Дорнод аймгийн Чулуунхороот сумын төв Эрээнцав сууринд гэмт хэргээс урьдчилан сэргийлэх, иргэдийн аюулгүй байдлыг хангах зорилгоор гудамжны камер суурилуулжээ. Тус сумын хөл хөдөлгөөн ихтэй дөрвөн газарт камер байрлуулсан бөгөөд хоёр нь 360 градус эргэдэг камер аж. Бүх камерууд нь 2 км хүртэлх газрыг харах, 24цагийн бичлэг хийх боломжтой юм байна. Хянах дэлгэцийг Сумын Цагдаагийн албанд суурилуулжээ.