Онцлох мэдээ » page 366

Зүүн бүсийн команд штабын сургууль эхэллээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Зүүн бүсийн команд штабын сургууль эхэллээ

Author: magnai on 2017/11/28, 17:14 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Онцгой байдлын ерөнхий газрын даргын 2017 оны А/285 дугаар тушаалаар Зүүн бүсийн Онцгой байдлын газруудын офицер бүрэлдэхүүний дунд "Команд штаб”-ын сургуулийг зохион явуулах удирдамж дагуу 2017 оны 11 дүгээр сарын 28-29-ний өдрүүдэд зохион байгуулагдах "Команд штабын” сургуулийн нээлтийн үйл ажиллагаа Дорнод аймгийн Тусгаар тогтнолын талбайд 2017 оны 11 дүгээр сарын 28-ний өдөр боллоо.

Дадлага сургуулийн нээлтэнд Онцгой байдлын ерөнхий газрын дэд дарга, хурандаа Б.Ууганбаяраар ахлуулсан ажлын хэсэг, Дорнод аймгийн Засаг даргын орлогч Ч.Ганбат, Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Д.Нэргүй, Бүсийн төвийн захирагч, Дорнод аймгийн Онцгой байдлын газрын дарга, хурандаа Н.Гантөмөр, Дорнод, Хэнтий, Сүхбаатар аймгийн Онцгой байдлын газрын алба хаагчид оролцлоо.

Сургалт танхимын болон дадлагын 2 үе шаттайгаар зохион байгуулагдаж байна. Онцгой байдлын чиг үүрэг бүхий байгууллагуудын алба хаагчдын бэлэн байдал, албаны бэлтгэл, ур чадвар, харилцан хамтын ажиллагааг тодотгож, удирдах бүрэлдэхүүний сургалтын чанар, технологийг сайжруулах, тэднийг цагийн байдал үүссэн үед хууль эрхзүйн хүрээнд оновчтой шийдвэр гаргах ажиллагаанд сургах, алба хаагчдын үүрэг гүйцэтгэх дадлага, арга зүйг дээшлүүлэх зорилготой сургалт явагдаж байна.

More 380 0

Category: Онцлох мэдээ, Дорнод мэдээ

Хүүхдийг ивээх сангийн бичил төсөл 7 сумдын ерөнхий боловсролын сургуульд хэрэгжинэ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Хүүхдийг ивээх сангийн бичил төсөл 7 сумдын ерөнхий боловсролын сургуульд хэрэгжинэ

Author: magnai on 2017/11/28, 13:57 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Дорнод аймгийн ЗДТГ-ын, Нийгмийн бодлогын хэлтсийн дарга О.Байгалмаа Мэргэжлийн хяналтын газар, ДБЭХС ТӨХК, Онцгой байдлын газар зэрэг байгууллагуудын төлөөлөл 2017 оны 11 дүгээр сарын 27-ны өдөр Хүүхдийн ивээх сангийн төлөөлөгчидтэй уулзлаа. Уулзалтаар Дорнод аймагт хэрэгжиж буй Хүүхдийн ивээх сангийн төслийн үйл ажиллагааг танилцуулан хамтран ажиллах үйл ажиллагааны талаар санал солилцсон юм.

Тус байгууллага 2016-2017 онд өвөлжилт, хаваржилтын нөхцөл байдал хүндэрсэн үед "Зудад өртсөн малчдын хүүхдүүдэд боловсролын дэмжлэг үзүүлэх, сургуульд түшиглэн гамшгийн эрсдэлийг бууруулах чадавхыг бэхжүүлэх нь” хүмүүнлэгийн төслийг төрийн болон орон нутгийн байгууллагуудтай харилцан ойлголцлын санамж бичиг байгуулан хамтран хэрэгжүүлж байгаа бөгөөд төсөлд Дорнод аймгийн Сэргэлэн, Цагаан-Овоо, Дашбалбар, Баян-Уул, Баяндун, Гурванзагал, Хөлөнбуйр сумдын ерөнхий боловсролын 7 сургууль хамрагдаж байна.

Төслийн үйл ажиллагааны нэг хэсэг болох сургуульд түшиглэн гамшгийн эрсдэлийг бууруулах чиглэлээр аймгийн түвшинд болон зорилтот сургуулиудын багш ажилтан хүүхдүүдэд гамшгийн тухай мэдлэг, сургуулийн гамшгаас хамгаалах чадавхийг бэхжүүлэх мэдлэг чадвар олгох сургалтыг зохион байгуулсан бөгөөд зорилтот сургуулиуд сургалтаар авсан мэдлэг, сургуулийн орчны гамшгийн үнэлгээнд тулгуурлан эрсдэлийг бууруулахаар төлөвлөсөн үйл ажиллагааг хэрэгжүүлэхэд нь Хүүхдийг ивээх сангийн бичил төсөл хэлбэрээр санхүүжилтийн хувьд дэмжиж ажиллах юм. Тэтгэлэгт төслөөр хийх үйл ажиллагаа нь дээрх 7 сумдын Ерөнхий боловсролын сургуульд:

Сургууль, дотуур байрны цахилгааны монтаж солих, гадна орчны гэрэлтүүлэг хийх
Гал түймрийн үед ашиглах багаж хэрэгсэлийг нэмэгдүүлэхэд чиглэгдэнэ

Уулзалтад оролцсон байгууллагууд сумдуудын бичигдсэн тэтгэлэгт төсөлд мэргэжил арга зүйн зөвлөгөө өгөх чиглэлтэй танилцах, тэтгэлэг хэрэгжих эхлэл үеэс дуусах шат хүртэл худалдан авалт хийхэд зөвлөгөө өгөх, гүйцэтгэлд туслах, гүйцэтгэлийн дараа дадлагажуулах, сар тутам үзэж зөвлөгөө чиглэлээр байгууллагууд хамтран ажиллах юм.

More 360 0

Category: Онцлох мэдээ, Дорнод мэдээ

Охидын соёл хөгжлийн “Аз жаргал төв” байгуулав

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Охидын соёл хөгжлийн “Аз жаргал төв” байгуулав

Author: magnai on 2017/11/28, 13:55 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Охидын соёл хөгжлийн "Аз жаргал төв”-ийг байгуулав Өсвөр үеийн охидод нөхөн үржихүйн эрүүл мэндийн боловсрол олгох, тэдэнд зөвлөгөө өгөх, өөрийгөө болон үе тэнгийнхнээ аливаа эрсдлээс урьдчилан сэргийлэх охидын соёл хөгжлийн "Аз жаргал төв” өчигдөр үүдээ нээлээ. Аймгийн "Хүүхдэд ээлтэй засаглал-2020” хөтөлбөрийн хүрээнд аймгийн Засаг дарга 2016 оны сар бүрийн 01-ний өдрийг "Хүүхдээ сонсох өдөр” болгон тэдний санал бодол, тулгамдсан асуудлыг сонсож, шийдвэрлэж ирсэн. Эдгээр уулзалтуудаас гарсан саналын дагуу Орон нутгийн төсвийн дэмжлэгээр охидын соёл хөгжлийн "Аз жаргал төв”-ийг ийнхүү байгуулллаа. Тус төв нь 26-р байранд үйл ажиллагаагаа явуулах бөгөөд байрны урд хэсэгт утасгүй интернэтийн үйлчилгээ бүхий "Аз жаргалын талбай”-г мөн байгуулсан билээ. Төвийн нээлтэд аймгийн Хүүхдийн төлөө Зөвлөлийн дарга бөгөөд Засаг дарга М.Бадамсүрэн, Хүүхдийн төлөө Зөвлөлийн нарийн бичгийн дарга бөгөөд Гэр бүл, хүүхэд, залуучуудын хөгжлийн газрын дарга Э.Жавхлан, аймгийн Засаг даргын Тамгын газрын Нийгмийн бодлогын хэлтсийн дарга О.Байгалмаа, Хүүхдийн төлөө Зөвлөлийн гишүүн бөгөөд Боловсрол, соёл урлагийн газрын дарга А.Нансалмаа, Эрүүл мэндийн газрын дарга Ч.Оюунаа болон албаны хүмүүс хүүхдүүдийн төлөөлөл оролцлоо. Тус төвийн үйл ажиллагааг аймгийн Гэр бүл, хүүхэд, залуучуудын хөгжлийн газрын дэргэдэх "Дотно зөвлөгч төв”, үе тэнгийн сургагч багш "Y-peer” төв, Эрүүл мэндийн газрын дэргэдэх "Ирээдүйн босго” төвийн идэвхтэн сурагчид, эмч, мэргэжилтнүүд явуулж, хуваарийн дагуу өсвөр, залуу насны охид, бүсгүйчүүдэд эрүүл мэндийн боловсрол олгох юм. Энэ нь өсвөр насны охид өөрт тулгарсан бэрхшээлтэй асуудлаа сургагч багш нар болон эмч мэргэжилтнүүдтэй хуваалцаж, зөвлөгөө авах, шийдвэрлүүлэх, сэтгэлээ хуваалцах, сэтгэлзүйн дэмжлэг авах зэрэг охидын соёл, хөгжилд чухал ач холбогдолтой ажил болох юм.

More 557 0

Category: Онцлох мэдээ, Дорнод мэдээ

Цагаан-Овоо суманд алтны уурхай орох гэж байгааг нутгийн иргэд эсэргүүцлээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Цагаан-Овоо суманд алтны уурхай орох гэж байгааг нутгийн иргэд эсэргүүцлээ

Author: magnai on 2017/11/27, 14:54 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Дорнод аймгийн иргэд хууль бус алт олборлолтыг эсэргүүцэж мэдээлэл хийлээ.

Дорнод аймгийн Цагаан-Овоо сумын ИТХ-ийн төлөөлөгч Л.Мөнхсайхан "Дорнод аймгийн Цагаан-Овоо сум 3,200 орчим хүн амтай. Сумын хамгийн олон хүн амтай хоёрдугаар баг буюу Мянган хоньт гэдэг газарт алтны уурхай орох гэж байна.

Цагаан-Овоо суманд алтны уурхай орох гэж байгааг эсэргүүцэж иргэдийнхээ дуу хоолойг хүргэхээр ирлээ. Алтны уурхай мөнгөн ус хэрэглэх нь дамжиггүй.

Үүний хор нөлөө хаана үлдэх вэ? Манай нутагт үлдэх нь тодорхой. Уг уурхайн алтны нөөц нь 30 орчим мянган тонн гэдэг нь тогтоогдсон байгаа. Алтны уурхай иргэдийн амьдралд сайнаар нөлөөлсөн зүйл байхгүй.

Стик голд компани бидэнд тодорхой хэмжээний алтны уурхайн мэдээлэл өгсөн. Энэ асуудлыг бид аймгийн хэмжээнд мэдэгдээгүй. Сумын ИТХ-ыг хуралдуулсан.

Алтны уурхайг сумынхаа нутаг дэвсгэрт оруулахгүй. Стик голд компани лицензээ авчихсан гээд тогтоол журам нь гараагүй байхад үйл ажиллагаа явуулж эхлээд байна. Уг компанийн ерөнхий захирал нь Т.Батаа гэж хүн бий.

Уул уурхайтай холбоотой асуудлаар хөдөөгийн сумын удирдлагуудыг дарамталж байгаа” гэлээ.

Цагаан-Овоо сумын хоёрдугаар багийн 160 иргэний гарын үсэг цугларсан

Дорнод аймгийн Цагаан-Овоо сумын ИТХ-ийн төлөөлөгч Р.Зоригтбаатар "Хоёрдугаар багийн хурал хуралдаад сумын ИТХ-д оруулах ёстой асуудлыг эсрэгээр нь хийж хууль зөрчиж байна. Өөрөөр хэлбэл сумын ИТХ хуралдаад баг руу уурхай орж ирэх асуудлыг хэлэлцүүлэхээр явуулсан. Эхлээд тухайн багийн иргэдийн санал бодлыг сонсох ёстой.

Цагаан-Овоо сумын хоёрдугаар багийн 160 орчим иргэн уурхайн үйл ажиллагааг эсэргүүцэж, гарын үсэг зурсан.

Энэ асуудлаар бид төрийн гурван өндөрлөгт хандана. Биднийг наашаа гарахад Стик голд компанийн уурхайг багийн нутаг дэвсгэртээ оруулмааргүй байна гэсэн хүсэлтийг олон иргэд тавьсан” гэв.

dornod.net

More 1441 0

Category: Онцлох мэдээ, Дорнод мэдээ

Шүлхийн хорио цээр үргэлжилж байна

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Шүлхийн хорио цээр үргэлжилж байна

Author: magnai on 2017/11/27, 14:50 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Дорнод аймгийн Баяндун суманд малын гоц халдварт шүлхий өвчний хорио цээрийн дэглэм үргэлжилж байна.
Өнгөрсөн 9 дүгээр сараас Дорнод аймгийн Булган, Хөлөнбуйр, Баян-Уул, Баяндун суманд малын гоц халдварт шүлхий өвчний хэд хэдэн шинэ тохиолдол бүртгэгдсэн. Эдгээр суманд хорио цээрийн дэглэм тогтоож шуурхай арга хэмжээ авснаар Булган, Хөлөнбуйр, Баяндун суманд шүлхий өвчин дэгдээгүй, харин Баяндун суманд шүлхийн шинэ тохиолдол гарч, халдварласан 100 гаруй үхрийг устгаад байгаа аж.

Аймгийн хэмжээнд шүлхий өвчний нэгдүгээр ээлжийн вакцинжуулалт дуусч, хоёрдугаар ээлж эхлээд байна. Ирэх долоо хоног гэхэд шүлхий өвчний вакцинжуулалт бүрэн дуусна гэж аймгийн ХААГ-аас мэдээллээ.

Мөн хөрш зэргэлдээ Сүхбаатар аймгийн Уулбаян, Хэнтий аймгийн Өмнөдэлгэр, Дорноговийн Иххэт сум болоод Сэлэнгэ аймгийн Мандал суманд шүлхий өвчин гараад байгаа юм.

Д.Дэлгэрмаа Монцамэ Дорнод

More 336 0

Category: Онцлох мэдээ, Мэдээ мэдээлэл, Дорнод мэдээ

Өнгөрсөн 14 хоногт хүний эрүүл мэнд халдашгүй байдлын эсрэг гэмт хэрэг 57,1 хувиар буурчээ

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Өнгөрсөн 14 хоногт хүний эрүүл мэнд халдашгүй байдлын эсрэг гэмт хэрэг 57,1 хувиар буурчээ

Author: magnai on 2017/11/27, 14:39 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Аймгийн Удирдах ажилтны шуурхай хуралдаанд Цагдаагийн газрын, Хэв журмын тасгийн дарга Ц.Одчулуун өнгөрсөн 14 хоногийн эрүү, хэв журмын нөхцөл байдлын талаар танилцууллаа.

Цагдаагийн газрын хэмжээнд 2017 оны 11-р сарын 10-23-нийг дуусталх 14 хоногийн хугацаанд иргэд байгууллагаас жижүүрийн албанд нийт 222 дуудлага мэдээлэл хүлээн авсан байна. Согтуугаар зөрчил гаргаж саатуулагдсан 154 хүнээс эрэгтэй-137, эмэгтэй-17 хүн байна.

Үүнд: -гэмт хэргийн шинжтэй дуудлага мэдээлэл 39,

-зөрчлийн шинжтэй дуудлага мэдээлэл 166, байгаа бөгөөд гэмт хэргийн шинжтэй гомдол өргөдлөөр 13 иржээ.

Гэмт хэргийн шинжтэй дуудлага мэдээллийн 9 буюу 23 % нь даваа гаригт ирсэн бол, зөрчлийн шинжтэй дуудлага мэдээллийн 38 буюу 22,8% нь Даваа гаригт тус тус бүртгэгджээ.

Гэмт хэргийн шинжтэй дуудлага мэдээллийн 6 буюу 15,3% нь 1-р баг дээр бүртгэгдсэн бол, захиргааны зөрчлийн шинжтэй дуудлага мэдээллийн 33 буюу 19,8% нь 6 дугаар багт, бүртгэгджээ.

Согтуугаар зөрчил гаргаж саатуулагдсан иргэдийн 94 буюу 62,3% нь гэр, орон сууцанд зөрчил гаргасан бол 7 хоногийн Даваа гаригт 27 буюу 24,6% нь саатуулагдсан байна.

Саатуулагдсан иргэдийн 129 буюу 83,7% нь тодорхой эрхэлсэн ажилгүй иргэд байгаа бол 75 буюу 48,7% нь 25-39 насны иргэд байна.

Энэ 14 хоногт хүний эрүүл мэнд халдашгүй байдлын эсрэг гэмт хэрэг 57,1 хувиар буурсан үзүүлэлттэй байна.

Аймгийн Засаг даргын дэргэдэх Цагдаагийн газраас "Согтуугаар тээврийн хэрэгсэл жолоодохоос татгалзъя, хөдөлгөөний соёлыг дэмжигч хамт олон бүрдүүлье” сэдэвт аяныг энэ сарын 01-ний өдрөөс эхлэн он дуустал хугацаанд зохион байгуулж байна.

Аймгийн Засаг дарга аяны хугацаанд гарч буй үр дүн, хэрэгжилтийн талаар мэдээлэхийг аймгийн Цагдаагийн газарт, ДБЭХС ТӨХК-ийн урд замын ослыг бууруулах, шатлгаан нөхцөлийг судлах ажлын явцыг аймгийн Засаг даргын Зөвлөлийн хуралдаанд танилцуулахыг ажлын хэсэгт тус тус үүрэг болгов.

Аймгийн ЗДТГ-ын Олон нийттэй харилцах алба

More 220 0

Category: Онцлох мэдээ, Дорнод мэдээ

Үлгэр хэзээ дуусдаг бол…

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

Үлгэр хэзээ дуусдаг бол…

Author: tonshuul on 2017/11/27, 08:47 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Д.ЦЭРЭННАДМИД

Үлгэр гэдэг сайхаан. Эрт урьдын цагт гээд л эхэлдэг ч дунд нь элдэв юм гарна. Зовно зүдэрнэ. Аймшигт мангастай учирна. Гэвч дийлнэ. Мангасыг дарсан хүлэг баатруудыг нүдээр үзмээр л санагдах. Хамгийн гоё нь үлгэр сүүлдээ амар сайхан жаргажээ гэж төгсдөг. Тэгвэл өнөө үед хэзээ ч дуусдаггүй ямар нэг амар амгалангийн төгсгөлд хүрдэггүй "үлгэр” цөөнгүй байх болжээ. Түүний нэг нь Монгол Улс газрын тос боловсруулах үйлдвэртэй болох тухай олон жил дамжин яригдаж байгаа шинэ цагийн хуучин үлгэр.

Тийм ээ үлгэр болохоороо л боллоо шүү дээ. Аль 1993 онд Дорнодын их тал Тамсагийн сав газраас нефть оргилж монголчууд даяараа баярласансан.

Монгол Улсын Ерөнхийлөгч П.Очирбат тэнд очоод сэтгэл нь хөөрөхдөө шинэхэн саарал давуун дээлийнхээ энгэрийг эх дэлхийн хишиг газрын тосоор мялааж байхыг хараад зогсож байсны хувьд уг үйл явдлыг өнөөгийнхний хэлээр өнгөтөөр нь санаж байна л даа. Монголыг маань газрын хөрсөн дор тийм их багтаж ядсан баялаг байдгийг сая л мэдсэн юм шиг баярласнаа мэдэрч улс орны минь хөгжлийн нэг үүд нээгдлээ гэж чамгүй хөөрөлтэй сурвалжлага бичиж дээлээ мялаасан Ерөнхийлөгчийнхөө зургийг сониныхоо тэргүүн нүүрт залж омогшиж байв даа. Энэ бол миний хэлэх үлгэрийн эхлэл юм шиг. Тэр дундаас сугалж авч ярих нэг зүйл бол газрын тос саваа халин гарч ирсний дараахнаас эхлэн ярьсан нэг зүйл нь Монголдоо газрын тос боловсруулах үйлдвэр барих тухай асуудал юм. Энэ "үлгэр” одоо ч яригдаж л байгаа. "Үлгэр”-ийг хэрвээ жаргаасан бол өдийд Монгол улс хөгжлийн арай өөр өнгийг олсон ч байх юм билүү. Ийм бодол төрсний учир хуучин гэхээр энэ сэдвийг дахин сөхлөө. Сүүлийн 20 гаруй жил үе үеийн Засгийн газрын хөтөлбөрт газрын тос боловсруулах үйлдвэр барьж шатахууны импортоос ямар нэг хэмжээгээр гарна гэж бичээстэй бий. Тоолбол лав 10 гаруй төсөл боловсруулагдаж олон компани, хувь хүн тусгай зөвшөөрөл авсан байдаг.

Бас 1994-2004 оны үеийн сонгуулийн гол пиар энэ байж нэр дэвшигчид үүнийг л ихээхэн өргөлттэй ярьж амлаж байсныг санаж байна. Тэр ч байтугай Багахангай, Багануур, Налайх, Сайншанд, Дарханд боловсруулах үйлдвэрийн шав тавигдаж байв. Засгийн газрын хэрэгжүүлэгч агентлаг, газрын тосны газраас Монгол улс газрын тос үйлдвэрлэгч орон боллоо гэж сүржин зарласан удаатай. Гэвч Монгол түмнийг горьдоосон яриа хэл, хоосон амлалт үргэлжилсээр он солигдсоор л…

Уг нь "Хэт, "Сүмбэр ойл” зэрэг компанийн санаачилгын дагуух төсөл нь бэлэн болоод үйлдвэрээ барихаа дээрээс команд хүлээж байсан цаг бий. Эрдэмтэд мэргэжилтнүүдийн тооцоо судалгаа ч тал талаасаа нэгдсэн байв. Гэтэл яагаад тэр бүхэн ажил болохгүй асуудлыг жонхууруулж орхиод байсан юм бэ гэвэл Монгол Улс мөнгөгүйдээ бас боломж нөхцөл нь бүрдэхгүй байсандаа биш юм. Дээрх төслүүд тушаатай дэвхцэж байгаад алдардгийн гол учир төр, засгийн эрхмүүд санаа тавиагүйнх. Санаа тавья гэхээр УИХ, Засгийн газарт уг асуудал ороод ирэхээр монополь эрх эдэлдэг шатахуун импортлогчдын төлөөлөл саад хийчихдэг. Тэдний зарим их хуралд ч байсан юм чинь. Нөгөө талаар шатахуун нийлүүлдэг гол түнш Роснефтийнхэн ч нөлөөлдөг байсан байх. Тэд манайхан шиг өөрийнхөө зах зээлийг хааж тэнэглэнэ гэж юу байхав. Түүхий тосоо хямд өгснөөс нэмүү өртөг шингэсэн бэлэн бүтээгдэхүүнээ ахиухан үнээр шахахаа л бодож таарна. Бас манай төр, засагт эрхлэнгүй байдаг "Петро Чайна Дачин Тамсаг”-ийн хятадууд ч Монголд үйлдвэртэй болоход дуртай байгаагүй нь мэдээж. Ийм шалтгаануудын улмаас улсын мөнгөний ихээхэн хэсэг шатахууны импортын зардалд урссаар байгаа. Улсын хэмжээгээр оноос онд автомашин, механизмын тоо эрс өссөнөөр шатахууны импортын хувьд бусдаас хамаарал улам нэмэгдэв. Түрүү, түрүүчийн Засгийн газрын үед манай улсын эдийн засгийн өсөлт бараг 20 хувьд хүрэх гэж байна. Уул уурхайгаас олох ашиг орлого нэмэгдлээ гэж мэдээлж байсан. Гэтэл олсон мөнгөө сонгууль, халамжид цацаж ямаанд хүртэл өгсөн ойрын жишээ бий. 2011 он гардаг юм. Н.Алтанхуягийн Засгийн газрын үед дээ. Японоос авах 600 сая ам.долларын зээлээр Дарханд жилдээ хоёр сая тонн газрын тос боловсруулах хүчин чадалтай үйлдвэр барих боллоо гээд тогтоол, шийдвэр хүртэл гаргасан. Уг үйлдвэр хоногт 44 мянган баррель тос боловсруулж жилд 1.7 сая тонн шингэн түлш үйлдвэрлэнэ гэсэн техник эдийн асгийн үндэслэл хийсэн гээд л…

Өмнө нь бас Зүүнбаянд боловсруулах үйлдвэр барина гэж мөрийн хөтөлбөртөө тусгасан байсан санагдана. Энэ үед ашгүй нэг өөрийн гэсэн үйлдвэртэй. Монгол гэсэн шошготой шатахуунтай болж гадны хараат байдлаас бага ч гэсэн ангижрах нь гэж ард олон баярласан даа. Гэтэл Дарханд барих үйлдвэр бас л цаасан дээр "босоод” өнгөрсөн. Хэдийгээр техник, эдийн засгийн үндэслэлийг хийсэн гэх ч уг үйлдвэрийг түүхий эдээр хэрхэн хангахав, хангадаг юм гэхэд тээвэрлэн авах боломж нь ямар билээ.

Бас энэ үйлдвэрийн буйраа засах газар нь Дархан мөн үү, биш үү гэсэн яриа, шүүмжлэлд өртсөөр асуудал газрын гаваар ороод алга болсон. Үлгэр ингэж үргэлжлэв. Уг нь манайд туршлага бий 1950-аад онд Дорноговийн Зүүнбаянгийн ордыг түшиглэсэн нефтийн үйлдвэр барьж авто бензин, дизель түлш гаргаж авч байсан шүү дээ. Жилд 16 мянган тонн бензин үйлдвэрлэж байв. Энэ нь дуусдаггүй үлгэрийн эхэнд дахин дахин сонсмоор дурсамж юм. Гэтэл үүнээс хойш 70 гаруй жилд Монгол Улс газрын тосны салбарт гарсан гялтайх юмаар тун бага. Уг нь Монголын газар нутаг хэвлийдээ 1.6 тэрбумын "хар алт”-ны, 150 тэрбум тонн нүүрсний нөөцтэй гэдэг. Тэгсэн байтлаа өдий болтол өөрийн үйлдвэргүйгээс шатахууны хэрэглээгээр бусдын халаасанд амьдарч ирлээ. Улсын хэмжээнд шатахууны хэрэглээ өслөө гээд 800-900 сая тонн. Үүнийг 100 хувь гадаадаас авч байна. Өөртөө баялаггүй бол яая гэхэв гэхсэн.

Уул уурхай, хүнд үйлдвэрийн яам Монгол Улс энэ жил 884074 тонн газрын тос олборлож 861854 тонныг нь экспортоллоо. Энэ нь өнгөрсөн оны мөн үеийнхээс өссөн үзүүлэлт гэж саяхан мэдээлэв. Үүнийг бодохоор үйлдвэрээ барьчихаад тэр их тосоо өөрсдөө боловсруулаад байсансан бол улс орны маань эдийн засаг тэгтлээ хямрахгүй байх ч байсан юм бил үү гэж бодогдох. Нэг мэргэн үг байдаг даа. Хүн малгайгаа толгойдоо тааруулдгаас биш толгойгоо малгайдаа тааруулна гэж байдаггүй гэж. Энэ утгаар аваад үзвэл газрын тосны баялаг нь толгой гэвэл түүндээ таарсан малгай буюу үйлдвэрээ барьчихсан байвал зөв байх нь ээ дээ. Гэтэл өдий болтол "толгой ч үгүй, малгай ч үгүй” л байна. Шатахуунтай холбоотой асуудал дэгдэнгүүт манай улстөрчид дуу дуугаа авалцан өлгөж аваад л эх оронч дүр эсгэдэг. Тэр нь ердөө өмнөх үеэ, хэн нэгнийг шүүмжлэн хэлэлцэх аятай болоод ярианы гал намдангуут таг чиг болдог нь худлаа биш. Нүглийн нүдийг гурилаар гэдэг шиг юм бас хийнэ. Хятад талын эрх ашигт нийлүүлж байгаа ч юм уу. Нөгөө талдаа Монгол түмнийхээ сэтгэлийг хуурсан нэг юм нь "Мон-93” нэртэй бензин. Энэ нь Монгол Улс шатахуун үйлдвэрлэдэг боллоо гэсэн үг огт биш. Дорнодын тал нутгаас гадагш нь зөөлгөсөн газрын тосыг шатахуун болголоо гэсэн өнгөцхөн санаа. Хятадын "Чайна-Ойл” компанийн Хөх хот дахь үйлдвэрт Тамсагийн нефтийг боловсруулдаг.

Тэндээс Монгол Улс сар бүр "Мон-93” гэсэн шошготой 10 мянган тонн бензин авч байгаа юм билээ. Үнийг нь тооцохдоо Монголоос импортолж байгаа газрын тосны үнийг суурь болгохоор харилцан тохиролцсон гэх ч нэг литр "Мон-93” бензин 1640 төгрөг юм байна. Энэ нь импортоор авч байгаа ижил төрлийн бинзенээс илүү үнэтэй болохоор хэрэглээ муу байгаа аж. Харин борлуулалтыг нь ямар нэг аргаар хийдэг л байх. Монгол Улс далайд гарцгүй болохоор өөр орны далайн тээврийн хөлөг онгоцууд дээр Монгол төрийн далбаагаа хатгадаг гэдэг. Үүнийг харсан хүн Монголын хөлөг онгоц явж байна гэдэггүй. Монголын далбаатай онгоц л гэх юм билээ. "Мон-93” бензин ч яг л үүнтэй адил юм санагдана. За тэгтэл саяхан байгуулагдсан У.Хүрэлсүхийн Засгийн газар БНЭУ-ын нэг тэрбум ам.долларын зээлээр газрын тос боловсруулах үйлдвэр барих юм яриад эхэллээ. У.Хүрэлсүх гэдэг хүн Ерөнхий сайд болох гэж байхдаа "Би алив юманд бодитойгоор хандана. Худлаа юм хэзээ ч амлахгүй гэж зоригтой хэлж байсан. Сая намын дарга болоод "Ардын намын жорыг одоо би найруулна” гэсэн зэргээс нь олзуурхаж байна. Хэлсэндээ хүрэх болов уу гэж найдах сэтгэл бас төрнө.

Гэхдээ бас олон удаа хууртсан болохоор хашир санаа ардаас чангаах юм. Гэвч энэ удаа өөдрөгөөр бодьё харъя даа. Болж бүтвэл ямар ч хүчин чадалтай нь хамаа алга нэг үйлдвэртэй болбол оноос онд дуусгалгүй "тавьж хоносон” газрын тосны үйлдэрийн сэдэвтэй үлгэрээ нэг жаргаах сан даа. Олон Засгийн газар энэ асуудлыг дараагийнхдаа "гэрийн даалгавар” болгон үлдээж ирсэн. Энэ Засгийн газар битгий л тэгээсэй дээ.

Эх сурвалж: "Зууны мэдээ” сонин

More 353 0

Category: Онцлох мэдээ, Нийгэм

ОФФШОР ба ХАРИУЦЛАГА

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

ОФФШОР ба ХАРИУЦЛАГА

Author: tonshuul on 2017/11/27, 08:26 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Т.БАТСАЙХАН

Манай улс оффшортой тэмцээд бүхэл бүтэн дөрвөн жилийг ардаа орхижээ. Энэ хугацаанд Оффшорын тухай хууль хүртэл баталлаа. Гэсэн ч оффшор данстаны тоо нэмэгдэж, хүрээгээ тэлсээр байна. Оффшор буюу "эргээс гадна” гэсэн утгатай энэ үг эхэндээ гэмт хэрэг мэтээр ойлгогдож байсан бол одоо байдаг л зүйл болтлоо мөлийлөө. Анх 2013 онд УИХ-ын гишүүн асан С.Баярцогтын оффшор данс олон улсад задарч дуулиан болж байв. Сөрөг хүчний шахалтаар түүнийг УИХ-ын дэд даргын суудлаас унагаж байсан.

Тухайн үедээ сөрөг хүчин болон төрийн бус байгууллагууд мэдэгдэл хийж, оффшорын асуудлыг манайхан их л сүр дуулиантай хүлээж авсан даа. Гэхдээ тэр дуулиан дэд даргын суудлыг "булаасан”-аас цаашилсангүй. Нэг тэрбумын хөрөнгийг УИХ-ын жирийн нэг гишүүн хаанаас яаж олсон гэдгийг хэн ч сонирхоогүй. Хэвлэл мэдээллийнхэн Оюутолгойн гэрээтэй холбоотой байх гэж хардсан ч эрх баригчид болон хууль тогтоогчид тоож шиншлээгүй. Тун удалгүй оффшорчин улстөрчийн тоо ч нэмэгдэж эхлэв. Олон улсын эрэн сурвалжлах сэтгүүлчдийн консорциумын илрүүлсэн "Панамын материалууд” дотроос манай "нэртэй” улстөрчийн охидын нэр гарч ирлээ.

Ерөнхий сайд асан С.Баярын Бадамхандын хувьд Багамын аралд байрлалтай "Гоулд Уеллен Инк” компанийн нэр дээр дөрвөн ч данс байгаа бол С.Баярын Нандины нэр дээр хоёр данс байгааг олон улсад зарласан. Яг өөрийнх нь нэр дээр гараагүй учраас С.Баяр энэ асуудлыг няцаасан байдаг. Тэрээр "Надад оффшор данс байхгүй, улстөрч хүнд оффшор данс байх ёсгүй” гэх мэтээр иргэдийг төөрөгдүүлсэн мэдэгдэл хийсэн. Гэхдээ түүнийг эсэргүүцэгчид Лондон хотод хүртэл жагсаал зохион байгуулж байв. Энэ тэмцэл Элчин сайдаас огцрох өргөдлөө өгөхөд нь хүргэсэн байж болох ч үр дүнд хүрээгүй. Оффшор данстай С.Баярцогтод, С.Баярт ч Монголын төр хариуцлага хүлээлгэж чадаагүй байна.

Үүний араас УИХ-ын гишүүн Сү.Батболдын төрсөн ах С.Бат-Очир, Сангийн сайд асан Я.Очирсүх, УИХ-ын гишүүн, "Болд төмөр ерөө гол” компанийн захирал Б.Дэлгэрсайхан, Санхүүгийн зохицуулах хорооны дэд дарга асан Х.Бум-Эрдэнэ, Нийслэлийн Засаг дарга асан Э.Бат-Үүлийн хүү Б.Чулуудай, НИТХ-ын дарга асан Ц.Сандуйн дүү Ц.Сэргэлэн нарын нууц данс илрэв. Хамгийн сүүлд гэхэд энэ сарын 20-нд Олон улсын эрэн сурвалжлах сэтгүүлчдийн консерциумаас зарласан мэдээллээр манай улсаас нэгэн үе УИХ-ын гишүүн Лу.Болд, УИХ-ын гишүүн асан М.Зоригт, нарын толгойлж байсан "Бодь” групп, УИХ-ын гишүүн асан "Молекул” Б.Батбаярын хүү Б.Батхишиг, УИХ-ын гишүүн Сү.Батболдын хүү Баттүшиг нарын нэр ил болов. Ингэснээр оффшор бүсэд данстай Монголын 49 иргэн байсан бол нэмж 16 оффшор данстан бүртгэгдлээ.

Мөн 17 тэрбум төгрөг татваргүй бүсэд эргэлдэж байсан бол сүүлд хийсэн судалгаагаар тэнд 31 их наяд байх магадлалтай гэжээ. Ийнхүү Монголын оффшорчид нэмэгдэж тэнд байгаа мөнгө хэдэн арваар үржсээр байна. Харин хариуцлагын асуудал бүрхэг хэвээр байна. Өнгөрсөн дөрөвдүгээр сард Оффшорын хуулийг баталсан ч олон улсад мөрдөн шалгах ажиллагаа явуулах эрхзүйн орчин бүрдээгүй байна гэдгийг манай хуулийн байгууллагынхан хэлж байсан. Үүний дараа Шинэчлэлийн Засгийн газраас оффшор бүсэд байрших улс орнуудын жагсаалтыг баталсан. Ингэснээр оффшорын хууль ямар улс, нутаг дэвсгэр, аль бүсийг хамаарах вэ гэдэг нь тодорхой болсон юм. Гэтэл энэ жагсаалтад оффшор бүсэд хамаарах нийт 42 орноос 13-ыг хасч баталжээ. Тодруулбал, оффшор бүсэд хамаарах I, II зэргийн улсууд болох Швейцарь, Хонгконг, Люксембург, Лебанон, Макао, Панам, Малайз, Ирланд, Самао, Ботсвана, Куракао, Бруней жагсаалтад ороогүй гэсэн үг юм.

Хамгийн анхаарал татаж байгаа нь Панамын баримт бичгийн улмаас дэлхийн олон улсад мөрдөн шалгах ажиллагаа явуулж, манай улсад ч үүний улмаас АТГ, ЦЕГ-т 23 иргэнийг мөрдөн шалгаж байхад Панам улсыг жагсаалтаас хассан нь хачирхалтай юм. Мөн өнгөрсөн зургадугаар сард Ерөнхийлөгч оффшорчдод 49 хоногийн хугацаа өгч, энэ хугацаанд мөнгөн хөрөнгөө эргүүлэн татвал өршөөл үзүүлэх тухай сануулга гаргасан. Гэвч энэ хугацаанд нэг ч хүн мөнгөн хөрөнгөө татаагүй.

Ийнхүү оффшорчдод хариуцлага тооцно гэдэг манай улсад үлгэр болж хувирах магадлалтай байна. Оффшорын эсрэг хууль гарна, тэр нь цоорхойтой, оффшор бүсийн байршлыг батална, гол байршлыг хасна. Би оффшортой гээд хариуцлагаа хүлээгээд хөрөнгөө татчих эх оронч нэгэн ч алга. Сүүлдээ бүр оффшор бүс ашигтай, бизнесийнхэнд бол байж болох асуудал гэсэн цуурай хаа нэгтэйгээс сонсогдож эхлэв.

Эх сурвалж: "Зууны мэдээ” сонин

More 394 0

Category: Онцлох мэдээ, Нийгэм

МАН-ын Их хурал дагасан улстөр буюу цаазын ялыг эргэн харсан долоо хоног

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

МАН-ын Их хурал дагасан улстөр буюу цаазын ялыг эргэн харсан долоо хоног

Author: munkhbat on 2017/11/25, 13:24 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

Энэ 7 хоногт МАН-ын XXVIII Их хурал болж өнгөрлөө. Энэхүү хуралдааны гол утга учир нь намын даргаа сонгох байсан. Намын даргын сунгаанд У.Хүрэлсүх, Д.Хаянхярваа нар өрсөлдсөн юм.

Их хурлын гишүүдийн дийлэнх хувийн саналаар У.Хүрэлсүх намын дарга болж, Монгол Улсын Ерөнхий сайд, МАН-ын дарга гэсэн хариуцлагатай албан тушаалыг тэрээр хаших боллоо. Хос морьтой хүн хол явдаг гэсэн үг бий. Нэг ёсондоо бүх эрх мэдэл У.Хүрэлсүхэд шилжсэн. Одоо зорьсноо хийж, хэлсэндээ хүрэх эсэхийг харах л үлдлээ. 2020 онд Монголын ард түмэн У.Хүрэлсүх ба түүний нөхдөд дүн тавина.

МАН-ын XXVIII Их хурлын үеэр намын даргын албан тушаалаа хүлээлгэн өгсөн М.Энхболд 2021 онд тохиох МАН-ын 100 жилийн түүхт ойн баяр дээр данагар сайхан зогсож байгаарай хэмээн У.Хүрэлсүхэд тамгаа хүлээлгэж өгсөн юм. Ер нь Ардын Намын Их хурлыг Монголын төртэй холбож харахаас өөр аргагүй. Учир нь тэд 2020 оны сонгууль хүртэл төрийн жолоог атгана. Түүнээс цааш төр улсдаа нөлөөтэй байх эсэх нь тэдний үйл хэргээс 100% хамааралтай.

Харин МАН-ын Их хурлын үеэр эв нэгдэл гэдэг үгс ой тоонд ортол урссан. Үүнээс цааш 32, 33 гэсэн бүлэг байхгүй. 65 гэсэн ганцхан бүлэг байна. Миний бие эв нэгдлийг нүдний цөцгий мэт хайрлан хамгаалах болно гэж У.Хүрэлсүх хэллээ. Одоо МАН-ын цаашдын үйл ажиллагаа болоод Монгол төрөө мандуулах явц цааш яаж өрнөхийг цаг хугацаа харуулна биз ээ.

МАН-ын дүрэм шинэчлэгдэж Бага хурлын гишүүдийн тоо 369 болгож, УЗ-д 29 хүний нэрийг тодрууллаа

Дөрвөн өдөр хуралдсан МАН-ын XXYIII Их хурал Удирдах зөвлөл, Ерөнхий нарийн бичгийн даргаа сонгосноор өндөрлөсөн. Мөн шинэчлэн баталсан дүрмийн дагуу МАН-ын Бага хурлын гишүүдийн тоо 369 болж нэмэгдсэн юм. Үүнээс гадна МАН-ын Удирдах зөвлөл нийт 29 хүний бүрэлдэхүүнтэй байхаар тогтож, удирдах зөвлөлийн гишүүдийг дотоод санал хураалтаар тодруулсан. МАН-ын УЗ-ийн 29 гишүүний нэрийг танилцуулж байна.

Д.Амарбаясгалан
Ц.Бат-Энх
М.Энхболд
Д.Хаянхярваа
Я.Собаатар
Л.Энх-Амгалан
Б.Саранчимэг
Ө.Энхтүвшин
Г.Занданшатар
Ц.Нямдорж
Ц.Цогзолмаа
Ж.Эрдэнэбат
Сү.Батболд
Т.Аюурсайхан
Г.Солтан
С.Бямбацогт
Л.Оюун-Эрдэнэ
Ж.Энхбаяр
Д.Тогтохсүрэн
Ж.Мөнхбат
Ц.Гарамжав
Д.Оюунхорол
М.Оюунчимэг
Г.Мөнхцэцэг
Су.Батболд
Д.Сарангэрэл
О.Содбилэг
Ж.Ганбаатар
Ч.Улаан нар МАН-ын УЗ-ийн гишүүнээр томилогдсон байна.

Хүүхэд хүчирхийлсэн, амь насын хороосон хэрэгт цаазын ял оноодог болгох санал гаргана

Монгол Улсын Ерөнхийлөгчийн санаачилгаар "Хүүхэд, эмэгтэйчүүдийг хүчирхийллээс хамгаалах төрийн бодлогын хэрэгжилтийг сайжруулах, олон нийтийн оролцоо, хяналт" сэдэвт нээлттэй хэлэлцүүлэг Энэ 7 хоногт болсон. Хэлэлцүүлгийн үеэр Ерөнхийлөгч Х.Баттулга бага насны хүүхдийг хүчирхийлж, тарчлааж алсан гэмт хэрэгт цаазын ялыг сэргээх саналыг өнөөдөр Хууль зүй, дотоод хэргийн яаманд хүргүүлж байна хэмээн мэдэгдсэн юм. Хэрвээ энэ санал дэмжигдвэл манай улс цаазын ялыг эргүүлэн сэргээсэн орон болох юм.

Улсын хэмжээнд зуд болж болзошгүй 11 аймгийн гуравт өвсний түр цэг байгуулахаар боллоо

Өнгөрсөн зун манай орны 80 орчим хувь нь гантай буюу гандуу байсан бол намар цас, бороо холилдон орж, өдөртөө хайлмагтан шөнөдөө хөлдсөнөөс нийт нутгийн 60 орчим хувьд цасан бүрхүүл тогтоод байна. Онцгой байдлын ерөнхий газрын мэдээллээс үзвэл Баян-Өлгий, Ховд, Увс, Завхан, Хөвсгөл, Архангай, Өвөрхангай, Төв, Булган, Хэнтий, Сүхбаатар аймагт зуд болох нөхцөл хэдийн бүрджээ.

Иймээс Баянхонгор аймгийн Баянцагаан, Өвөрхангай аймгийн Арвайхээр, Завхан аймгийн Түдэвтэй суманд улсын нөөцийн түр цэг байгуулж, өвс, тэжээл байршуулахаар боллоо.

More 247 0

Category: Онцлох мэдээ, Мэдээ мэдээлэл

МАН-ЫН ЗӨРЧИЛ НУУВЧИНД ОРЛОО

Posted By: adminon: May 19, 2014In: DesignNo Comments

{short-story limit="150"}... Дэлгэрэнгүй

МАН-ЫН ЗӨРЧИЛ НУУВЧИНД ОРЛОО

Author: munkhbat on 2017/11/24, 10:12 [rating-type-1]

[/rating-type-1] [rating-type-2]

[rating-plus][/rating-plus]
- 0
- 1
- 2
- 3
- 4
- 5

[/rating-type-2] [rating-type-3]

[rating-minus][/rating-minus]
- 0
- 1
- 2
- 3
- 4
- 5
[rating-plus][/rating-plus]

[/rating-type-3]

МАН-ын гурван өдөр үргэлжилсэн XXVIII Их хурал хоёр дахь өдөр дээрээ намын тамга шилжсэнээр олны анхаарлаас гарав. Дөрвөн жилийн өмнө бүх шатны сонгуульд ялагдчихсан намын даргын тамгыг М.Энхболд авч байлаа. Тухайн үед түүнтэй эн тэнцэх намтартай лидерүүдээс хэн ч намын удирдлагыг авахаар өрсөлдөөгүй юм. Одоо М.Энхболд өөрийнх нь хэлснээр "Эрх мэдэл эзэн суудал гэхээс илүү асар их хариуцлага, амарч тайвшрахын аргагүй зүтгэл чармайлт, мөр дарж сэтгэл чилээсэн хүнд ачаа”-наасаа салж байна. Одоо энэ үүрэг У. Хүрэлсүхэд очлоо. Гэхдээ УИХ-д 65 суудалтай, ганц аймгаас бусад дээр бүрэн ялалт байгуулсан улс орны удирдлагыг хүлээлгэн өгч байна гэхэд дэгсдүүлсэн болохгүй. Нэгэн цагт М.Энхболд намынхаа тамгыг атгахдаа асар их хариуцлага, хичээл зүтгэл мэдэрч байсан байх талтай. Харин өнөөдөр эрх баригч намын даргын тамга эрх мэдэл, эзэн суудал мэт харагдаж байгаа нь нуух аргагүй үнэн юм. Намын даргыг сонгох санал хураалтад УИХ дахь МАН-ын бүлгийн дарга Д.Хаянхярваа 454, У.Хүрэлсүх 775 төлөөлөгчийн дэмжлэг авсан. Гадуур яригдаад буй шиг Баян-Өлгий аймгийн 180 төлөөлөгч бүгдээрээ У.Хүрэлсүхэд биш Д.Хаянхярваад саналаа өгсөн бол өөр дүн гарах магадлалтай байв. Одоо бариа нь арай ойр, эсвэл хол байсан бол гэх яриа байхгүй. Галт тэрэг нэгэнт хөдөлсөн.

Намын шинэ дарга сонгогдсон даруйдаа "Энэ мөчөөс "33”, "32” гэсэн талцал дууссан” гэдэг мэдэгдлээ хийсэн. Түүний өрсөлдөгч нь ч энэ үгийг хэлж байна лээ. Гэхдээ Ж.Эрдэнэбатын Засгийн газрыг унагаах асуудалтай холбоотойгоор үүссэн тус намын УИХ дахь бүлгийн хагарал нь шинэ даргынхаа чуулганы танхимд хэлсэн үгнээсээ уучлал хүссэнд уяраад аньчих юм биш л дээ. Харин 2020 оны сонгуулиа бодоод намын зүтгэлтнүүд нэг зэрэг зөрчлөө нуувчинд оруулахыг хүссэн байж болох юм. Мөн анзаараад байхад У.Хүрэлсүхийг дэмжиж, түүхэндээ анх удаа өөрийнхөө Засгийн газрыг огцруулсан гишүүдийн ихэнх нь шинээр сонгогдсон болон "поп” гэгддэг хэсэг нь байв. Ж.Эрдэнэбатын Засгийн газрыг авч үлдэх хүсэлтэй байсан гишүүдийн олонх нь төрийн алба хашиж явсан, улс төрд туршлагатай буурьтай суурьтай хүмүүс байсан гэж дүгнэхэд болно. Нэг үгээр Засгийн газраа унагаахаар албан бланк дээр гарын үсэг зураад гүйхгүй гэж итгэж болох тулхтай хэсэг нь Ж.Эрдэнэбатыг өмөөрч байгаад ялагдчихсан. Тийм болохоор шинэ засгийн тогтвортой байдал, МАН-ын эв нэгдэл үргэлжилнэ гэж бооцоо тавих шалтгаан нь итгэж болох хүмүүс ялагдсантай холбоотой.

Нөгөө талаас яагаад эв түнжинтэй болохгүй вэ гэдэг шалтгааныг нь бас хангалттай харлаа. У.Хүрэлсүх гэдэг хувь хүн хэдхэн сарын дотор УИХ-ын гаднаас Ерөнхий сайд болоод намын даргын суудлыг авч чадлаа. Энэ хэдэн сард урвалт шарвалт, улайм цайм ичгүүр сонжуургүй үг, үйлдэл мөн ч их болсон доо. Улс оронд маань шинэ Ерөнхий сайд хэрэгтэй гэж ард түмэн нийтээрээ хүсч байсан гэвэл худлаа. Тийм шаардлага, шахалт Төрийн ордонд л гарсан болохоос төв талбайд бол юу ч болоогүй. Эрх мэдэлд хүрэх богино зайны тоглоом Эрээний зээлийн худалдаачдад ээрэгдсэн мэт үнэн худал нь мэдэгдэхгүй явган хэрүүлийн дундуур л болоод өнгөрсөн. Сүүлд судлаачид, улстөрчид том зургаар нь хараад, тэр бүү унагасан УИХ-ын гишүүд ч "Ж.Эрдэнэбатын засаг сайн ажиллаж байжээ” гэсэн дүгнэлт хийнэ лээ. Засгийн газрыг огцруулахын тулд Ерөнхийлөгчийн сонгууль өнгөрмөгц л намын даргын албан тушаалаа өгөхөө мэдэгдсэн М.Энхболдыг элдэвлэж, харлуулж эхэлсэн. Жижиг, том бүх сонгуульд ялагдчихаад уруудаж явсан намыг энэ хүн босгосон. Үнэмлэхүй ялагч болгож Үндсэн хуульд ч дураараа хүрчихэж болох олуулаа болов. Өнөөдөр төрийн өндөр суудалд заларсан олон хүн түүний буянд очсон байж таарна. Тэгэхээр энэ хүнийг тугаа болгож УИХ-ын сонгуульд ялж байгуулсан Засгийн газрыг унагахын тулд түүнийг дэвслэх шаардлага байсан биз. Гэхдээ өчигдөр нь цэцэрлэгт хүрээлэнд магтаад сонгуулийн маргааш УИХ-ын чуулган дээр элдвээр хэлж байгаа хүмүүс нь олон нийтэд муухай харагдаад өнгөрлөө.

Өдгөө Ерөнхийлөгчийн сонгуульд ялагдсандаа хариуцлага хүлээж М.Энхболд намын даргын тамгаа сайн дураараа өгөв. Их хурал дээр тавьсан илтгэлдээ ч алдаагаа өөрөө хүлээн зөвшөөрч, бүх хариуцлагыг хүлээхээ мэдэгдлээ. Ийм өндөр эрх мэдэл намдаа авчирсан хүн өмнөх дарга нар шигээ бусдаас алдаа хайсангүй. Ядах нь ээ Н.Энхбаяр шиг алдаагаа намдаа наасан үг хэлсэнгүй. Уг нь бол түүний ялагдалд өөрөөс нь гадна нам, журмын нөхөд нь буруутай гэдэг нь энгийн нүдээр ч ил тод харагдаж байсан л даа. Ерөнхийлөгчийн сонгуулиар намынх нь штаб эсрэг талаасаа гаргасан хар мэдээллийг няцаахад л анхаарлаа хандуулж тун болхи байлаа. Нөгөө тал нь тувт дайрч байсан бол МАН-ын талаас тайлбар хийхэд л бүх цагаа зарцуулж байв. Цахим орчинд элдэв гүтгэлэг захаа алдсан. Салхи, шуурга шиг тарсан худал мэдээллийг няцаахын тулд Ерөнхийлөгчийн сонгуулиар МАН-ын сошиал пиарыг хариуцаж байсан УИХ-ын гишүүн Л.Оюун-Эрдэнэ жишээ нь юу хийсэн бэ. Эсрэг намынхаа томоохон пиарч Б.Баатартай утсаар "уясан морь” ярьж пажигнатал хөхрөлдсөн У.Хүрэлсүхийн бичлэг ч бэлэн байж байна. Үүнд нь эгдүүцсэн УИХ-ын гишүүн Н.Номтойбаяр ярилцлага өгөхдөө "топор муужгай” гэж хочлоод авсан. Үүнийг нь няцааж ч чадахгүй өдий хүрчихсэн байна. Хамгийн хэрэгтэй үед нь энэ хүмүүс харин ч эсрэг талд нь явж байсны нотолгоо бол энэ. Сонгуулийн ерөнхий менежерээр нь ажилласан МАН-ын Ерөнхий нарийн бичгийн дарга Д.Амарбаясгалан тэгвэл хариуцлага хүлээхгүй юм уу. Дахиад дарга болохоор өрсөлдөөд явж байна. Өнөөдөр энэ хүмүүс цөмөөрөө бид буруугүй, зөвхөн М.Энхболд буруутай гэж зүтгэсээр явна. Тэд хэнтэй ч хамаагүй хуйвалдаж, намынхаа нэр дэвшигчийн эсрэг явж болдог гэдгийг биеэр үлгэрлэлээ. Ер нь энэ нам боловсон хүчиндээ шинэчлэл хийхгүй бол ёс юм шиг Ерөнхийлөгчид нэр дэвшигчийнхээ эсрэг ажиллаж унагаадаг хуучтай болж байна.

Үүнээс харахад М.Энхболд хүн танихдаа тун муу хүн юм. Төрийн төлөө ажиллаж үзээгүй хүмүүс түүний далбаан дор энэ орны аль л өндөр эрх ямбанд хүрлээ. Эргээд жолоогүй улс төр хийж байна. Тэд улстөрийг үзэмж нэмсэн гоёл гэж харж байна. Улс төрийг албан тушаалын уралдаан, наймаа гэж бодож явна. Энэ удаа М.Энхболд алдаагаа хүлээн зөвшөөрч, бүх хариуцлагыг биедээ хүлээгээд явлаа. Алдаа, дутагдлаа хүлээн зөвшөөрөх нь хүчтэй хүний мөн чанар. Гэхдээ өнгөрсөн сонгууль болоод, Засгийн газрыг огцруулсан үйл явц энэ намд нэг шинэ дохио өгсөн биз ээ.

Одоо бол шинэ байгуулагдсан Засгийн газрын тэргүүн, намын шинэ дарга У.Хүрэлсүхэд бүх ачаа очлоо. Тэр Ерөнхий сайдын суудлыг "гуядаж” авлаа. Завь хоёр сэлүүргүйгээр урагшлахгүй гэсэн ойлголтыг тарааж байгаад намын даргын суудалд ч суулаа. Монголыг удирдах эрхийг ингэж авчихаад өмнөх шигээ шазуур зууж, хагаралдах замаар урагшлахгүй байх ёстой. Монгол Улс бол нэг намын ялагч, ялагдагчийн эргэлтээс тэс өөр юм гэдгийг Ерөнхий сайд ойлгож байгаа байх. Улс орон 2020 он гэхэд хөгжсөн, хөдөлсөн байх учиртай. Түүнийг "Төрийн ордны хананд зургаа өлгүүлсэн төдий Ерөнхий сайдаар үлдэхгүй” байх эсэхийг харах л үлдэж байна. Гол нь, түүний ялалтад Монгол Улс ялах ёстой. Өөр юу ч биш.

Ж.САЙХАН /ҮНДЭСНИЙ ШУУДАН/

More 359 0

Category: Онцлох мэдээ, Улс төр, Улс төрч

1 ... 362 363 364 365 366 367 368 369 370 ... 905