Гавьяат тамирчин, боксчин Т.Үйтүмэн буюу Үүеэг урлагийн мэдрэмжтэй хэмээн үнэлэх хүн цөөнгүй байна. Уг нь тамирчин хүн хэрнээ урлагт элэгтэй, хайртай нэгэн гэнэ. Хамгийн сүүлд гэхэд "Учрал” хэмээх шинэ кинонд жижигхээн дүр бүтээгээд амжсан байна лээ.  Дүрийг нь харж байхад цаашид гол болон туслах дүрийг найруулагчид гологдохгүй бүтээчихээр харагдаж байлаа. Мөн түүнчлэн тэрбээр "Зангаараа амраг” киноны дууны клипэнд ханьтайгаа тоглосон нь олон хүний сэтгэлд хүрсэн байдаг.  Харин хэнэггүй гавьяат маань клипэнд тоглосноо мэдэхгүй хэзээ хойно өөрийгөө хараад бяцхан шоконд орсон сурагтай.