Эрдэнэцагаан сумаас гарсан түймэр Дорнод аймгийн Матад, Халхгол сумын нутгийг хамарч, ихээхэн хэмжээний хохирол учруулаад байгаа билээ. Тодруулбал, Халхгол сумын 12-15 малчин айлын гэр, хашаа, автомашин шатаад байна. Мөн тус сумын 3000 гаруй мал шатаж, гамшиг нүүрлээд байгаа билээ. Холбогдох албаныхан хохирлын хэмжээг тогтоохоор ажиллаж байна.

Тэгвэл Эрдэнэцагаан суманд дахин түймэр гарчээ. Тодруулбал, Сүхбаатар аймгийн Эрдэнэцагаан сумын Хадын булаг багийн Уртын цагаан гэдэг газар дахин хээрийн гал түймэр гарсан тухай дуудлага дөрөвдүгээр сарын 11-нд иржээ. Дуудлагын дагуу Онцгой байдлын гал сөнөөгчид ажиллаж, түймрийг цурамд оруулж, өчигдөр бүрэн унтраасан байна.

Дахин гарсан хээрийн түймэр нь  уул уурхайн компанийн тээврийн жолоочийн автомашинаас гарсан байж болзошгүй гэнэ. Сүхбаатар аймгийн цагдаагийн албан хаагчид түймэр гарсан газарт ажиллаж байна.

---

URL: https://www.choibalsan.mn/index.php?newsid=36806