УИХ-ын гишүүн З.Баянсэлэнгэ хэзээ ч урвахгүй хүнийг нь өршөөхгүй нь тодорхой болмогц уурандаа АТГ-аас гаргаж өгсөн шалгагдаж байгаа албан тушаалтнуудыг тоо, зэрэг зиндааг зарласан. Одоогоор төрийн албан тушаалтан 112 хүн шалгуулж байгаагаас УИХ-ын гишүүн хоёр, асан болон одоо эрхэлж байгаа ТНБД 11, цагдаагийн 22 дарга, төоийн өмчит 46 компаний захирал байгаа гэнэ. Хэрвээ МАХН-ын давхар дээлтэй хатагтайн уур бухимдлын түвшин ахиад жаахан л өссөн бол бүгдийх нь нэр усыг хэлчихээр байсан. Үүнд Ё.Отгонбаяр гишүүний буруу бий. Тэрээр бүр их "новшрох” ёстой байсан юм. Одоогоор ТНБД нараас шүүхээр хэрэг нь шийдэгдсэн нь ЭМЯ-ны ТНБД байсан, МАН-ын угшилтай Д.Түмэндэмбэрэл юм. Ер нь салбарынхаа хөрөнгө мөнгийг шийддэг, нэгдүгээр гарын үсэг зурдаг гэдгээрээ ТНБД нар юманд өртөх магадлал өндөртэй. Харин сайд чиглэл өгчихөөд л мултраад үлддэг, дараа нь хэрэг мандвал би гарын үсэг зураагүй, мөнгө гаргаагүй гээд цэвэрхэн гарчихдаг болсон. 
 

NUUTS.mn

URL: https://www.choibalsan.mn/index.php?newsid=12403