Мэдээ мэдээлэл » page 2170

ХАВРЫН САВЛАГАА

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

ХАВРЫН САВЛАГАА

Author: munkhbat on 2014/03/26, 11:04 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Хахир өвөл хөөгдөж халааг нь хавар авдгаараа авлаа. Хэчнээн ч хаврын нүүрийг үзлээ. Гэтэл ирэх болгонд нь гайхан шогшрох юм. Тогтуун дулаан саяхны нэг өдөр сэтгэл гээч юм жингүйдээд араасаа дагуулж хаа нэгтээ хөөрөн нисэх нь. Юу ч болоогүй байхад учиргүй инээд хүрээд ч байх шиг.

Харин бие маань эсрэгээр, дэлхийн таталцлын хүчинд улам ихээр автав уу гэлтэй дааж алхахаддэндүүхүнд. Зовхи маань бүр ч хүнд, сав л хийвэл өдөр шөнийн ямар ч цагт "Унт" гэсэн тушаал өгөөд л. Арга ч үгүй юм даа. Өвлийг давах тэж бие махбодь эрч хүчээ алдан тамирдаж, өнөөх авитаминоз, амин дэмийн дутагдадд орчихсон нь лав. Мал хүртэл хаврын нялх ногооны үнэрт согтоод энд тэнд гишгэлээд элий балай юм шиг болчихдог гэнэ лээ.

Дээр нь хаврын тэнгэрийн тогтворгүй ааштайг хэлэх үү. Түүнийг дагаад сэтгэлийн ааш ч ойлгомжгүй. Тэнгэр тавгүйтэхэд сэтгэл бүүдгэр, харин цэлмэг өдөр учиргүй баясахыг нь яана. Чухам энэ улиралд сэтгэлийн савлагааны амплитуд дээд цэгтээ хүрдэг гэмээр. Тэнгэр цаг агаарын хэмээ дээш доош дураараа савлаад байдаг учраас тэр биз. Гэхдээ тун удахгүй байгаль дэлхий гоёлын даашинзаа өмсөнө. Энд тэндгүй өнгө өнгийн цэцэгс дэлбээлнэ. Тэр бүхнийг зурмаар санагдах нь мэдээж. Бүсгүйчүүд хувцсаа нимгэлэн цэцэгсээс дутуугүй үзэсгэлэнтэй, хараад баймаар болно. Тэгээд нэг их гоё зөөлхөн инээмсэглэхэд уярна.

Бүгдийг нь хайрламаар санагдах нь ойлгомжтой. Тэр цаг алхам алхмаар наашилсаар хаяанд ирлээ.

Б.БАРС

More 976 0

Category: Мэдээ мэдээлэл, Өгүүллэг

2-3 хүний хүчээр 500-1500 литр сүү боловсруулах боломжтой

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

2-3 хүний хүчээр 500-1500 литр сүү боловсруулах боломжтой

Author: munkhbat on 2014/03/26, 09:18 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Монгол Улсын Засгийн газраас "Ажил орлоготой монгол хүн”, "Эрүүл хүнс”, "Өрхийн орлогыг нэмэгдүүлэх” зэрэг хөтөлбөр дэвшүүлээд байгаа. Энэ бүхнийг бодит биеллээ олоход дотоодынхоо хэрэгцээг бүрэн хангах үндэсний үйлдвэрлэл чухал билээ. Иймд БНЧУ-д суугаа Онц бөгөөд Бүрэн эрхт Элчин сайд Д.Зүмбэрэллхам Чехийн үйлдвэрлэлийн хөгжил, амжилт, боломжуудыг судалснаа бидэнтэй хуваалцсан юм. Тэрээр Өмнөд Чехийн Вимперк дахь "Агромонт” компанийн сүү, сүүн бүтээгдэхүүний бага оврын "Мини млекарна” үйлдвэртэй танилцжээ. Тэнд өдөрт 500-1500 литр сүүг саалийн зэлэн дээр нь боловсруулж, тараг, өрөм, йогурт, цөцгий, хатуу зөөлөн бяслаг зэрэг 20 шахам нэр төрлийн бүтээгдэхүүнийг 2-3 хүний хүчээр, химийн ямар ч хольцгүйгээр үйлдвэрлэн хэрэглэгчдийн гарт хүргэж байна.

Тус компани үүнээс гадна цомхон атлаа энгийн технологитой жижиг чингэлэг бүхий 300 литр сүү боловсруулах үйлдвэрийг 44 мянган еврогоор босгох боломжтойг дуулгажээ. Чингэлэггүйгээр үйлдвэрийг дангаар нь суурилуулахад хүчин чадлаасаа хамааран ойролцоогоор 30-60 мянган евро бол Чехээс Улаанбаатар хүргэх тээврийн зардал нь ердөө 3500 евро юм байна.

Монгол Улсын хувьд ийм үйлдвэр нь жижиг, дунд үйлдвэрлэлийг дэмжиж, эх орны үндсэн түүхий эдээр хийсэн эрүүл хүнсээр зах зээлээ хангахад хөдөө орон нутгийн нөхцөл, онцлогт тохирсноороо ихээхэн онцлогтой юм. Энэ давуу талуудыг нь олж мэдсэн Монголын компаниуд "Агромонт” компанитай хамтраад эхэлжээ. Тухайлбал, Булган аймаг болон Цонжинболдог дахь "Өргөн уул” амралтын газраас тус бүр нэг үйлдвэр авсан байна. "Агромонт” компанийн зүгээс үйлдвэрийг авчирч, угсарч өгснөөс гадна ажилчдыг сургаж байна. Монгол дахь эдгээр үйлдвэр ирэх саруудад үнээ тугалаад эхлэхээр сүүний зах зээлийг үндэсний бүтээгдэхүүнээрээ хангах юм.

Энэ жижиг оврын сүүн бүтээгдэхүүний үйлдвэрээс гадна, Монголын нөхцөлд тохирсон 100 үнээний байр, тэжээл, мал эрүүлжүүлэх, эрүүл ахуйг нь давхар шийдсэн сүүн бүтээгдэхүүний үйлдвэр бүхий иж бүрэн ферм байгуулах төсөл боловсруулснаа "Агромонт” компанийн захирал Й.Кордок Элчин сайдад танилцуулж, Монголын компани, байгууллагуудад хүргэхэд дэмжлэг хүссэн байна.

Ж.Ану

Эх сурвалж: "Зууны мэдээ” сонин

More 708 0

Category: Мэдээ мэдээлэл, Хүмүүс, Дорнод мэдээ

Хуучраагүй дүгнэлт

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Хуучраагүй дүгнэлт

Author: zulaa on 2014/03/25, 20:30 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Өнөөдөр манайхан Н.Энхбаярыг дүгнээд жигтэйхэн. Хүнийг мандаж бадарч явахад нь дүгнэх, бууран доройтсон үед нь дүгнэх хоёр газар тэнгэр шиг ялгаатай. Мөн арваад жилийн өмнө дүгнэх одоо дүгнэх хоёр үлэмжийн зөрүүтэй. Олон хүн намайг Н.Энхбаярыг зөвхөн хувь хүний талаас нь дайсагнасан гэж үздэг. Үгүй шүү ! Би түүнийг намтай, орчинтой нь системийн түвшинд шинжлэн дүгнэж байсан. Үүний нотолгоо болгож би яг арван жилийн өмнө бичсэн өгүүллээ дахин нийтэлж байна.

Учир нь энэ өгүүлэл анх гарахад бараг бүгдээрээ "Үндэсний удирдагчаа” өмөөрөөд боож үхэх шахаж байсан чинь баримт шүү дээ. Энэ өгүүллийг 2004 оны 10 дугаар сарын 12-нд одоо УИХ-ын гишүүн, тухайн үед сэтгүүлч Г.Уянгийн эрхлэн гаргаж байсан "Улс төрийн сонин”-д "Дарангуй системийн золиос уу, түүнийг бүтээгч үү ?” гарчигтайгаар нийтэлж байсан юм. Эндээс системийн онолын дүгнэлт хэзээ ч хуучирдаггүй бөгөөд шинжлэх ухаан гэдгийг Таныг ойлгоно гэдэгт найдаж байна…

Би одоо болтол нэг асуултад хариу өгч чаддаггүй юм. Энэ нь МАХН яагаад дарангуй нам болчихов гэсэн энгийн мөртлөө ихээхэн хүнд асуулт болно. МАХН–д Н. Энхбаяр гэж есөн шид нь бүрдсэн аймаар нөхөр гэв гэнэт орж ирээд бүх нам, төрийг дарангуйлаад унасан юм огтоос биш.

Бид анхлан МАХН–ын Удирдах Зөвлөлд хамт орж ирэхдээ намаа шинэчлэе гэсэн хүсэл эрмэлзэлтэй, эрч зоригтой адилхан залуу улсууд байсан. Мөн МАХН–ыг шинэчлэе гэсэн тухайн үедээ хамтын, одоо бол Н. Энхбаярын эрмэлзэл огт буруу байгаагүй. Чамгүй олон жил хамт ажилласнаас гадна судлаач хүний нүдээр харахад Н.Энхбаяр угаасаа чөтгөр байгаагүй, ямар ч гэсэн сонгодог дарангуйлагч болно гэж зүүдэнд минь ч орж байгаагүй. Түүнд олон удаа тус болсон Ерөнхийлөгч Н.Багабанди ч түүнийг ийм балай дарангуйлагч болон төрөл арилжина гэж бодож ч байгаагүй байх.

Барагцаалбал зургаан сарын дотор тэр залуу есөн шид нь бүрдсэн их зантан, ихэд эвдэрсэн том толгой болон хувирч эхэлсний нэг гэрч нь би юм. Мэдээж тэр нэг нартай сайхан өдөр гэнэт илбэдүүлээд хувирчихаагүй. Юм гэдэг чинь бага багаар эхэлдэг юм билээ. Жишээлбэл, Н.Энхбаярыг дарга болсны дараа асар удалгүй МАХН–ын Удирдах Зөвлөл утга учраа алдаж эхлэв. Тухайн үед энэ ч гэсэн нэг их сүр болгоод байх зүйл биш байлаа. Удирдах Зөвлөлийн Хурал болохын өмнө аль нэг дарга нь дуудаж чи түүний төлөө саналаа өгөөрэй гэж шууд л зааварддаг болов. Би үгэнд нь орж байгаагүй ээ…

Энэ бол дайсан болохын эхлэл байжээ гэж одоо боддог юм. Дээрх технологи нь одоо аль ч нам, түүнчлэн төрд үлэмж дэлгэрээд байгаа далд улс төр, өнөөгийн "зөвшилцлийн” үр хөврөл байжээ. Тэр үед намын Цагаан байшингаар орж ирэх ч хүн цөөн, одоогийн шинэ дарга нарын бараа сураг ч байхгүй байлаа. Нөгөө талд нь Ардчилсан холбоо эвсэл ёстой нэг дураараа дургиж, дунд чөмгөөрөө жиргэж байв.

Асар удалгүй Ардчилсан Холбоо эвслийн тодорхой хэсэгтэй, тухайлбал Р.Гончигдорж, Ц.Элбэгдорж нартай Н.Энхбаяр нууцаар сүлбээлдэх болов. Yүнийг улс төрийн стратеги, тактиктай холбон үзвэл тухайн үед онцын их буруутгах үндэслэл бас л хомс байлаа. Тэр яваандаа намаас, тухайлбал Удирдах Зөвлөлөөс нууж буюу ганцаарчилсан үйлдэл хийдэг болов. Энэ бол дарангуйлагч болохын ноцтой дохио байлаа.

Yүнийг би ганцаараа анзаарч байсан гэж хэлж чадахгүй. Одоо бодоход бүх хүн анзаарсан мөртлөө дүлий дүмбэ оргиж, би ганцаараа хэлдэг нь болсон байв. Удирдагч буюу удирдах байгууллагын алдааг жижгээс нь эхэлж засахгүй бол том, системийн хэмжээнд хүртлээ өсдөгийг манай нам өөр дээрээ ингэж туршсан билээ. Ялааг заан болгосон эзэд нь бид өөрсдөө юм. Удирдагчийг амьд байхад нь бурханчилж, үхсэн буюу буусан хойно нь дэвсдэг зөвхөн Орос, Монгол хоёрт л байдаг менталитет нөлөөлсөн байж ч магадгүй.

Удирдах Зөвлөлийн гишүүн Д.Ганхуяг ганцаараа нүдтэй чихтэй, ухаантай, мэдлэгтэй, бусад нь таг харанхуй, лалар тэнэг байгаагүй нь лавтай юм. Удирдагчийг бурханчлах нь Монгол төр, түүнийг бүрдүүлэгч үндсэн хэсэг–МАХН–ын төрөлх лай ланчиг байв. Энэ нь бусад намуудад ч бас нэг адил хамаарна. Монголчууд бид энэ ёрын зангаа хаяхгүй бол Монголын нийгэм, монгол менталитет нь дарангуйлагч төрүүлэх хамгийн шимтэй хөрс цаашдаа ч байх байх болно.

Асар удалгүй тэр саун, казино, ресторанаар давхих болж, дагадаг дагалддаг хүмүүс нь томоохон бизнесменүүд болсон юм. Манай систем хүнийг эвдэж эхэлж буй нь тэр. Гаалийн Х.Баатар, банкны О.Чулуунбат нар түүнийг том бизнес, гэмт хэргийн ертөнцтэй холбогч гол гүүр нь болж байсан гэж би итгэлтэй хэлж чадна. Хэрэв үүнийг худлаа гэх ахул намайг шүүхэд өгсөн ч болно. Надад духан дээрээ наах баримт хангалттай бий.

Н.Энхбаяр, Р.Гончигдорж, Ц.Элбэгдорж нар нийлж байгаад эвслийн засгийн газруудыг толгой дараалан унагасныг нотлоод байх шаардлага байхгүй юм. Наад зах нь генерал Б.Пүрэвийн бичсэн номыг сөхөөд харчихад л алган дээр байгаа юм шиг харагдана. Н.Энхбаяр эвслийн зөрчлийг ашиглан Р.Гончигдорж, Ц.Элбэгдорж нарын хамсаатантайгаа нийлж тэднийг бусниулах тутам МАХН–ын болон Н.Энхбаярын нэр хүнд өдрөөр биш, цагаар өсч байлаа. УИХ–ын нөхөн сонгуулиар Завханы тойрогт ялалт байгуулсан нь түүнд улс төрийн эрх мэдэл авчирч, МАХН-ын туг, далбаа, бэлэгдлийг сольсон өнгө будгийн өөрчлөлт нь МАХН–ын шинэчлэлийг харуулж, Социнтернд элсэх реклам нь улс төрийн итгэл үнэмшил бий болгож нэг үгээр хэлбэл улс төрийн амжилтыг аль эртнээс хангасан юм.

Алдаатай буюу буруу бодлого, үйл ажиллагааг дараа дараалан эхлээд жижгээр ухамсаргүй байдлаар хожим нь томоор санаатайгаар давтан давтан хийж энэ нь улс төрийн аюултай завхралд хүрээд байсан ч дээр дурдсан алдар гавъяа үүнийг нь бүрэн дарж чадаж байв. Энэ олон жижиг гэмээр зүйлүүд нийлэн нийлсээр дарангуйлагч болох агуу их замнал эхэлсэн юм. Yүнийг МАХН зогсоож чадаагүй.

Миний хийсэн зарчмын үндсэн алдаа бол МАХН–ыг хамтын удирдлага, шударга ёс, шинжлэх ухаан, ёс суртахууны үндсэн дээр шинэчлэж болно гэж үнэн сэтгэлээсээ итгэж байсанд оршино. Олон он жил элээж бараг яс маханд нь шингэсэн даргын амыг харах, түүнийг шүтэх, долигнох менталитетыг би харгалзсангүй. Н.Энхбаярт долигногчид тав арваараа биш, сүрэг сүргээрээ хөлхөлдөж, түүнийг алсдаа улс төрийн хувьд хөнөөх гол хүчин бөгөөд шалтгаан болсон юм.

Энэ нөхцөлд хувь хүний хувьд хоёр сонголт үүсдэг. Нэгдэх нь хэт өргөмжлөлөөс татгалзан улс төрийн ухаалаг, алсыг харсан, зохист бодлого явуулах. Удаах нь ганцаараа бүхнийг захирах эрмэлзэлдээ идэгдэн "агуу ихийн” болон "эдийн шуналд автах” өвчин зэрэг тусах. Г.Очирбат, Б.Даш-Ёндон нар эхний замаар явсан. Гэтэл хувь хүний дорой шинж чанараасаа болж Н.Энхбаяр хоёр дахь замаар нь явсан юм. МАХН ийм төрлийн өвчнийг дэврээх, сэдрээх хамгийн таатай орчин байлаа. Одоо энэ намд бүрэн ариутгал хийх зайлшгүй шаардлагатай.

МАХН–ын энэ балиар орчин түүнийг үнэхээр эвдсэн. дээ. Н.Энхбаяр ч алдар хүндээсээ хар тамхичин шиг таашаал авдаг байлаа. Түүний алдааг харж, дургүйцэх хүчин МАХН дотор байсан, одоо ч байгаа. Н.Энхбаяр эхлээд намыг дарангуйлагч болов. Yүнийг тэр хэрхэн хийсэн вэ ?

Нэгдүгээрт, тэр МАХН–ын дүрмийг дарангуй тогтолцоо, төвлөрсөн хатуу удирдлагыг бэхжүүлэх чиглэлээр алхам алхмаар өөрчлөв. Өөрөөр хэлбэл МАХН дотор дөнгөж тогтоод буй ардчиллын үр хөврөлүүдийг ээлж дараалан устгав. Нэг удаагийн өөрчлөлтийг нь хүн анзаарахааргүй боловч олон удаагийн өөрчлөлтүүд нь нийлээд бүхэлдээ үйлчлээд ирэхлээрээ МАХН-ыг нийгмийн хөгжилд саад бологч дарангуй систем болгон хувиргасан юм. Yүнийг МАХН–ын XXIII их хурлаар МАХН–ын Дүрэмд оруулсан өөрчлөлтөөс харчихад л болно. Хэрэв уншигчид, сонирхогчид хүсвэл би энэ талаар дэлгэрэнгүй өгүүлж болно.

Хоёрдугаарт, боловсон хүчний бодлогыг арилжааны хэрэгсэл болгож, дуулгавартай манкурт боол болгож хэрэгжүүлсэн. МАХН–ын аль ч түвшинд үзэл бодолдоо үнэнч, ажилсаг, туршлагатай, мэдлэгтэй боловсон хүчин хангалттай байсан. Одоо ч байгаа. Гэтэл Н.Энхбаяр хаа явсан нь үл мэдэгдэх, илт гэмт хэргийн намтартай, шунал, мунхаг мулгуу нь дэндсэн харь гаригийн мэт хүмүүсээр намыг дүүргэв. Эд нар нь голдуу бизнесийн хүрээллийнхэн байсан бөгөөд энэхүү шуналын туламнууд Н.Энхбаярын ачаар төрийн эрх мэдэлд орж чадсан юм. Өөрөөр хэлбэл МАХН баячуудын төрийн албан тушаалд хүрэх шат гишгүүр болон хувирав. Эд нар манлайлагчийг магтан дуулах, янаглан хорлох, зусардах, бялдуучлах, долигнох гэсэн бараг ганцхан зүйлийг хийж чаддаг төрөлх гэмээр авъяастай байлаа. Тэд нам болон төрийн системд нэвтэрсэн ДОХ, САРС, ШУВУУНЫ ХАНИАД болой. Энэ бүхнээс шалтгаалан манай төр, нийгэм системийн хямралд ороод байна. Энэ лай ланчгийг ард түмэн л үүрдэг жам ёсоор түрүүч нь амсаж эхлээд байна.

Дээрх алдаанаас намын оюунлиг сэхээтний бүлгийг түшиж баймаажин сэргийлэх ёстой атал хүний хувь чанараасаа шалтгаалан тэрхүү бүлгийг намаас хөөн зайлуулсан нь түүний хэзээ ч засашгүй алдаа болсон юм. Одоо МАХН–д тархи, толгой үлдээгүй. Би өөрийгөө хэлээд байгаа юм биш, одоо бараг гудамжинд яваа буюу амаа үдүүлсэн ч хайрламаар, бахадмаар монголын жинхэнэ бахархал болсон олон том эрдэмтдийг хэлж байна. Өгүүлэл ч бичиж үзээгүй маанаг докторууд, гадаад дипломтой хуурамба, дуурайгч нарыгаа оюуны сэхээтэн гэж бодож байвал дэндүү эндүүрэл болно.

Эндээс бараг гүн ухааны гэмээр хоёр асуулт үүснэ. Нэгдэх нь Н.Энхбаяр системийн золиос уу ? Yүнд би тийм гэж хариулна. Ямар ч залуу хүнийг хүнийг Yндэсний Удирдагч, Монголын Бахархал, Чингис хаан, Гималайн уул гэж хөөрөгдөн алдаг мөн чанар бидэнд, тухайлбал МАХН–д бараг арилшгүй шингэсэн. Удаах нь энэ системийг хэн төлжүүлж, тэтгэж, одоо гарах гарцгүй шахам болгосон бэ ? Yүнд би мэдээж хэрэг өөр хэн ч биш Н.Энхбаяр гэж хариулна.

Аливаа дарангуй систем өөрийн эзнийг дарж алдаг түүхийн хууль гэж байдаг юм. Х.Чойбалсан, Ю.Цэдэнбал хоёрыг л жишээлэхэд энэ нь хөдөлбөргүй нотолгоо болно. Одоо Н.Энхбаяр Ерөнхийлөгч болохоор үхэн хатан зүтгэж буй нь нууц зүйл байхаа хэдийнээ больсон. Түүний энэ дуусашгүй хүсэл, эрх мэдлийн тэчъяадал, алдар хүндийн цангаа, гэмт явдал нь илчлэгдэхээс айсан зөн совин нь юунд хүргэхийг би л лав мэдэхгүй.

Одоо бараг гарцаагүй нүүрлээд байгаа нуралтын дараа би түүнийг муулахгүй, хөндөхгүй, оролдохгүй. Надад тийм адгийн ёс суртахуун, хүмүүжил байхгүй. Гэхдээ би ганцаараа ёс журмыг барилаа ч гэсэн түүнийг дэвсэх хүмүүс хангалттай олон гэдэгт би огтхон ч эргэлзэхгүй. Түүний нам, төрийн шинэчлэл нь төр, нийгмийг системийн хямралд оруулсан цорын ганц үр дүнд хүрээд байна.

Энэ бол түүний өөрийнхөө гараар байгуулсан гаж систем бөлгөө…

Судлаач Х.Д.Ганхуяг
2004 оны 10 дугаар сарын 12.
Дахин сийрүүлсэн:
2014 оны 03 дугаар сарын 24.

Эх сурвалж: ganaa.mn блог

More 709 0

Category: Мэдээ мэдээлэл, Улс төрч

Ерөнхий прокурор хөдөө орон нутагт шалгалт хийх ажлын хэсэгт үүрэг өглөө

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Ерөнхий прокурор хөдөө орон нутагт шалгалт хийх ажлын хэсэгт үүрэг өглөө

Author: zulaa on 2014/03/25, 20:28 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

gogomn

Төв орон нутгийн хуулийн байгууллагад ажиллаж байгаа шүүгч прокурор, хэрэг бүртгэгч мөрдөн байцаагч, шийдвэр гүйцэтгэгч болон хуулийн бусад байгууллагын ажилтнуудыг дөрөвдүгээр сарын 02-12-ны өдрүүдэд улсын хэмжээнд шалгаж дүгнэхээр болжээ.

Шалгалтын зорилго нь Ерөнхийлөгчийн санаачлагаар боловсруулсан "Шүүх эрх мэдлийн шинэтгэлийг гүнзгийрүүлэх хөтөлбөр”-ийн хүрээнд Улсын Ерөнхий Прокурорын санаачлагаар шүүх эрх мэдлийн болон хуулийн байгууллагуудын баримталж буй нэгдсэн бодлого, чиглэл, зорилт, өөрчлөлт, шинэчлэлтийг хэрхэн хэрэгжүүлж буйг гаргах ажээ.

Энэхүү арга хэмжээнд Шүүхийн Ерөнхий Зөвлөл, Хууль зүйн яам, Улсын Ерөнхий Прокурорын Газар, Цагдаагийн Ерөнхий газар, Шүүхийн Шийдвэр Гүйцэтгэх Ерөнхий Газрын ажилтнууд оролцон ажлын долоон хэсэг болж шалгалт явуулах бөгөөд шалгалтын дүнг үндэслэн аймаг орон нутагт нэгдсэн зөвлөгөөнийг зохион байгуулан хийх юм.

Энэхүү ажлын хэсэг нь "Хуулийн байгууллагын ажилтнуудын сахилга хариуцлагыг сайжруулах тухай захирамж тушаалын биелэлтийг газар дээр нь шалгаж орон нутгийн төр захиргааны байгууллагын удирдлагуудтай уулзаж, үнэлэлт дүгнэлт өгөх, гэмт хэргээс урьдчилан сэргийлэх ажлыг идэвхижүүлэх, шүүгч, прокурор, хэрэг бүртгэгч, мөрдөн байцаагч шийдвэр гүйцэтгэгч, болон бусад ажилтнууд, иргэдийн санал хүсэлтийг сонсож цаашид авах арга хэмжээний талаар санал дүгнэлт гаргах ажээ.

Өнөөдөр Улсын Ерөнхий Прокурор, Төрийн Хууль Цаазын Тэргүүн зөвлөх Д.Дорлигжав шалгалтын ажлын хэсгийн гишүүдийг хүлээн авч уулзан энэхүү нэгдсэн арга хэмжээг чанар, үр дүнтэй зохион байгуулах талаар үүрэг чиглэл өглөө.

Энэхүү нэгдсэн арга хэмжээг анх 2012 онд улсын хэмжээнд явуулж байсан бөгөөд энэ удаагийн нэгдсэн арга хэмжээ нь хөдөө орон нутагт дараах хуваарийн дагуу явагдана.

Хугацаа	Орон нутаг
2014 оны 04-р сарын 03, 04-ний өдрүүдэд	Ховд, Баянхонгор, Хөвсгөл, Булган, Дорнод, Дорноговь, Өмнөговь
2014 оны 04-р сарын 07, 08-ны өдрүүдэд	Баян-Өлгий, Говь-Алтай, Архангай, Орхон, Говьсүмбэр,Сүхбаатар, Дундговь
2014 оны 04-р сарын 10, 11-ний өдрүүдэд	Увс, Завхан, Өвөрхангай, Сэлэнгэ, Дархан-Уул, Хэнтий, Төв аймаг

More 983 0

Category: Мэдээ мэдээлэл, Улс төр

Онигоо

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Онигоо

Author: zulaa on 2014/03/25, 20:15 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Онигоо 1:

Эхнэр нь нөхрийгөө тамхинд гаргав. Нөхөр нь дэлгүүр хаасныг замдаа олж мэдээд ойролцоо байдаг автомат тамхины машин дээр очив. Түүний яг хажууд нь бар байдаг бөгөөд тэнд нэгэн үзэсгэлэнтэй бүсгүйтэй таарч яриа өдөж эхлэв.

Хэдэн аяга шар айраг хамтдаа ууж байгаад эмэгтэйн гэрт нь очиж зугаацсаар нэг мэдэхэд шөнийн 3 цаг болж байв. "Ээ тэнгэр минь, эхнэр маань намайг ална шүү дээ, чамд энгэсэг чинь байна уу?” гэтэл нөгөө бүсгүй ч энгэсэгээ гаргаж өгтөл гартаа жаал түрхэж байгаад гэртээ харив.

Эхнэр нь уурсангуй: "Чи чинь хаагуур алга болчихов?” гэхэд нөхөр нь:

"Би дэлгүүр ортол хаалттай байлаа, тэгээд автомат машин дээр очиж авах гэтэл нэг хөөрхөн хүүхэнтэй таараад хамтдаа ууж байтал нэг л мэдэхэд бид хоёр нэг оронд хэвтэж байсан.”

"Өө тэгээ юу? Алив гараа харуул.” Нөхрийнхөө гарт буй энгэсэгийг хараад "адгийн муу худалч, дахиад л нөгөө билъярдаа тоглоо юу?”

Онигоо 2:

Залуу байрныхаа урд байдаг өвсний талбайг янзалж байв, гэтэл хөрш айлын шаргал үстэй үзэсгэлэнт бүсгүй гарч ирээд шуудангийн хайрцагаа нээж үзээд хүчтэй гэгч нь хаагаад оров. Хэсэг хугацааны дараа дахин гарч ирээд бүр хүчтэй хаагаад уурсангуй гэртээ оров. Төдөлгүй дахиад л гарч ирээд нээж үзээд байдаг хүчээрэ савж орхив.
Залуу асуув: "Ямар нэгэн юм болоо юу?”
Шаргал үст бүсгүй: "Тийм ээ, миний тэнэг компьютер YOU’VE GOT MAIL гээд байн байн гажигтаад байна”.

Онигоо 3:

Мельбурн хотруу онгоц хөөрч байв. Энгийн суудалд сууж байсан нэгэн шаргал үст зорчигч бүсгүй урагш очин Нэгдүгээр зэрэглэлийн суудалд суухыг онгоцны үйлчлэгч бүсгүй хараад түүн дээр очин эргэж суудалдаа суухыг хүсэв.
Шаргал үст бүсгүй хариулав: "Би шаргал үстэй, Би хөөрхөн, Би Мельбурн явж байна, би эндээ л сууна хэмээгээд хөдөлсөнгүй.
Үйлчлэгч бүсгүй аргагүйн эрхэнд туслах нисгэгч дээрээ очоод учрыг хэлтэл нисгэгч нь бүсгүй дээр очин энгийн суудалд бага мөнгө төлж суудаг, нэгдүгээр зэрглэл нь өндөр үнэтэй байдаг тул эргэж өөрийн суудалд сууна уу хэмээн хүсэв.
Шаргал үст бүсгүй хариулав: "Би шаргал үстэй, Би хөөрхөн, Би Мельбурн явж байна, би эндээ л сууна” хэмээгээд хөдөлсөнгүй.
Аргаа барсан туслах нисгэгч нь онгоц газардангуут шаргал үст бүсгүйг цагдаад барьж өгөхөөр занаад сууж байтал ахлах нисгэгч нь: "Би шаргал үст бүсгүйтэй гэрэлсэн, би очоод яриад үзье” хэмээгээд түүн дээр очтол удалгүй шаргал үст бүсгүй "Өө уучлаарай, би ёстой мэдсэнгүй” хэмээгээд босоод явчихав.
Онгоцны үйлчлэгч болон туслах нисгэгч хоёр гайхаад юу гэж хэлээд босгосныг асуув:

Нисгэгч хариулав: "Би түүнд нэгдүгээр зэрэглэл Мельбурн –рүү нисэхгүй” гэж хэлсэн.

More 2910 0

Category: Мэдээ мэдээлэл

ХӨЛӨНБУЙР СУМ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

ХӨЛӨНБУЙР СУМ

Author: zulaa on 2014/03/25, 19:43 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

ХӨЛӨНБУЙР СУМ

Хөлөнбуйр сум 1945 онд Өвөр Монголын Өөртөө Засах Орны Хөлөнбуйр аймгаас 89,1 мянган толгой мал бүхий 256 өрх айлын 997 хүн ам нүүдэллэн ирсэн барга ястан ард иргэдийн бүрэлдэхүүнтэй Чойбалсан аймгийн Хөлөнбуйр сум нэртэйгээр байгуулагдсан. Улмаар 1956 онд Түмэндэлгэр сумаас 30,0 гаруй мянган толгой малтай 220 хүн ам бүхий 70-аад өрх айл нэмэгдэн ирж өргөжин зохион байгуулагдсан.
Нэгдэлжих хөдөлгөөний үед Шинэ-зам, Баянцагаан, Оч, Баян-Өлзийт зэрэг жижиг нэгдлүүд байгуулагдан 1959 онд эдгээр жижиг нэгдлүүд нийлж "Шинэ зам” нэгдэл болон нэгджээ.
Сумын Хүн эмнэлэг 1946 онд бага эмчийн салбараар байгуулагдаж 1965 онд их эмчийн салбар болжээ.
Сумын сургууль 1946 онд Эрхтийн бүрд гэдэг газарт нэг ангитай 36 сурагчтай анх байгуулагдсан бөгөөд 1970 онд 8-н жилийн дунд сургууль болон өргөжсөн байна.
Сумын Холбооны салбар 1949 онд байгуулагдаж аймгийн төвтэй утсан харилцаатай болсноос хойш үйлчилгээний хүрээ нь өргөжин радио зангилааны өсгөгч, сумын доторхи холбооны автомат станцтай болж айл, өрх, холбоогоор харилцаж байна. Олон улсын "Азиасат” системд холбогдсоны дүнд айл өрх олон сувгаар телевизийн нэвтрүүлэг үзэх бололцоотой болсон ба үндэсний нэвтрүүлгийг 140 гаруй өрх үзэж байгаагийн дотор хөдөөгийн 25 өрх байна.
Соёлын төв 1947 онд сайн дурын уран сайханчдын бүлгэмд түшиглэн улаан булангийн хэлбэрээр зохион байгуулагдан улмаар 1950 онд сумын клуб, 1980 онд соёлын төв болон өргөжсөн.

Тус сумаас төрөн гарсан алдтартнууд /эрдэмтэн, мэргэд/:

Эрдмийн зэрэг цолтон
С.Мажигсүрэн, Б.Намсрай, Ц.Сүрэнжав

АИХ-ын депутатууд
Н.Дэнсмаа, Т.Ламжав, О.Гонгор, Б.Жадамбаа

Тахидаг уул, овоо, түүх соёлын дурсгалт газар:
Эртний тахилгат Баян-Уул, Батхаан, Өлзийт зэрэг уул овоо байдаг. Мөн Хүн чулуу, Чингисийн ор, Тэмээн чулуу, Гахайн хад зэрэг түүх соёлын дурсгалт газруудтай.

Нутгийн онцлог давуу тал, цаашдын ирээдүй:
Тус сум Сүхбаатар аймгийн Сүхбаатар, Түмэнцогт, Хэнтий аймгийн Баян-Овоо, Норовлин сумд болон өөрийн аймгийн Цагаан-Овоо, Булган зэрэг сумдтай нутгийн хил залган, зүүн гурван аймгийн уулзварт Улаанбаатар, Чойбалсан хотыг холбосон төв зам дээр оршдогоороо онцлог юм.
Хэрлэн голын хоёр талдаа нутаг бэлчээртэй уул толгодтой, өвс ургамал сайтай. Нутгийн малын ихэнхийг Барга хонь эзэлдэг.Барга хонь нь орон нутгийн эрс тэс уур амьсгалд зохицсон өөх махны бүтэц, биологийн шинжээрээ илүү нуруу хавиргатай, 100 эхээс бойжих төлийн тоогоор өндөр, нутгийн хонины давуу талтай байдаг.

Сул тал
Нутаг бэлчээрийн хувьд бусад сумдтай харьцуулахад бага, сумын ашигт малтмалын орд нөөцгүй, аж ахуйн нэгж цөөнтэй, ой, хөвч тайгагүй, дэд бүтцийн хөгжлөөр зэргэлдээ сумдаас сул юм.

Байгалийн үзэсгэлэнт газрууд:
Сумын нутаг дундуур төрөл бүрийн загас бүхий Хэрлэн гол урсан өнгөрдөг бөгөөд хангай, хээрийн уулзвар нутаг юм.
Чулуут булаг, Ханангийн хар, Хавсгайт

Байгалийн баялаг :
Уул, тал хээр, ус, говь хосолсон нутгаар бор гөрөөс, цагаан зээр, тарвага, чоно, үнэг, хярс, дорго зэрэг ан амьтан, тас, харцага, элээ хэрээ, ятуу, болжмор зэрэг төрөл бүрийн шувууд нутагшин амьдардагийн дээр хун, тоодог, тогоруу, бор, шар галуу, цагаан хун зэрэг усны шувууд дулааны улиралд нүүдэллэн ирдэг.
Таван салаа, чонын таваг мэтийн эмийн болон үхрийн нүд, нохойн хошуу, гишүүнэ, зэрлэг сонгино, таана, мангир төрөл бүрийн мөөг зэрэг хүнсний ургамал ургадаг ба малын бэлчээрийн шимт ургамлаар дүүрэн баян тансаг нутаг юм.

Суманд ажиллаж буй үйлдвэр аж ахуйн нэгжүүд

1.Атарчин хоршоо
2.”Барга хонь” УҮГазар
3.Весхоз ХХК
4.”Нам-до” ХХК

More 1808 1

Category: Мэдээ мэдээлэл, Хөлөнбуйр

Атлантын далай 180 сая жилийн өмнө МЕЗОЗОЙН эринд үүссэн

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Атлантын далай 180 сая жилийн өмнө МЕЗОЗОЙН эринд үүссэн

Author: shagai on 2014/03/25, 17:55 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Та бүхэн сонины өмнөх дугааруудыг уншсан бол манай дэлхий дээр нийтээрээ мэддэг таван далай оршдог тухай товч өгүүлсэн билээ. Эдгээрээс Өмнөд далайг бүр хожуу буюу 2000 онд албан ёсоор хүлээн зөвшөөрсөн түүхтэй.
Дэлхийн эх газруудаас тусгаарлагдсан, Өмнөд далайгаас хойд зүгт бидний сайн мэдэх Номхон ба Энэтхэг, Атлантын далайнууд оршдог. Харин Хойд туйлын бүсийн орой хэсэгт дэлхийн хамгийн жижиг, тав дахь Хойд мөсөн далай оршдог. Эдгээр далайнуудын зах хязгаараар булан тохойнууд, нуурууд, тэнгисүүд гэх мэт жижигхэн бүс нутгууд зонхилон оршдог.
Дэлхийн далайнууд хоорондоо маш нягт, уялдаа холбоотой. Энэ холбоог манай дэлхий дээрх зонхилох салхинууд бий болгодог. Өөрөөр хэлбэл, далайн усны урсгалууд дэлхийн гадарга дээрх салхинуудтай
үндсэндээ ижил зүгт урсдаг зүй тогтолтой. Нарны туяа эквадор дээр хамгийн хурц, харин хойд, өмнөд туйлуудад хамгийн бага тусдаг учир далайн ус эквадор орчимд илүү халж, улмаар туйлуудыг чиглэн урсдаг. Далайн халсан ус хойд болон өмнө зүгийг чиглэн урсах замдаа хөрч урсгалын чиглэл аажмаар өөрчлөгдөж хөрсөн ус эргээд экваторыг чиглэн урсдаг. Иймээс халуун, хүйтэн салхи, мөн халуун, хүйтэн усны урсгалүүсдэг байх юм.
Дэлхийн далайнуудын хамгийн сонирхол татам далай бол Атлантын далай юм. Энэ утгаараа Атлантын далайн тухай товч боловч өгүүлэх нь уншигч авхай танд шинэлэг мэдээлэл болно байх. Атлантын далай нь баруун талаараа Хойд болон Өмнөд Америк, зүүн талаараа Европ болон Африкийн тивээр хүрээлэгдэн орщдог. Дэлхийн далайнуудын хоёр дахь том нь Атлантын далай бөгөөд хэд хэдэн хажуугийн тэнгисүүдтэй. Атлантын далайд Хойд мөсөн далай, Өмнөд далай, Газар дундын тэнгис болон бусад олон гол, мөрөн цутгадаг.
Атлантын далай 180 сая жилийн өмнө, мезозойн эрин үед Африк, Европ тивүүд, Америк тивээс салж Төв Атлантын нурууны хоёр талд гарахад үүссэн байдаг. Атлантын далайн ёроолын дагуу хойноос урагшаа сунасан асар том уулын нуруу байх бөгөөд энэ нь усан доорх газрын бараг гуравны нэгийг эзэлдэг. Усан доорх энэхүү уулын нурууны Далайн түвшнээс дээш гарч ирсэн салбар нь Асенсьон ба Азорын арлууд, мөн түүнчлэн Исландын арлын жигүүрүүд байдаг. Төв Атлантын нуруу нь далайн ёроолыг үргэлжилсэн хоёр хөндий болгон хуваадаг. Атлантын далайн ай савд зарим томоохон

галт уулууд ганц нэгээр болон цуваахэлбэртэй оршдог.

Эдгээр нь зарим газарт Бермудын гарвалжин шиг усан доорх галт уулын хэлбэртэй байдаг. Атлантын далайн гадаргын ус хойд Атлантад цагийн зүүний дагуу, өмнөд Атлантад цагийн зүүний эсрэг хоёр том хуйлраа үүсгэдэг. Үүнээс гадна, гүний усны томоохон эргэлдэх хөдөлгөөнийг үүсгэдэг онцлогтой. Хойд туйлын ёроол дахь хүйтэн ус Экватор руу чиглэсэн гүнээр алгуурхан урсдаг. Хүйтэн усны урсгал Өмнөд Атлантын далайн устай холилдож гүний усны эргэлдэх хөдөлгөөний цооног дахь усны нэг хэсэг шим тэжээлийг гадаргад авчирдаг.

Атлантын далай дахь зонхилох цаг агаар өргөргийн дагуу өөр өөр байдаг.Өндөр даралтын бүсэд салхи, шуурга, цаг агаар хувирамтгай баруун зүгийн хувьсах салхи байнга тохиолдоно.

Өндөр даралтын системийн бүсүүд буюу Экваторын ойролцоо зүүн пассат салхиуд их байдаг.

Харин Хойд Атлантын бага өргөргийн бүс нутаг зуны сүүл, намрын эхэн сард дунд болон зүүн Атлантаас үүсэлтэй хэд хэдэн хүчтэй далайн хар салхинд өртөх ба салхи баруун, баруун хойд зүгт шилждэг. Хойд Атлантын далайн баруун, Бермудын зүүн өмнөд хэсэгг Заргоссын тэнгис байдаг. Заргоссийн тэнгис нь Хойд Атлантын цагийн зүүний дагуу эргэлтийн том бүс нутаг болдог. Тэнгисийн зах хязгаараар Зүүн өмнеөс баруун хойш шилжих өмнөд Эквадорын урсгал, зүүн хойноос баруунөмнө зүгт шилжих Канарын хүйтэн урсгал, хойш ба баруун зүгт чиглэх Гольфстримийн халуун гэсэн гурван төрлийн урсгал үүсдэг.
Атлантын далай нь дэлхий дээрх хамгийн олон зуун жилийн аялалд өртсөн ба түүний эргүүд ньбайнгын шуурга, манантай байдаг. Далайгаар өнгөрч байгаа олон тооны усан онгоцны аюулгүй байдлыг хангахын тулд 1700 оноос хойш далайн эрэг дээр мянга мянган гэрэлт цамхагууд баригдаад байна.

Өнөөдөр АНУ-ын зүүн эрэг дагуу 200 гаруй гэрэлт цамхаг ажиллаж байна. Гэрэлт цамхагуудыг эргийн дагуух чухал цэгүүд болох эх газрын тавцан ба алслагдсан болон хонхойж суусан чулуун эрэг, эргийн дагуух далд адаг болон далайн боомтод баригдсан байна.

Гэр бүл сонин

More 4405 0

Category: Мэдээ мэдээлэл

“ТҮНШЛЭЛ-2014″ АРГА ХЭМЖЭЭ БОЛЛОО

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

“ТҮНШЛЭЛ-2014″ АРГА ХЭМЖЭЭ БОЛЛОО

Author: munkhbat on 2014/03/25, 14:35 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

2014 онд Дорнод аймагт хэрэгжүүлэх хөтөлбөр төслийн нээлт, "АЖИЛ ОЛГОГЧ-2014″, "ТҮНШЛЭЛ-2014″ арга хэмжээ 2014.03.28-ны 09,00 цагт аймгийн хөгжимт драмын театрт боллоо. Нээлтэнд бүх түншлэгч байгууллага, төрийн болон төрийн бус байгууллагын төлөөлөл, сумын засаг даргын тамгын газрын дарга нар оролцоно. Мөн хөтөлбөрт төсөлд хамрагдахыг хүссэн иргэд, иргэдийн бүлгүүд оролцоно. Хөдөлмөр эрхлэлтийг дэмжих чиглэлээл 2014 онд Дорнод аймагт хэрэгжүүлэх хөтөлбөр, төслийн нээлтийн арга хэмжээний хөтөлбөр:

Нээлтийн арга хэмжээ 2014 оны 3 дугаар сарын 28-ны өдөр аймгийн Хөгжимт драмын театрт болно.

08.30-09.00 -Оролцогчдыг бүртгэх
09.00-09.30-Сум хөгжүүлэх сан болон ЖДҮДС-гийн хөнгөлөлттэй зээлд хамрагдсан иргэдийн "Миний ажлын байр-2014” сэдэвт бүтээгдэхүүн, ажил үйлчилгээний үзэсгэлэн, "Баялаг бүтээгч” сэдэвт гэрэл зургийн үзэсгэлэнгийн нээлт
09.30-11.30 -Арга хэмжээний нээлт, үйл ажиллагаа
-Хөдөлмөр эрхлэлтийг дэмжих хөтөлбөр, төслийн нээлтийн үйл ажиллагааг нээж Хөдөлмөр эрхлэлтийг дэмжих салбар зөвлөлийн дарга М.Бадамсүрэн, "Ажилтай орлоготой Монгол хүн” үндэсний хөтөлбөрийг хэрэгжүүлэх дэд зөвлөлийн дарга Н.Алтанцэцэг нар үг хэлнэ.
-"2014 онд Дорнод аймагт хэрэгжүүлэх хөдөлмөр эрхлэлтийн хөтөлбөр, төсөл, арга хэмжээ” сэдэвт танилцуулга. Аймгийн Хөдөлмөрийн хэлтсийн дарга Ц.Төртайван
-Сэдэв: "Ажиллах хүчний хөгжил-хамтын ажиллагаа” Дорнод Политехник коллежийн захирал Д.Энхжаргал
-Сэдэв: ”Дорнод аймгийн өрсөлдөх чадварын түвшин” Хөдөлмөр сонины менежер, багш арга зүйч Д.Ýíõòýãø
-Сэдэв: "Түншлэл-2014”
-Сэдэв: "Ажил олгогч-2014”
11.30-12.00 -2014 онд хөтөлбөр төсөлд хамрагдах зарим иргэн, иргэдийн бүлэг, сум, багт батламж гардуулах, Үзэсгэлэнд оролцогчдын шилдэгийн шагнал гардуулах.
12.00-12.50 -Хөгжимт драмын театрын уран бүтээлчдийн тоглолт
13.00-14.00 -Өдрийн хоол
14.00-18.00 – "Өрсөлдөх чадвараа дээшлүүлж хамтдаа хөгжицгөөе” сургалт ярилцлага /Политехник коллеж дээр, сумын ЗДТГ-ын дарга нар, хөдөлмөрийн мэргэжилтнүүд/

-"Түншлэл-2014” цомын төлөө спортын тэмцээнийг түншлэгч байгууллагуудын дунд ССАЖГ-тай хамтран 2014 оны 3 дугаар сарын 23-нд аймгийн Спортын төвд зохион байгуулна.

More 1114 11

Category: Мэдээ мэдээлэл, Чойбалсан хот редакци, Дорнод мэдээ

"Мобиком" дампуурч байгаа юм биш биз

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

"Мобиком" дампуурч байгаа юм биш биз

Author: munkhbat on 2014/03/25, 13:57 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Үүрэн холбооны томоохон төлөөлөгч болсон "Мобиком" ХХК-г тойрох олон асуудлууд ар араасаа хөвөрсөөр л байна.

Монголын анхны үүрэн холбоо гэдгээрээ нэгэнтээ хэрэглэгчдээ өөрийн болгож чадсан байсан "Мобиком" саяхан ажилчддаа хайр найргүй хоморголон халсан хэмээн яригдах болсон. Энэ нь ч үнэн бөгөөд хот хөдөөгийн нийлээд 400 гаруй ажилчнаа хууль бусаар ажлаас нь халаад ажлаас гэнэт халагдсны нөхөн олговор олгоогүй хэмээн хэл ам нилээдгүй дагуулсан.

Мөн ШӨХТГ-аас дараа төлбөртийн барьцаа хөрөнгийг буцаан олгох тухай шийдвэрийг хэрэгжүүлээгүй гэх бөгөөд хэрэглэгчдийг арав ба түүнээс олон жил барьсан дараа төлбөртийн барьцаа хөрөнгийг буцаан олгохдоо хэрэглээнийх нь зардалд шилжүүлэн олгоно хэмээн заасан түүнчлэн үнийн хувьд бусад үүрэн холбооны үнэ ханшаас илүү их зардал гардаг гэх мэтээр олон арван асуудал "Мобиком"-ыг тойрон эргэлдэж байгаа.

Сүүлийн үеийн мэдээгээр "Мобиком" ХХК нь уналтанд орох болсон шалтгаанууд ар араас хөвөрч байгаа нь тэдний нийгэмд эзлэх байр суурь нэгэнтээ хазайсан төдийгүй бусад үүрэн холбооны компаниудад шахагдан гарч зах зээлээ алдаж байгаа зэрэг нь нийгмийн хэрэглээнээс нэгэнтээ шахагдан гарах магадлал өндөр болсон аж.

Учир нь үүрэн холбоо хэрэглэгчид үндэсний гэх тодотголтой үүрэн холбоог илүүтэй сонгон хэрэглэх болсон нь чухам үүний нэгэн жишээ болоод байна.

Ч.Мөнхбат

More 829 0

Category: Мэдээ мэдээлэл, Эдийн засаг, Ноцтой мэдээ

Сарын сүүлчээр ихэнх нутгаар цас орно

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Сарын сүүлчээр ихэнх нутгаар цас орно

Author: khaliun on 2014/03/25, 12:23 [rating-type-1]

[/rating-type-1] [rating-type-2]

[rating-plus][/rating-plus]

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Энэ сарын 26-нд зарим нутгаар, 27-нд нутгийн зүүн хагаст, 28-нд баруун зүгийн нутгийн баруун, говийн нутгийн зүүн хэсгээр, 29-нд баруун болон төвийн нутгийн хойд хэсгээр хур тунадас, нойтон цас орно.

More 794 0

Category: Мэдээ мэдээлэл

1 ... 2166 2167 2168 2169 2170 2171 2172 2173 2174 ... 2191