Цагаан-Овоо - www.Choibalsan.mn

ЦАГААН-ОВОО СУМЫН НУТГААС ЧУЛУУН БОЛОН ХҮРЭЛ ЗЭВСГИЙН ҮЕИЙН ЭДЛЭЛ ХЭРЭГЛЭЛ ОЛДЖЭЭ

tugsuu — Wed, 13 Jan 2021 17:39:18 +0800

Өнөөдрийн байдлаар ой, хээрийн түймрийн дуудлага бүртгэгдээгүй байна

khulan — Tue, 28 Jul 2020 10:31:42 +0800

Он гарсаар улсын хэмжээнд 07 дугаар сарын 28-ны өдрийн байдлаар Улаанбаатар хот, Архангай, Булган, Завхан, Дорнод, Сэлэнгэ, Сүхбаатар, Хэнтий, Хөвсгөл, Төв, Ховд, Баянхонгор, Өвөрхангай, Увс зэрэг 14 аймгийн 69 суманд нийт 119 удаагийн ой, хээрийн түймэр бүртгэгдсэн байна.

Дээрх түймэрт урьдчилсан байдлаар ойн 10158 /га/, хээрийн 215.715 /га/ нийт 225.874 /га/ талбай өртөж, 2 гэр, 4 айлын өвөлжөө, 1 автомашин шатаж нийт 1.6 тэр бум төгрөгийн хохирол учирчээ. Харин өнөөдөр буюу 07 дугаар сарын 28-ны өдрийн байдлаар ой, хээрийн түймэр бүртгэгдээгүй байна.

Аялал, амралт, зугаалыг улирал эхэлж, хөдөө орон нутгийг зорих иргэдийн хөдөлгөөн нэмэгдсэнтэй холбогдуулан ногоон бүсэд зорчихдоо автомашин техникийн бүрэн бүтэн байдалд хяналт тавих, ил задгай гал түлэхгүй байх, асаасан гал, түүдэг, тамхи, шүдэнзний галыг сайтар унтраах, гал асаагуурыг хээр, хөдөө ил задгай хаяхгүй байх, насанд хүрээгүй хүүхдийг ой, хээрт чүдэнз, асаагууртай явуулахгүй байж ой, хээрийн гал түймэр гарах эрсдэлээс урьдчилан сэргийлэхийг Онцгой байдлын ерөнхий газраас анхааруулж байна.

Дорнод аймгийн Цагаан-Овоо сумын Элт багт тус тус шүлхий өвчин гарчээ

saikhnaa — Thu, 13 Apr 2017 17:02:45 +0800

Дорноговь, Сүхбаатар, Дорнод аймагт шүлхий өвчин гарчээ. Тодруулбал, Дорноговь аймгийн Эрдэнэ сумын Цагаан хөтөл багийн малчин Ж-гийн 16 хонь, 27 ямаанд "Шүлхий” өвчний шинж тэмдэг илэрчээ. Мөн Сүхбаатар аймгийн Дарьганга сумын Үүд баг, Дорнод аймгийн Цагаан-Овоо сумын Элт багт тус тус шүлхий өвчин гарсан байна. Түүнчлэн Төв аймгийн Баянцагаан сумын Баян-Айраг багийн малчин Н-ийн хотонд "Хонины цэцэг”, Өвөрхангай аймгийн Баруунбаян-Улаан сумын Өлзийт хошуу багийн малчин С-ийн хотонд галзуу өвчний голомт илэрсэн байна.

Дээрх газруудад хорио цээрийн дэглэм тогтоосон хэмээн ОБЕГ-аас мэдээллээ.

Цагаан-Овоо сумын Улаанбаатар хот дахь Нутгийн зөвлөлийн золголт уулзалт болж байна /фото/

saikhnaa — Sat, 11 Mar 2017 12:57:38 +0800

Цагаан-Овоо сумын Өргөмжлөлт ээжүүд

marsbold — Thu, 09 Mar 2017 10:19:31 +0800

Олон улсын эмэгтэйчүүдийн эрхийг хамгаалах өдрийг тохиолдуулан үр хүүхдүүддээ үлгэр дууриал үзүүлэн хөдөлмөрлөж эх орондоо тустай зөв хүн болгон хүмүүжүүлж өсгөсөн гавьяаг нь үнэлэн сумын өргөмжлөлт ээжүүд "УРАН ЭЭЖ" Аюушийн Цэндсүрэн, "БУУРАЙ ЭЭЖ" Дэлгэрмөнхийн Түмэн, "ЭНЭРЭЛТ ЭЭЖ" Лувсаншаравын Ханд, "ЭЛБЭРЭЛТ ЭЭЖ" Гэндэний Лхамсүрэн, "ХӨДӨЛМӨРЧ ЭЭЖ" Буджавын Ренчинханд, "ӨРЛӨГ ЭЭЖ" Ренчиний Дулмаа, "ОЮУНЛАГ ЭЭЖ" Мэдэгмаагийн Нямханд, "АЧЛАЛТ ЭЭЖ" Цэрэндоржийн Бямбаа, "САЙХАН БУУРАЛ ЭЭЖ" Цэвээний Бүтэд, "БУЯНТ ЭЭЖ" Цэвээний Мягмарсүрэн нар тус тус шалгарлаа

Цагаан-Овоо сумын сайчуулын шагналыг гардуулав

marsbold — Sat, 25 Feb 2017 15:00:13 +0800

XVII жарны "АЛТАН УНЖЛАГАТ" хэмээх гал тахиа жилийн сар шинийн баярын хурлыг нээж Аймгийн ИТХ-ын дарга Л.Хишигтогтох, Эрүүл мэнд, Нийгмийн даатгалын хэлтсийн дарга Ө.Амарсайхан, сумын ИТХ-ын дарга Ц.Доржцэрэн, Засаг дарга Т.Баярмагнай нар үг хэлж Төр, нийгэм, хөдөө аж ахуйн салбарт идэвх санаачилга, үр бүтээлтэй ажиллаж сум орон нутгийнхаа хөгжил дэвшлийн төлөө өөрийн оруулсан хувь нэмрээ үнэлүүлэн шагнагдсан сайчуулын шагналыг гардуулав.
"Аймгийн сайн малчин"- аар
3-р багийн малчин Дамдинжав овогтой Батзориг,
2-р багийн малчин Бадам овогтой Дорж
"Аймгийн тэргүүний ажилтан” Т.Баттулга, Э.Ганхуяг, Х.Нэргүй, Ч.Өлзийбат
"Аймгийн Засаг даргын жуух”-аар Ц.Оюунцэцэг
"Аймгийн Тэргүүний баг”-аар М.Дэлгэрмаа даргатай 1-р баг
Монголын үндэсний олимпийн хорооны шагналаар Д.Базаррагчаа, Л.Цэрэндулам,
"Ахмадын соёмбо”-оор Б.Дамдин, Д.Базармаа, П.Бор, Б.Тогтох, Д.Энхбаяр
Цол нөхөн олгоход сумын Заан Б.Цэвээн, Б.Нямжав начин Б.Батболд,
"Хөдөлмөрийн аварга”-аар Сүрэн Овогтой Пагма
"Сумын аварга малчин"-аар
1-р баг Х.Энхбаатар, Б.Батсүрэн Ба.Чулуунбат,
2-р баг С.Дамдимаа, Д.Хадбаатар, И.Бат-Итгэл,
3-р баг С.Пүрэвсүрэн, Х.Мягмарлодон, Д.Ганбат, Д.Гантөмөр, М.Нямжав,Ө.Лхагвадорж, Н.Туяа
4-р баг М.Мягмарсүрэн, Д.Амгаланбаатар, М.Өлзийбат, Б.Түмэнжаргал,
5-р баг Ж.Амарсанаа, Ц.Баатардорж
6-р баг С.Алтмаа нар
"Сумын алдарт уяач"-аар
1-р багийн уяач Д.Баттөгс, Т.Амгаланбаяр, Б.Батхүү
2-р багийн уяач Б.Гантулга, Б.Ган-Эрдэнэ, Д.Төмөрсүх, Б.Борхондой
3-р багийн уяач Ө.Батсайхан, Б.Нямдаваа
4-р багийн уяач Ш.Оюунбаатар
6-р багийн уяач Д.Энхболд

"Шилдэг залуу малчин”-аар 1-р багийн харьяат Ч.Баттулга, 2-р багийн харьяат Б.Баатаржав, 4-р багийн харьяат Н.Ууганбат нар тус тус шагнагдсан байна.

Цагаан -Овоо сумын малчин Д.Бямба Монгол Улсын аварга малчин болжээ

magnai — Thu, 09 Feb 2017 10:06:57 +0800

Улсын аварга малчны түүчээ үргэлжилсээр Цагаан -Овоо сумын 3-р багийн харъяат аймгийн аварга малчин Дамдинсүрэн овогтой Бямба нь 5 жилийн дараа сумынхаа 4 дэх Монгол Улсын аварга малчнаар шалгарсанд баяр хүргэж гэр бүлд нь эрүүл энх, сайн сайхан бүхнийг хүсэн ерөөе.

Нарны даллагатай газар дээр хэдэн малаа гэж
Намрын дунд сарын арван тавны тэнгэр ажигласан
Цаг цагийн үөрт төрхөө алдаж эвдрэлгүй
Цадиг туүх улбаапж өвгөдийнхөө нутагт эзэн суусан
Шигшиг дарсан тоонондоо утаа зуусан хадагтай
Ширмэл тойруулга дээрээ азын дөрвөн бэрхтэй
Давхиад буухад цоожгүй айл малчин таных
Даянд ганцхан цуургагүй сэтгэл малчин таныхаа

Цагаан-Овоо сумын багш сурагчид малчидад туслав

marsbold — Thu, 02 Feb 2017 13:32:27 +0800

Сумын хэмжээнд цагаан зудын аюул нүүрлэж малчдын өвөлжилт хүндэрч байгаатай холбогдуулан ЕБСургуулийн нийт суралцагчид, багш ажилчид Малчдад туслах сарын аян өрнүүлж цугларсан эд зүйлийг /бээлий, лаа, чүдэнз,00-н цаас, тугал хурганы нэмнээ, саван г.м/ 1-р багийн хурлын үеэр засаг даргад нь сургуулийн захирал А.Сэндмаа гардууллаа. Мөн сургуулийн 80-н жилийн ой угтан хийж байгаа ажлын талаарх мэдээллийг багийн иргэдэд өглөө.

ЦАГААН-ОВОО СУМЫН МАНЛАЙ МАЛЧИД

zulaa — Thu, 02 Feb 2017 10:33:46 +0800

Цагаан Овоо Сумын төв

zulaa — Thu, 02 Feb 2017 10:32:15 +0800

АЛДАРТАНУУД

zulaa — Thu, 02 Feb 2017 10:29:57 +0800

“ШИЛДЭГ ХЭСГИЙН ТӨЛӨӨЛӨГЧ”-ИЙГ ШАЛГАРУУЛЛАА

marsbold — Tue, 31 Jan 2017 14:52:54 +0800

Аймгийн Засаг даргын захирамжаар тус цагдаагийн газрын хэсгийн төлөөлөгч нарын дунд "Шилдэг хэсгийн төлөөлөгч” болзолт уралдааныг зарласан бөгөөд гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд бусдыгаа хошуучлан, идэвх зүтгэлтэй ажилласан алба хаагчдыг шалгаруулж, шагнал гардууллаа.
Болзолт уралдаанд 1 дүгээр байранд Цагаан-Овоо сумын хэсгийн төлөөлөгч, цагдаагийн дэслэгч Б.Бат-Отгон, 2 дугаар байранд Булган сумын хэсгийн төлөөлөгч, цагдаагийн ахмад Ч.Чинзориг, 3 дугаар байранд Чулуунхороот сумын хэсгийн төлөөлөгч, цагдаагийн дэслэгч Г.Мөнхзолбоо нар тус тус шалгарч, өргөмжлөл, мөнгөн шагналаар шагнуулсан ба 1 дүгээр байранд шалгарсан д/ч Б.Бат-Отгонд иж бүрэн компьютер, Мал хулгайлах гэмт хэрэгтэй тэмцэх хэсэгт зөөврийн нөтбүүк, шагнагдсан алба хаагч нарт үнэ бүхий зүйл олгосон байна.

Харваачид цолны мялаалганд цэц мэргэнээ сорьж байна

marsbold — Mon, 30 Jan 2017 09:45:39 +0800

2017.01.28нд Үндэсний сурын спортын мастер Б.Ганбаатар, Спортын дэд мастер Б.Мөнхбамбар, Аймгийн мэргэн Б.Энхбат нарын цолны мялаалгын нээлтийн үйл ажиллагаанд сумын ИТХ-ын дарга Ц.Доржцэрэн, Засаг дарга Т.Баярмагнай нар оролцож талархал гардуулж, Аймгийн тэргүүний ажилтан цол тэмдэгээр Г.Чулуунбаатар шагнагдав. Цолны мялаалганд зориулсан сурын харваанд Баяндун, Баян-Уул, Сэргэлэн, Хэрлэн, Цагаан-Овоо сумын нийт 37 харваачид оролцож цэц мэргэнээ сорьж байна.

"МАННА" хөгжил ТББ малчдад хандив өргөв

marsbold — Tue, 10 Jan 2017 17:35:43 +0800

Цагаан-Овоо суманд "МАННА" хөгжил ТББ-ын гүйцэтгэх захирал С.Чимгээ болон ажлын хэсгийнхэн сумын 50-аас доош малтай 30 малчин өрхөд тусламжийн бараа болох гурил 1 шуудай, будаа 10 кг, гутал, куртик, нүүрс 10 шуудай, мод 10 шуудайг тус тус хандивлав

Цагаан-Овоо сумын мал 10,5 хувиар өсчээ

marsbold — Tue, 10 Jan 2017 16:49:31 +0800

Сумын хүн ам 2016 оны жилийн эцсийн нэгдсэн тооллогоор 3500 үүнээс: эрэгтэй 1814, эмэгтэй 1686 тоологдож, нийт өрх 1017 байна. өмнөх оныхоос хүн ам, өрхийн тоо өссөн. Мал тооллогоор Тэмээ 367, Адуу 19173, Үхэр 13751, Хонь 72905, Ямаа 52726 бүгд 158922 толгой мал тоолуулсан нь өмнөх оныхоос 10,5 хувиар өссөн үзүүлэлттэй байна.

Цагаан-Овоо суманд хууль сурталчилах үйл ажиллагаа болов

marsbold — Wed, 07 Dec 2016 11:53:49 +0800

Дорнод аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн хууль сурталчилах үйл ажиллагаанд АймгийнЦагдаагийн газрын дарга дэд хурандаа Л.Ариунбатаар ахлуулсан ажлын хэсэг Цагаан-Овоо суманд хүрэлцэн ирж иргэд хөдөлмөрчидтэй уулзалт зохион байгуулж Хууль сахиулах үйл ажиллагааг иргэдэд таниулах, зөвлөх зорилгоор мэдээлэл хийн ярилцаж урлагийн тоглолт болов

Цагаан-Овоо сумын багийн дарга нарыг ирэх долоо хоногт сонгоно

magnai — Wed, 30 Nov 2016 13:22:52 +0800

2016 оны 12 дугаар сарын 01-06-ны хооронд багуудын дарааллаар Багийн иргэдийн нийтийн хурлыг зарлан хуралдуулахаар товолсон байна. Багийн хурлаар хэлэлцэх асуудлууд:
1.Багийн иргэдийн нийтийн хурлын дарга сонгох
2. Багийн иргэдийн нийтийн тэргүүлэгчдийг сонгох
3. Багийн Засаг дарга сонгох тул иргэд, хөдөлмөрчид та бүхэн минь хуралдаа идэвхтэй оролцохыг уриалж байна.

Аймаг, сумдын ИТХ-ын Төлөөлөгчдийн сургалт

marsbold — Fri, 25 Nov 2016 12:29:21 +0800

Аймаг, сумдын ИТХ-ын Төлөөлөгчдийг чадавхжуулах үндэсний сургалтын хоёр дахь ээлжийн Баяндун, Баян-Уул, Цагаан-Овоо, Сэргэлэн сумдын сургалт амжилттай болж өндөрлөлөө. Сургалтанд сумдын Төлөөлөгчид ихээхэн ач холбогдол өгч оролцлоо.

үүхэд ба Хууль дэвжээ тэмцээнийг ГХУССЗөвлөлтэй хамтран зохион байгууллаа

tonshuul — Mon, 21 Nov 2016 11:03:15 +0800

ЕБС-ын ахлах ангийн сурагчдын дунд Хүүхэд ба Хууль дэвжээ тэмцээнийг ГХУССЗөвлөлтэй хамтран зохион байгууллаа. Мэндчилгээ, Асуулт хариулт, Жүжигчилсэн тоглолт зэрэг төрөлд Хүүхдийн эрхийн тухай хууль, Замын ХАБТухай хууль, Монголчуудын уламжлалт ёс заншил сэдвүүдээр оюун ухаан, авьяас чадвараа дайчлан өрсөлдөж 1-р байр Б.Содцэцэг багштай 9а анги, 2-р байранд Ц.Баясгалан багштай 11б анги 3-р байр Г.Наранцэцэг багштай 11а ангиуд тус тус шалгарч Өргөмжлөл , шилжин явах цом, мөнгөн шагналаар шагнав. Нийт ороцсон багш, сурагчиддаа амжилт хүсэе.

Цагаан-Овоо Сумын Мэдээллийн Ажилтан

Цагаан-Овоо сумын Засаг даргаар Т.Баярмагнай томилогдов

marsbold — Fri, 18 Nov 2016 14:12:21 +0800

2016 оны Орон нутгийн сонгуульд Цагаан-Овоо сумын Засаг даргаар сонгогдсон Т.Баярмагнайд Дорнод аймгийн Засаг дарга М.Бадамсүрэн тамга, тэмдгийг нь гардуулан өгөв.