1 километр урт, 16,000 м² талбай бүхий шинэ үеийн худалдаа, үйлчилгээний төв Чингис хааны морьт хөшөөний бүсэд байгуулагдаж, эхний ээлжийн талбайн борлуулалт 7 дугаар сарын 1-нд

Цонжин Зах: Монголын хамгийн урт худалдааны төв худалдаа эрхлэгчдэд хаалгаа нээж байна

1 километр урт, 16,000 м² талбай бүхий шинэ үеийн худалдаа, үйлчилгээний төв Чингис хааны морьт хөшөөний бүсэд байгуулагдаж, эхний ээлжийн талбайн борлуулалт 7 дугаар сарын 1-нд эхэлнэ.

Цонжин Кибер Сити
Улаанбаатар хотоос зүүн тийш ойролцоогоор 54 км-т, Цонжин болдог дахь Чингис хааны морьт хөшөө цогцолбороос ердөө 1 км зайд Монголын хамгийн урт худалдааны төв болох «Цонжин Зах» байгуулагдаж байна. Нэгээс илүү километр урт нэгдсэн барилгад 16,000 м² худалдаа, үйлчилгээний талбай багтсан энэхүү төсөл нь «Цонжин Кибер Сити» бие даасан хотын худалдааны цөм нь юм.

Төслийг хэрэгжүүлэгч «Амжилт групп»-ийн зүгээс «Цонжин Зах»-ыг зөвхөн нэг дор бараа худалдаалах талбай биш, харин нийслэлийн төвлөрөл, түгжрэл, бохирдлоос ангид, төлөвлөлттэй шинэ хотын эдийн засгийн төв болгож хөгжүүлэхээр зорьж байна. Барилгын дээврийг нарны зайн хавтангаар бүрэн хучсан бөгөөд энэ нь зах өөрийн цахилгаан эрчим хүчийг бие даан үйлдвэрлэх боломжийг бүрдүүлж байгаа юм.

Байршил нь хамгийн том давуу тал

«Цонжин Зах» нь жилд хэдэн зуун мянган жуулчин зорьдог Чингис хааны морьт хөшөө цогцолбороос 1 км зайд, зүүн аймгуудыг нийслэлтэй холбосон төв авто замаас ердөө 500 метрт байрлаж байна. Энэ нь дотоодын болон гадаадын аялагчдын урсгал, дайран өнгөрөх тээврийн хөдөлгөөнийг шууд хэрэглэгчийн орлогын эх үүсвэр болгох боломжийг олгож байгаагаараа онцлог.

Бид зөвхөн худалдааны талбай зарж байгаа бус, бие даасан шинэ хотын эдийн засгийн зүрхийг бүтээж байна.

«АМЖИЛТ ГРУПП»
Талбайн борлуулалт 7 дугаар сарын 1-нд эхэлнэ

Захын худалдааны талбайг 10 м²-ийн алхамтайгаар, хамгийн багадаа 10 м²-ээс эхлэн худалдаалах бөгөөд эхний ээлжийн албан ёсны борлуулалт 2026 оны 7 дугаар сарын 1-ний 11:00 цагт нээгдэнэ. Худалдан авагч өөрийн бизнесийн хэрэгцээнд тааруулан талбайн хэмжээгээ чөлөөтэй сонгох боломжтой.

Үнийн бодлого нь шат дараалан өсөх зарчимтай. Эхний 100 худалдан авагч хамгийн таатай үнээр талбайгаа авах боломжтой бөгөөд дараагийн шат бүрт үнэ нэмэгдэнэ. Энэ нь эрт шийдвэр гаргасан хэрэглэгчдэд хамгийн өндөр өгөөжийг олгохоор тооцоолжээ.

ТАЛБАЙН ҮНИЙН ШАТЛАЛ (₮ / М²)
ШАТ НӨХЦӨЛ ҮНЭ /М²
Шат 1 -ЭХНИЙ 100 Хамгийн эрт худалдан авагч 1,900,000₮
Шат 2 -Хязгаарлагдмал тоо 2,900,000₮
Шат 3 -Нээлттэй суурь үнэ 3,900,000₮

Тоо баримтаас харахад эхний шатанд талбай авсан хэрэглэгч нээлттэй үнэтэй харьцуулахад квадрат метр тутамд 2,000,000₮ хүртэлх хэмнэлт хийх боломжтой бөгөөд том талбай дээр энэ зөрүү хэдэн арван саяар хэмжигдэхээр байна.

Борлуулалтын нээлт
2026.07.01 · 11:00 цаг

«Цонжин Зах» нь «Цонжин Кибер Сити» хотхоны нэг хэсэг бөгөөд уг төсөлд орон сууц, олон улсын хөтөлбөртэй боардинг сургууль, цэцэрлэг зэрэг үйлчилгээ аль хэдийн ажиллаж эхэлжээ. Цаашид эмнэлэг, морин спортын төв зэрэг 1,000 гаруй өрхийн нэгдсэн хотхон болж өргөжих төлөвлөгөөтэй.

Талбай захиалах ба мэдээлэл авах
Эрт захиалгын байр хязгаарлагдмал.
Доорх дугаараар холбогдоно уу.
8022-6060
8023-6060
tsonjin.com · city@amjilt.com · Оффис: 7711-6060

Цонжин Кибер Сити
Улаанбаатар хотоос зүүн тийш ойролцоогоор 54 км-т, Цонжин болдог дахь Чингис хааны морьт хөшөө цогцолбороос ердөө 1 км зайд Монголын хамгийн урт худалдааны төв болох «Цонжин Зах» байгуулагдаж байна. Нэгээс илүү километр урт нэгдсэн барилгад 16,000 м² худалдаа, үйлчилгээний талбай багтсан энэхүү төсөл нь «Цонжин Кибер Сити» бие даасан хотын худалдааны цөм нь юм.

Төслийг хэрэгжүүлэгч «Амжилт групп»-ийн зүгээс «Цонжин Зах»-ыг зөвхөн нэг дор бараа худалдаалах талбай биш, харин нийслэлийн төвлөрөл, түгжрэл, бохирдлоос ангид, төлөвлөлттэй шинэ хотын эдийн засгийн төв болгож хөгжүүлэхээр зорьж байна. Барилгын дээврийг нарны зайн хавтангаар бүрэн хучсан бөгөөд энэ нь зах өөрийн цахилгаан эрчим хүчийг бие даан үйлдвэрлэх боломжийг бүрдүүлж байгаа юм.

Байршил нь хамгийн том давуу тал

«Цонжин Зах» нь жилд хэдэн зуун мянган жуулчин зорьдог Чингис хааны морьт хөшөө цогцолбороос 1 км зайд, зүүн аймгуудыг нийслэлтэй холбосон төв авто замаас ердөө 500 метрт байрлаж байна. Энэ нь дотоодын болон гадаадын аялагчдын урсгал, дайран өнгөрөх тээврийн хөдөлгөөнийг шууд хэрэглэгчийн орлогын эх үүсвэр болгох боломжийг олгож байгаагаараа онцлог.

Бид зөвхөн худалдааны талбай зарж байгаа бус, бие даасан шинэ хотын эдийн засгийн зүрхийг бүтээж байна.

«АМЖИЛТ ГРУПП»
Талбайн борлуулалт 7 дугаар сарын 1-нд эхэлнэ

Захын худалдааны талбайг 10 м²-ийн алхамтайгаар, хамгийн багадаа 10 м²-ээс эхлэн худалдаалах бөгөөд эхний ээлжийн албан ёсны борлуулалт 2026 оны 7 дугаар сарын 1-ний 11:00 цагт нээгдэнэ. Худалдан авагч өөрийн бизнесийн хэрэгцээнд тааруулан талбайн хэмжээгээ чөлөөтэй сонгох боломжтой.

Үнийн бодлого нь шат дараалан өсөх зарчимтай. Эхний 100 худалдан авагч хамгийн таатай үнээр талбайгаа авах боломжтой бөгөөд дараагийн шат бүрт үнэ нэмэгдэнэ. Энэ нь эрт шийдвэр гаргасан хэрэглэгчдэд хамгийн өндөр өгөөжийг олгохоор тооцоолжээ.

ТАЛБАЙН ҮНИЙН ШАТЛАЛ (₮ / М²)
ШАТ НӨХЦӨЛ ҮНЭ /М²
Шат 1 -ЭХНИЙ 100 Хамгийн эрт худалдан авагч 1,900,000₮
Шат 2 -Хязгаарлагдмал тоо 2,900,000₮
Шат 3 -Нээлттэй суурь үнэ 3,900,000₮

Тоо баримтаас харахад эхний шатанд талбай авсан хэрэглэгч нээлттэй үнэтэй харьцуулахад квадрат метр тутамд 2,000,000₮ хүртэлх хэмнэлт хийх боломжтой бөгөөд том талбай дээр энэ зөрүү хэдэн арван саяар хэмжигдэхээр байна.

Борлуулалтын нээлт
2026.07.01 · 11:00 цаг

«Цонжин Зах» нь «Цонжин Кибер Сити» хотхоны нэг хэсэг бөгөөд уг төсөлд орон сууц, олон улсын хөтөлбөртэй боардинг сургууль, цэцэрлэг зэрэг үйлчилгээ аль хэдийн ажиллаж эхэлжээ. Цаашид эмнэлэг, морин спортын төв зэрэг 1,000 гаруй өрхийн нэгдсэн хотхон болж өргөжих төлөвлөгөөтэй.

Талбай захиалах ба мэдээлэл авах
Эрт захиалгын байр хязгаарлагдмал.
Доорх дугаараар холбогдоно уу.
8022-6060
8023-6060
tsonjin.com · city@amjilt.com · Оффис: 7711-6060

 Нийслэлийн ИТХ-ын Ээлжит бус XIII  хуралдаан өнөөдөр болж, Нийслэлийн Засаг дарга бөгөөд Улаанбаатар хотын Захирагч Б.Пүрэвдагваас өргөн барьсан нийслэлийн 2026 оны төсөвт нэмэлт, өөрчлөлт оруулах тухай тогтоолын төслийн хоёрдугаар хэлэлцүүлгийг хийлээ. 

МАН-ын бүлгээс гаргасан саналын дагуу нийслэлийн төсвийн хөрөнгө оруулалтаар хийгдэж буй ажил, арга хэмжээний гүйцэтгэл, үр дүнтэй танилцаж, үйл ажиллагааг эрчимжүүлэх, дэмжлэг үзүүлэх, мөн нийслэлийн гэр хорооллын айл өрхийг хийн түлшний халаагуурт шилжүүлэх төсөл, хагас коксон түлшний худалдан авалт, хадгалалт, борлуулалтын үйл ажиллагаанд дэмжлэг үзүүлэх, хяналт тавих, олон нийтэд нээлттэй мэдээлэл өгөх чиг үүрэг бүхий ажлын хэсэг байгуулав. 

 Нийслэлийн Засаг дарга бөгөөд Улаанбаатар хотын Захирагч Б.Пүрэвдагва:

Олон улсын геополитикийн нөхцөл байдал, нефть болон шатахууны үнийн өсөлтөөс шалтгаалан нийтийн тээвэр, хог хаягдлын менежмент, ногоон байгууламжийн арчилгаа зэрэг суурь үйлчилгээний зардал нэмэгдэж байгааг онцоллоо. Иймээс эдгээр үйлчилгээг тасралтгүй, тогтвортой үргэлжлүүлэхэд шаардлагатай нэмэлт санхүүжилтийг шийдвэрлэх шаардлага үүссэн,

Төсвийн орлогын хүлээгдэж буй гүйцэтгэл болон он дамжин зарцуулагдах мөнгөн хөрөнгийн үлдэгдлийн хэмжээ анхны төсөөллөөс өөрчлөгдсөнтэй холбоотойгоор төсвийн орлого, санхүүжилтийн эх үүсвэрийн тооцооллыг бодит нөхцөлд нийцүүлэн шинэчлэх,

2026-2027 оны өвөлжилтийн бэлтгэлийг хангах, агаарын бохирдлыг бууруулах арга хэмжээний хүрээнд 280 мянган тонн хагас коксон шахмал түлш, 150 мянган тонн сайжруулсан шахмал түлш худалдан авч, хэрэглэгчдэд нийлүүлэхэд шаардагдах нэмэлт эх үүсвэрийг шийдвэрлэхээр төсөвт тусгажээ.

Үүнээс гадна Төрийн хэмнэлтийн тухай хуулийн хэрэгжилтийг хангах хүрээнд 2026 оны тавдугаар сарын 31-ний өдрийн байдлаар гэрээ байгуулагдаагүй хөрөнгө оруулалтын төслүүдийн санхүүжилтийг төсвөөс хасаж, төсвийн сахилга бат, үр ашгийг нэмэгдүүлэх зорилгоор тодотгол хийж байгаа талаар танилцуулсан юм.

Хэлэлцэж буй асуудалтай холбоотойгоор УИХ-ын зарим гишүүн нийслэл дураараа төсвөө тодотголоо гэсэн. Үнэхээр хуулийн дагуу тодотгож байгааг тодруулж байлаа.

 Нийслэлийн Засаг дарга бөгөөд Улаанбаатар хотын Захирагч Б.Пүрэвдагва “Нийслэлийн  энэ удаагийн төсвийн тодотгол хууль зөрчөөгүй. Төсвийн тухай хуулийн 34 дүгээр зүйл, Засгийн газрын хэд хэдэн тогтоолын дагуу нийслэлийн өвөлжилтийн бэлтгэл ажлыг хангах зардлыг шийдэх хүрээнд төсвийг тодотгож байна. Эхний төсөл дээр нэмэгдсэн зүйл гэвэл Шинэ төв цэвэрлэх байгууламжийг ашиглалтад оруулсны дагуу “Туул-1 коллектор”-ын инженерийн байгууламжийн засвар, шинэчлэлийн ажлыг цаг алдалгүй хийх шаардлагатай учраас МАН-ын бүлэг дээр яриад нэмж тусгасан. Мөн “Агро сити” эдийн засгийн тусгай бүс орчмын хөгжлийн ерөнхий төлөвлөгөөг баталсантай холбоотойгоор үйл ажиллагааг хэвийн явуулахад шаардлагатай төсвийг нэмж тавьсан” хэмээн хариуллаа.

Нийслэлийн 2026 оны төсөвт нэмэлт, өөрчлөлт оруулах тухай тогтоолын төслийг НИТХ-ын төлөөлөгчдийн 77.1 хувийн саналаар баталлаа.

• Цаг хугацаа хэмнэх гэж зам товчлохоос татгалзах, баталгаагүй зам, гармаар зорчихгүй байх, байгаль цаг уурын нөхцөл байдал, замын нөхцөлийг зөв үнэлж өөрийн болон бусдын аюулгүй байдлыг ханган, анхаарал болгоомжтой зорчихыг анхааруулж байна.
• Хайрханы тахилгын үйл ажиллагааны үеэр иргэдийн аюулгүй байдлыг хангах, тусламж үйлчилгээг шуурхай үзүүлэх зорилгоор Онцгой байдлын байгууллагаас тусгайлан 89470105 дугаарын утсыг ажиллуулж байна.

Улаанбаатар хотын Ерөнхий менежер бөгөөд Захирагчийн ажлын албаны дарга Ч.Мэндбаяр өнөөдөр Улаанбаатар хотын ус, дулаан, цахилгаан, мэдээлэл холбоо, авто зам, замын хөдөлгөөн, үерийн далангийн ашиглалт хариуцсан байгууллагуудын удирдлагуудтай уулзлаа. Уулзалтаар 2026 оны төлөвлөгөөт засварын ажлуудын явцын мэдээлэлтэй танилцаж, холбогдох шийдвэрүүдийг гаргаж, чиглэл болголоо. Тодруулбал, төрийн байгууллагуудын ажлын уялдааг хангаж, иргэдэд чирэгдэлгүй үйлчилгээг үзүүлж, төлөвлөгөөт засварыг хугацаанд нь чанартай хийж гүйцэтгэх, нөхөн сэргээлтийг шуурхай гүйцэтгэх, засварын үед хөдөлмөр хамгаалал аюулгүй ажиллагааг хангаж ажиллахыг анхаарууллаа. Мөн засвар үйлчилгээний ажлыг 2026 оны наймдугаар сарын 15-ны өдөр гэхэд бүрэн хийж дуусгахыг үүрэг болголоо.

Энэ онд ахуйн зориулалтаар Архангай, Баян-Өлгий, Булган, Говь-Алтай, Дорнод, Завхан, Сэлэнгэ, Төв, Хөвсгөл, Хэнтий аймгуудад загас агнах, барих боломжтой. Ахуйн зориулалтаар загас агнах, барих зөвшөөрлийг www.ezagas.mn цахим системээр дамжуулан өөрийн байгаа газраасаа цахимаар авах боломжтой аж. Зөвшөөрөл авахдаа загас барих аймаг, сум, байршил, агнах загасны төрөл, тоо хэмжээгээ зөв сонгохыг анхааруулжээ. Мөн зөвшөөрөлд заасан хугацаа, байршил, тоо хэмжээг мөрдөхийг сануулав.

Амьтны тухай хуулийн есдүгээр зүйлд загасны үржил, нөөцийг хамгаалах зорилгоор тодорхой хугацаанд загас агнахыг хориглосон байдаг. Тодруулбал, Дархадын цагаан загасыг 8 дугаар сарын 1-нээс 10 дугаар сарын 20 хүртэл барьж, агнахыг хориглодог. Харин Буйр нуурын загасыг 5 дугаар сарын 15-наас 8 дугаар сарын 1 хүртэл агнахыг хориглосон байдаг. Омоль загасыг 8 дугаар сарын 30-наас 10 дугаар сарын 30 хүртэл агнахыг хориглодог байдаг бол Зарам загасыг 9 дүгээр сарын 5-наас 1 дүгээр сарын 30 хүртэл агнахыг хориглодог. Алтайн сугас загасыг 6 дугаар сарын 15-наас 8 дугаар сарын 31 хүртэл, Тул загасыг 10 дугаар сарын 30-наас 6 дугаар сарын 15 хүртэл агнахыг хориглоно гэж хуульд заасан байдаг ажээ.

Харин дээр дурдсанаас бусад загасыг 4 дүгээр сарын 1-нээс 6 дугаар сарын 15 хүртэл барьж, агнахыг хориглодог.

Авлигатай тэмцэх газар нийслэлийн гудамж, замын хөдөлгөөнд мопед, скутер болон түүнтэй адилтгах үзүүлэлт бүхий тээврийн хэрэгслийг хязгаарлалттайгаар оролцуулах, зөвшөөрөл олгох чиглэлээр баталсан Нийслэлийн Засаг даргын 2026 оны А/387, А/552 дугаар захирамжийг хянаж, холбогдох хууль тогтоомжид нийцүүлэх хүртэл энэ төрлийн үйл ажиллагаа явуулахгүй байх талаар Нийслэлийн Засаг даргад 2026 оны 4 дүгээр сарын 28-ны өдөр албан бичиг хүргүүлсэн.

Дээрх захирамжуудаар нийтийн эзэмшлийн талбай ашиглан цахилгаан мопед түрээслүүлэгч байгууллагуудад үйл ажиллагаа явуулах энгийн зөвшөөрлийг нэр бүхий 6 аж ахуйн нэгжид олгосон бөгөөд энэхүү энгийн зөвшөөрөл өмнө нь олгогдож байгаагүй, хүний амь нас, эрүүл мэндийн аюулгүй байдлыг хамгаалах шаардлагатай, зөвшөөрлийн жагсаалттай давхардах, уялдах эсэх нь тодорхойгүй байв. Түүнчлэн Улаанбаатар хотын хэмжээнд унадаг дугуй, мопед, скутер зорчих хэсэг, эгнээ, хөвөө, зогсоол, тусгаарлалт, зөвшөөрсөн ба хориглох тэмдэг тэмдэглэгээг стандартын дагуу байршуулах ажлыг зохион байгуулах үүргийг бүрэн хэрэгжүүлээгүй, мопед болон скутерийг бүртгэлжүүлэхтэй холбоотой эрх зүйн зохицуулалт байхгүй, зөвшөөрлийн улсын тэмдэгт, татвар, төлбөр хураамжийн хэмжээ тодорхойгүй, мопед болон скутер нь одоогоор ямар тээврийн хэрэгсэлд хамаарахыг хууль тогтоомжид тодорхойлоогүй, нийслэлийн хэрэгжүүлэгч агентлагууд нь хуулиар олгоогүй эрхийг хэрэгжүүлсэн зэрэг нөхцөл байдал тогтоогдсон байна.

Хүний амь нас, эрүүл мэнд, хүрээлэн байгаа орчны аюулгүй байдлыг хамгаалахад тухайн шинээр бий болгох зөвшөөрөл шаардлагатай эсэхийг харгалзан дүгнэлт гаргах, энэ төрлийн зөвшөөрлийн нэршил, хамрах хүрээг сайтар нягталж хуульд нийцүүлэх, эрх бүхий этгээдээс шийдвэр гаргуулах, мопед болон скутерээр зорчих чиглэл, байршил, гудамж, талбай, замын трассыг тодорхой болгох хүртэл олгогдсон энгийн зөвшөөрлийн хэрэгжих хугацааг хойшлуулах, дурдагдсан нөхцөл байдал арилсны дараа үйл ажиллагаа явуулахыг Авлигатай тэмцэх газраас мэдэгдсэн байна.

Авлигатай тэмцэх газраас хүргүүлсэн албан бичгийг үндэслэн Нийслэлийн Засаг даргын 2026 оны 6 дугаар сарын 2-ны өдрийн А/820 дугаар захирамжаар мопед, скутер болон түүнтэй адилтгах үзүүлэлт бүхий тээврийн хэрэгслийг хязгаарлалттайгаар оролцуулах, зөвшөөрөл олгох тухай А/387, А/552 дугаар захирамжуудыг хүчингүй болгосон тухай эргэн мэдэгдлээ.

Ерөнхий боловсролын сургуулийн сурагчдын III улирлын хичээл үргэлжилж байна. Боловсролын сайдын баталсан 2025-2026 оны хичээлийн жилийн бүтцээр III улирлын хичээл есөн долоо хоног үргэлжилнэ.

Энэ хичээлийн жилд:

• 1-5-р анги 34 долоо хоног
• 6-9-р анги 35 долоо хоног
• 10-12-р анги 36 долоо хоног хичээллэж, бүгд 6-р сарын 15-наас зуны амралт эхэлнэ. Төгсөх ангийн сурагчид элсэлтийн шалгалтаа өгөх юм.

Оросын засгийн газар нисэх онгоцны түлшний экспортыг арваннэгдүгээр сарыг дуустал зогсоох шийдвэрийг Даваа гарагт зарлажээ.

Уг арга хэмжээгээ “дотоод зах зээлийн тогтвортой байдлыг хангах” зорилготой гэж тайлбарласан байна. Мөн засгийн газар хоорондын хэлэлцээртэй улс орнуудад уг хориг үйлчлэхгүй, нийлүүлэлтээ таслахгүйг мэдэгджээ.

Арваннэгдүгээр сарын 30-ны өдрийг хүртэл үргэлжлэх уг арга хэмжээ нь Орос улс онгоцны түлшний экспортдоо хориг тавьсан анхны тохиолдол болж байна.

ОХУ-ын тээврийн сайд Андрей Никитин сүүлд сэтгүүлчидтэй уулзахдаа тус улсад онгоцны түлшний хомсдол үүсээгүй, хоригийг “манай агаарын тээврийн компаниудын ашиг сонирхолд үндэслэн” гаргасан гэж тайлбарлажээ.

Сүүлийн хэдэн сарын турш Украин улс Оросын эрчим хүчний дэд бүтцэд чиглэсэн агаарын цохилтоо эрчимжүүлээд байгаа.

Ройтерс агентлагийн тооцоолсноор өнгөрсөн хугацаанд Оросын газрын тосны нийт боловсруулах хүчин чадлын дөрөвний нэг орчим, бензин үйлдвэрлэлийн 30 гаруй хувь зогссон, эсвэл багассан гэдэг.

Блүүмбэрг агентлаг Оросын газрын тосны боловсруулах үйлдвэрлэлийн хэмжээ өдөрт 4.69 сая баррель хүрснийг 2009 оноос хойших хамгийн доод түвшин гэж мэдээлж байна.

Одоо ОХУ даяар бензиний экспортод тавьсан хориг долдугаар сарын 31-нийг хүртэл үргэлжилж байгаа.

Энэхүү хоригийг үл харгалзан эзлэгдсэн Крымийн хойгт бензин шатахууны хомсдол үүсэж, хязгаарлалт нэвтрүүлээд байна.

Хэдийгээр Ормузын хоолойн хямралаас үүдэлтэй дэлхийн газрын тосны хомсдолыг нөхөхийн тулд АНУ-ын засаг захиргаа далайд тээвэрлэгдэж буй Оросын газрын тосыг хоригоос түр чөлөөлсөн ч Украины агаарын цохилт үүнд саад учруулсаар байгаа юм.

Өнгөрсөн сард Их Британи улс бас өөрийн дотоод зах зээлийг хамгаалахын тулд Оросын онгоцны түлш, дизель түлшинд тавьсан импортын хоригоо түр цуцалж байв.

Улаанбаатар хот ногоон байгууламж, цэцэрлэгжүүлэлтийн мастер төлөвлөгөөг үе шаттай хэрэгжүүлж, арчилгааны ажлыг байгаль, цаг уурын өөрчлөлттэй уялдуулах, нэг хүнд ногдох ногоон байгууламжийн хэмжээ 5.9-8 ам метр байгааг есөн ам метр болгон нэмэгдүүлэхийг зорьж ажиллаж байна.

Энэ хүрээнд 2026 онд нийслэлийн төсвийн хөрөнгөөр есөн дүүргийн хэмжээнд нийтийн эзэмшлийн 157 га талбайн 155 гудамж, 35 нэгж талбарт ногоон байгууламжийн тарилт, арчилгааг хийж байна. Ингэхдээ ойн мэргэжлийн 28 байгууллага болон дүүргийн ОНӨААТҮГ-уудтай гэрээ байгуулан ажиллаж байна. Нийслэлийн зургаан дүүргийн нийтийн эзэмшлийн ногоон байгууламжийн 54 байршилд 104,866 ширхэг гоёл чимэглэлийн мод, 46 байршилд 4800 ам метр талбайд 337,340 цэцэгт байгууламж хийж байна. Мөн 72 байршилд нийт 24.1 га талбайг шинээр болон нөхөн зүлэгжүүлэх юм.

Монгол Улсын Ерөнхийлөгчийн 2025 оны 44 дүгээр зарлигаар жил бүрийн тав болон есдүгээр сарын бямба, ням гарагуудыг “Тэрбум мод тарих үндэсний өдөр” болгон зарласан. Хаврын бүх нийтийн мод тарих үйл ажиллагааны хүрээнд нийслэлийн хэмжээнд есөн байршилд 406 байгууллагын 11855 албан хаагч 129,873 ширхэг модыг тарьж байна. Мөн Засгийн газрын хэрэгжүүлэгч агентлаг Ойн газартай хамтран Цагаан давааны хогийн цэгийг ойжуулах ажлыг 15 га талбайд зохион байгуулж, 312 мянган ширхэг хайлаас модны суулгац тарих ажлыг эхлүүлсэн. Энэхүү төсөл нь хогийн цэгийг хотын ногоон бүс болгон өөрчлөх тусгай зориулалтын ногоон байгууламжийг нэмэгдүүлэх ач холбогдолтой юм.

Нэгүүн.мн сайтын эрхлэгч Ч.Баяржаргалыг дөрөвдүгээр сарын 10-ны өдөр эрүүгийн хуулийн тусгай ангийн 17.6 дугаар зүйлийн 1 дэх хэсэгт  хэрэг үүсгэн 30 хоногийн цагдан хорих таслан сэргийлэх арга хэмжээ авсан. Улмаар 26 хоногийн дараа буюу тавдугаар сарын 6-ны өдрийн 11.30 цагт цагдан хориог сунгах, эсэх шүүх хурал болж “Мөрдөгчид нөлөөлөхийг завдсан" хэмээн үндэслэлгүйгээр цагдан хорих таслан сэргийлэх арга хэмжээг сунган шийдвэрлэсэн. Нөхцөл байдал ямар байгаа талаар сэтгүүлч Ч.Баяржаргалын өмгөөлөгч С.Болорчулуунаас тодрууллаа.

-Сэтгүүлч Ч.Баяржаргал хуурай өлсгөлөн зарлаад 100 цаг болж байна гэж байна. Биеийн байдал нь ямар байгаа вэ?

-Би даваа гарагт очиж уулзахад биеийн байдал хүнд байсан. Ч.Баяржаргал өнгөрсөн баасан гарагаас эхлэн өлсгөлөн зарласан юм байна лээ. 461 дүгээр хорих анги өлсгөлөн заралсныг нь бүртгэхгүй, биеийн байдалд чинь сөргөөр нөлөөлнө гэдэг хариу өгч, өлсгөлөн зарлах эрхийг нь хязгаарласан юм гэсэн. Харин Ч.Баяржаргал хүний эрхийн асуудал гэж үзээд хуурай өлсгөлөн зарласан. Хоол унд идэхгүй байгаа болон зүрхний суурь өвчин буюу ховдол хоорондын асуудлаас үүдэж бие нь муу байна. Хуурай өлсгөлөн зарласан тохиолдолд 10 гаруй хоногоос илүү тэсдэггүй. Нойтон өлсгөлөн бол шингэн зүйл уудаг болохоор сар гаруй тэсдэг. Тиймээс миний зүгээс Ч.Баяржаргалд “Хуурай өлсгөлөн зарлах нь маш эрсдэлтэй. Тиймээс 461 дүгээр анги чинь бүртгэх ёстой. Заавал бүртгүүлээрэй гэсэн. Гэтэл “Эд нар бүртгэхгүй” байна гэсэн. Мөн ХЭҮК-т ханд гэж зөвлөсөн. Гэтэл ХЭҮК эрүүгийн хэрэг хянан шийдвэрлэх ажиллагаа явагдсан учраас бид нар хүлээж авахгүй гэсэн. Эрүүгийн хэрэг хянан шийдвэрлэх ажиллагаанаас гадна үзэл бодлоо илэрхийлэх, өлсгөлөн зарлах нь чиний эрх шүү дээ. Энэ талаараа комисст ханд гэсэн. Гэвч хүлээж авдаггүй учраас хандахгүй юм шиг байна.

-Зүрхний асуудалтай гэлээ. Эмнэлгийн хяналтад байдаг гэсэн үг үү?

-Тийм ээ. Эмнэлгийн байгууллагаад тогтоогдсон бөгөөд байнгын эмчилгээ хийлгэдэг байсан юм билээ. Тэгээд зүрхээ 461 дүгээр хорих ангийн эмчид үзүүлье гэтэл энэ анги нь зүрхний нарийн мэргэжлийн эмчгүй байж таарсан. Ингээд Ч.Баяржаргалын биеийн байдал огцом муудаж, өчигдөр шокын байдалтай болж, гуравдугаар эмнэлэгт хүргэгдэж, зүрхний аппарат зүүсэн байна лээ. Тэр аппаратыг нь салгаж болохгүй гэсэн. Салгах юм бол нас барах магадлал өндөр байна. Хяналт тавьдаг прокурор Батзолбоод энэ талаар мэдэгдсэн байгаа.

-Ямар шалтгааны улмаас өлсгөлөн зарласан юм бол?

-Үндэслэлгүйгээр цагдан хорьж байна гэж үзэж байгаа. Уг нь таслан сэргийлэх төрлийн арга хэмжээнд нь Монгол Улс, дүүрэг, гэрээсээ гарч болохгүй зэргээр зорчих эрхийг нь хязгаарлаж болдог. Гэтэл хорьж, эрүүдэн шүүж байгаад л асуудал нь байгаа юм. Өмнөх өмгөөлөгч нар нь цагдан хорионы хугацааг сунгахгүйгээр, суллаж өгөөч гэдэг хүсэлтийг тавьсан юм билээ. Гэтэл мөрдөгчид нөлөөлсөн гэх хуульд байхгүй үндэслэлээр хориод, хугацааг нь сунгаад байна. Хуульд гэрч, хохирогч, шинжээчид нөлөөлөх гэсэн заалт байдаг. Мөрдөгчид нөлөөлөх гэж заалт байдаггүй.

-Өмгөөлөгчийн зүгээс та энэ байдлыг юу гэж харж байна вэ?

-Нэгдүгээрт, Үндсэн хуулийн цэцээс хүлээж авсан Эрүүгийн хуулийн 13.5 худал мэдээлэл тараасан тохиолдолд гэмт хэрэгт тооцохоо больсон гэх Үндсэн хуулийн дүгнэлт байгаа юм. Түүнтэй холбоотойгоор улс төр, төрийн албан хаагчийн үнэн, мөнийг ярьж, болж бүтэхгүйг нь мэдээлсний төлөө төрийн эрхийг барьж байгаа нам нь амыг нь хамхих зорилгоор сэтгүүлчдийг хорьж, олноор нь эрүүгийн хэрэг үүсгэж, яллагчаар татаж байна гэсэн хардлага төрж байна.

Өөрөөр хэлбэл, би ганцхан Л.Баяржаргал дээр өмгөөлөгчөөр ажиллаагүй. Цолмон гээд сэтгүүлч, Шинэхүү гээд зураглаач дээр ажиллаж байна. Сүүлд Ууганцэцэг гээд сэтгүүлч өмгөөлөгчөөрөө авья гэдэг санал тавьсан. Ингээд үзэхээр сэтгүүлзүйн салбарыг тэр чигт нь шоронжуулж, амыг нь хамхих зорилготой байна гэж харж байна. Тодруулбал, улс төрийн нөхцөл байдал өөрчлөгдөхөд л сэтгүүлчийг хорьж, барих, хэрэг хүлээлгэх нөхцөл байдал үүсээд байна. Тиймээс худал мэдээлэл тараах, гүтгэх асуудалтай холбоотой хуулийн төсөл хэлэлцэж буй энэ үед сэтгүүлчид маань саналаа өгч, нэгдсэн дуу хоолойтой байж, идэвхтэй байх хэрэгтэй. Энд ганцхан Л.Баяржаргалын асуудал биш нийт сэтгүүлчдийн асуудал, цаашлаад монголчуудын мэдэх эрхийн асуудал хөндөгдөж байна шүү дээ.

-Холбогдоод буй хэргүүдийн хувьд цагдан хорих шаардлагагүй гэж үзэж байна уу?

-Холбогдуулаад буй хэргүүдийн зарим нь хөнгөн, зарим нь 2-8 жилийн цагдан хорихоос өөр ялтай хэрэг байгаа юм. Энэ тохиолдолд хорихгүй байж болно.

Эх сурвалж: “Зууны мэдээ” сонин

2026 ОНЫ ТАВДУГААР САРЫН 21. ПҮРЭВ ГАРАГ. № 97 (7839)

Богд хааны ордон музей нээлттэй өдрүүдийн хүрээнд тусгай хэрэгцээт  иргэд, ахмад настан болон 0-16 насны хүүхдүүдэд музейн үзмэрийг үнэгүй үзүүлэх ажээ.

Богд хааны ордон музей түүх, соёлын өвийг сурталчлах, боловсролын олон талт үйл ажиллагаагаа өргөжүүлж, “Хаан ордны хавар 2026” тусгай хөтөлбөрийн нээлттэй өдрүүдийг зарлалаа. Тус арга хэмжээ 2026 оны тавдугаар сарын 18-28-ны хооронд үргэлжлэх бөгөөд энэ хугацаанд олон төрлийн үзэсгэлэн, урлаг, боловсролын хөтөлбөрүүд зохион байгуулагдах ажээ.

Хөтөлбөрийн хүрээнд “Энэрэхүйн хүч” үзэсгэлэн тавдугаар сарын 28-н хооронд дэлгэгдэх бол энэ хугацаанд “Боловсролын хөтөлбөр” хэрэгжих бөгөөд энэ хугацаанд музейн танин мэдэхүйн үйл ажиллагаа өргөжихөөр байна.

Нээлттэй өдрүүдийн хүрээнд тасалбарын хөнгөлөлт үйлчлэх бөгөөд өндөр настан, тусгай хэрэгцээт иргэд болон 0–16 насны хүүхдүүд үнэ төлбөргүй үйлчлэх аж.

Харин насанд хүрэгчид болон оюутнууд 50 хувийн хөнгөлөлттэй үнээр музей үзэх боломжтой юм.

2026 оны 5-р сарын 20-ны өдрийн 11:00 цагийн байдлаар баруун аймгуудын нутгаар хүчтэй салхи, шороон шуурга, нөөлөг салхи, нойтон цасны АЮУЛТАЙ үзэгдэл ажиглагдаж байгаа талаар цаг уурын байгууллагаас анхаарууллаа. 

Өнөөдрийн 11:00 цагийн байдлаар Баянхонгор, Завхан, Увсын зарим нутгаар цас орж байгаа бол Баян-Өлгийд цасаар шуурч байгаа юм байна. Зарим нутгуудад өчигдөр өдрөөс эхлэн цас орсон юм. 

Харин Хэнтий, Хөвсгөлийн нутгаар аадар бороо,  Дорноговь, Дорнод, Сүхбаатар, Увс, Хөвсгөлийн зарим нутгаар бороо орж байна. 

 

Нийтийн эзэмшлийн гудамж, талбай болон зорчих хөдөлгөөнд саад учруулж байршуулсан ТҮЦ-үүдийг өнгөрсөн оны дөрөвдүгээр сараас эхлэн нийслэл, дүүргийн Засаг даргын захирамжаар эрчимтэйгээр нүүлгэж, нийтийн эзэмшлийн зам талбайг чөлөөлж эхэлсэн. Тодруулбал, өнгөрсөн онд нийслэлийн төвийн зургаан дүүргийн хэмжээнд нийт 1436 ТҮЦ-ийг нүүлгэж, зам талбайг чөлөөлсөн юм.  Ингэснээр явган хүний зам, нийтийн эзэмшлийн талбайн хүртээмж сайжирч, иргэдийн аюулгүй, чөлөөтэй зорчих нөхцөл бүрдсэн. Мөн хотын өнгө үзэмж, орчны стандарт сайжрав.

Нийслэл сүүлийн хоёр жилд нийслэлийн өмчийг хууль бусаар эзэмшиж байсан этгээдүүдээс 6 тэрбум гаруй төгрөгийн 15 барилга байгууламжийг буцаан авч нийслэлийн өмчид бүртгүүлжээ. Ингэснээр 2024 онд 7.4 тэрбум, 2025 онд 18.2 тэрбум төгрөгийн орлогыг нийслэлийн төсөвт төвлөрүүлсэн байна. Мөн өмч хөрөнгөтэй холбоотой 8 хэрэг шүүхийн шатанд байгаа аж.
Өнгөрсөн хугацаанд дараах 15 барилга байгууламжийг буцаан авчээ
•    Төв цэнгэлдэх хүрээлэн
•    “Уламжлалт анагаах ухааны элэг судлалын клиник төв”-ийн барилга байгууламжууд,
•    Урт цагаан худалдаа үйлчилгээний төв,
•    Чингэлтэй дүүргийн тавдугаар хороонд байрлах “Баруун сэлбэ” үйлчилгээний төвийн Ж блокийн 1220 м.кв талбай бүхий барилгыг нийслэлийн өмчид авч, нээлттэй дуудлага худалдаагаар хувьчилж, 1.9 тэрбум төгрөгийн орлогыг нийслэлийн төсөвт төвлөрүүлсэн.
•    Хан-Уул дүүргийн хоёрдугаар хороонд байрлах “Монгол шуудан” ХК-ийн 36 дугаар салбарын түрээсээр эзэмшиж байсан байрыг нийслэлийн өмчид бүртгэн авсан.
•    БГД-ийн 14 дүгээр хороонд байрлах Шуудангийн 24 дүгээр салбар түрээсээр эзэмшиж байсан байрыг “Тэмүүжин групп майнинг” ХХК дам түрээслэж ашиг олдог байдлыг зогсоож, нээлттэй дуудлага худалдаагаар хувьчилж 1.6 тэрбум төгрөгийн орлогыг нийслэлийн төсөвт төвлөрүүлсэн.
•    БГД-ийн наймдугаар хороонд байрлах “Аминжаргалан” өрхийн эрүүл мэндийн төвийн барилгыг таван жилийн хугацаанд түрээсийн орлогогүйгээр эзэмшиж байсан иргэнээс түрээсийн орлогыг нэхэмжилж, барилгыг хууль бус эзэмшлээс салган Баянгол дүүргийн Засаг даргын Тамгын газарт үргэлжлүүлэн түрээсэлж, түрээсийн орлогыг нийслэлийн төсөвт төвлөрүүлэн ажиллаж байна.
•    СБД-ийн хоёрдугаар хороонд байрлах “Ачит гар” өрхийн эмнэлэг байрлаж байсан байрыг тус эмнэлгийн эзэмшлээс авч нээлттэй дуудлага худалдаагаар хувьчилж, 334 сая төгрөгийн орлогыг нийслэлийн төсөвт төвлөрүүлсэн.
•    Өргөө зочид буудал

Түүнчлэн 2025 онд нийслэлийн Өмчийн харилцааны газраас гурван барилга байгууламжийг нээлттэй дуудлага худалдаагаар худалдаж, нийт 3.9 тэрбум төгрөгийн орлого төвлөрүүлжээ. Мөн нийслэлийн өмч хувьчлалын жагсаалтаас зургаан барилгыг хасаж, ногоон байгууламж болгон тохижуулахаар шийдвэрлүүлсэн байна. Мөн энэ онд БЗД-ийн нэгдсэн эмнэлэг, СБД-ийн нэгдсэн эмнэлэг, СТӨ-ний В корпусыг нийслэлийн өмчид буцаан авахаар хэлэлцээр хийж байгаа аж.

“Хан-Уул дүүргийн 22 дугаар хорооны нутаг дэвсгэрт хяналт шалгалтаар ажиллаж байсан замын цагдаагийн алба хаагчийг албан үүрэг үүргээ гүйцэтгэх явцад нь хутгалсан” гэх мэдээлэл 2026 оны 05 дугаар сарын 16-ны өдөр бүртгэгдсэн. Шалгалтын ажиллагаагаар замын цагдаагийн алба хаагч Хан-Уул дүүргийн нутаг дэвсгэрт хяналт шалгалтаар ажиллах явцдаа согтуугаар тээврийн хэрэгсэл жолоодсон иргэнийг саатуулан шалгах үед жолоочтой хамт зорчиж явсан 47 настай, эрэгтэй Ө нь алба хаагчийг хэл амаар доромжилж, шаардлагыг эсэргүүцсэн. Иргэн Ө гэртээ харихаар явсан боловч буцаж хутга нуун ирж, алба хаагчийн биед халдаж, 3 удаа хутгалсан. Ө нь хэргийн газраас зугтаасныг шуурхай эрэн сурвалжлан олж тогтоон, хойшлуулшгүйгээр баривчлах ажиллагааг явуулж байна. Одоогоор хохирогчийн биеийн байдал хүнд, эмнэлэгийн байгууллагын тусламж авч, хагалгаанд орсон. Шалгалтын ажиллагаа үргэлжилж байна.

Х.Нямбаатар 2023 оны аравдугаар сард нийслэлийн Засаг дарга бөгөөд Улаанбаатар хотын Захирагчаар томилогдсон. Түүнийг 36 дахь хотын даргын ажлыг хүлээн авах үед буюу 2023 оны аравдугаар сард нийслэлийн орлого 1.6 их наяд төгрөг, харин хөрөнгийн үлдэгдэл 822.2 тэрбум төгрөг байжээ. 

2023 оны жилийн эцэст нийслэлийн орлого 2.2 их наяд төгрөг болж өссөн. 2024 онд 3 их наяд төгрөгийн орлоготой, 2.7 их наяд төгрөгийн хөрөнгийн үлдэгдэлтэй, 2025 онд 3.8 их наяд төгрөгийн орлоготой, 2.5 их наяд төгрөгийн хөрөнгийн үлдэгдэлтэй байжээ. Харин 2026 оны 5 дугаар сарын байдлаар нийслэл 1.7 их наяд төгрөгийн орлоготой, 2.5 их наяд төгрөгийн хөрөнгийн үлдэгдэлтэй байна. Х.Нямбаатар 1.6 их наядын орлоготой нийслэлийг хүлээн авч, оны эхний 5 сарын байдлаар 2.5 их наяд төгрөгийн үлдэгдэлтэй хүлээлгэн өгч байгаа аж.

Эдийн засаг, худалдааны Монгол, Туркийн Засгийн газар хоорондын хамтарсан хорооны аравдугаар хуралдаан өнөөдөр /2026.05.11/ Гадаад харилцааны яаманд зохион байгуулагдлаа.  Хуралдааныг Монгол Улсын Батлан хамгаалахын сайд Д.Батлут, Бүгд Найрамдах Турк Улсын Дотоод хэргийн сайд Мустафа Чифтчи нар тэргүүлэн оролцлоо.

Хуралдааны үеэр талууд Монгол, Туркийн стратегийн түншлэлийн харилцааг эдийн засаг, худалдаа, хөрөнгө оруулалт, дэд бүтэц, хөдөө аж ахуй, боловсрол, эрүүл мэнд, батлан хамгаалах болон нийгмийн хамгааллын салбарт өргөжүүлэн хөгжүүлэх асуудлаар санал солилцож, ойрын жилүүдийн хамтын ажиллагааны тэргүүлэх чиглэлүүдээ тодорхойллоо.

Монгол Улсын Батлан хамгаалахын сайд Д.Батлут хуралдааныг нээж хэлсэн үгэндээ Монгол Улс Бүгд Найрамдах Турк Улсыг “гуравдагч хөрш”, “стратегийн түнш” орон хэмээн үзэж, хоёр улсын уламжлалт найрсаг харилцааг эдийн засгийн бодит агуулгаар баяжуулахад онцгой ач холбогдол өгч байгааг тэмдэглэв.

Тэрбээр хоёр улсын худалдааны эргэлтийг 500 сая ам.долларт хүргэх шинэ зорилтыг дэвшүүлж, Монгол Улсад хэрэгжүүлэхээр төлөвлөж буй томоохон бүтээн байгуулалтын төслүүдэд Туркийн талаас хамтарч ажиллахыг урьсан юм. Тухайлбал, “Шинэ Хархорум” хотын бүтээн байгуулалтын хүрээнд шинэ нисэх онгоцны буудал байгуулах, орон сууц барих төсөл, төмөр замын дэд бүтэц, логистикийн салбарт хамтран ажиллах сонирхлоо илэрхийллээ.

Мөн Монгол Улс эдийн засгаа төрөлжүүлэх бодлогын хүрээнд боловсруулах үйлдвэрлэл, сэргээгдэх эрчим хүч, уул уурхай, хөдөө аж ахуй, хүнсний үйлдвэрлэл, технологи болон дижитал шилжилтийн салбарт хөрөнгө оруулалт татахад анхаарч байгааг онцлон тэмдэглэв.

Туркийн талаас тус улсын Дотоод хэргийн сайд Мустафа Чифтчи уул уурхай, үйлдвэрлэл, хөдөө аж ахуй, дэд бүтэц, эрчим хүчний салбарт хамтын ажиллагааг өргөжүүлэх сонирхлоо илэрхийлэв. Тухайлбал, газрын ховор элемент олборлох, мах, махан бүтээгдэхүүн боловсруулах үйлдвэр байгуулах, малын вакцин нийлүүлэх, Монгол Улсад вакцины үйлдвэр хамтран байгуулах, сэргээгдэх эрчим хүч, аялал жуулчлал болон жижиг, дунд үйлдвэрлэлийн чиглэлээр хамтран ажиллах боломжийн талаар санал солилцлоо.

 Хуралдааны төгсгөлд талууд Монгол, Туркийн Засгийн газар хоорондын хамтарсан хорооны аравдугаар хуралдааны протоколд гарын үсэг зурсан бөгөөд энэхүү баримт бичиг нь хоёр улсын  цаашдын хамтын ажиллагааны ойрын жилүүдийн замын зураг болох юм.

МТЗ-ын захирал О.Батчулуунтай холбоотой маш ноцтой баримтууд ил боллоо. Уг баримтууд бол зүгээр нэг тендерийн маргаан бус бусдыг тендер авахад ашиглаж байгаад эцэст нь амь насыг нь бүрэлгэх, хил дамнуулан зугатаалгах гээд маш ноцтой хэргийн сэжүүр болж байгаа юм.

МТЗ ТӨХК-ийн захирал О.Батчулуун нь “Батжин харгуйн зам” ХХК-ийг удаа дараагийн үйлдлээр 30 орчим тэрбум төгрөгийн тендерт шалгаруулжээ. Гэвч тус компани өнөөдрийг хүртэл МТЗ-д тендерийн үүргээ биелүүлээгүй байгаа нь төмөр замын томоохон төслүүд удаашрах, ард түмний татварын мөнгө хэдхэн бүлэг этгээдүүдийн халаас руу хяналтгүй орсоор ирсэн нь баримтуудаар ил болж Монголын төмөр зам ТӨХК хулгайн үүр уурхай болжээ.

Гэрээний үүргээ удаа дараа биелүүлэхгүй байгаа атлаа дахин дахин төмөр замын томоохон тендерүүдийг хамагч “Батжин харгуйн зам” ХХК-ыг хууль хяналтынхан анхааралдаа авч шалгаад захирал О.Ганхуяг гэгч этгээд хуурамч бичиг баримт бүрдүүлэн тендерт оролцдог байсныг нь шалгалтаар тогтоон яллагдагчаар татаад байхад ч МТЗ ТӨХК-ний удирдлагууд “Батжин харгуйн зам” ХХК-д дахин давуу байдал олгож 2026 оны 01 дүгээр сард 13.1 тэрбумын өндөр дүнтэй шууд гэрээг байгуулсан нь эс үйлдлээрээ хулгайг өөхшүүлж ил цагаандаа гарсан үйл явдал болсон юм.

Ийнхүү улсыг 30 орчим тэрбум төгрөгөөр хохироогоод байгаа “Батжин харгуйн зам” ХХК даварлаа даварлаа гэхэд хэрээс хэтэрч гэрээний үүргээ биелүүлэхийн оронд захирал О.Ганхуяг нь компаний эрхээ бусдад шилжүүлсэн байна. Ийнхүү О.Ганхуяг үнэнд гүйцэгдэж ирэхийн цагт арга буюу олон тэрбумын тендерийн ард юу болсон талаар бодит байдлыг дэлгэж орхисон юм.
Тэрбээр: “Манай компанийн тендерт ялсан бүх мөнгийг “Монголын төмөр зам” ТӨХК-ийн дарга нар хувааж авсан. Надад юу ч байхгүй” хэмээн мэдэгдэж эхлэнгүүт нь МТЗ-д Санхүү хөрөнгө оруулалтын хэлтсийн даргаар ажиллаж байсан Даваажаргал гэгч О.Ганхуягыг амыг нь таглах гэв үү? Амийг нь бүрэлгэх гэв үү санд мэнд хил давуулан хамт алга болжээ.

Үндсэндээ О.Ганхуяг нь МТЗ-ТӨХК-ийн дарга нарын тендер хамдаг тоглоомын хүн болж хохирсон нь нэгэнт тодорхой болсон юм. Ийнхүү хэргийн гол гэрч болоод буй энэ хүн амьд эргэж ирэх баталгаа байна уу? эсвэл цөллөгт байлгаж байгаад хэрэг намжсаны дараа авчирах арга сэдсэн үү?гэдэг анхаарал татаж байна.
“Батжин харгуйн зам” ХХК-ийг тендер хамдаг тоглоомын компаниа болгож улсыг 30 орчим тэрбумаар хохироогоод байгаа “Монголын төмөр зам” ТӨХК-ийн дарга нар өмнө нь ч иймэрхүү аргаар төрийн өмчит компанийг тонон дээрэмддэг нь илчлэгдсээр байна.

Баттай эх сурвалжийн мэдэгдэж байгаагаар МТЗ ТӨХК-ийн Гүйцэтгэх захирал О.Батчулуун, Санхүү хөрөнгө оруулалтын хэлтсийн даргаар ажиллаж байсан Даваажаргал, Ерөнхий нягтлан Нэргүй, Нягтлан бодох бүртгэлийн хэлтсийн дарга Цогтбаатар нар өмнө нь яг энэ бүрэлдэхүүнээрээ Монголын цахилгаан холбоо ТӨХК-д ажиллаж байжээ. Ингэхдээ мөн л нэг тоглоомын компанид давуу байдал олгож байсан байна. Өөрөөр хэлбэл төрийн өмчит компаниудыг тонон дээрэмдэж улсыг хохироодог бүхэл бүтэн бүлэглэл амь бөхтэй оршиж хулгай хийх арга нь улам нарийссан гэдгийг харуулж байна. Эдгээр хүмүүсийг өнөөдрийг хүртэл төрийн өмч дээрэмдэж явааг хамгаалж хаацайлдаг УИХ-ын эрхэм гишүүн байгааг ч эх сурвалж бидэнд мэдэгдсэн юм. Энэ талаар бид эргэн мэдээллэх болно.

16 настай охиын давж заалдах шатны шүүх хурлыг тавдугаар сарын 1-ний өдөр товлосон ч прокурор н.Баясгалан шүүх хурал давхацсан гэх үндэслэлээр шүүх хуралд ирээгүй тул шүүх хурлыг өнөөдрийн 09:00 цагт болгон хойшлуулсан. Тэгвэл 16 болон 32 настай иргэдийг онц хэрцгийгээр хөнөөсөн Ц.Дагвадорж нарын дөрвөн хүнд холбогдох хэргийн давж заалдах шатны шүүх хурал өнөөдөр Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд хаалттай болж байна. 

Анхан шатны шүүх хурал өнгөрсөн нэгдүгээр сард болж,  хэргийг үйлдсэн Ц.Дагвадоржид бүх насаар нь хохих ял оноож, хэргийн газар хамт байсан Э.Номин-Эрдэнэ, Э.Ган-Эрдэнэ, мөн уг хэрэгт нэр нь холбогдоод буй насанд хүрээгүй шүүгдэгч Х.Энхсайхан нарын хэргийг хэрэгсэхгүй болгож шийдвэрлэсэн юм. Шүүхийн шийдвэрийг амь хохирогчийн ээж Г.Отгонтуяа болон өмгөөлөгчийн зүгээс  санал нийлэхгүй байгаагаа илэрхийлж, давж заалдаж байгаа юм.