Спорт - www.Choibalsan.mn

МЗХ тамирчдын төлөөлөлд шагнал гардууллаа

khulan — Sat, 24 Jul 2021 14:32:46 +0800

Дэлхийн спортын их наадам “Токио-2020” наадам нээлтээ хийсэн өдөр Монголын Залуучуудын Холбооны төлөөлөл Монголын баг тамирчдын төлөөлөлд амжилт хүсэн, шагнал гардууллаа.

Тус холбооны зүгээс Токиогийн наадамд Монгол Улсаа төлөөлөн оролцож буй хүндийн өргөлтийн тамирчин Мөнхжанцангийн Анхцэцэг, Эрдэнэбатын Билэгсайхан нарт “Тамирчны алдар”, дасгалжуулагч Цэнхэржавын Хосбаярт “Залуу үеийг халамжлан хүмүүжүүлэгч” шагналаар шагнасныг МЗХ-ны дэд ерөнхийлөгч А.Анхбат гардуулан өгч, нийт залуучуудынхаа өмнөөс амжилт хүслээ.

Дашрамд сануулахад, Азийн анхны Залуучуудын байгууллага байгуулагдсаны 100 жилийн ой энэ жил тохиож буй. МЗХ нь үе, үеийнхээ туршид Монголын хүүхэд, залуучуудыг хамарсан бүх нийтийн спортын олон арга хэмжээг зохион байгуулсаар ирсэн юм.

Токиогийн тэнгэрт Монгол Улсын Төрийн далбаа, олон, олноор мандаж, Монголын маань баг тамирчид амжилт бүтээл дүүрэн байх болтугай.

Тунааны начин Доржийн АНАРТ

tonshuul — Mon, 04 Dec 2017 01:27:21 +0800

Тунааны начин
Доржийн АНАРТ
Тун "тааруухан"
Хэдэн мөрт зориулбай.

Гар амраах хүнгүй ч
Гайхуулж гурав давав
Ганган барилдаанаа үзүүлж
Аархаж даваа авав

Чанга оноолт олонтой
Дөрвийн өндөр даваанд
Чац жингээр илүү
Дөмөг Сугараатай таарав

Айхтар том болохоор
Ачих мэх нь орох болов уу
Сүрдмээр биетэй учраас
Сүрхий барилдаан нь гарах болов уу гэсэн

Гайхсан олны амьсгаа
Намдаа нь үгүй байхад
Галтай барилдаанч Анар
Намуухан дэвж харагдав

Удаах даваанд биесээ
Уяж чилээхгүйн төлөө
Учраа таарсан залуус
Шодож азаа үзжээ

Гурвантаа шодож шийдэхэд
Анар хоёронтоо хожжээ
Гудайж харамсалгүй, Сугараа
Амжилт хүсэн ерөөжээ

Дээлтэй бүхэн барилдаад
Хүрээ нь үгүй даваанд
Дэвэн дэлсээр арслан
Тунаж хоцрон үлджээ

Түмний сэтгэлд хэдийнэ
Аварга адил хүндлэгдсэн
Түүхийн хуудсанд хэдийнэ
Алдар цуугаа мандуулсан

Хурц арслан Мөнгөнбаатартай
Начны төлөө тунажээ
Хурсан олны хурайнд
Найдвар хүлээн тулжээ

Дайчин зоримог арсланг
Даваад туг руу гүйхэд
Дорнын уудам тал нь
Дагаад мишээсэн биз ээ

Уран шалмаг Анарыг
Дэвээд тугаа тойроход
Ус Буйр нуур нь
Дэмнээд цалгисан биз ээ

Төлөв даруухан зантай
Анар начин удахгүй
Төр түмнээ баясгаж
Аварга болох нь дамжиггүй

Хосгүй дайчин барилдаант
Ховор начин Анар
Хотол даяарын наадамд
Босоо үлдэх нь баараггүй

Т.ТҮМЭНДЭМБЭРЭЛ

Дорнод нутаг дэвжээний бөх улсын залуу начин ДОРЖИЙН АНАР

tonshuul — Mon, 03 Apr 2017 13:01:24 +0800

{ ТАНИЛЦ }
Дорнод аймгийн Дашбалбар сумын харьяат Дорнод аймгийн онцгой байдлын газар Бүрэн дуулга ХХК Дорогоши ХХК Дорнод нутаг дэвжээний бөх улсын залуу начин ДОРЖИЙН АНАР
Барилдааны амжилт
Богино хугацаанд улсын цолонд хүрсэн уран хурц дайчин барилдаантай шилдэг начин юмаа
2012 онд Дорнод аймгийн баяр 5 давж аймгийн начин цол 2014 онд аймагтаа түрүүлж аймгийн арслан цол хүртсэн 2016 онд Дорнод аймгийн баяр наадамд үзүүрлэсэн
Аймаг цэрэгт 5 удаа их шөвгийн 4-д шалгарч байсан
2016 оны АХ-ын 95 жилийн ойн их баяр наадмын дөрвийн даваанд улсын начин Болдпүрэвийн Сугаржаралыг давж тавын даваанд аймгийн хурц арслан Шарын Мөнгөнбаатартай тунаж давна Монгол улсын начин цолны босго алхсан бөх юмаа
Биеийн жин
125 кг жинтэй
Биеийн өндөр
182 см өндөртэй
Төгссөн сургууль
2016 онд аварга дээд сургууль төгссөн
Анхны бөхийн багш
Дашбалбар сумын биеийн тамирын багш Мөнхжаргал
Одоогийн бөхийн багш
Ширэв
Гол үндсэн мэх
Тохох хутгах хөмрөх
Барилдааны тал
Баруун талтай

Атаархаж жөтөөрхөж, алалцах талалцахдаа хүрдэг спортыхны элдэв паянгаас

magnai — Wed, 13 May 2015 12:18:01 +0800

Монголын орчин цагийн спортод ганц нэгэн гялалзсан амжилт бий боловч өнөөдөр монголын спорт хөл толгой нь алдагдаад байгаа талаар сөхөж ярих цаг болсон мэт санагддаг тул энэхүү зүйлийг цоохорлов.

Азийн топ модель О.Ариунзул “ихэр” үү

tonshuul — Wed, 04 Feb 2015 09:05:48 +0800

Азийн супер модель, мисс О.Ариунзулыг танихгүй хүн ховор. Анх "MCS” компанийн "Хүслийн ундаа”- ны сурталчилгаанд тоглож олонд танигдсан. Түүний эгч О.Оюунзул нь фитнессээр хичээллэдэг нэгэн.

Тэр хоёр царай төрхөөрөө тун ч адилхан болохоор хааяа даа хүмүүс андуурах тохиолдол бий. "Бодибилдинг, фитнессийн улсын аварга шалгаруулах тэмцээн”-ээс "Фитнесс модель” төрөлд мөнгөн медаль хүртэж байсан билээ. Тэгвэл хотын аварга шалгаруулах тэмцээнд "Bikini fitness model” төрөлд алтан медалийн эзэн болсон байна.

Дорнод аймгийн хүү Мягмарнарангийн Дархижав СПОРТЫН МАСТЕР цол хүртсэн байна

tonshuul — Mon, 05 Jan 2015 19:50:36 +0800

Дорнод аймгийн хүү Мягмарнарангийн Дархижав гэх залуу маань Спорт аяллын төрлүүдээр олон жил хичээллэсэнийхээ үр дүнд 2015 оны босгон дээр СПОРТЫН МАСТЕР цол хүртсэн байна. Энэ бол нутаг орны түүхэнд үлдэх бас нэгэн шинэ түүх юм шүү. Энэ залуудаа баяр хүргэцгээе.

Дорнод нутгийн хүү АВИРМЭД ОВОГТОЙ АМАРТҮВШИН Олон улсын мастер цол авлаа

zulaa — Sat, 19 Apr 2014 19:45:34 +0800

АВИРМЭД ОВОГТОЙ АМАРТҮВШИН нисэх завгварын спортын төрөлд Олон улсын мастер цол авлаа. Дашрамд дурдахад тэрээр төрсөн өдрөөрөө энэхүү цолоо хүртсэн нь баяр дээр нь баяр нэмжээ.

Матадын Таеквондочид спортын мастер боллоо

zulaa — Sat, 19 Apr 2014 14:34:35 +0800

Матад сумын Таеквондогийн "Харцага” клубын тамирчид, Монгол улсын спортын мастер цол тэмдэгээ авлаа. Б.Түвшинжаргал, Д.Дашням, Б.Эрдэнэ-Очир, Ч.Бямбадорж нар Монгол улсын спортын мастер, Б.Буянтулга Монгол улсын спортын дэд мастер.

Дорнод аймгийн бодибилдингийн тамирчин З.Бодьхүү 4 р байрад орлоо

zulaa — Tue, 08 Apr 2014 13:53:02 +0800

Дорнод аймгийн бодибилдингийн тамирчин З.Бодьхүү 75 кг жинд улсад 4 р байрад орлоо. Баяр хүргэе.