Дорнод аймгийн Баян-Уул сумын уугуул үндэсний сурын ахмад харваач Базарын Чимэдцэрэн, түүний хүү Чимэдцэрэнгийн Ол нарын нэрэмжит Баян-Уул сумын НЭЭЛТИЙН харваа 2017.05.15 өдөр халх, буриад, хүүхдийн харваа гэсэн төрлүүдээр амжилттай зохион байгуулагдлаа. Уг харваанд 30 гаруй харваачид цэц мэргээ сорьж Буриад сурын эрэгтэй төрөлд 1-р байранд Б.Дамдиндорж, 2-р байранд Л.Энхбат, 3- р байранд Д.Бүрэнбөхтулга, эмэгтэй төрөлд 1-р байранд П.Уранчимэг, 2-р байранд Г.Болорчимэг, 3-р байранд Д.Лхамсүрэн нар шалгарсан бол Халх сурын төрөлд 1-р байранд Т.Дүгэржав, 2-р байранд Х.Батчулуун, 3-р байранд Д.Бүрэнбөхтулга нар шагналт байранд шалгарсан байна. Энэхүү харвааг жил бүр уламжлал болгон ивээн тэтгэж байгаа Б.Чимэдцэрэн, түүний хүү Ч.Ол нарын гэр бүл үр хүүхэд, Бавж барас ХХК-ий захирал Ч.Лхагва түүний гэр бүлд сумынхаа нийт харваачдын өмнөөс талархал илэрхийлж байна. Та бүхнийг алтан шар зурхай өнөд ивээх болтугай.