Шүлэг - www.Choibalsan.mn

Аймгийн заан Г.Төрболдод зориулсан шүлэг

magnai — Fri, 27 Jul 2018 08:08:59 +0800

Аавын хүслийг гүйцээх ах дүү хоёр

Алаг асрын өмнө хүчийг үзэн шуугиулахад

Суутай наадмын дэвжээг дүүргэж явсан аавын

Сул асгарах нулимс дээлэн энгэр тушаа

Тахимаа өгсөн дүүгийн сэтгэл дүүрээд өег

Тааж мэдсэн наадмчидын ёндоо дүүрээд өег

Талын хотын наадам хүндлэл дүүрээд өег

Талцах маргаан үгүй цолондоо дүүрээд өег өө, чи дүүрэн заанаа

Ааль ялдам бүсгүйн алаг нүдний харц

Алдуурч нэг , бахдаж нэг байх үес

Ардын дууны нугалаа шиг уран маяг мэхээр

Аатай наадмын дэвжээг дүүргэж нэг өндөлзүүлсэн, чи дүүрэн заанаа

Дүүрэн төрсөн заяандаа ухаан тэлж мэхийгээд

Дугуй дэвжээнд өрж, чичигнүүлэн ялахад

Баян хайрхан уул нь тосон байж өндөлздөг

Улзын уран гол нь дүүрэн байж халгинаа , чи дүүрэн заанаа

Өндөрхөн оройтой малгайтай өлчир буриад зоной

Өнгө толонг дүүргэсэн булиахан дүүрэн заанаа

Өлгийдөх дүүгээ дуудан хорвоог дүүргэн дэвсэн

Өргөн Ононгийн давтагдамгүй хүчтэн үнэнд дүүрсэн, чи дүүрэн заанаа. . .

Ч.Цолмон

А.Эрдэнэ-Очир: Голын тохойд

munkhbat — Tue, 15 May 2018 00:36:05 +0800

Газрын магнайнаас хөлөрч урссан Сэлэнгийн салаа тохой дээр
Гандсан намрын шаргал өдөр устай мушгиран одохыг харжээ суугаад
Ганц дуу чамд зориулан дуулж түүнийгээ тэнгэрийн цээлд нараар мэтгэн
Ганихан хорвоогийн өнгөн дээр бусдын зүрхэнд шигтгэн гэрэлтүүлэх болов би

Амьдрал мөнхийн зүүд минь тэнгэрийн зурсан зураг минь
Алдааг нь цуглуулахад ч жаргал амтагдмаар хонгор минь
Алсаас над руу урссан цаг хугацааны зэрэглээн дундаас
Амжиж миний олж харсан үл мэдэг инээмсэглэлт минь

Нуруу алаг ангир цоохор дуугаар ганганан ус цахлаад
Нулимс сувдан бороо тэнгэрийн хачанд цайраад болив бололтой
Нутаг алсын чамайгаа эзгүй хойгуур голын чинь тохой дээр санаашран
Нууцхан шаргал гунигийг минь нарны утас хөвөрдөхөд хөндүүр төрнө

Тэр нээг хаврын энгэрийн чинь гэгээ шиг хэсэг үүл
Тэр л цагаас хойш миний цээжинд нүүсээр одов
Тийм сайхан нүдэнд гуниг суусныг олж харсан цагаас хойш
Тэнгэрийн дор хайрын үлгэр эхлүүлэн чамайг бодов

Ирж яваа цаг бид хоёрыг амрагын төгөлд уулзуулан зурж
Ирэх хайрын зовлонгоор жил сар тохуурхан урсах ч билүү
Идэр зүрхний гүнд хаврын нэг өдрийн салхи тоглон эргэж
Ийм нэг намар голын чинь тохой дээр суулгана гэж санаа ч билүү

Гэрлийн мянган долгис мод бургас сүлжин уул ороогоод
Гэнэн хонгор шувуу өвс зууж амраг ижилдээ нисэх нь уярал хөндөнө
Гэгэлгэн ийм нэг агшныг сэтгэлдээ намуухан хонгор салхиар бичиж
Гэгээн хорвоогийн хуудас бүхэнд хувилан чамд илгээх болов

Мартагдсан хуучин дууны нэг бадаг гэнэт санаанд орж аялагдаад
Манантай алсын ууланд зүр хур эрхлэхийг бодолдоо харж сууна
Мандаж жаргах нар сарны урсгалд сэтгэлийн навч ганц нэгээр унаж
Магадгүй энэ голын тохой дээр дахиад л дурсамжийн салхи сэвэлзэх биз ээ

Алчуур нь дэрвэх бүсгүй шиг салхины хаяа цэнхэртээд
Алсын хөхрөгч ууланд манан суугаад босов бололтой
Амрагын санаашралд гунигших нь залуу насны эгшиглэн юм аа
Аниргүйн дунд ганцаардах минь тэнгэрийн мөнгөн зүүд юм аа

Арлааны Эрдэнэ-Очир.

“Болор цом-34″ наадам Дорнод аймагт болно

marsbold — Fri, 13 Jan 2017 17:13:06 +0800

МЗЭ-ээс жил бүр уламжлал болгон зохион байгуулдаг оны шилдэг яруу найраг, шилдэг шүлэгчийг тодруулах Болор цом 34 дэх удаагийн наадам энэ сарын 28-нд Дорнод аймгийн Чойбалсан хотод болно. Энэ удаагийн наадам Эрээнцавын нэрт яруу найрагч Данзангийн Нямсүрэн агсаны мэндэлсний 70 насны ойн хүрээнд наран ургах Дорнын уудам тал, Хан-Уул, хатан Хэрлэнгийн хөвөөнөө болж буйгаараа онцлог юм. Ерөнхий зохион байгуулагчаар аймгийн ЗДТГ, МЗЭ ажиллана. Орон нутаг дахь ажлын хэсгийг аймгийн Засаг даргын орлогч Ш.Ёл ахлан ажиллаж байгаа бөгөөд наадмын хүрээнд зохион байгуулах ажлуудыг төлөвлөн, бэлтгэл ажлыг хангаж эхэлжээ. Ивээн тэтгэгч байгууллагаар Чойбалсан хотын захирагчийн алба, Дорнод аймгийн Морин спорт, уяачдын холбоо, "Дорнод гурил” ХХК зэрэг компаниуд хамтран ажиллахаа илэрхийлээд байна.

Наадамд оролцох бүтээлийг Монголын зохиолчдын эвлэл энэ сарын 20-ныг дуустал хүлээн авч эхний шалгаруулалтыг явуулна. Шалгарсан 30 яруу найрагч аймгийн Хөгжимт драмын театрт болох "Болор цом-34″ наадмын тайзнаа өрсөлдөх юм.

Дашрамд дуулгахад Болор цом наадмыг Улаанбаатар, Эрдэнэт, Дархан хотод зохион байгуулж байсан бөгөөд манай Чойбалсан хот ийнхүү дөрөв дэх хот нь болж байна. Хамгийн анхны наадамд Д.Пүрэвдорж найрагч "Хүн төрөлхтөнд хүргэх шүлэг”, удаах наадамд Д.Цоодол "Нэр нь тодроогүй баатрууд” шүлэг, түүний дараа жил Б.Лхагвасүрэн "Шагнал” шүлгээрээ Болор цомын эзэд болж байжээ.

Аймгийн ЗДТГ-ын Олон нийттэй харилцах алба

Буриад

marsbold — Tue, 13 Dec 2016 16:16:11 +0800

Дөрвөн дугуйтай тэрэг харагдана "ХОДООГ" гэдэг юм
Дөрвөлжин энгэртэй дээл харагдана "ДЭГЭЛ" гэдэг юм
Тод улаан цэцэг харагдана "УЛААЛЗАЙ" гэдэг юм
Торомгор цагаахан охид харагдана "БАСАГАН" гэдэг юм
Хавь газар халцартал бүжиг эгшиглэнэ "ЁОХОР" гэдэг юм
Мохор зажилж, модоор байшин барьж
Адгийн дархан богцондоо арван сүхтэй гэдэг юм
Хөзөр тоглож, хүнс базааж мойлтой тос үйлдвэрлэж
Баргийн эмгэн амбаартаа жилийн хүнстэй гэдэг юм
Буриадууд гэж худал ярьдаггүй хуруундаа "АЛТ" зүүдэггүй
Зүрх нь чангахан, зүс нь улаахан
Эр хүдэр ИЙМ ХҮМҮҮСИЙГ хэлдэг юм.

Л.Дугарсүрэн "БУРИАД" шүлгээс

Д.Нямсүрэн: Өвдгийг тань дэрлээд зүүрмэглэжээ, би

marsbold — Tue, 07 Jun 2016 10:14:40 +0800

Өвдгийг тань дэрлэлээ, хонгор минь

Өвсөн дотор шувуу ингэж амардаг биз ээ

Үсийг тань үнэрлэлээ, хонгор минь

Үүлэн уулын цэцэгс ингэж анхилдаг биз ээ

Гоо хоёр хөлийг тань үзлээ, хонгор минь

Гол ус ийм намуухан урсдаг биз ээ

Гоц хасын ялгарах сарны гэрэл дунд тэгээд

Гойд амтлаг улаан нэг лийр боловсордог биз ээ

Эрдэнийн хоёр товчоор тань эрхэллээ, хонгор минь

Илчит наран бөмбөрцөг ийм халуун байдаг биз ээ

Ээрэм талын чөлөө рүү тэгтэл хоёр амьтан цахилвай

Энэ хоёр бодвол Эрээнцавын минь чандага буй за.

Ууц бэлхүүсийг тань тэвэрлээ хонгор минь

Усны гүндээ загас ийм эвтэй байдаг биз ээ

Уяхан булбарай уруулыг тань шимлээ, хонгор минь

Улаалзганы шимүүстэй дарс ийм амттай байдаг биз ээ

Шүдний хэвийг эгэм хоолойд тань үлдээлээ хонгор минь

Шүрэн ундрамт зүүлтэн чимэг гэж байдаг даа

Усан үзмийн хүрэн хүйсний тань хилийг давлаа

Урьд Дарьгангын алтан харгана ийм үйстэй дээ.

Хурц хумс чээжин дээр алмааз адил зурлаа

Хулсхан биеийн тань хүслийг яаж номхотгох вэ?

Заримдаа зүүдний саарал мананд үзэгддэг

Залуу тэр охин чоно ямар учиртай юм бол?

Өвдгийг тань дэрлээд зүүрмэглэжээ, би

Өвсөн дотор шувуу ингэж амардаг биз ээ ...

1999.11.07-09 Эрээнцав

"Амитаба" номын 150-р тал

Данзангийн Нямсүрэн : Өвлийн гол усныхаа эгшиглэн цагаан дунг сонсмуй

marsbold — Thu, 18 Feb 2016 12:34:13 +0800

Өвлийн гол усныхаа эгшиглэн цагаан дунг сонсмуй

Өврөөс сэрэх янагийн минь хөмсөг алтан хараацай шиг нисмүй

Өглөөний тунгалаг, мөнгөн талынхаа дууллыг чагнамуй

Өврөөс сэрэх янагийн минь сормуус алтан хийл шиг харагдмуй

Өргөн нуга хөндий ян тас хөлдөх нь зүүрмэг үүрээр дуулдмуй

Өврөөс төөнөх янагийн минь хоёр шувуу зүүд үргээмүй

Үүнгүйгээр байх аргагүй байгалийн симфони нойр хулжаамуй

Өврөөс долгилох янагийн минь хөл өвдгөн дээгүүр урсмуй

Өндөр хөх огторгуйд цалин цавцгар уулс хангинан янгинамуй

Өврөөс сэрэх янагийн минь царай тэргэл саранг чимэмүй

Үүрийн улбар туяанд шөнийн бүрэнхий лаа шиг асмуй

Өврөөс мишээх янагийн минь нүд алтан тугал шиг сэрмүй

Үймэг бүймэг оргиод тэнгэр бид хоёр дүнсиймүй

Өврөөс өндийх янагийн минь гэзэг алтан бороогоор асгармуй

Үелзэх цэнхэр гялбаа хаялж одод зурс зурсхийн цахилмуй

Өврөөс өндийх янагийн минь үс алтан алмазаар эсгэмүй

Өмнөдийн салхи, шил хөндийгөөр исгэрэн лимбэдмүй

Өврөөс эхнэр босох нь алтан гөрөөс мэтүй

Үүлс хяраалж тэнгэрийн заадсаар сүйх тэрэг одмуй

Өврөөс эхнэр босох нь наран сарны завсар мэтүй

Өвлийн тэргүүн сарын шинийн хоёрны саран үзэгдэх нь

Өргөний голын мөсөн дээр ээмэг унах шиг цангинамуй

Суль өвс мандолины утас шиг жингэнэн чулууг гуядлахуйд

Чухамхүү миний янагийн хоолой алтан ятгаар эгшиглэмүй

Үүлний энэ байдал цаст цагаан зургийг үзүүлмүй

Өнөд тэр нь миний чиний орчих хязгаар болой

Үүдний довжоон дээгүүр цан мөсний яруу дуун гармуй

Өнгөрсөн хийгээд өнөөдрийн тухай юуг би бодмуй

Өврөөс эхнэр босох нь алтан бугын гүйдэлтэй ...

Гүйгүүл холын зэрэглээ хуучир хөгжим шиг долгилмуй

Гүнд цэцэгс шөнөд дэлгэрэх нь чиний биеийн галбир буюу

Ай миний нутгаа зорих зам дээр шаргачин зогсох нь

Алтанхан шанз мэт ээ, Ай Нан-аа эгч минь!

Гурвуулаа байлаа гэж Мэнд-Ооёо, Нямсүрэн хоёр дуулмуй

Гурван марал од тэнгэрт зэрэгцэн оршихын билгэдэл юу вэ?

Гүйгээд очмоор Наранбулагийн жаахан Хандмаа минь дээ

"Гүнгийн зуугийн гэгээний алтан сургаалийг” би л "зохиосон” юм шүү дээ

Гүйцээгээгүй орохисон учраас Дашбалбар дүү минь алга болсон юм даа

Бодоод байхнээ би хаднаас ч хатуу чийг ч үгүй болж дээ

Болжмор, болжморуудад нулимсаа бэх бэхээр нь өгчихсөн

Нарт энэ ертөнц дээр хоёрхон юмыг авч үлдлээ би,

Надаас өөр хэн ч бичихгүй шүлэг, хэн ч үнсэхгүй уруул

2001. 11. 17

Өвлийн тэргүүн сарын шинийн хоёрон

***
Өвлийн гол усныхаа эгшиглэн цагаан дунг сонсмуй
Өврөөс сэрэх янагийн минь хөмсөг алтан хараацай шиг нисмүй
Өглөөний тунгалаг, мөнгөн талынхаа дууллыг чагнамуй
Өврөөс сэрэх янагийн минь сормуус алтан хийл шиг харагдмуй
Өргөн нуга хөндий ян тас хөлдөх нь зүүрмэг үүрээр дуулдмуй
Өврөөс төөнөх янагийн минь хоёр шувуу зүүд үргээмүй
Үүнгүйгээр байх аргагүй байгалийн симфони нойр хулжаамуй
Өврөөс долгилох янагийн минь хөл өвдгөн дээгүүр урсмуй
Өндөр хөх огторгуйд цалин цавцгар уулс хангинан янгинамуй
Өврөөс сэрэх янагийн минь царай тэргэл саранг чимэмүй
Үүрийн улбар туяанд шөнийн бүрэнхий лаа шиг асмуй
Өврөөс мишээх янагийн минь нүд алтан тугал шиг сэрмүй
Үймэг бүймэг оргиод тэнгэр бид хоёр дүнсиймүй
Өврөөс өндийх янагийн минь гэзэг алтан бороогоор асгармуй
Үелзэх цэнхэр гялбаа хаялж одод зурс зурсхийн цахилмуй
Өврөөс өндийх янагийн минь үс алтан алмазаар эсгэмүй
Өмнөдийн салхи, шил хөндийгөөр исгэрэн лимбэдмүй
Өврөөс эхнэр босох нь алтан гөрөөс мэтүй
Үүлс хяраалж тэнгэрийн заадсаар сүйх тэрэг одмуй
Өврөөс эхнэр босох нь наран сарны завсар мэтүй
Өвлийн тэргүүн сарын шинийн хоёрны саран үзэгдэх нь
Өргөний голын мөсөн дээр ээмэг унах шиг цангинамуй
Суль өвс мандолины утас шиг жингэнэн чулууг гуядлахуйд
Чухамхүү миний янагийн хоолой алтан ятгаар эгшиглэмүй
Үүлний энэ байдал цаст цагаан зургийг үзүүлмүй
Өнөд тэр нь миний чиний орчих хязгаар болой
Үүдний довжоон дээгүүр цан мөсний яруу дуун гармуй
Өнгөрсөн хийгээд өнөөдрийн тухай юуг би бодмуй
Өврөөс эхнэр босох нь алтан бугын гүйдэлтэй ...
Гүйгүүл холын зэрэглээ хуучир хөгжим шиг долгилмуй
Гүнд цэцэгс шөнөд дэлгэрэх нь чиний биеийн галбир буюу
Ай миний нутгаа зорих зам дээр шаргачин зогсох нь
Алтанхан шанз мэт ээ, Ай Нан-аа эгч минь!
Гурвуулаа байлаа гэж Мэнд-Ооёо, Нямсүрэн хоёр дуулмуй
Гурван марал од тэнгэрт зэрэгцэн оршихын билгэдэл юу вэ?
Гүйгээд очмоор Наранбулагийн жаахан Хандмаа минь дээ
"Гүнгийн зуугийн гэгээний алтан сургаалийг” би л "зохиосон” юм шүү дээ
Гүйцээгээгүй орохисон учраас Дашбалбар дүү минь алга болсон юм даа
Бодоод байхнээ би хаднаас ч хатуу чийг ч үгүй болж дээ
Болжмор, болжморуудад нулимсаа бэх бэхээр нь өгчихсөн
Нарт энэ ертөнц дээр хоёрхон юмыг авч үлдлээ би,
Надаас өөр хэн ч бичихгүй шүлэг, хэн ч үнсэхгүй уруул

2001. 11. 17
Өвлийн тэргүүн сарын шинийн хоёро - See more at: http://biirbeh.mn/index.php?sel=content&f=one&obj_id=4814#sthash.GYQmm52a.dpuf

Үнэний төлөө тэмцэгсдийг нь, үхэл аваад арилав

tonshuul — Fri, 05 Feb 2016 10:55:25 +0800

Үнэний төлөө тэмцэгсдийг нь, үхэл аваад арилав
Өвгөдийн захиасыг дагагсдыг нь, эрлэг туугаад морилов
Будант цагийн тоосон дороос, бурангуй бүхэн өндийв
Буурал дээдсийн голомт дээр, бузар бүхэн овооров
Эвхрэн хэвтлээ ч эх орноо өмгөөлөх нь чамаас өөр хэнсэн?
Энэлэн уйлаа ч элгэн түмнээ манлайлах нь чамаас өөр хэнсэн?
Эвдрэн нурлаа ч эвлүүлж босгох нь чамаас өөр хэнсэн?
Элэгдэн сэмэрлээ ч ирлэж тэгшлэх нь чамаас өөр хэнсэн?
Хацраа жадлуулавч далидарч үзээгүй Монголын хөвгүүд сэр
Хар цусаа асгавч халирч байгаагүй халхын удам өндий
Харьтан дайсны өмнө хэвтээ нөхцөөгүй баатрын хойчис сэхээр
Халуун зоосоор шахавч ёолоо нь үгүй дайчны үрс бос...
Өвдөгийг нь хугаллаа ч өвгөдийн зоригийг залгаж өндийх
Өрийг нь цөмөллөө ч өөрийн нутгаа тэвэрч ойчих
Эрэлхэг хөвгүүдээ эх орон чинь үгүйлж байна
Эрин зууныг донсолгон довтолгож ирэхийг чинь хүлээж байна...Хурай...

Л.Срона. 2015. 02.01

МӨНГӨН ШӨНӨӨР

tonshuul — Wed, 03 Feb 2016 16:45:25 +0800

Эзэн нь шүлгээ уншчихаад уйлж байна лээ
Энэ шүлгийн сонссон чинь нээрээ уйлах гэж байна лээ.

МӨНГӨН ШӨНӨӨР

Мөнгөн шөнөөр би холын холыг зорино
Мөрөөдлөө хүүдээ үлдээчихээд аниргүйн гэгээнд уусна
Ийм аялалаа бодохоор сэтгэл нэг л дэнслээд
Ирж буй цагийн тухай асгаруулан дуулмаар бодогдоно
Тэнгэрийн гэрэлт хаалгыг аяархан татахаар зорино
Тэрлэгээ тайлах шиг тавиланг аргадаж тайтгаруулсаар одно
Надтай зөрж ирэх нялх энхрийхэн бүхэнд
Нарны галтай бийрээр хайр тэрлэж үлдээнэ
Эхлэл нь замхравч төгсгөл нь эхэлдэг орчлон юм
Ээж нь охиндоо эргэж төрдөг хорвоо юм
Дуу нь намдавч цуурай нь шуранхайлдаг ертөнц юм
Дурдатгалын шидэт гүүрээр ирээдүйд зорчих тавилан юм
Охины минь нууцлаг инээмсэглэл болор одны дохио мөнийг
Оньсого таах хүү минь өндөр заяаны оньсого мөнийг
Одож байхдаа мэдрэх ямархан бол гэж санахаар
Онцын сонин тэр аялал зүрхэн дотор нүргэлнэ
Зүсэрч буй бороон дундуур одоохондоо би зүсэрч л явна
Зөнгийн бүрээ хангинан дуурсахаар аялалын цаг дохиолсныг мэдэрнэ
Бударч буй цасан дундуур одоохондоо би бударч л явна
Бурханы мэлмий ирмээд гэрэлтэхээр жингийн сүйх ирчихсэнийг ойлгоно
Өөрийн биеийг тэрлэг шигээ тайлж орхиод
Өнгө бүхнийг багтаасан цагаан зурвасыг дагаад
Холын хол аялалд одохын тэр цагт минь
Хорвоо дээр нэг л оньсого нууц хэвээрээ үлдэнэ дээ
Алтан ишийг нь ороогоод хортой могой ургачихсан ч
Арааны шүлс асгармаар амтат тошлой ургаж байна
Амьд явна аа гэдэг юутай нандин агуулга мөнийг
Амжиж мэдрэхээр би одоохондоо алхаж л явна
Нүднээсээ дотогш харах гээд лааны гэрэлд сүүмийж суулаа
Нүцгэрч буй модны дотор цагариг эргүүлээд жиндэж суулаа
Хайртай гээд хэлж зүрхлэлгүй харамласхийгээд ганхаж суулаа
Халуун бодлынхоо цөмд өөрийгөө аргамжаад бөртийж суулаа
Мөнгөн шөнөөр би холын холыг зорино
Мөрөөдлөө хүүдээ үлдээчихээд аниргүйн гэгээнд уусна
Ийм аялалаа бодохоор сэтгэл нэг л дэнслээд
Ирж буй цагийн тухай асгаруулан дуулмаар чиг бодогдоно доо

Б.Баттулга

Хүүхдийн дуунуудаа нэг дороос /Хэрэгтэй мэдээлэл/

tonshuul — Thu, 14 Jan 2016 12:16:17 +0800

Тавь гарсан эрчүүдээ гэж...

tonshuul — Tue, 05 Jan 2016 09:19:19 +0800

Наанатай цаанатайг ойлгочихсон
Намбатай суурьтай болчихсон
Баргийн юманд гэнэдэхгүй
Барьц алдан сандрахгүй.

Алдсанаа нөхөх гэж яарсан
Амраглан жаргахаар тэмүүлсэн
Халамж хайрын далай мэт
Харгүй цэлмэг тэнгэр мэт

Бүсгүй хүний гоо сайханыг
Бүлээн зүрхээрээ мэдэрчихсэн
Янаг дурлалын эрдэм чадалд
Янзтай сайхан суралцчихсан

Сэтгэл нь гэж сүү сүү
Итгэл нь гэж гэрэл гэрэл
Нүнжиг нь гэж далай далай
Нүүр нь гэж буян буян.

Хайрлах дурлах хоёрыг
Хачин сайхан хослуулдаг
Хардах харамлах хоёрыг
Хамгаас эвлэгхэн гаргачихдаг.

Хайр даах нэгнийг ялгаж салгаж таньдаг
Хань болох нэгнийг дэргэдээ аргамжиж чаддаг
Сайхан царай,сайхан биеийг бахдавч
Сац бас дотоод гоог шүтдэг.

Үр хүүхдээ санасандаа хүргэсэн
Үе хойчдоо ч боломжийг бүрдүүлсэн
Хийсэн ажилтай,туулсан түүхтэй
Хэлэх үгтэй,хойморлох хүндтэй.

Буян нүглийг ялган салгадаг
Бусдын харцанд үл дальдардаг
Хээтэй хорвоог өөрийнхөөрөө зураж
Хэлхсэн амьдралаа нуруундаа үүрч

Зовлон жаргалд барьц алдахгүй
Зоргоороо бүсгүйд нуруугаа алдахгүй
Тэнгэр татсан өөдөө хийморьтой
Тэнд орших өндөр заяатай

Талын Монголын чимэг эрс
Ташуурын амт шиг шорвог эрс
Газарт шаасан гадас шиг эрс
Гандан буурахгүй омог эрсээ.

Тавь гарсан эрчүүдээ гэж...
2015-01-04,Жаргал.Н.

50-иад оны Далан худалч, Бэлэн Сэнгийн ярианаас...

munkhbat — Thu, 05 Nov 2015 12:30:14 +0800

Намтар баяжаад
Наадам ч сайхаан,
Яармагын дэнжид
Ярайсан олон асар майхан дунд
Халтар Хорин тавтаар хонжигоо арчаад,
Халзан Тавьтаар тамхиа ороогоод
Ханагар Зуутаар гуанздаад явж байлаа.
Тэгтэл дал мөрөн дээр нэг нөхөр алгаддаг юм байна. Эргээд хартал мань сахал Шаталин байна. /Сталиныг хэлэв/
- За Намхай найз манай майхнаар ороод гарахгүй бол намар болтол гол горойно шүү гэж байна.
Сахал Шаталины майханд очлоо. Адууны шээс шиг шар юм өгч байх юм. Хоёр гурван хулыг уусан болоод сууж байтал арааживаар
-Намхай зодоглоорой гээд л дуудаж байна.
Зодоглоод гарлаа. Тэгтэл
Яармагын дэнж найгаж ганхаад,
Яггүй учраа маань хоёр харагдаад болдоггүй.
Өндөр тэнгэр доошоо харчихаад
Өмнөх учраа маань гурав болчихоод горьгүй ээ...
Уур хүрээд
Ухасхийж дайраад
Урамтай сайхан дунгуйдаж орхисон чинь
Улаан тоос хадаад
Улс амьтан пирхийгээд л явчихлаа.
Учир юу болов гэтэл
Учраагаа биш засуулаа дунгуйдаж орхижээ.
Тэгтэл нэг бүдүүн дуутай хүн
-Намхай согтуу байна
Наадам хойшлуул гээд л хаширдаг юм.
Нэг нүдээ аньж байгаад
Нэлээн сайн өлийгээд харсан чинь
Төв асрын үүднээс
Төмөр хошуу гозолзуулчихсан /Амандаа барьдаг цагаан хоолой/
Мань Шаталин хашгирч байна аа.
Тэгээд наадам хойшилж маргааш нь Намхай хүү би барилдаж начин цол хүртвээ. Бас болоогүй уран сайхан барилдсан гээд Улам нэмэх чимэг нэмж, Алтан гадас одон өгдөг юм байна.
- Намхай гуай, одоо тэр Алтан гадас тань бий юу гэж асууваас...
- Бий бий. Манай том хүү Сүхээ, одоо энэ золиг хөхөө өвлийн хүйтнээр морь аргамжиж байгаад дээд сэнжийг нь хуга цохиж орхисон байна билээ. Нэг сэнжгүй юм авдрын ёроолд хэвтэж л байгаа даг...
.

Би найман зууны тэртээх төр шиг төрийг хүснэ

magnai — Mon, 05 Oct 2015 12:38:30 +0800

Би боддог

Би найман зууны тэртээх төр шиг төрийг хүснэ
Би найман зууны тэртээх түшмэд шиг түшмэдийг хүснэ
Би наран ургах зүгийн цагаан тоосыгч хайрлана
Би нарлаг шаргал талын урин салхийгч хайрлана
Төрийн төлөө зүрхээ өгөх эрэлхэг зоригт МОНГОЛ ЭРЧҮҮД
ТҮМНИЙ төлөө амиа өргөх чин үнэн МОНГОЛ ТҮШМЭД
Он цагийн буурал салхинд элэгдээгүй гэж би боддог
Одоогийн ниймгэмд дуу болон цангинан гэж би итгэдэг
Хацар исгэн үлээх харь нутгийн салхи
Халх нутгийн гүнд исгэрэх болоо юу?
Халуун амь бүлээн цусаараа хамгаалж ирсэн нутаг
Халтар цаасаар хэзээ ч үнэлэгдэхгүй гэж би сүсгэлдэг

Би итгэдэг
Төрийнхөө төлөө үнэнч ТҮШМЭД гарч ирнэ гэдэгт
Төрсөн нутгаа хамгаалах ЭГЭЛ АРД олширно гэдэгт
Түмний үрсийг өөрийнхөө үр шиг ЭНЭРЧ ХАЙРЛАНА гэдэгт
Түүхийн арвин хуудсыг бүдгэрүүлж, АРЧИХГҮЙ гэдэгт

Би мөрөөддөг
Зун шиг зунтай нутгийн өвс халиурсан талд
Зуун дамжин ирсэн түүхийн, өвгөн буурал салхины чимээг
Зулзган балчир үрсийн инээд цалгисан үдшээр
Замбуулин хорвоо чиний мөн чанрыг танин сууна гэж
Ихэд дээдсийнхээ ёс заншил өв соёлыг бишрэх
Их олон чин үнэн мөн чанрыг судлах
Энэрэл хайрыг зүрхэндээ гийлүүлсэн
Энхрий үрсийн бумбын орон ирнэ гэж мөрөөддөг

Б.Батзориг

"БИД МАРТАХГҮЙ"

tonshuul — Mon, 21 Sep 2015 13:20:01 +0800

Домог түүхт Халхын голоо бид мартахгүй
Дорнын хөх уудам талаа бид мартахгүй
Домгийн цэнхэр Далай ээжээ бид мартахгүй
Дэлхийд цуутай нутгаан бид мартахгүй ээ

Зэрэглээ татсан толгодоо бид мартахгүй
Зээрийн сүрэг хотолсон Мэнэнгийн талаа бид мартахгүй
Зөөлөн илбэх хээрийн салхиа бид мартахгүй
Зүүдэнд уяатай сайхан нутгаан бид мартахгүй ээ

Сүрлэг хайрхан Вангийн Цагаан Уулаа бид мартахгүй
Сүүмэлзэн харагдах Сангийн далайгаа бид мартахгүй
Намартаа буцах нүүдлийн шувуудийг бид мартахгүй
Наран ургах тал нутгаан бид мартахгүй ээ…

Г. Алтанцэцэг 2015.08.26

Домог түүхт Халхын голоо бид мартахгүй

magnai — Mon, 07 Sep 2015 18:02:08 +0800

Домог түүхт Халхын голоо бид мартахгүй
Дорнын хөх уудам талаа бид мартахгүй
Домгийн цэнхэр Далай ээжээ бид мартахгүй
Дэлхийд цуутай нутгаан бид мартахгүй ээ

Зэрэглээ татсан толгодоо бид мартахгүй
Зээрийн сүрэг хотолсон Мэнэнгийн талаа бид мартахгүй
Зөөлөн илбэх хээрийн салхиа бид мартахгүй
Зүүдэнд уяатай сайхан нутгаан бид мартахгүй ээ

Сүрлэг хайрхан Вангийн Цагаан Уулаа бид мартахгүй
Сүүмэлзэн харагдах Сангийн далайгаа бид мартахгүй
Намартаа буцах нүүдлийн шувуудийг бид мартахгүй
Наран ургах тал нутгаан бид мартахгүй ээ…

Г. Алтанцэцэг 2015.08.26

Домог түүхт Халхын голоо бид мартахгүй

zulaa — Mon, 07 Sep 2015 14:52:24 +0800

Домог түүхт Халхын голоо бид мартахгүй

"Дангина"

munkhbat — Thu, 03 Sep 2015 10:56:43 +0800

Үүлэгүйхэн тэнгэриин
Үндэр майхан hайхан даа
Үнгын голой дангинын
Илдам гээшэнь гайхалтай.

Гоохон хатан дангина
Гоёшоожо нэрлэнхэй
Урин даруу зангыень
Юунhээш ехээр сэгнэнхэй

Шаасты хонгео аялгынь
Шагнаад шэхэм хужарлаа
Хара торгон хяазыень
Хараад нюдэм баярлаа.

Гоохон хатан дангина
Гоёшоожо нэрлэнхэй
Урин даруу зангыень
Юунhээш ехээр сэгнэнхэй

Арбан сагаан хургыень
Адхаад дурам бурьялаа
Аглаг эреэн зурхыеэ
Айдар дуухээ ургалаа.

Гоохон хатан дангина
Гоёшоожо нэрлэнхэй
Урин даруу зангыень
Юунhээш ехээр сэгнэнхэй ...Хүгж В.Пантаев
Үгэнь Г.Чимитов
Самандай ЖАВХЛАН
Зураг Aлена Цыденова .

НАР ТОССОН НУТАГ

magnai — Tue, 17 Mar 2015 18:34:26 +0800

Дорнын зүгээс наран манддаг болохоор
Домог түүхт нутгаан бид дурслаа

Yлгэрт би дуртай

tonshuul — Fri, 16 Jan 2015 09:44:30 +0800

Амар сайхан жаргадаг болохоор үлгэрт би дуртай
Алиахан бага нас минь тэнд мөнхөрсөн болохоор үлгэрт би дуртай
Амьдрал эрт урьдын цагаас эхэлдэг болохоор үлгэрт дуртай
Ариухан хайр, чин үнэн хоёр ялдаг болохоор үлгэрт би дуртай
Баатар шиг амьдрахыг хүсдэг болохоор үлгэрт би дуртай
Баяр жаргалыг зовж олдог болохоор үлгэрт би дуртай
Бүх юм төгсөвч итгэл үлддэг болохоор үлгэрт би дуртай
Бурхан ээж минь надад ярьж өгсөн болохоор үлгэрт би дэндүү дуртай
Yлгэрт би дуртай
Дэндүү дуртай
Дандаа дуртай
Дахиад дуртай, дуртай
Їлгэр намайг эрх болгосон
Їнэнд дуртай эр хүн болгосон
Шүлгэнд дуртай, дурламтгай болгосон
Шүүдэр шиг эмзэг зоригтой болгосон
Эрээнцавын шөнө оддын дор
Эмээ минь намайг үлгэрээр өсгөсөн
Эрээн авдар дээрээ лааны гэрэлд
Эрх жаалхан хүү родиогоор үлгэр сонсож өссөн
Дулаахан хөнжилд эмээгийнхээ цээжинд хяраад
Дугуй цагаан талын шөнө би хайранд бүүвэйлэгдсэн
Дуусдаггүй их үлгэрийн далайд амар сайхан жаргаж нойрссон
Дэндүү азтай үлгэрийн баатар шиг хүүхэд байсан
Би үлгэрт дуртай хүүхэд
Би хөгшин ээжийн хайртай хүүхэд
Би хөгшин ээждээ хайртай хүүхэд
Би дэндүү азтай хүн!

2000 он Болодын Мөнхдөл

Ижийтэйгээ үзсэн тэр жилийн наадам

munkhbat — Fri, 11 Jul 2014 13:50:22 +0800

Дэлгэсэн тэрлэг шиг Монголын маань дэлхийд ганцхан, дээлтэй наадам. Тиймээ, нар хур тэгширч, найраг эгшиг хосолсон наадам эхэллээ. Уртын дууны шуранхай хадаж, уул тал гийнгоо цурайтсан, эрхий мэргэн харваачид, эр бяр нь тэгширсэн бөхчүүд, элгэмсэг монгол түмний миний дэлхийн бүтэн эргэж, дэнж ногоорыг хүлээсэн Монгол наадмын өдрүүд ирлээ.

Монгол түмэндээ Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадмын мэнд хүргэе. Элгээрээ энх амгалан, төрлөөрөө түвшин амгалан сайхан баярлаарай, монгол түмэн минь

Ижийтэйгээ үзсэн тэр жилийн наадам (Ардын уран зохиолч Б.Лхагвасүрэн)

Ижийтэйгээ үзсэн тэр жилийн наадам
Цэцэг нар хоёртоо бахардсан наадам
Ижийтэйгээ үзсэн тэр жилийн наадам
Чихэр инээд хоёртоо бялуурсан наадам
Наадамчдын зулай дээр
Нар голлон халуун байсан ч
Элбэг дээл шиг
Ижийнхээ сүүдэрт хярахад сэрүүхэн
Дан эмжээртэй
Даалимбан дээлнээс минь
Даавууны шинэхэн үнэр
Сэнгэнэх нь даанч сайхан.
Над шиг гоё хүнгүй
Тэр жилийн наадам
Нар хур тэнцсэн
Тэр жилийн наадам.
Долоогийн даваа
Нар хэвийлгэн шувтарч
Даага ирлээ! гэсэн шуугиан
Наадмын хөндийг дүүргэсэн сэн…
Тоссон ирсэн хоёр тоос
Бичигтийн хөндийд томолдож
Тоос тоосны дундаас
Зургаан даага сугарсан сан…
Хошуу сүүл даран
Хоорондоо их ойрхон
Барианы газар
Бараа саахалтын хэртэй
Бэлчээрт хүрсэн нь л түрүүлнэ гэсэн аархал
Эмээл бүхэн дээр ноцож байхад
Бичигт хадны сүг зураг
Татвалзаж байх шиг санагдсан…
Хөтөлгөө гүүтэй өвгөн уяач хажууд байсныг
Хөөрч догдлохдоо би хараагүй байж…
Зөв талын дөрөөн сэнж хан хийлгэн
Жингэнэтэл үүрсэн хөтөлсөн гүү ньтэлүүлэв.
Зургаад нь явсан буурал даага
Зуузай даран янцгааснаа сүүл нь годойж
Хаанаас гарсан ид шид нь энэ вэ гэлтэй
Хар хурдаараа яралзан барианд магнайлав.
Хөлсий нь хусахын зав өгөлгүй
Хөхөө хөхөх гэж эх рүүгээ шунгав.
Эхийнхээ дууг сонссон
Эсгэл даага сум юм билээ.
Ингэдэг гэдгий нь мэддэг
Хашир уяач нум юм билээ.
Ижийтэйгээ үзсэн тэр жилийн наадам
Цэцэг нар хоёртоо бахардсан наадам
Ижийтэйгээ үзсэн тэр жилийн наадам
Чихэр инээд хоёртоо бялуурсан наадам

БАГЫН НАЙЗ

zulaa — Wed, 21 May 2014 14:31:00 +0800

Багын найзаа санахаар зүрхний утас хөндөгдөөд, хөндөгдсөн сэтгэл хачин ихээр үймрэх юм
Томоогүй насны ижил өнгөт минь, тун ч олон өдрийг жаргалтайхан өнгөрөөсөн дөө бидэн

Тоотой хоногийн алсхан зөрөгт тогоруу шиг цувран холдсон ч, хонхон цэцэг, эрвээхэй нүдэнд хонгорхон насаа нууж амжсан

Гар гараасаа тавиагүй солонго шиг өдрүүдэд өвсний шүүдэрт инээд цутгаж, өрмөн талдаа цэцэг шиг ургасан
Ганган насны нөхөрлөл минь ээ,..гайхалтай тунгалаг үерхэл минь

Зүүдний хөлгөөр үүлс дамнан надруу ирж, зөндөө удаан хамтдаа наадах юм бидэн

Зүс гундаж нас бууралтсан ч бие биендээ зүггүй охид хэвээрээ байх, дэгжин сүлжээт навчисыг титэмлэн зүүж нэгнээ гоодох

Тэнгэрийн сахиус, сарны гүнж минь,..оддоос надад онцолж сонгосон омголон насны гэрэл шиг анд минь

Танхил гивлүүрт хайраар чинь сэтгэлээ тэврүүлэх гэж чамайгаа санах юм
Танил торгон инээдээр чинь зүрхээн ихэрлүүлэх гэж чамайгаа үгүйлэх юм

Үрсээн тойруулсан гэргий тавилант болсон ч, үймэрч дарвисан насаа хааяа нэг тольдоод
Үеийн хэдэн найзуудаа цуглуулж, үрчлээт хорвоог толийтол цэнгье, үсэн дэхь тууз , чихрийн цаас, мөрөөдлийн дурлалаа нэхэн санаж үзэсгэлэнт ертөнцөөрөө хэсэгхэн саатъя...
2014.01.08

...........Х.ДУЛАМСҮРЭН...