ҮЙЛДВЭР - www.Choibalsan.mn

Монголд мотоцикль үйлдвэрлэнэ

munkhbat — Fri, 20 Jun 2014 16:32:37 +0800

Монголчуудын эртний танил "Ява-350" мотоциклийн сүүлийн загваруудыг "Тайж групп" албан ёсны эрхтэйгээр энэ оноос эхлэн үйлдвэрлэж эхлэх ажээ.

Тус групп 125-660 моторын багтаамж бүхий уулын, бартаат замын, энгийн, тусгай зориулалтын гэсэн таван загварын мотоцикль үйлдвэрлэх юм. Мотоцикль хүчин чадлаасаа хамаарч 3 сая 500 мянгаас дээш үнэтэй байх ажээ. Сүүлийн жилүүдэд малчид урд хөршөөс орж ирсэн мотоциклийг өргөн хэрэглэх болсон ч тэр нь хэврэг, найдваргүйгээс хүний амь нас ч эрсдэх тохиолдол цөөнгүй гарсан билээ. Тиймээс эх орондоо чанартай мото-цикль үйлдвэрлэж, уян хатан нөхцөлөөр авч, хэрэглэх боломжийг монголчууд өөрсдөө бий болгож байгаа нь энэ юм.

ХӨДӨЛМӨР

Шинэ технологийн үйлдвэр ашиглалтад орууллаа

munkhbat — Fri, 16 May 2014 11:43:16 +0800

Хөтөлийн "Цемент-Шохой" ХК жилд 1 сая тонн цемент үйлдвэрлэх хүчин чадалтай хуурай аргын шинэ технологийн үйлдвэр барьж ашиглалтад орууллаа.

Ингэснээр манай улсын хувьд байгаль экологид хоргүй технологи нэвтрэх, гаднаас авдаг цементийн хэмжээ багасах, дотоодын үйлдвэрлэлийг хөгжүүлэх, хөдөө орон нутгийн хөгжил, ажиллах хүч, нийгмийн асуудал, барилга орон сууцны чанар, үнэ гээд олон асуудлыг нааштай шийдвэрлэх өргөн боломж гарч ирж буй юм. Хөтөлийн цемент нь ' дэлхийн жишигт нийцсэн чанартай гэдгийг мэргэжлийн байгууллагууд удаа дараа баталгаажуулсан байдаг.

ХӨДӨЛМӨР

ДБЭХС ТӨХК-ийн зарим сонирхолтой баримтуудаас

zulaa — Tue, 22 Apr 2014 12:52:57 +0800

ГАДААДАД МОНГОЛ ГЭР 100.000 САЯАР ҮНЭЛЭГДЭЖ, ГЭР БУУДАЛД НЭГ ХОНОХЫН ТУЛД ГАДНЫ БАЯЧУУД ИХ ХЭМЖЭЭНИЙ МӨНГӨ ТӨЛЖ БАЙНА

munkhbat — Wed, 26 Mar 2014 13:30:54 +0800

Монгол гэр. Олон зуун жилийн турш нүүдэлчдийн гол сууц болсон Монгол гэрээ монголчууд ад үзэж, гэр хорооллыг шахаж, гэрт амьдардаг бүхэн байр байшинд орохыг чухалчилж байгаа. Тэгвэл дэлхийн олон улс орон монгол гэрийг сонирхож, сүйхээтэй бизнесменүүд Монгол гэр зарах ажилд аль эрт орцгоожээ. Монголд гэр үйлдвэрлэдэг цөөн хэдхэн компани бий.

Тэднээс арабын баячууд гэр худалдан авах захиалга ирүүлдэг тогтмол гэр нийлүүлээд байж чаддаггүй гэнэ. Харин Монголчуудын энэ бизнесийг орос ах нар аль эрт гартаа атгажээ. Буриадууд монгол гэрийг дэлхийн зах зээл дээр гаргахаар "Байкалюрта" нэртэй компани байгуулжээ. Тэд Монголоос бэлэн бүтээгдэхүүн авчирч, өөрсдийн гараар гэрийн мод бэлтгэж эхэлсэн аж. Тус компанийн захирал Баир Минганов гэрийн мод үйлдвэрлэх нууцыг мэдэхийн тулд Монголд ирж нарийн мужааныг нэлээдгүй хугацааны туршид эрж хайсан байна. Гэвч жинхэнэ гэрийн мод үйлдвэрлэдэг уран гартнууд тун цөөхөн байдаг бөгөөд тэд өөрсдийн нууцаа дэлгэхийг хүсээгүй юм байх.

Гэхдээ л тэд өөрсдөө гэрийн мод үйлдвэрлэж эхэлсэн бөгөөд монгол гэрээ жуулчдад зориулсан зочид буудлын цогцолборуудад худалдаж, бас баруун руу гаргаж эхлээд байна. Монгол гэр зарж байгаа "Байкалюрта" компани Москва, Суздаль, Красноярск, Астрахань хотууд, Кемерово мужаас гадна саяхан Испани руу хүртэл гэр нийлүүлж эхэлжээ. Тэд бүтээгдэхүүнээ баруун руу гаргаж тун өндөр үнээр зардаг аж. Монголд найман ханатай нарийн хээ угалз сийлбэртэй гэр 20 сая төгрөгийн үнэ хүрдэггүй. Тэгвэл тэд Монголоос аваачсан ийм гэрийг 100 гаруй сая төгрөгөөр үнэлэн баруун руу гаргаж байна. Үүнээс гадна дэлхийд алдартай том аялал жуулчалын баазууд монгол гэр барин зочдоо хүлээж авдаг болжээ. Тэр ч бүү хэл 2024 метрийн өндөр оргилд Монгол гэр барьсан жуулчны баазууд ч байдаг аж.

Энд дэлхийн баячууд гулгаж, дэлхийг дээрээс нь тольдож мөнх цаст сүрлэг уулсыг харж таашаал авч амрах гэж ирдэг. Уулын оргил дээр барьсан гэр буудалд нэг хонохын тулд нэг хүн хүний 250 швейцарь франк буюу монгол мөнгөөр бол 450,000 төгрөг төлдөг аж. Үүнээс гадна Литвын фермийн эзэн Антанас Пошка гэгч хүн хонины ноосоо эсгийн болгон бэлтгэж, гэрийн мод хийж, бас л гэрийн наймаа эрхлээд байгаа гэнэ. Анх 200 гаруй хониныхоо ноосийг хаяхгүйн тулд эсгийн хийж эхэлсэн энэ фирмийн эзэн эр Монголчуудын хонины эсгий боловсруулах арга дээр суурилсан шинэ арга зохиож, өөрийнхөө эрхийг патентжуулж авчээ. Мөн гэрийн мод хийх аргаас ч суралцаж эхэлсэн байна.

Түүний гэрийн наймаа тун ашигтай багаа бөгөөд тэрээр Литва даяар явж хонины ноос цуглуулж, гэр хийж байгаа бөгөөд Чехэд гэр нийлүүлдэг болжээ. Түүний хийсэн гэрийг жирийн иргэдээс эхлээд хүүхдийн цэцэрлэг, тэр ч бүү хэл жуулчны том компаниуд худалдан авдаг болсон гэнэ.

"Тэргүүн" сонин

Дорнодын ДЦС-ыг 100 мегаватт-аар өргөтгөнө

shagai — Wed, 12 Feb 2014 09:13:57 +0800

Эрчим хүчний сайдыг Дорнод аймагт очиход аймгийн ИТХ-ын дарга Р.Зоригт, Засаг дарга С.Ганбат нар хүлээн авч уулзаж, аймаг орон нутгийнхааө өвөлжилтийн байдлын тухай товч танилцуулаад эрчим хүчний хүрэлцээ хангамж, цаашид хийх ажлын тухай ярилцаж санал бодлоо солилцлоо. Дорнод аймгийн хувьд зүүн бүсийн эрчим хүчний гол үүсвэр байрладаг. Сүүлийн жилүүдэд уул уурхай үйлдвэрлэл эрс нэмэгдсэнтэй холбогдоод эрчим хүчний хэрэглээ нэмэгдэж байна. Одоо ажиллаж байгаа 36 мегаваттын хүчин чадалтай ДЦС нь чинээндээ хүртэл ажиллаж байгаа ажээ. Иймд Монгол Улсын Засгийн газрын 354 дүгээр тогтоолоор Дорнодын ДЦС-ыг 100 мегаватт-аар өргөтгөх шийдвэр гарчээ. ДЦС-ын өргөтгөлийг холбогдох хууль тогтоомжийн дагуу концессоор шууд гэрээ хийж барьж байгуулахыг энэ тогтоолд дурдсан байна. Иймд энэ оны гуравдугаар сарын 1 гэхэд концессийн гэрээг байгуулсан байх ёстой гэдгийг Эрчим хүчний сайд санууллаа.

Түүнчлэн улсын төсийн хөрөнгөө оруулалтаар энэ жил Тамсаг-Халхголын чиглэлд 35 квт-ын цахилгаан дамжуулах агаарын шугамыг 4,4 тэрбум төгрөгөөр, Чойбалсан хотод 110 квт-ын дэд станцыг 1,8 тэрбум төгрөгөөр тус тус барьж байгуулахаар болсон тухай Эрчим хүчний сайд мэдээллээ. Мөн хил орчмын сумдын импортоор авч байгаа цахилгаан эрчим хүчний үнийн зөрүүнд 2,2 тэрбум төгрөгийн татаас өгөхөөр болсныг тэр хэллээ. Ингэснээр энэ жил Дорнод аймагт эрчим хүчний системд 100 сая орчим ам.долларын хөрөнгө оруулалт хийгдэх юм байна. Цаашлаад Багануур-Өндөрхаан-Чойбалсангийн 500 км цахилгаан дамжуулах агаарын шугам барих ТЭЗҮ хийгдэж байгаа бөгөөд ирэх оноос барьж байгуулах ажил эхэлнэ гэлээ.