Ерөнхийлөгчийн ивээл доорх 21 аймгийн аварга шалгаруулах "Үндэсний цом 2015″ тэмцээний Зүүн бүсийн урьдчилсан шатны тоглолтууд өндөрлөж, шигшээ тоглолтод оролцох 2 багийн нэрс тодорлоо. 2 хожиж 1 тэнцсэн "Дорноговь аймгийн баг” Зүүн бүсийн аваргаар тодорсон бол, 1 хожиж 2 тэнцээ байгуулсан "Дорнод аймгийн баг” 2-р байр эзэллээ. Ийнхүү манай аймгийн баг шигшээд шалгаран үлдсэн юм.

Харин 1 хожиж 1 тэнцээ аваад байсан "Сүхбаатар аймгийн баг” сүүлийн тоглолтдоо "Дорноговь” аймгийн багтай тоглож 1:0 харьцаатай хожигдсоноор 3-р байрт шалгарсан бол зохион байгуулагч "Хэнтий аймгийн баг” тун хангалтгүй тоглож 3 хожигдолтойгоор тэмцээнийг өндөрлүүллээ.

Дорнод аймгийн ишгшээ баг 2013 онд зохиогдсон Үндэсний цомын анхны тэмцээний алтан медалийг хүртэж байсан билээ.