Жил бүр UBS телевизээс зохион байгуулдаг "Universe best songs” наадамд Дорнод аймгаас оролцож, шилдэг 25-т шалгарч олны танил болсон залуу дуучин П.Баярцэнгэл цахим ертөнцөөс "харшилтай" нэгэн гэнэ. Швейцарь, Австрийн ардын урлагаас бий болсон орчин үеийн "Ёодол” хэмээх дууны урлагийг Монголдоо нутагшуулж яваа залуу дуучин маань саяхан энэ талаараа ам алджээ.

 

     Тэрбээр "Би фэйсбүүк ашигладаггүй. Сүүлд Швейцарь явахын өмнө нэг фэйж нээсэн. Тэгэхэд нэрээрээ хайгаад орох гэсэн чинь миний нэрээр тав, зургаан хуудас нээчихсэн байна лээ. Фэн хуудас энэ, тэр гээд хэн ч нээсэн юм бүү мэд. Ямар ч гэсэн миний сүүлийн үеийн бүх мэдээллийг багтаачихсан байсан. Тэгсэн зарим хүмүүс тэр дотор нь зар, сурталчилгаа оруулчихсан байгаа юм даа, нээх муухай. /инээв/. Бодвол мөнгө, төгрөг хайдаг л бололтой юм” гэж өөрийн үзэл бодлоо илэрхийлсэн байна. 

---