Европын хамгийн нэр хүндтэй тэмцээн болох Аваргуудын лигийн хагас шигшээ шатны хариу тоглолт боллоо. Хагас шигшээд Испанийн "Реал Мадрид” клуб өнгөрсөн жилийн Аваргуудын лигийн аварга "Байерн Мюнхэн”-тэй учраа таарсан. Эхний тоглолт "Реал”-ын талбайд болоход Испанийн баг өрсөлдөгчөө 1:0-ээр хожсон. Тэгвэл хариу "Байерн Мюнхэн” клубын талбайд болж, зочид 0:4-өөр өрсөлдөгчөө бут ниргэлээ. Ингэснээр "Реал” хүчтэй өрсөлдөгчөө хоёр тоглолтын нийлбэр дүнгээр 5:0-ээр буулгаж авч байгаа юм.

---