар тус тус эзлэв.

Монгол улсын гавьяат эдийн засагч Д.Балдорж энэхүү арга хэмжээнд оролцсон бүх сурагчдад гарын бэлэг гардуулав

Баяндун суманд “ БҮТЭЭЛЧ УНШЛАГА-БҮХНИЙ ЭХЛЭЛ” тэтгэлэгт төслийг хэрэгжүүлж байна

magnai — Tue, 28 Nov 2017 14:05:47 +0800

2017-2018 оны хичээлийн жилд сурагчдын уншлагын хурдыг ахиулан, ухаарч ойлгох чадварыг бүтээлч үйл ажиллагаагаар дэмжих зорилготой " БҮТЭЭЛЧ УНШЛАГА-БҮХНИЙ ЭХЛЭЛ” тэтгэлэгт төслийг хэрэгжүүлж байна.

2017 оны 09 сард төслийн санхүүжилт дансанд шилжсэнээр эхний худалдан авалтыг хийж төслийн үйл ажиллагааг эхлүүлсэн. Төслийн нээлтийг 10 сарын 25-нд хийхээр төлөвлөсөн боловч гоц халдварт малын шүлхий өвчинтэй холбогдуулан зохион байгуулаагүй болно.

2017 . 11. 22-ны өдөр эцэг эхчүүдэд төслийн хүрээнд зохион явагдах ажлууд болон худалдан авалтын тайланг танилцууллаа. Сурагчдын уншлагын хурд болон уншсанаа ойлгох чадварыг нэмэгдүүлэх үүднээс сурах бичгээс гадна олон төрлийн уран зохиолын номыг уншуулах, эцэг эхчүүдийн хүүхэдтэйгээ хамтарч ном унших байдлыг дэмжих зорилгоор 135 нэр төрлийн номыг худалдан авч сурагчдыг сурах бичгээс гадна чадваржуулахад ашиглаж байна. Мөн төслийн хүрээнд хийгдэж буй сурагчдыг хөгжүүлэх үйл ажиллагааг үзүүлэв. Үүнд:

Б.Оюунханд багштай 1а ангийн сурагчид эцэг эхчүүдийн бүтээж өгсөн хуруун хүүхэлдэйгээрээ "Өнхрүүш” үлгэрийг тоглон сургуульд ороод сурсан, мэдсэнээ эцэг эхчүүдэд толилуулав.

"Уран илтгэгч сурагч” шалгаруулах уралдааныг үе шаттайгаар 3-5-р ангийн сурагчдын дунд зохион байгуулж байна. Үүний хүрээнд Х.Гандолгор багштай 5а ангийн сурагч Х.Цэрэнжаргал” Барби хүүхэлдэйн үүсэл хөгжил”, Б.Мөнх-Итгэл " Нисдэг машины тухай”, М.Энхсувд "Усны гачаал”, Ц.Мөнгөнцэцэг” Монгол дээл” зэрэг өөрийн бэлтгэсэн илтгэлээ сонирхуулав.

Мөн эцэг эхчүүдэд зориулсан дараах сургалт, зөвлөгөөг багш Д.Цэндэм” Уншиж сургах үе шатууд”, багш Б.Мөнгөн "Ухамсартай уншлагад сургахад эцэг эхчүүдийн дэмжлэг”, сургалтын менежер Д.Оюун " Унших чадварын ялгаанаас сурах чадварын ялгаа” зэрэг сэдвээр зохион байгуулав.

Эцэг эхчүүдээс сэтгэл ханамжийн судалгааг авч тэдний санал, бодлыг сонслоо. Үүнд:

Сургууль нь ”Хүүхдийг сургах, хөгжүүлэх, төлөвшүүлэх” зорилгоо хэрхэн биелүүлж байна гэж та үзэж байна вэ?

А. Маш сайн -24 Б. Хангалттай -16 В. Дунд зэрэг -2 Г. хангалтгүй -0

2. Хүүхдийнхээ сургалтын чанар, мэдлэг эзэмшилтийн түвшинг хэрхэн үнэлж байна вэ?

А. Маш сайн -12 Б. Хангалттай -25 В. Дунд зэрэг -5 Г. хангалтгүй -0

Эцэг эхчүүд бидний хүүхдийн хөгжил, төлөвшилд үзүүлэх дэмжлэг

А. Маш сайн –3 Б. Хангалттай -26 В. Дунд зэрэг-13 Г. хангалтгүй -0

4.Эцэг эхийн хүүхдийн хөгжил, төлөвшилд үзүүлэх дэмжлэгийг багш, сургуулийн зүгээс мэргэжлийн аргазүйгээр хангаж буй байдал

А. Маш сайн-10 Б. Хангалттай -21 В. Дунд зэрэг -11 Г. хангалтгүй -0

Цаашид юун дээр анхаарч ажиллах шаардлагатай гэж үзэж байна?

А. Сургалтын амжилт, чанар -13 Б. Багш сурагчдын харилцаа -11 Г. Багш нарын заах аргазүй – 8 Е. Багш эцэг эхийн хамтын ажиллагаа 21

6. Таны оруулах санал

Сонгон дугуйлангийн үйл ажиллагааг чанаржуулах

Сургалтын чанарт анхаарах

Самбо, жудо бөхийн дугуйлан хичээллүүлэх

Харилцааны хичээл, сургалт зохион байгуулах

Ангийн эцэг эхийн хурлыг сар бүр тогтмол хийлгэх

Дугуйлангийн тайланг чанартай зохион байгуулах

Багш эцэг эхтэй хамтран ажиллах, харилцаа холбоог улам сайжруулах

Баяндун сумаас мэдээлж байна

magnai — Wed, 17 May 2017 15:18:11 +0800

Усны төлбөр ноогдуулах үндэслэлийг тодорхойлжээ

Байгалийн нөөц ашигласны төлбөрийн тухай хуулийн 23 дугаар зүйлийн 23.1 дэх заалтын дагуу сумын Засаг даргаас усын төлбөр хураамж хариуцсан эрх бүхий албан тушаалтнаар томилогдсон Түргэн багийн байгаль хамгаалагч Т.Ганбаатар, ОУГСГЗ-ны дарга Б.Баяртогтох, мэргэжилтэн Б.Баяржаргал, багийн Засаг дарга Ж.Цэвэгжав нарын бүрэлдэхүүнтэй баг уул уурхайн аж ахуйн нэгжүүдийн усны тоолуурын заалтын бичилтийг хийж, Усны тухай хуулийн 17 дугаар зүйлийн 17.1.7-д заагдсан бүрэн эрхийнхээ хүрээнд усны төлбөр ноогдуулах үндэслэлийг тодорхойлж сумын Засаг дарга, татварын албанд хүргүүлжээ.

Гэр бүлийн өдөрлөгийг зохион байгуулав

ЕБСургуулийн Бага ангийн заах аргын нэгдлээс "Гэр бүлийн” өдөрт зориулан "ААВ ЭЭЖ БИ” өдөрлөгийг I-V дугаар ангийн сурагчдын эцэг эхчүүдийн дунд "Миний аав хамгийн авьяаслаг” урлагийн үзүүлбэр, "Хүүхдүүдийн төлөвшилд аавуудын оролцоо” жүжигчилсэн тоглолтыг амжилттай зохион байгууллаа.

"Гэр бүлийн үнэ цэнэ” чуулган 3 дахь жилдээ зохион байгуулагдлаа

Орон нутгийн гэр бүлийн амьдралын чанарт бүх нийтийн анхаарлыг хандуулах, эцэг эхийн үүрэг хариуцлагыг нэмэгдүүлэх, үнэт зүйлс, үнэ цэнийн талаарх ухамсар, хандлагыг төлөвшүүлэх замаар хүүхдэд ээлтэй гэр бүлийн орчныг бүрдүүлэхэд нөлөөлөх зорилготой "ГЭР БҮЛИЙН ҮНЭ ЦЭНЭ” чуулган 3 дахь жилдээ Дорнод аймагт зохион байгуулагдлаа. Тус чуулганд Засаг даргын орлогч, хэсгийн төлөөлөгч, эрүүл мэндийн төвийн эмч, сум, сургуулийн нийгмийн ажилтан, Түргэн багийн иргэн Н.Тэмүүжин, Яргай багийн иргэн Б.Батзаяа нар гэр бүлийн хамт оролцлоо.

Онон-Улз голын сав газрын сумдын аварга шалгаруулах гар

бөмбөгийн тэмцээн Дашбалбар суманд зохион байгуулагдлаа

БОАЖЯ-ны 30 жилийн ой, Байгаль хамгаалах Хаврын аяны нээлтийн хүрээнд зохион байгуулагдсан Онон-Улз голын сав газрын сумдын аварга шалгаруулах гар бөмбөгийн тэмцээн 2017 оны 05 дугаар сарын 6,7-ны өдрүүдэд Дашбалбар суманд зохион байгуулагдлаа. Тэмцээнийг Дорнод аймгийн Шидэт бөмбөг ТББ-ын шүүгч Ариунбат, Есөнтөмөр нар шүүн явуулж, Хэнтий аймгийн Дадал сумын баг, Дадал сумын ХЦ-ийн 0287-р ангийн баг, Баяндун, Баян-Уул, Дашбалбар, Цагаан-Овоо, Чойбалсан, Чулуунхороот сумд, Шинь шинь ХХК-ийн зэрэг 18 баг тамирчид хурд хүч, авхаалж самбаагаа сорин өрсөлдөв.

№	Эрэгтэй	Байр	Шагнал	Нийт дүн
1	Дашбалбар сум	Тэргүүн байр	Алтан медаль, өргөмжлөл, 250 мянган төгрөг	Хэнтий аймгийн Дадал сумын баг тамирчид шалгарч "Шилжин явах цом, өргөмжлөл 300 мянган төгрөгийн эзэн боллоо
2	Баян-Уул сум	Дэд байр	Мөнгөн медаль, өргөмжлөл, 200 мянган төгрөг
3	Дадал сумын ХЦ-ийн 0287-р анги	Гутгаар байр	Хүрэл медаль, өргөмжлөл, 150 мянган төгрөг
4	Шинь шинь ХХК	Тусгай байр	Өргөмжлөл, 100 мянган төгрөг
Эмэгтэй
1	Дадал сум	Тэргүүн байр	Алтан медаль, өргөмжлөл, 250 мянган төгрөг
2	Чойбалсан сум	Дэд байр	Мөнгөн медаль, өргөмжлөл, 200 мянган төгрөг
3	Цагаан-Овоо сум	Гутгаар байр	Хүрэл медаль, өргөмжлөл, 150 мянган төгрөг
4	Баяндун сум	Тусгай байр	Өргөмжлөл, 100 мянган төгрөг

№	Сум	Тамирчин	Хүйс	Шилдгүүд	Шагнал
1	Дашбалбар сум	Т.Билэгт	Эр	Шилдэг довтлогч	Цом, өргөмжлөл, мөнгөн шагнал
2	Дадал сум	Болормаа	Эм
3	Дашбалбар сум	Г.Ган-Од	Эр
4	Цагаан-Овоо сум	Гантуяа	эм	Тэгш тоглогч
5	Баян-Уул сум	Алтанбагана	Эр
6	Чойбалсан сум	Одончимэг	Эм

Цэрэгжилт, спортын "Дөл” тоглолтонд ЕБСургуулийн

"Улз” баг тусгай байрыг эзэллээ

Ерөнхий боловсролын сургуулийн сурагчдад Монгол Улсынхаа тусгаар тогтнол, эх орноороо бахархах үзлийг төлөвшүүлэх, цэрэг эх оронч хүмүүжил олгох, бие бялдар сэтгэл зүйн бэлтгэлжилтийг дээшлүүлэх, батлан хамгаалах хууль тогтоомж, зэвсэгт хүчний үйл ажиллагааг сурталчлах, таниулах зорилготой ЦЭРЭГЖИЛТ СПОРТЫН "ДӨЛ” тоглолт 2017 оны 05 дугаар сарын 09-ны өдөр Дорнод аймагт зохион байгуулагдлаа. Энэ жилээс эхлэн "Дөл” тоглолтыг анхны улсын аварга шалгаруулах "Шонхор” тэмцээний аварга багийн дасгалжуулагч багш Б.Баярсайхан агсны нэрэмжит болгон зохион явуулав.

Тэмцээнд аймгийн төвийн ЕБСургуулийн зургаан сургууль, Баяндун сумын ЕБС-ийн сурагчид нийт 7 баг оролцлоо.Оролцож буй тамирчид Батлан хамгаалах хууль тогтоомжоор хууль эрх зүйн сорилын шалгалт өгөх, жагсаалч тасаг шалгаруулах, цэргийн 16 тоот дасгал, Эмнэлэгийн анхны тусламжийн норматив, Тасгийн захирагч нарын дунд тэмцээн, Буухиа тэмцээн, Цогцолбор дасгал, урлагийн номер, ханын сонин гэсэн төрлүүдээр өрсөлдөж, I дүгээр байрыг 11-р сургуулийн "Элит-11” баг, II дугаар байрыг Улсын тэргүүний 1 дүгээр сургуулийн "Соёмбо” баг, III дугаар байрыг Хан-Уул цогцолбор сургуулийн "Хилчин” баг, Тусгай байрыг Баяндун сумын ЕБСургуулийн "Улз” баг тус тус эзэллээ.

Энэ удаагийн тэмцээнд оролцоход ЗДТГазраас 500.000 мянган төгрөгний дэмжлэг үзүүлсэн. Баг тамирчдаа бэлтгэн оролцуулсан багш нар болон тэднийг дэмжин ажилласан сумынхаа удирдлагуудад талархал илэрхийлье.

dornod.net

Баяндун суманд " Спирт үү, Спорт уу " сэдэвт волейболын тэмцээн болжээ

magnai — Wed, 03 May 2017 12:07:37 +0800

Архигүй амьдрал аяны хүрээнд зохион байгуулсан " Спирт үү, Спорт уу " сэдэвт волейболын тэмцээнд 4 дүгээр сарын 29-ны өдөр албан байгууллага, аж ахуй нэгж, багуудын дунд амжилттай зохион байгуулав.

Тус тэмцээнд эрэгтэй 6, эмэгтэй 8 нийт 14 баг тамирчид оролцлоо.

Эрэгтэй:

1-р байр ЗДТГ

2-р байр ЕБС

3-р байр Соёлын төв

Эмэгтэй:

1-р байр ЭМТөв

2-р байр Цэцэрлэг

3-р байр ЕБСургуулийн баг тус тус шалгарлаа.

БАЯНДУН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ 3 ДУГААР ХУРАЛДААН ИРГЭНИЙ ТАНХИМД БОЛЖ БАЙНА

marsbold — Mon, 03 Apr 2017 17:00:12 +0800

Сумын иргэдийн Төлөөлөгчдийн ээлжит хуралдаан Иргэний танхимд хуралдаж байна. Хуралдаанаар:
1. Илтгэгч: Х.Хүрэлчулуун / Засаг дарга/, Ч.Баттэмүүжин / Газрын даамал/
Сумын 2017 оны Газар зохион байгуулалтын төлөвлөгөөнд нэмэлт өөрчлөлт оруулах тухай
2. Илтгэгч: Х.Хүрэлчулуун / Засаг дарга/, П.Энхчимэг / Санхүү албаны дарга/ Сумын 2017 оны төсвийн тодотгол
3. Илтгэгч: Ц.Хуягбат / ХБХДТ-ХХК захирал/ Сумын хөгжлийн ерөнхий төлөвлөгөө
4. Илтгэгч: Б.Баатарцогт / ИТХурлын дарга/ Бодлогын хороо, хороодын ажиллах чиглэл батлах тухай гэсэн асуудлуудыг хэлэлцэж байна. Хуралдаан дууссаны дараа хэлэлцсэн асуудлуудын шийдвэрийг та бүхэндээ хүргэх болно.

Баяндун сумын Олон Улсын эмэгтэйчүүдийн эрхийг хамгаалах өдрийн баярын хурал

marsbold — Thu, 09 Mar 2017 10:09:42 +0800

Олон Улсын эмэгтэйчүүдийн эрхийг хамгаалах өдрийн баярын хуралд сум, багийн удирдлагууд, сумын Эмэгтэйчүүдийн зөвлөлийн дарга оролцож аймгийн Засаг даргын "ЖУУХ БИЧИГ"-ээр Амарын Хандам, Банзрагчийн Гүнжидмаа, Балжиннямын Даваасүрэн, МУЗН-ийн "Энэрэл" алтан медалиар Дашцэрэнгийн Пагма, үр хүүхдүүддээ үлгэр дууриал үзүүлэн хөдөлмөрлөж, эх орондоо тустай, зөв хүн болгон хүмүүжүүлж өсгөснийг нь үнэлж "ТӨГӨЛДӨР ЭЭЖ" өргөмжлөлөөр Түргэн багийн иргэн Ю.Байгалмаа, Хайрхан багийн иргэн Б.Дуламсүрэн, Яргай багийн иргэн Ш.Цэнгэлмаа, Наран багийн иргэн Ц.Мөнхцэцэг нарын шагналыг гардуулав. Мөн багийн эмэгтэйчүүдийн зөвлөлөөс зохион байгуулсан "САЙН ҮЙЛСИЙН АЯН"-ны хүрээнд хийгдсэн ажлуудыг иргэдэд танилцууллаа

Баяндун сумын спортлог эмэгтэйчүүд

marsbold — Tue, 07 Mar 2017 09:44:57 +0800

Олон улсын эмэгтэйчүүдийн эрхийг хамгаалах өдрийг угтан зохион байгуулж буй "Спортлог эмэгтэйчүүд" гар бөмбөгийн тэмцээнд 10 баг оролцож I байранд Эрүүл мэндийн төвийн баг, II байранд Онон-Улз голын сав газрын захиргаа, Соёлын төв, Төрийн банкны хамтарсан баг, III байранд Засаг даргын Тамгын газрын баг хамт олон шалгарчээ.

Баяндун сумын манлайлан шалгарсан хүмүүст шагналыг гардуулан өглөө

marsbold — Fri, 24 Feb 2017 16:47:45 +0800

XVII жарны "АЛТАН УНЖЛАГАТ" хэмээх гал тахиа жилийн сар шинийн баярын хурлыг нээж аймгийн ИТХ-ын төлөөлөгч Н.Хүрэлбаатар, ИТХ-ын дарга Б.Баатарцогт, сумын Засаг дарга Х.Хүрэлчулуун, Засаг даргын орлогч Б.Бат-Эрдэнэ, Ахмадын хорооны дарга А.Баярцогт үг хэлж ажил үйлсээрээ бусдыгаа манлайлан шалгарсан хүмүүст шагналыг гардуулан өглөө.
Үүнд: Хөдөө, аж ахуйн хүнсний үйлдвэрийн "ТЭРГҮҮНИЙ АЖИЛТАН" цол, тэмдгээр Жамсрангийн Цэндэм, "АЙМГИЙН ТЭРГҮҮНИЙ АЖИЛТАН" цол, тэмдгээр Ерөнхий боловсролын сургуулийн багш Цэрэндоржийн Батболд, буриад сурын улсын хошой мэргэн харваач Ойдовын Сүхбаатар, Хайрхан багийн малчин Ваанжилын Нямравдан, Дарьжавын Түмэнжаргал, "ЖУУХ БИЧИГ"-ээр Засаг даргын Тамгын газрын Байгаль хамгаалагч Төмөрийн Ганбаатар, Ерөнхий боловсролын сургуулийн тогооч Цэндсүрэнгийн Оюунцэцэг, ЕБС-ийн үйлчлэгч Цэдэвийн Ганчимэг, дотуурын байрны үйлчлэгч Лувсангүрийн Балжинням, ЕБС-ийн галч Гүнжидмаагийн Батхуяг, Яргай багийн малчин Төмөрийн Төмөрбат, Хайрхан багийн малчин Эрдэнийн Балжинням, сумын "ТЭРГҮҮНИЙ АЖИЛТАН” цол, тэмдгээр Ерөнхий боловсролын сургуулийн багш Сүхбаатарын Төрбат, Засаг даргын Тамгын газрын жолооч Цэдэн-Ишийн Доржсүрэн, "Наран Ургах” ХЗХоршооны нягтлан бодогч Пүрэвжавын Ганчимэгмаа, "ШИЛДЭГ АЖ АХУЙ НЭГЖ”-ээр Э.Эрдэнэбаяр захиралтай "Аш-Авгад” ХХК, "АВАРГА МАЛЧИН” цол, тэмдгээр Түргэн багийн иргэн Балжины Баттогтох, Шаравын Сэргээжав, Хайрхан багийн иргэн Дашнямын Цэдэндамба, Цэдэн-Ишийн Цэрэндаш, Яргай багийн иргэн Цэдэвийн Батболд, Сугарын Базарсад, Наран багийн иргэн Базарсадын Ишдорж, Базарсадын Дугардорж, "ТЭРГҮҮНИЙ ТАРИАЛАНЧ” цол, тэмдгээр Жамтарын Энхцэцэг, "МЯНГАТ МАЛЧИН” цол, тэмдгээр Норовнямын Ганзориг, Лхүндэвийн Батнасан, Хөдөлмөрийн баатар Ц.Цэрэндоржийн нэрэмжит шагналаар Яргай багийн иргэн Борхүүгийн Батцэрэн, "ТЭРГҮҮНИЙ НОМЫН САНЧ"-аар Ерөнхий боловсролын сургуулийн номын санч Бат-Очирын Оюунгэрэл, "ШИЛДЭГ ЗАЛУУ МАЛЧИН”-аар Түргэн багийн иргэн Болдганын Батцэрэн, Хайрхан багийн иргэн Бибишийн Баатарчулуун, Яргай багийн иргэн Даваагийн Билэгсайхан, Наран багийн иргэн Бямбадоржийн Баярхүү, Улаан загалмайн нийгэмлэгийн "ЭНЭРЭЛ" алтан медалиар Дашцэрэнгийн Пагма, "ХҮМҮҮНЛЭГИЙН АЛТАН ОД" одонгоор Янжимын Мөнхзул, Монголын худалдаа, эд эрхлэгчдийн хоршооллын төв холбооны "ХУДАЛДАА, ХОРШООЛЛЫН ШИЛДЭГ ЗҮТГЭЛТЭН" цол, тэмдгээр Балжины Нарантуяа, "ХУДАЛДАА ХОРШООЛЛЫН АЛДАР" цол, тэмдгээр Авирмэдийн Долсогмаа, Сүзэгийн Цэрэннадмид нар шагнагдлаа.

Баяндун сумын онцгой комисс хуралдав

magnai — Thu, 09 Feb 2017 10:47:52 +0800

Сумын Онцгой комиссын 2017 оны 02 дугаар сарын 07-ны өдрийн хуралдаанаар дараах асуудлуудыг хэлэлцлээ. Үүнд:
1. Аймгийн нөөцөөс бүрдүүлсэн 2000 боодол өвсний үнэ ханшийг тогтоон иргэдэд ямар журмаар олгох талаар
2. Шадар сайдын өгсөн үүрэг даалгавартай холбоотой мэдээллүүдийг сонсох
3. Аймгийн Засаг даргын 2017 оны А/58 тоот захирамжаар сумын иргэд, малчдад эрүүл мэнд, хөдөлмөр халамж, нийгмийн даатгалын үйлчилгээ үзүүлэх ажлын хэсгийн зохион байгуулалт, отроор явж байгаа өрхөд эрүүл мэндийн үйлчилгээг үзүүлэх хуваарь гаргах, суманд хийгдэж байгаа үйл ажиллагааны мэдээлэл сонсох асуудлуудыг хэлэлцэж
ШИЙДВЭРЛЭСЭН НЬ:
Сумын Онцгой комиссын шийдвэрээр нэг боодол өвсийг 2500 төгрөгөөр худалдан борлуулж, 1 айлд 50 боодлоос илүүгүй, өргөдөл өгсөн айлуудад олгохоор тогтжээ.

Баяндун сумын онцгой комисс хуралдаж байна

magnai — Tue, 07 Feb 2017 15:44:00 +0800

Хуралд Засаг дарга Х.Хүрэлчулуун, Засаг даргын орлогч Б.Бат-Эрдэнэ, ЗДТГазрын дарга Д.Хишигт, МЭҮТасгийн дарга Б.Батдулам, Түргэн багийн Засаг дарга Ж.Цэвэгжав, Хайрхан багийн Засаг дарга Б.Долгорсүрэн, Яргай багийн Засаг дарга Б.Жадамба, Ерөнхий боловсролын сургуулийн захирал Ш.Батжав, Цэцэрлэгийн эрхлэгч Ц.Мягмарсүрэн, Эрүүл мэндийн төвийн их эмч н.Биндэръяа, Соёлын төвийн эрхлэгч Т.Түмэнцэцэг, Хэсгийн төлөөлөгч Х.Мөнхнасан, МЭҮТ-ийн мэргэжилтэн Б.Бат-Эрдэнэ, Татварын байцаагч Р.Сүрэнжав, Цаг уурын техникч А.Отгонжаргал нар оролцож байна.

Баяндун суманд нийтийн субботник хийгдэнэ

magnai — Tue, 07 Feb 2017 13:05:48 +0800

Зүүн нарангийн нэгдсэн хогийн цэгийг түрж, цэвэрлэх ажил 2017.02.06-08 өдрүүдэд хийгдэнэ. Мөн хогны машин өнөөдрөөс эхлэн айл өрх, албан байгууллага, ААНэгжийн хогийг тээвэрлэнэ. Иргэд хөдөлмөрчид та бүхэн 99583054, 89851193 дугаарын утсанд хандан үйлчлүүлнэ үү.
Хогийг түрж цэвэрлэхэд техник хэрэгслээр дэмжлэг үзүүлж буй сумын иргэдийн Төлөөлөгчдийн хурлын төлөөлөгч Б.Дугарсүрэнд гүн талархал илэрхийлье.
Эрүүл, аюулгүй, цэвэр цэмцгэр БАЯНДУН сумынхаа төлөө хог хаягдалаа ил задгай хаяж, байгаль орчноо бохирдуулахгүй байхыг УРИАЛЖ байна.

Баяндун сумын ард иргэд, албан байгууллагууд Цас мөсний баяраа хийв

marsbold — Mon, 06 Feb 2017 12:53:10 +0800

2017 оны 02 дугаар сарын 04-ны өдөр Цас мөсний баярыг сумын Соёлын төв, Онон-Улз голын сав газрын захиргаа хамтран Түргэн багийн "Цагаан нуур" дээр зохион байгууллаа. Үүнд төсөвт албан байгууллага, ААН, Ахмадын баг, 1,3,4 баг нийлсэн 11 багийн 110 тамирчин буухиа, олс таталт, шуудайтай гүйлт, сумо, тэшүүр гэсэн 5-н төрлөөр өрсөлдөж I байранд ААНэгж байгууллага, II байранд Наран баг, III байранд ЗДТГазрын баг тус тус шалгарлаа.