Өнгөрсөн сард Дорнод аймгийн төрийн албан байгууллагуудад мониторинг шалгалт хийсэн билээ. Энэ шалгалтаар агентлаг хэлтсүүд өндөр настны тэтгэвэрт гарч тэтгэмжээ авсан иргэдийг үргэлжлүүлэн ажиллуулах, улмаар сул орон тоо гарсан ажлын байрыг нь олон нийтэд зарлахгүй байх, төрийн захиргааны албан тушаалд төрийн үйлчилгээгээр цалинжуулах гэх мэт зөрчлүүд цөөнгүй гарчээ. Иймээс эдгээр хууль бус зөрчлүүдийг анхаарч ажиллах талаар Дорнод аймаг дахь Төрийн албаны зөвлөлөөс анхааруулжээ.

Төрийн албаны мэргэшлийн ээлжит сонгон шалгаруулалт ирэх сард болох бөгөөд албан байгууллагууд орон тооны захиалгаа өгч эхэлсэн байна.