БОЭТ-ийн хамт олон 2016 оны жилийн тайлангийн хурлаа 2016 оны 12 сарын 27-ны өдөр болж, тухайн ондоо хийж бүтээсэн ажлаа танилцууллаа. Дорнод аймгийн Засаг дарга М.Бадамсүрэн, аймгийн ЗДТГ-ын Нийгмийн бодлогын хэлтсийн дарга Ц.Баяржаргал, ЭМГ-ийн дарга Ч.Оюунаа болон БОЭТ-ийн хамт олон тайлангийн хуралд оролцож, 2016 оны хийсэн ажил болон цаашид хийх ажлынхаа талаар дүгнэн хэлэлцэв.
БОЭТ-ийн хамт олон энэ оныг амжилт бүтээлээр дүүрэн өнгөрүүлж буй бөгөөд хурлын үеэр Хүн амын эрүүл мэндийг хамгаалах үйлсэд идэвх зүтгэл, үр бүтээлтэй ажиллаж, хамт олноо манлайлж ажилласан оны шилдгүүдээ тодрууллаа. Энэ үеэр хүн амд үзүүлэх эмнэлгийн тусламж, үйлчилгээний хүртээмжийг сайжруулж, хөгжлийн гол тулгуур болох иргэдийн эрүүл мэндийг хамгаалан бэхжүүлэх, чиглэлээр бодлогын дэмжлэг үзүүлж, эмч, мэргэжилтнүүдийг хөгжүүлэх, чадавхижуулах талаар онцгойлон анхаарч ажилладаг байдлыг үнэлж Дорнод аймгийн Засаг дарга М.Бадамсүрэнд "ЭРҮҮЛ МЭНДЭД ЭЭЛТЭЙ ЗАСАГ ДАРГА” өргөмжлөлийг БОЭТ-ийн хамт олноос гардуулан өглөө.

---