Зүүн аймгуудад өдөртөө 38 хэм хүрч халж байгаагийн улмаас Дорнодод дөрөв, Сүхбаатарт нэг түймэр дэгджээ.

Тодруулбал, Дорнод аймгийн Халхгол сумын Ялалт багийн нутаг Замын худаг гэдэг газарт энэ сарын 4-ний үдээс хойш хээрийн түймэр гарсан байна. Мөн Ялалт багийн Бор толгой гэдэг газарт энэ сарын 5-ны 13:00 цагт хээрийн түймэр дэгджээ. Дээрх түймрийг унтраахаар аймгийн Онцгой байдлын газрын гал сөнөөгчид болон орон нутгийн иргэд, "Петро Чайна Тамсаг" ХХК-ийн ажилтануудыг дайчлаад байгаа аж.

Түүнчлэн Чойбалсан сумын Хөхнуур багийн Хавирга-Өртөөд энэ сарын 5-ны 09:25  цагт гарсан түймрийг шөнө нь бүрэн унтраажээ. Уг түймэрт 45 км урт, 40 км өргөн бэлчээр өртжээ.

URL: https://www.choibalsan.mn/index.php?newsid=18095