Аймгийн Ус цаг уур орчны шинжилгээний газрынхан цаг агаарт зориудаар нөлөөлж тунадас нэмэгдүүлэх энэ жилийн ажлаа эхлүүлжээ.

Цаг уурчид хуурайшилт ихтэй байгаа Баян-Уул суманд хур тунадас нэмэгдүүлэх зорилгоор ажиллаж, лхагва гарагийн шөнө 00.40-01.00 цагт үүлэнд нөлөөлөх пуужин хөөргөсөн байна.

Үүний дагуу хуурайшилт их болон түймрийн голомттой байсан нутгийг хамран  Баян-уул, Дашбалбарт 15мм, Баяндунд 10мм, Гурванзагал, Цагаан-Овоод 6мм, Сэргэлэнд 2мм, бусад нутгаар 0.0-1.0 мм тунадас орсон байна.

Цаг агаарт нөлөөлөх энэхүү ажиллагааг аймгийн УЦУОШГ-ын "Онон Бороо” экспедиц 2012 оноос хойш хийж гүйцэтгэж байгаа аж.

URL: https://www.choibalsan.mn/index.php?newsid=23614