Дорнод аймгийн Чойбалсан хотын захирагч бөгөөд Хэрлэн сумын Засаг дарга Ж.Энхцэцэгийн хууль бус үйлдлийн талаар "Шударга түмэн иргэний хөдөлгөөн”-ий тэргүүн З.Нацагдорж мэдээлэл хийлээ.

Засаг дарга Ж.Энхцэцэг  тус  сумын нутаг дэвсгэрт байрлах Орос, Монголын дайчдын дурсгалын хөшөөг буулгасан байна. Түүнчлэн иргэдийн тахиж ирсэн "Тахилгатай овоо”-ны хогийг МАК компаниар цэвэрлүүлжээ. Энэ нь хог цэвэрлэх бус алт олох зорилготой байсан хэмээн "Шударга түмэн иргэний хөдөлгөөн”-ий удирдлагууд үзэж байгаа аж.

"Шударга түмэн иргэний хөдөлгөөн”-ий тэргүүн З.Нацагдорж, "МАК” компани хог цэвэрлэх бус овооны өнгөн хөрсийг хуулсан. Түүнчлэн тус компанийн ухсан хэсгээс алтан бурхан олдсон. Үүнийг нь манай хөдөлгөөний зүгээс ССАЖ-ын сайд Ц.Оюунгэрэлд хүлээлгэн өгөхөөр ажиллаж байна. ССАЖ-ын сайд Ц.Оюунгэрэл болон БОНХ-ын сайд С.Оюун болон бусад хууль, хяналтын байгууллага Хэрлэн сумын Засаг дарга Ж.Энхцэцэгийн энэ мэт хууль бус үйл ажиллагааг таслан зогсоож сумын ЗДТГ-ын үйл ажиллагааг иргэдэд нээлттэй байлгахыг хүсч байна” гэлээ.

Б.Гаваа
   

Эх сурвалж : "Монцамэ" агентлаг

URL: https://www.choibalsan.mn/index.php?newsid=3829