Хүний эрхийн үндэсний комиссын ажлын хэсэг Дорнод аймгийн Дашбалбар сумын Ерөнхий боловсролын сургуулийн багш ажилтнуудын хөдөлмөрлөх

Дорнод аймгийн Дашбалбар сумын Номинт багийн Харганат гэдэг газар хээрийн түймэр гарчээ. Тодруулбал, аймгийн төвөөс хойд зүгт 280 км-т, сумын төвөөс зүүн хойд зүгт 90 км-т хээрийн гал түймэр гарсан тухай дуудлагыг онцгой байдлын газар өчигдөр /2023.05.21/ 18:30 цагт хүлээн авсан байна. Дуудлагын дагуу тус аймгийн Онцгой байдлын газрын Баян-Уул сум дахь Гал түймэр унтраах, аврах 53 дугаар ангийн алба хаагчид, Дашбалбар, Чулуунхороот сумын мэргэжлийн ангийнхан хээрийн гал түймрийг унтраахаар ажиллаж байна.

УИХ–ын гишүүн асан, Ардчилсан намын тодотголтой Р.Бадамдамдин эрх мэдэл, өөрт байсан мэдээллээ ашиглан авсан Улааны ордын нийт нөөцийн 82 хувь нь хамаардаг 247 А лицензийг 2 сая доллараар “Шинь Шинь” ХХК-д зарсан гэдгээ мөрдөн байцаалтанд мэдүүлсэн байдаг бол нийт нөөцийнх нь 18 хувийг хамаардаг “ДСД Жаргалант” ХХК-ийн эзэмшлийн 1562 Х тоот лиценцийг эзэмшигчид нь мэдэгдэлгүйгээр бусадтай хуйвалдан зарсныг нь дараах шүүхийн шийдвэрүүд болон процессын үйл ажиллагаанууд нотолно.    

БГД–ийн Иргэний хэргийн анхан шатны шүүх /ИХАШШ /-ийн 2011 оны 08 дугаар сарын 29-ний өдрийн 1465 дугаартай шийдвэрээр “ДСД Жаргалант” ХХК-ийн 1562 Х тоот тусгай зөвшөөрлийг хуурамч гарын үсгээр буюу хууль бус хэлцлээр бусдад шилжүүлснийг тогтоожээ. Энэхүү шийдвэрийг үндэслэн Ашиг малтмалын газрын 2012 оны 11 дүгээр сарын 27-ны өдрийн 58 дугаар шийдвэрээр “ДСД Жаргалант” ХХК –ийн 1562 Х тоот тусгай зөвшөөрлийн талбайд “Шинь Шинь” ХХК–д олгосон 1089А, “Хунбөө” ХХК–д олгосон 13555 А тоот  тусгай зөвшөөрлүүдийг хүчингүй болгосон байдаг юм.

“Шинь Шинь” ХХК-иас “АМГ нь  58 дугаартай  шийдвэрийг гаргахдаа өөрсдийг нь байлцуулаагүй нь хууль зөрчсөн, 10089 А тоот тусгай зөвшөөрлийг сэргээлгэмээр байна” гэсэн утга агуулгатай нэхэмжлэлийг захиргааны хэргийн шүүхэд гаргасан байна.  Захиргааны хэргийн 3 шатны шүүх уг нэхэмжлэлийг хэлэлцээд АМГ нь 58 дугаар шийдвэрийг гаргахдаа  “Шинь Шинь” ХХК-ийг байлцуулаагүй процессын алдаа гаргасан гэж үзэн хүчингүй болгосон ч  13555А, 10089А тоот тусгай зөвшөөрлүүдийг олгосон Ашигт малтмалын хэрэг эрхлэх газар /АМХЭГ/-ын холбогдох шийдвэрүүд нь хууль бус хэлцэлд үндэслэсэн болох нь БГД-ийн 2011 оны 8 дугаар сарын 29-ний өдрийн 1465 дугаартай шийдвэрээр нэгэнт тогтоогдсон тул 10089 А лицензийг сэргээгээгүй юм байна.

Ийнхүү гурван шатны шүүхийн шийдвэрүүд гарсны эцсийн дүнд “ДСД Жаргалант” ХХК-д 1562 Х тоот тусгай зөвшөөрлийг анх олгосон АМХЭГ-ын 1999 оны 9 дүгээр сарын 21-ний өдрийн 210 дугаартай шийдвэр хүчинтэй хэвээр үлдэж, уг лицензийг бусдад хууль бусаар шилжүүлсэн бүх захиргааны шийдвэрүүд хүчингүй болсон байна.

Улсын Дээд Шүүхийн 2014 оны 132 дугаар тогтоолыг үндэслэн Дүүргийн иргэний хэргийн анхан шатны  2 дугаар шүүхийн 2015 оны 04 дүгээр сарын 10-ны өдрийн 02327 дугаартай шийдвэрээр “ДСД Жаргалант” ХХК-ийн 1562 Х тоот тусгай зөвшөөрлийн хүчин төгөлдөр үйлчлэх хугацаа  5 жил 8 сар 10 хоног болохыг эцэслэн тогтоожээ.

Гэвч өнөөдрийг хүртэл холбогдох албан тушаалтнууд нь Дээд шүүхийн шийдвэрийг үл гүйцэтгэж, харин "Хунбөө" ХХК-д хууль бусаар давуу байдал олгосон Захиргааны хэргийн анхан шатны шүүхийн шүүгч Ц.Сайханцэцэгийн даалгаврыг ягштал биелүүлснээр "Шинь Шинь" ХХК Дашбалбар сумын нутгийг хүчингүй лицензээр зогсолтгүй тоносоор байна.

Өмнөхийг ЭНД ДАРж уншина уу

Үргэлжлэл бий...

Эх сурвалж: BOLOD.MN

Он гарсаар улсын хэмжээнд 07 дугаар сарын 28-ны өдрийн байдлаар Улаанбаатар хот, Архангай, Булган, Завхан, Дорнод, Сэлэнгэ, Сүхбаатар, Хэнтий, Хөвсгөл, Төв, Ховд, Баянхонгор, Өвөрхангай, Увс зэрэг 14 аймгийн 69 суманд нийт 119 удаагийн ой, хээрийн түймэр бүртгэгдсэн байна.

Дээрх түймэрт урьдчилсан байдлаар ойн 10158 /га/, хээрийн 215.715 /га/ нийт 225.874 /га/ талбай өртөж, 2 гэр, 4 айлын өвөлжөө, 1 автомашин шатаж нийт 1.6  тэр бум төгрөгийн хохирол учирчээ. Харин өнөөдөр буюу 07 дугаар сарын 28-ны өдрийн байдлаар ой, хээрийн түймэр бүртгэгдээгүй байна.

Аялал, амралт, зугаалыг улирал эхэлж, хөдөө орон нутгийг зорих иргэдийн хөдөлгөөн нэмэгдсэнтэй холбогдуулан ногоон бүсэд зорчихдоо автомашин техникийн бүрэн бүтэн байдалд хяналт тавих,  ил задгай гал түлэхгүй байх, асаасан гал, түүдэг, тамхи, шүдэнзний галыг сайтар унтраах, гал асаагуурыг хээр, хөдөө ил задгай хаяхгүй байх, насанд хүрээгүй хүүхдийг ой, хээрт чүдэнз, асаагууртай явуулахгүй байж ой, хээрийн гал түймэр гарах эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Дорнод аймгийн Дашбалбар сумын Засаг даргын санаачилгаар тус суманд Буриад судлалын музей барьж байгуулахаар зураг төслийг нь гаргажээ. Ийм музейг барьж байгуулах санаачилга гаргасан үндэслэл нь бүх зүйлийг нийслэл хот болон аймгийн төвд төвлөрүүлж, хүн амын нягтрал суурьшлыг хэтрүүлэх шаардлагагүй гэдэг санаанд тулгуурлажээ. Ялангуяа угсаатны өв соёлын музей тухайн ястан, угсаатны амьдарч аж төрж буй орон нутагт байх нь үнэ цэнэтэй байдаг. Японы жишээгээр бол хот, суурин, тосгон бүр нь газар нутаг, оршин суугчдын онцлогийг харуулсан брэндтэй байдаг аж.

Хэрвээ Буриад судлалын музей баригдвал аялал жуулчлалыг хөгжүүлэхэд түлхэц болохоос гадна өдрөөс өдөрт мартагдаж буй буриад зоны ахуй амьдрал, түүх соёл, зан заншлыг хүүхэд, залуучуудад бодитоор харуулах, сурталчлах, сургалт дугуйлан хичээллүүлэх зэрэг олон талын ач холбогдолтой гэж үзжээ.

Дорнод аймгийн Дашбалбар сумын эдүгээ ажиллаж буй музейн хувьд бусад сумдын музейтэй харьцуулахад үзмэрийн тооны хувьд харьцангуй олон аж. Тус музейд Ардын зураач Г.Одонгийн уран зургууд эх бүтээлээрээ хадгалагдаж байгаа төдийгүй Ардчиллын анхдагч, төр, нийгмийн нэрт зүтгэлтэн С.Зориг агсны нэрэмжит танхим, хүрэл зэвсгийн үед холбогдох археологийн олдворууд, буриад зоны эдлэл хэрэглэлийн үзмэрүүд, сумаас төрөн гарсан алдартнуудын тухай танилцуулга, эд өлгийн зүйл гээд маш арвин үзмэртэй юм байна. Эдгээр үзмэр дээрээ тулгуурлан, шинэ үзмэрээр баяжуулан Буриад судлалын музейг байгуулах бүрэн боломжтой аж. Уг музейг барьж босгох хөрөнгийг гадаад дотоодын хандивлагч байгууллага, сангууд, төсөл хөтөлбөр зэргээс босгохоор урьдчилан төлөвлөжээ.

Аймгийн Засаг даргын захирамжаар өвөлжилт хүндэрч зудын нөхцөлд байгаа Булган, Дашбалбар сумын иргэд болон отроор нүүдэллэж буй малчиддаа эрүүл мэндийн болон нийгмийн даатгал, нийгмийн халамжийн үйлчилгээг газар дээр нь хүргэн ажиллах аймгийн ЗДГТ-ын Ниймгийн бодлогын хэлтсийн дарга Ц.Баяржаргалаар ахлуулсан явуулын баг Дашбалбар суманд өнгөрсөн 7 хоногт ажиллаа.

Ажиллах хугацаандаа байгууллага бүрийн мэргэжилтнүүд тус тусын чиглэлээр үйл ажиллагаануудыг зохион байгуулж байгаа бөгөөд эрүүл мэндийн чиглэлээр зорилтот иргэдэд эрүүл мэндийн тусламж үйлчилгээг үзүүлэх, нөхцөл байдалтай танилцах, өрхийн хэрэгцээнд шаардлагатай эмийн сангаар хангах, зудын болон гамшгийн үеийн сэтгэл зүйн тусламж үзүүлж, соён гэгээрүүлэх, сумдын ЕБС, цэцэрлэгийн хүүхдийн амны хөндийг эмчлэн, эрүүлжүүлэх, анхан шатны эрүүл мэндийн байгууллагуудын бэлэн байдалд хяналт хийж, зөвлөн туслах үйл ажиллагаануудыг зохион байгуулан ажилласан байна.

Дашбалбар суманд сүүлийн орсон хоёр удаагийн цасан шуурга өвөлжилтийн нөхцөл байдлыг улам хүндрүүлж байна. Цаашид явуулын баг бүх сумдад хуваарийн дагуу ажиллах бөгөөд 2017 оны 02 дугаар сарын 20-ны өдрөөс эхлэн аймгийн ЗДТГ-ын хууль зүйн хэлтсийн дарга Б.Алтансүхээр ахлуулсан явуулын баг Гурванзагал суманд ажиллаж байна.