Оюутан залуусын ирээдүйн амжилтыг нээхэд чиглэсэн олон санаачилга, боломжийг санал болгодог байгууллага бол ХААН Банк. Ялангуяа мэдээллийн технологийн салбарт залуусын оролцоо, ур чадвар маш чухал байдаг тул энэ чиглэлд тус банкны зүгээс онцгой анхаарал хандуулж, залуу үеийнхэнтэй хамтран ажиллах боломжийг байнга эрэлхийлдэг. Үүний нэг жишээ бол "Цалинтай дадлагажих хөтөлбөр" юм. Энэхүү хөтөлбөрийг ХААН Банк зургаа дахь жилдээ амжилттай хэрэгжүүлж байгаа бөгөөд мэдээллийн технологийн чиглэлээр суралцаж буй оюутнуудад онолын мэдлэгээ бодит ажил дээр хэрэгжүүлэх боломжийг олгодог.

2024 оны хувьд тус хөтөлбөрт нийт 39 оюутан хамрагдаж, ХААН Банкны Мэдээлэл технологийн газруудад  цалинтай дадлага хийлээ. Оюутнууд энэ хугацаанд банкны дотоод системийн хөгжүүлэлт, автоматжуулалтын шийдлүүд, дижитал бүтээгдэхүүнүүдийн сайжруулалт зэрэг олон чухал төсөлд оролцон мэргэжлийн ур чадвараа нэмэгдүүлсэн юм.

Paid internship гэж юу вэ?

Paid internship буюу цалинтай дадлага нь оюутан, залууст мэргэжлийн чиглэлээрээ бодит ажлын орчинд ажиллан онолын мэдлэгээ практиктай хослуулж, ажлын туршлага хуримтлуулах боломжийг олгодог хөтөлбөр юм. Энэхүү хөтөлбөр нь оюутнуудыг их сургуулийн ширээнд сурсан зүйлсээ бодит нөхцөлд хэрэгжүүлэхэд тусалж, санхүүгийн дэмжлэг үзүүлдэг онцлогтой.

Харилцаа холбоо үүсгэх нь

Дадлагажигч залуус зөвхөн мэргэжлийн ур чадвараа хөгжүүлээд зогсохгүй нэгдмэл хамт олны нэг хэсэг болдог. Тиймдээ ч хөтөлбөрийн явцад харилцан нэгнээсээ суралцах, туршлага солилцох, мэргэжил нэгтнүүдтэйгээ урт хугацааны харилцаа холбоо үүсгэдэг. Энэ нь зөвхөн банкны төдийгүй, Монголын мэдээллийн технологийн салбарын ирээдүйн лидерүүдийн сүлжээг бий болгох үндэс суурийг тавьж байна. Мөн аливаа шинэ санааг хамтдаа эрэлхийлж, асуудлыг шийдвэрлэх чадвартай багийг бий болгож, ирээдүйд хамтдаа томоохон төслүүдийг хэрэгжүүлэх боломжийг авчирдаг нь энэ хөтөлбөрийн нэгэн чухал давуу тал юм.

Карьерын сууриа тавих боломж

Карьерынхаа эхлэлийг зөв тавих нь залуу мэргэжилтнүүдийн амжилтын гол түлхүүр юм. Хөтөлбөрт хамрагдсанаар оюутнууд зөвхөн онолын мэдлэгээ гүнзгийрүүлэхээс гадна, бодит ажлын орчинд ажиллах туршлага хуримтлуулж, ирээдүйн карьераа амжилттай эхлүүлэхэд шаардлагатай бүхий л ур чадваруудыг эзэмших боломжтой. Тухайлбал, дадлагажигчид банкны өдөр тутмын үйл ажиллагаанд оролцон төслийн багийн гишүүн болж ажиллахдаа асуудал шийдвэрлэх, төсөл удирдах, бусадтай харилцах зэрэг ур чадваруудыг эзэмшдэг. Мөн дадлага хийх явцад оюутнуудын зорилго, хүсэл тэмүүлэл тодорхой болж, ирээдүйн карьераа ямар чиглэлд хөгжүүлэхээ ойлгож авдаг. Тиймээс тус хөтөлбөр зөвхөн нэг удаагийн дадлага биш, харин ирээдүйн мэргэжилтнүүдийн амжилтын замыг нээх чухал алхам юм.

Менторуудаас суралцах нь

Нэг зүйл онцолбол, “Цалинтай дадлагажих хөтөлбөр” нь оюутан залууст мэдээлэл технологийн салбарын шилдэг менторуудаас суралцах боломжийг олгодог. Тэдний өгсөн зөвлөгөө, чиглүүлэг нь оюутнуудын ирээдүйн карьерт томоохон түлхэц болж, амжилтын замыг нээхэд тусалдаг.

Банкны бүтээгдэхүүн үйлчилгээг цахимжуулах чиглэлд мэргэжлийн хүчирхэг баг ажилладаг. Харин оюутан залуус энэ багийн туршлагатай мэргэжилтнүүдээс зуны турш суралцдаг. Мэдээллийн технологийн тасралтгүй ажиллагааны захирал Д.Жанибек тус хөтөлбөрийг дүгнэн ярихдаа "Цалинтай дадлагажих хөтөлбөр нь залуу үеийнхэнд мэдлэг, туршлага, ур чадвараа хуваалцах боломж юм. ХААН Банкны мэдээллийн технологийн газарт дадлагажих нь оюутнуудад зөвхөн мэргэжлийн ур чадвараа дээшлүүлэхээс гадна, бодит төсөл дээр ажиллах, асуудлыг шийдвэрлэх, хамт олонтой нягт харилцаатай ажиллах зэрэг олон талын туршлагыг хуримтлуулах боломжийг олгодог. Миний хувьд энэ хөтөлбөрт оролцсон оюутнуудын эрч хүч, санаачилга, суралцах хүсэл эрмэлзэл маш их таалагдлаа. Бид тэдэнд зөвхөн практик ур чадвар олгоод зогсохгүй, өөрийгөө нээх, ур чадвараа хөгжүүлэх, ирээдүйн карьераа зөв чиглүүлэхэд нь дэмжлэг үзүүлэхийг зорилоо" гэлээ.

Оюутнуудын сэтгэгдэл

Тус хөтөлбөр нь залуусын хувьд мэргэжлийн туршлага олж авах, цаашдын карьерын чиглэлээ тодорхойлоход томоохон боломжийг олгожээ. Тухайлбал ШУТИС-ийн Мэдээлэл Холбоо Технологийн сургуулийн оюутан Ш.Хангарьд "Сайхан хамт олны дунд орж, нэгэн гэр бүл шиг болж ажилласан нь үнэхээр гайхалтай байлаа. Эхэндээ ийм дотно, найрсаг уур амьсгалтай гэж төсөөлөөгүй ч, хамт олон минь намайг элгэмсгээр хүлээн авсан. Дадлагын сүүлчийн өдөр зуслангийн хамгийн сүүлчийн өдөр шиг гунигтай байлаа. Ямартай ч би сургуулиа төгсөөд ХААН Банканд ажиллана гэсэн хамгийн эхний зорилго минь тодорхой болсон" гэв.

ШУТИС-ийн оюутан З.Эгшиглэн “Энэ дадлагаар шинэ мэдлэг, туршлага хуримтлуулж, олон найз нөхөдтэй боллоо. Найз залуутайгаа хамт хөтөлбөрт тэнцэж, дадлага хийх боломж олдсон. Багийн эерэг уур амьсгал, хамтран ажиллагсдын дэмжлэг, хамтын хөгжилд чиглэсэн орчин нь бусад байгууллагаас онцгой санагдсан. Жилийн өмнө тавьсан “ХААН Банканд ажиллана” гэсэн зорилгодоо хүрч, одоо хичээлийнхээ хажуугаар банканд үргэлжлүүлэн ажиллах болсондоо баяртай байна” хэмээлээ.

Эгшиглэнгийн хувьд дадлага нь зөвхөн ажлын туршлага хуримтлуулах биш, харин ирээдүйн карьерынхаа чиглэлийг тодорхойлох маш чухал алхам болсон байна. Найрсаг хамт олон, ажиллах эерэг уур амьсгал нь түүний хувьд урт хугацааны карьерын зорилгоо биелүүлэх замыг нь нээж өгчээ.

Бодит хувь нэмэр

Цахим банкаар тэргүүлэгч ХААН Банк цаашид ч дотоодын боловсролын салбарыг дэмжиж, ирээдүйн боловсон хүчнээ бэлтгэх зорилгоор “Цалинтай дадлагажих хөтөлбөр”-ийг тасралтгүй хэрэгжүүлэх аж. Энэ нь зөвхөн банкны салбарт ч бус, Монгол Улсын мэдээллийн технологийн салбарын хөгжилд үнэтэй хувь нэмэр оруулж буй томоохон үйл хэрэг юм.

“Цонжин кибер боардинг” сургуулийг байгуулахаар “Амжилт” групп Эхлэл компаниуд өнгөрсөн долоо хоногт шав тавих ёслолын ажиллагааг хийжээ. Тус боардинг сургууль нь манай улсын боловсролын салбарт шинэчлэлтийг бүтээх Программ хангамж, график дизайн, англи, хятад хэл, математикийн гүнзгийрүүлсэн сургалттай Англи, Энэтхэг, Хятад улсын их дээд сургуулиудын сургалтын хөтөлбөрийг хэрэгжүүлэх 24 цагийн сургалттай аж.

Дэлхийн стандартыг хангасан, ирээдүйн хөдөлмөрийн зах зээлийн эрэлт хэрэгцээнд судалгаа хийсний үр дүнд энэхүү сургуулийг байгуулахаар болжээ. Тус сургууль 2022-2023 оны хичээлийн жилд 250 хүүхэд бүртгэж авах ба хичээлээ нөхөж үзэх боломж бололцоог олгож байгаа юм.

“Цонжин кибер боардинг” сургуулийн тухай: Программ хангамж, График дизайн, англи, хятад хэл, математикийн гүнзгийрүүлсэн сургалттай ба даваагаас баасан гараг хүртэл 24 цагийн сургалтын үйл ажиллагаа явуулах, сурагчид нь дотуур байранд байрладаг боардинг сургууль юм. Сургууль нь нэг ээлжиндээ 250 хүртэлх сурагчид хүлээн авах хүчин чадалтай байхаар төлөвлөгдсөн.

Сургуулийн багш, захиргааны ажилтнуудыг сонгон шалгаруулахдаа боловсролын салбарт 5-аас дээш жил ажилласан “Заах арга зүйч”, “Тэргүүлэх”, “Зөвлөх” зэрэгтэй байна. Олон улсын хөтөлбөрийг хэрэгжүүлэгч сургуулийн хувьд нийт багш нарын 30 орчим хувь нь гадаад багш нар байна.

Мөн хүүхдийн эмч, сэтгэл зүйч, хоол зүйч нь хүүхдийн байгууллагад ажилласан, хүүхэдтэй тулж ажиллах дадал туршлагатай мэргэжлээрээ 5-аас дээш жил ажилласан байна.

Бусад ажилтнууд нь мэргэжлийн үнэмлэхтэй сургалтын байгууллагад ажиллаж байсан туршлагыг жишиг болгон ажиллана.

СУРГУУЛИЙН КАМПУС

Сургалтын танхим

Нэг анги, танхим 25 хүртэл хүүхэд суухаар тохижуулсан стандартын шаардлага хангасан смарт самбар, хичээлийн хэрэглэгдэхүүн, ширээ сандал, дулаалга гэрэлтүүлэг бүхий анги танхимтай.

Номын сан

Сурагч нарын сурч боловсрох танин мэдэх, бие даан суралцах чин хүсэл эрмэлзлийг дэмжих шинжлэх ухаан, соёл урлаг, утга зохиол ном, сурах бичиг, эрдмийн ажил, сонин сэтгүүлүүд бүхий уламжлалт номын сан болон АМЖИЛТ 2.0 систем дээр суурилсан оюуны өмчийн эрх бүхий онлайн номын сантай.

Лаборатори анги

Мэдээллийн технологийн бүрэн техник хэрэгслүүдээр хангагдсан кибер танхимтай. Нэг ээлжид 25-50 хүүхэд зэрэг үйлчлэх хүчин чадалтай өндөр хурдны интернетэд холбогдсон.

Урлаг соёлын заал

Урлаг соёлын арга хэмжээг зохион байгуулах угсардаг тайз, гэрэлтүүлэг, хөгжим аппаратур, дуу цуурайтахаас сэргийлсэн тусгаарлагч хана, lеd дэлгэц бүхий урлагийн заал.

Food court

Эрүүл мэндийн яамнаас баталсан хүүхдийн өсөлт хөгжилд эерэгээр нөлөөлөх хүнсний бүтээгдэхүүн агуулсан өдрийн 5 удаагийн хоолыг сурагч нарт улирал, цаг агаарын байдал болон тухайн хүүхдийн хоолны онцлог харшил зэргээс хамааруулан хоолны тусгай цэсээр үйлчилнэ.

Дотуур байр

Сурагчдын дотуур байр нь хүүхдийн нас, биеийн онцлогт тохирсон амьдрахад шаардлагатай тавилга, тоног төхөөрөмжөөр хангагдсан, эрүүл ахуйн шаардлагыг хангасан нэг өрөөндөө 4 хүртэл сурагч байхаар төлөвлөсөн душ, 00, угаалтууртай.

Спорт заал

Сурагчдын чөлөөт цагийг үр дүнтэй өнгөрөөх хөдөлгөөний дутагдлаас урьдчилан сэргийлэх, спортын авьяас, сонирхлыг нэмэгдүүлэхэд чиглэгдсэн стандартын шаардлагыг хангасан 4 улиралд үйл ажиллагаа явуулах дулаалга, гэрэлтүүлэг бүхий спорт заал.

Гадаа байрлах сагс, хөл бөмбөгийн талбай

Байгалийн үзэсгэлэнд чөлөөт цагаараа тоглож наадах бололцоог олгох стандартын шаардлага хангасан сагс, хөл бөмбөгийн талбайтай.

СУРГУУЛИЙН ХҮЧИН ЧАДАЛ

250 хүүхдийн хүчин чадалтай /6-12 ангийн нийт 10 анги/

Aнги дүүргэлт 25

Бүлгүүд:

● 6 дугаар анги 2 бүлэг-

● 7 дугаар анги 2 бүлэг

● 8 дугаар анги 2 бүлэг

● 9 дугаар анги 1 бүлэг

● 10 дугаар анги 1 бүлэг

● 11 дүгээр анги 1 бүлэг

● 12 дугаар анги 1 бүлэг

Хэрэгжүүлэх олон улсын хөтөлбөрүүд

· Энэтхэгийн Банглорын их сургуулийн хөтөлбөр

· Лондон старт ап институтийн хөтөлбөр

· Хятадын Гуанжу институтийн хөтөлбөр

· IPC хөтөлбөр

Сургалтын төлбөр: 26.000.000 төгрөг /1 жилийн/

Төлбөрийн задаргаа

● Сургалтын төлбөр

● Дотуур байр

● Амжилт 2.0 сургалтын систем

● Notebook

● Дүрэм хувцас /Поло болон хүүдий цамц/

● Хичээлийн хэрэгсэл /Цүнх, дэвтэр, үзэг, сурах бичиг/ 1 удаа

● Хоол хүнс /5 хоол болон хөнгөн цай, сүү, тараг, аарц/

● Автобусны зардал

● Секц дугуйлан

● Нэмэлт хөтөлбөр /EQ, мэтгэлцээн болон нийгмийн харилцааны бусад чадварын сургалтууд/

Та бүхэн сургуулийн талаар дэлгэрэнгүй мэдээллийг авахыг хүсвэл https://www.facebook.com/tsonjin.cyber   хуудас болон 8080-9550, 8080-9650, 8080-5515 дугааруудад холбогдоорой.

Өнөөдөр Дорнод аймгийн хэмжээнд Сургуулийн өмнөх боловсролын байгууллагад 360, Ерөнхий боловсролын сургуульд 780, дээд боловсрол олгох сургуульд 44, мэргэжлийн боловсрол олгох сургуульд 80, нийт 1264 багш ажиллаж байна.
Тэд Монголын багш нарын 49 дэх жилийг өчигдөр тэмдэглэж, бүтэн жилийн ажлаа дүгнэлээ. Хүүхэд бүрийг хөгжүүлэх, тэдэнд байгаа авьяасыг нээх, хүүхэд бүрийн ертөнцийг дэмжиж ажилласнаар багшийн арга зүй онцгой ач холбогдолтой болохыг илтгэгч онцлов. Тухайлбал, "Дорнодын хүүхдүүд” найрал дууны наадамд 16 сургуулийн давхардсан тоогоор 35 хамтлагийн 1081 хүүхэд оролцож, наадмыг дөрвөн орны хэлээр зохион явуулсны гадна Хан-Уул цогцолбор сургуулийн 1000 хүүхэд бишгүүр хөгжим тоглож сурчээ. "Авьяас” хөтөлбөрийн хүрээнд 83 төрлийн дугуйлан, секцэд 9372 хүүхэд хамрагдсан нь нийт хүүхдийн 70 хувийг эзэлж байна.
Тус аймгийн хувьд боловсролын салбарт гаргасан хамгийн том ололт амжилт бол сүүлийн жилүүдэд элсэлтийн ерөнхий шалгалтаар улсад нэг, хоёрдугаар байрыг эзэлж, 2014-2015 оны хичээлийн жилийн элсэлтийн ерөнхий шалгалтаар 800 оноо авсан 6 сурагчид аймгийн Засаг дарга тус бүрт нь 1 сая төгрөгийн урамшуулал олгож, хүүхэд бүрийг хөгжүүлэх үйлсэд амжилт гаргасан Хэрлэн сумын 5 дугаар сургуулийн математикийн багш Ц.Алдармаа, Цагаан-Овоо сургуулийн монгол хэл-уран зохиолын багш Х.Эрболд, Хан-Уул цогцолбор сургуулийн физикийн багш Ц.Хоролжав, 12 дугаар сургуулийн биологийн багш А.Саранчимэг, Бололвсрол соёлын газрын мэргэжилтэн Б.Бямбаханд нарыг тус бүр 500 мянган төгрөгөөр шагнаж урамшууллаа

Б.ТУЯА