Сүүлийн жилүүдэд манай аймагт барилгын салбар нэлээд хурдацтай хөгжиж, тэр хэрээр түүнийг дагасан аваар, осол зөрчил ихсэх боллоо. Аймгийн хэмжээнд барилга угсралтын ажил эрхлэдэг 33 аж ахуйн нэгж байдгаас 23 нь идэвхтэй үйл ажиллагаа явуулдаг гэсэн тоо бий. Хөдөлмөрийн аюулгүй ажиллагааг мөрдүүлэх нэг сарын аян манай аймагт эхэллээ. Аяны хүрээнд аймгийн Мэргэжлийн хяналтын газраас барилгын үйл ажиллагаа эрхлэдэг ААН ямар дүрэм журам мөрдөх, барилгын осол аваарийн шалтгаан нөхцлийн талаар гэхчлэн тулгамдсан асуудлыг өргөн хүрээнд хэлэлцэхээр болжээ.

 

Өнгөрсөн онд ААН, байгууллагуудын дотоод хяналтыг сайжруулах тухай хууль гарсан. Энэ хуулиар аж ахуйн нэгж байгууллагууд аливаа осол аваарь, зөрчлөөс урьдчилан сэргийлэхийн тулд дотоод хяналттай байхыг зохицуулж өгсөн. Дээрх хуулийн дагуу барилгын компаниудын дотоод хяналтын инженерүүд ажилчдадаа тогтмол сургалт явуулж, гүйцэтгэлд нь хяналт тавьж чадвал ямар нэг эрсдэл гарахгүй гэж МХГ үзэж байна.

 

 

 ДОРНОД