Ойрын үед олны сэтгэлийг түгшээсэн хэргүүд ар араасаа гарах боллоо. Булган аймагт хоёр хүүхэд машинд нь түгжиж байгаад шатаасан хэрэг гарсан талаар вэб сайтууд мэдээлжээ. Эх сурвалжийн мэдээлж буйгаар Булган аймгийн Орхон сумын Хөшөөт багийн иргэн Ё нь өөрийн хүүхдүүд болох 5 настай С, 1 настай С нарыг "Бонго” маркийн автомашиндаа түгжиж байгаад шатаасан гэнэ. Энэ талаар Булган аймгийн цагдаагийн газраас тодруулахад "ийм хэрэг гарсан. ЦЕГ-аас томилогдсон алба хаагчид болон манай цагдаагийн газрын ажилтнууд хэргийг шалгаж байгаа” гэсэн байна.

---