Долоо хоног бүхийн лхагва гаригт болдог "Шийдлийн цаг” уулзалт өнөөдөр 12.00 цагт Улаанбаатар цахилгаан түгээх сүлжээн ТӨХК-нд болно. Тус уулзалтад, Ерөнхий сайд Ч.Сайханбилэг, Эрчим хүчний сайд Д.Зоригт нар тус компанийн дуудлагын төв болон диспетчерийн үйл ажиллагаатай танилцана. Мөн "Шийдлийн цаг”-ийн хүрээнд Улаанбаатар хотын цахилгаан хангамжийн өнөөгийн байдал, шинэ холболтын үйл ажиллагааны талаар мэдээлэл хийх юм байна.

Дашрамд сонирхуулахад, УБЦТС ТӨХК нь нийслэлийн 8 дүүрэг, Төв аймгийн 16 сумын иргэдэд 0,4-35 кВ-ын хүчдэлийн түвшний цахилгаан эрчим хүчийг түгээж, хангах үндсэн үүрэгтэй. Монгол Улсын төвийн бүсийн эрчим хүчний сүлжээний худалдан авсан цахилгаан эрчим хүчний 50 орчим хувийн түгээлт, борлуулалтыг хийж гүйцэтгэдэг юм.

Т.Гэрэл