Ц.Батболд

Ирэх жилийнхээ төсвийг жил бүрийн арваннэгдүгээр сарын 15-ны дотор хэлэлцэн баталсан байх учиртай. Хуулиараа тусгайлан заагаад өгчихсөн. Хэрэв амжиж батлаагүй бол УИХ-ыг тараахаар Үндсэн хуульдаа  "хатуу”  хуульчилсан байдаг. Гэвч 2015 оны Төсвийн тухай хуулийн төслийг хэлэлцэж батлахад ердөө наймхан хоног дутуу байна. Одоогийн байдлаар хоёрдугаар хэлэлцүүлгээ ч хийгээгүй бөгөөд цаад нь хоёр ч шат дамжлага хүлээж байгаа юм. Мэдээж УИХ-ын нэгдсэн чуулганаар Төсвийн тухай хуулийн төслийг хэлэлцэхгүй. Хэлэлцэхгүйн шалтгаан нь энэ төслийг оруулж ирүүлсэн Засгийн газар огцорсон учраас шинэ Засгийн газар бүрэлдсэн цаг үед л хэлэлцэх боломжтой болно. Тэгэхээр шинэ Засгийн газар хэзээ бүрдэх бол, бүрдсэн сайд нарыг шууд дэмжиж батлаад явах уу гэдэг асуудал гарч ирч байгааг бие даагч гишүүд онцолж байна.