Он гарсаар улсын хэмжээнд 07 дугаар сарын 28-ны өдрийн байдлаар Улаанбаатар хот, Архангай, Булган, Завхан, Дорнод, Сэлэнгэ, Сүхбаатар, Хэнтий, Хөвсгөл, Төв, Ховд, Баянхонгор, Өвөрхангай, Увс зэрэг 14 аймгийн 69 суманд нийт 119 удаагийн ой, хээрийн түймэр бүртгэгдсэн байна.

Дээрх түймэрт урьдчилсан байдлаар ойн 10158 /га/, хээрийн 215.715 /га/ нийт 225.874 /га/ талбай өртөж, 2 гэр, 4 айлын өвөлжөө, 1 автомашин шатаж нийт 1.6  тэр бум төгрөгийн хохирол учирчээ. Харин өнөөдөр буюу 07 дугаар сарын 28-ны өдрийн байдлаар ой, хээрийн түймэр бүртгэгдээгүй байна.

Аялал, амралт, зугаалыг улирал эхэлж, хөдөө орон нутгийг зорих иргэдийн хөдөлгөөн нэмэгдсэнтэй холбогдуулан ногоон бүсэд зорчихдоо автомашин техникийн бүрэн бүтэн байдалд хяналт тавих,  ил задгай гал түлэхгүй байх, асаасан гал, түүдэг, тамхи, шүдэнзний галыг сайтар унтраах, гал асаагуурыг хээр, хөдөө ил задгай хаяхгүй байх, насанд хүрээгүй хүүхдийг ой, хээрт чүдэнз, асаагууртай явуулахгүй байж ой, хээрийн гал түймэр гарах эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

1990 оны тогтоолын дагуу Хэрлэн сумын нийт нутаг дэвсгэр одоогийн байгаа хэмжээ болох 28000 га дээр Чойбалсан сумын нутаг дэвсгэрээс нийт нутаг дэвсгэрийн 1.1 хувь буюу 11360.3 га газар, Баянтүмэн сумын нутаг дэвсгэрээс 3.37 хувь буюу 28021.44 га газар тус тус нэмэгдэж 68199.48 га болох юм байна.

Дээрх асуудлыг аймгийн Иргэдийн Төлөөлөгчдийн хурлын 2015 оны 12 дугаар хуралдааны 05 дугаар тогтоолд "Хэрлэн, Баянтүмэн, Чойбалсан сумын хилийн цэсийг шинэчлэн тогтоох асуудлыг Дорнод аймгийн Ардын Хурлын Тэргүүлэгчдийн 1990 оны 25 дугаар тогтоолд заасны дагуу тогтоохыг дэмжиж, энэхүү ажлыг 2015 оны 08 дугаар сарын 01-ний дотор зохион байгуулах”-ыг аймгийн Засаг даргад даалгасан байна.

Тогтоолын хэрэгжилтийг хангах ажлын хүрээнд аймгийн Засаг даргын 2015 оны 1/2971 албан тоотоор Монгол улсын засаг захиргаа, нутаг дэвсгэрийн нэгжийн хилийн цэсийг тодотгох, солбицжуулах ажлыг манай аймагт хийж гүйцэтгэсэн "Газар дэлхий” ХХК-д хандаж, хилийн цэсийн эргэлтийн цэгүүдийн координатыг тодорхойлуулан 13 дугаар хуралдаанд оруулж иржээ.

Дээрх асуудлыг хэлэлцэх болоход аймгийн Иргэдийн Төлөөлөгчдийн хуралд Баянтүмэн сумаас сонгогдсон Төлөөлөгч С.Мөнгөнбат, Чойбалсан сумаас сонгогдсон Төлөөлөгч Ч.Баярцогт нар нэлээдгүй эсэргүүцэж шуугиан дэгдээгээд амжив. Дээрх Төлөөлөгчид эсэргүүцэж байсан ч аймгийн Иргэдийн Төлөөлөгчдийн ээлжит 13 дугаар хуралдаанаас Хэрлэн сумын газар нутгийг Дорнод аймгийн Ардын Хурлын Тэргүүлэгчдийн 1990 оны 25 дугаар тогтоолын дагуу байх нь зүйтэй хэмээн үзэж 68199.48 га байхаар дэмжин баталлаа.

Kherlen.dd.gov.mn

Дорнод аймаг 70 мянган хүнтэй. Чойбалсан хотод тавь гаруй мянган хүн оршин суудаг томоохон хот учир цаашид дугуйн замтай болох зайлшгүй шаардлагатай болсон гэдгийг аялалд оролцогч залуус ярьж байлаа. Авто машины замаар унадаг дугуйтай зорчиход эрсдэл ихтэй байдаг. Дугуйн замтай болсноор дулааны улиралд хүмүүс дугуйгаар ажил, сургуульдаа явах чийрэгжих гээд олон сайн талтай.  Дорнодын залуус болон аж ахуй нэгжүүд уг санаачлагыг маш дэмжиж оролцсон нь цаашдаа дугуйн спорт болоод дугуйн хэрэглээ Дорнодод хөгжих өргөн боломж харагдаж байна.

Хэрлэн сумын Засаг даргын Тамгын газраас нийтийн эзэмшлийн эд хөрөнгийг эвдэж сүйтгэж буй иргэдийн талаарх үнэн бодит мэдээллийг 7058-3131 дугаарын утсаар 10 хүртэлх сая төгрөгөөр үнэлж худалдан авахаар болсон байна. Мэдээллийг үнэлж авахын зэрэгцээ эд хөрөнгийг эвдэж сүйтгэсэн иргэнийг хэвлэл мэдээллийн хэрэгслээр олон нийтэд зарлахаар болжээ. Нийтийн эзэмшлийн эд хөрөнгө эвдэж сүйтгэж байгаагийн эсрэг ерөнхий боловсролын сургуулиудын сурагчид нэгдэн нийтийн эзэмшлийн эд хөрөнгийг хайрлан хамгаалахаа илэрхийлж гарын үсгээ зурж сумын Засаг даргын Тамгын газарт ирүүлсэн байна.

Нэг.Нийтлэг зүйл

1. УИХ-ын 2003 оны 13 дугаар тогтоолоор баталсан "Төрийн жинхэнэ албаны удирдах албан тушаалд томилогдох ажилтныгсонгон шалгаруулах журам”-ын 17 дугаар зүйлийг үндэслэн Дорнод аймгийн Хэрлэн сумын Засаг даргын Тамгын газрын даргыналбан тушаалд томилогдох ажилтны сонгон шалгаруулалтыг зарлаж байна.

2.Сонгон шалгаруулалтад орох иргэн нь Төрийн албаны тухай хуулийн 10.1-д заасан ерөнхий шаардлага болон томилох эрхбүхий этгээдийн баталсан ажлын байранд тавигдах дараах шаардлагыг хангасан байна:

-Хэрлэн сумын Засаг даргын Тамгын газрын даргын албан тушаалд:

Ерөнхийшаардлага:
Үзүүлэлт Шаардлагатай Чухал шаардлагатай
Боловсрол Дээд, Бакалавр түүнээс дээш -
Мэргэжил Эдийн засагч, эрх зүйчмэргэжилтэй -
Туршлага -Төрийн албанд 10-аасдоошгүй жил ажилласан байх Байгууллага, хамт олныг удирдан зохион байгуулах ажлын дадлага, туршлагатай
Ур чадвар -Багаар ажиллах, оновчтой шийдвэр гаргах-Манлайлах, төлөвлөх, зохион байгуулах чадвартай байх-Компьютерийн хэрэглээний программ ашиглах -Эрхэлсэн ажлынхаа хүрээнд бусдад нөлөөлөх-Баримт бичиг боловсруулах
1.2. Тусгай шаардлага -Төрийн байгууллагын болон хувь хүний нууцыг хадгалах

3.Сонгон шалгаруулалтыг 2015 оны 04 дүгээр сарын 17-ны өдөр зохион байгуулна.

Хоёр. Сонгон шалгаруулалтад орох иргэнийг бүртгэх

4.Сонгон шалгаруулалтад орох иргэний баримт материалыг Дорнод аймгийн Засаг даргын Тамгын газрын 02 дугаарын өрөөнд 2015 оны 04 дүгээр сарын 14,15 ны өдрийн 10.00-17.00 цагийн хооронд хүлээн авч бүртгэнэ.

5.Сонгон шалгаруулалтад орохыг хүссэн иргэн дор дурдсан материалыг бүрдүүлэн өөрийн биеэр ирж бүртгүүлнэ. Үүнд:

1) Төрийн албан хаагчийн анкет (маягт № 1);

2) Боловсролын дипломын нотариатаар гэрчлүүлсэн хуулбар 2 хувь;

3) Монгол Улсын иргэний үнэмлэх; /нотариатаар гэрчлүүлсэн хуулбар/;

4) Ажилласан жилийг тооцох Хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар, эх хувийн хамт /ажилласан жилийг тооцох тул хөдөлмөрийн үйл ажиллагаагаа хөдөлмөрийн болон нийгмийн даатгалын дэвтэрт бичигдсэн он, сар, өдрөөр нь нарийвчлан бичиж бэлтгэж ирэх/,

5) Төрийн албаны тухай хуулийн 16.2.1-д заасан асуудлаар эрх бүхий байгууллагын тодорхойлолт;

6) Ажил байдлын тодорхойлолт;

7) 4х3-ийн хэмжээтэй 2 хувь цээж зураг. /1 ш нь анкет дээр наагдсан байх/

Дээрх баримт бичгийг дутуу бүрдүүлсэн иргэнийг бүртгэхгүй.

6.Сонгон шалгаруулалтыг Улсын Их Хурлын 2003 оны 13 дугаар тогтоолоор баталсан ”Төрийн жинхэнэ албаны удирдах албантушаалд томилогдох ажилтныг сонгон шалгаруулах журам”, Төрийн албаны зөвлөлийн 2013 оны 14 дүгээр тогтоолоор баталсан зааврын дагуу зохион байгуулна.

ХАРИЛЦАХ ХАЯГ:

ДОРНОД АЙМГИЙН ЗАСАГ ДАРГЫН ТАМГЫН ГАЗАР

ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛ

7058-3040,7058-4897

"УРАЛДААНЧ ХҮҮХДИЙН ХУРУУ ТАСАРЧЭЭ, МОРИНООС УНАЖ БЭРТСЭН 4 ХҮҮХДИЙН НЭГНИЙХ НЬ ХУРУУ ТАСАРЧЭЭ” ГЭСЭН МЭДЭЭЛЛИЙН МӨРӨӨР ДОРНОД АЙМГИЙН ХҮҮХЭД ГЭР БҮЛИЙН ХӨГЖЛИЙН ХЭЛТСЭЭС ХҮҮХДИЙН НӨХЦӨЛ БАЙДЛЫГ МЭДЭЭЛЖ БАЙНА

Хэрлэн сум 2015.03.18

Орон нутгийн DNEWS сайтад 2015оны 03 дугаар сарын 17 ны өдрийн 13:21 минутад "Уралдаанч хүүхдийн хуруу тасарчээ”, мөн оны 03 дугаар сарын 18-ны 13:43 минутад Мedee.mn сайтад нийтлэгдсэн"Мориноос унаж бэртсэн дөрвөн хүүхдийн нэгнийх нь эрхий хуруу тасарчээ” гэсэн мэдээлэлтэй танилцаад тус хэлтсийн Хүүхэд, гэр бүл хамгааллын нэгжээс тухайн нөхцөл байдлын талаар тодруулга мэдээлэл хийж байна.

Дорнод аймгийн МСУХ-ны тэргүүлэгчид, хяналтын зөвлөлийн гишүүд, сумдын салбар хорооны тэргүүнүүд оролцсон өргөтгөсөн хуралдаанаар шийдвэрлэсэнэнэ жил зохион байгуулагдах морин уралдааны товындагуу 2015 оны 03 дугаар сарын 15 ны Ням гарагт аймгийн МСУХ-ны 20 жилийн ойн нэрэмжит дээд 3 насны хурдан морины уралдааныг Баянтүмэн суманд зохион байгуулагдсан.

Уралдааны үеэр аймгийн Мэргэжлийн хяналтын газар, Хөдөлмөрийн хэлтэс, Хүүхэд гэр бүлийн хөгжлийн хэлтэс, Цагдаагийн газар зэрэг байгууллагууд хяналт тавьж ажилласан бөгөөд нийтдээ 380 гаруй хурдан морьдыг 195 хүүхэд унаж уралдуулсан.Дээрх байгууллагууд нь уралдааны аюулгүй байдлыг хангах чиглэлээр хяналт тавьж, хүүхэд бүрийг гэнэтийн осолын даатгалд 100 хувь хамруулж, иж бүрэн хамгаалалтын хувцастай, эцэг эхээс нь зөвшөөрөл авсан хүүхдийг уралдаанд оролцуулж, бүртгэлийг unaach.com программд бүртгэж ажилласан.

Энэхүү уралдааны үед 4 хүүхэд унаж бэртсэн гэх мэдээлэл нь ташаа бөгөөд их насны морьдын уралдааны үеэр 2 хүүхэд, азарга насны морьдын уралдааны үеэр 1 мориноосоо унаснаас 2 хүүхэд нь ямар нэгэн ил далд шарх сорив буюу бэртэлгүй харин Улсын алдарт уяач Цэндбаатарын их насны морь унасан 13 настай Н овогтой М ньгарааны зурхайгаас гарах үед төхөөрөмжинд морь бүдэрсэнээс унаж баруун гарын эрхий хурууг гэмтээсэн бөгөөд Баянтүмэн сумын эмнэлэгт боолт хийлгэж, улмаар Бүсийн оношлогоо эмчилгээний төвийнхүлээн авах тасагт хүлээлгэн өгсөн.

БОЭТ-өөс авсан мэдээллээр онош: Хүүхдийн баруун гарын 1 хуруу угаараа тайрагдсан. Травматическая ампутация 1 пальца правой кистигэсэн оноштойгоор эмчлэгдэж байна.

Одоогоор хүүхдийн биеийн байдал баруун гар нь бага зэргийн зовиуртай хэвийн байна.
Хүүхдийн эрхийн байгууллагаас хүүхдийн эрсдлийн түвшин тогтоож, аймгийн Цагдаагийн газарт энэ асуудалд гэм буруутай этгээдийг тогтоож өгөх хүсэлт гаргасан ба хүүгийн ээжид Дорнод аймаг дахь МИГ даатгалын салбараас хүүхдийн гэнэтийн ослын даатгалын нөхөн төлбөрийг авахад бүрдүүлэх матераилын талаар зөвлөгөө өгч ажиллалаа.

Мэдээллийн сайтууд нь хүүхдийн эрхийн зөрчил дээр дуу хоолойгоо нэгдэж байгаа нь сайшаалтай ч албан ёсны мэдээлэл, эх сурвалжыг няглаж бодит, үнэн зөв мэдээлэл хүргэж байхыг зөвлөж байна.

Дорнод аймгийн Хүүхэд, гэр бүлийн хөгжлийн хэлтсийн мэргэжилтэн:
Д.Цэрмаа /99579957/

Төрийн үйлчилгээний албаны удирдах албан тушаалд томилогдох ажилтаныг сонгон шалгаруулах журмыг үндэслэн дараах сумдын цэцэрлэгийн эрхлэгч болон Ерөнхий боловсролын сургуулийн захирлуудын ажлын байрны сонгон шалгаруулалтыг зарласан байна.Тухайн ажлын байранд тавигдах шаардлагыг хангасан боловсон хүчин болж чадахуйц иргэдийг 2015 оны 1-р сарын 23-ны өдрийн 08-17 цагийн хооронд бүртгэж 24-ний 10 цагаас Боловсролын газарт шалгаруулалтыг явуулж эцсийн байдлаар шийдвэрлэх ажээ.

Аймгийн хэмжээнд сонгон шалгаруулалт явулах цэцэрлэгүүд: Гурванзагал, Хөлөнбуйр, Халхгол сумын хүүхдийн цэцэрлэгийн эрхлэгч ,Хэрлэн сумын 1.2-р сургуулийн захирлын ажлын байранд шалгаруулалт явуулах юм байна.