Хүн амины онц ноцтой гэмт хэрэг үйлдсэн этгээдийг цагдаагийн албан хаагчид шуурхай ажилласны дүнд дөнгөж сая саатууллаа. Тодруулбал, энэ сарын 26-27-нд шилжих шөнө Пүрэв овогтой Батбаяр нь Баянзүрх дүүргийн 1-р хорооны нутагт оршин суух иргэн С, Ц нарыг санаатайгаар хөнөөсөн гэмт хэрэг үйлдсэн юм. Талийгаач эмэгтэй цагдаагийн хошууч эмэгтэй байсан бөгөөд түүнийг аавтай нь хөнөөж, харин ээжийг нь ахтай нь хутгалсны улмаас тэд ГССҮТ-д эмчлүүлж байгаа гэх.

Гэмт хэрэг үйлдсэн П.Батбаярыг цагдаагийн байгууллагаас улс орон даяар шуурхай эрэн сурвалжилсаны эцэст дөнгөж сая Хан-Уул дүүргийн нутаг дэвсгэрээс саатуулсан байна. Түүнийг цагдан хорьж, мөрдөн байцаалтын ажиллагааг эхлүүлжээ. Мөрдөн байцаалтын ажиллагааг дөнгөж сая эхлүүлж байгаа учраас дэлгэрэнгүй мэдээллийг цагдаагийн байгууллагаас өгөх боломжгүй байгаа аж.

Юутай ч 2 хүний аминд хүрч, хоёр хүнийг хүнд гэмтээсэн онц хүнд гэмт хэрэгтэнг цагдаагийн албан хаагчид шуурхай ажиллан илрүүллээ.

Г.Лхагваа