Уржигдар буюу 5-р сарын 20-ны өдөр Матад сумын төвөөс баруун хойш 45 км-т орших Жаргалант багийн "Баруун сүүл” гэдэг газар  хээрийн түймэр гарчээ. Түймэрт аймгийн Онцгой байдлын газрын 24 албан хаагч, 2 автомашинтай, орон нутгийн 151 иргэн, 19 автомашинтай, нийт 175 хүн, 21 техник хэрэгсэлтэйгээр ажиллаж унтраасан байна.

Түймэр унтраах үеэр 32-42 насны хоёр хүний нүүр бага зэрэг түлэгдэж эмнэлэгт хүргэгджээ. Эдгээр хүмүүсийн биеийн байдал сайн байна гэж Онцгой байдлын газраас мэдээллээ.