ДОРНОД НУТГИЙН ЗОН ОЛОН ТА БҮХЭНД ЭНЭ ӨДРИЙН МЭНДИЙГ ХҮРГЭЕ.
ӨНӨӨДӨР МОНГОЛ УЛСАД ПРОКУРОРЫН БАЙГУУЛЛАГА ҮҮСЭН БАЙГУУЛАГДСАНЫ ТҮҮХЭН 87 ЖИЛИЙН ОЙН ӨДӨР ТОХИОЖ БАЙНА. ТЭРТЭЭХ 1930 ОНЫ 08 ДУГААР САРЫН 14-НИЙ ЭНЭ ӨДӨР УЛСЫН БАГА ХУРЛААС 25 ДУГААР ТОГТООЛ ГАРГАЖ, УЛСЫН ПРОКУРОРУУДААС ГҮЙЦЭТГЭХ ЭРХ, ҮҮРГИЙН ДҮРМИЙГ БАТЛАН, ПРОКУРОРЫН БАЙГУУЛЛАГЫГ АЛИВАА ХЭРЭГТ УЛСЫН НЭРИЙН ӨМНӨӨС ХЯНАЛТ ТАВИХ ҮҮРЭГТЭЙГ ТОДОРХОЙЛЖ ӨГСӨН НЬ ПРОКУРОРЫН БАЙГУУЛЛАГЫН ТҮҮХИЙН ЭХЛЭЛ БОЛСОН.
МӨН МОНГОЛ УЛСЫН ЗАСГИЙН ГАЗРЫН 2016 ОНЫ 06 ДУГААР САРЫН 08-НИЙ ӨДРИЙН 299 ДҮГЭЭР ТОГТООЛООР ЖИЛ БҮРИЙН 08 ДУГААР САРЫН 14-НИЙ ӨДРИЙГ "ПРОКУРОРЫН АЛБАНЫ ӨДӨР” БОЛГОН ТЭМДЭГЛЭН ӨНГӨРҮҮЛЖ БАЙХ ШИЙДВЭР ГАРГАСНЫ ДАГУУ МОНГОЛ УЛСЫН ХЭМЖЭЭНД ПРОКУРОРЫН АЛБАНЫ ӨДРИЙГ ПРОКУРОРЫН БАЙГУУЛЛАГЫН ХЭМЖЭЭНД 2 ДАХЬ ЖИЛДЭЭ ТЭМДЭГЛЭН ӨНГӨРҮҮЛЖ БАЙНА.
МАНАЙ АЙМГИЙН ПРОКУРОРООС АЛБАНЫ ОЙН ӨДРИЙГ ТОХИОЛДУУЛАН АЙМГИЙН ЕРӨНХИЙ ПРОКУРОРООС БАТЛАН ГАРГАСАН ХӨТӨЛБӨР ТӨЛӨВЛӨГӨӨНИЙ ДАГУУ 6 ТӨРЛИЙН АРГА ХЭМЖЭЭГ ЭНЭ ӨДРҮҮДЭД ЗОХИОН БАЙГУУЛЖ АЖИЛЛАХЫН ЗЭРЭГЦЭЭ ОЙН ӨДРӨӨ ПРОКУРОРЫН БАЙГУУЛЛАГАД АЖИЛЛАЖ БАЙСАН АХМАД ПРОКУРОР, АЖИЛТНУУДЫГ ОДОО АЖИЛЛАЖ БУЙ ПРОКУРОР АЖИЛТНУУДТАЙ УУЛЗУУЛАХ 3 ҮЕИЙН УУЛЗАЛТЫГ ЗОХИОН БАЙГУУЛЖ, АХМАД ПРОКУРОР, АЖИЛТНУУДДАА ХҮНДЭТГЭЛ ҮЗҮҮЛЛЭЭ.
ЭНЭХҮҮ ХҮНДЭТГЭЛИЙН АРГА ХЭМЖЭЭНИЙ ХҮРЭЭНД ТУС ГАЗАРТ ШҮҮХЭД ТӨРИЙГ ТӨЛӨӨЛӨХ ХЯНАЛТЫН АЖИЛ ХАРИУЦСАН АХЛАХ ПРОКУРОР Ц.ЦЭРМААГ МОНГОЛ УЛСЫН ЕРӨНХИЙ ПРОКУРОРЫН ТУШААЛААР "ПРОКУРОРЫН БАЙГУУЛЛАГЫН ТЭРГҮҮНИЙ АЖИЛТАН” ЦОЛ ТЭМДЭГЭЭР ШАГНАСНЫГ ГАРДУУЛЖ, БАЙГУУЛЛАГА ХАМТ ОЛНООС ТҮҮНД ХҮНДЭТГЭЛ ҮЗҮҮЛЭХ АРГА ХЭМЖЭЭГ ЗОХИОН БАЙГУУЛСАН.
МАНАЙ ЗАЛУУ ХАМТ ОЛОН ОЙН ӨДРӨӨС АЖИЛ БҮТЭЭЛИЙН ӨНДӨР АМЖИЛТТАЙ УГТАН ӨНГӨРҮҮЛЭХИЙН ЗЭРЭГЦЭЭ ШИНЭЭР БАТЛАГДСАН ЭРҮҮГИЙН БОЛОН ЗӨРЧЛИЙН ХУУЛИЙГ ОРОН НУТАГТ НЭГ МӨР ХЭРЭГЖҮҮЛЭХЭД ХЯНАЛТ ТАВИХ, ХУУЛЬ ХЯНАЛТЫН БАЙГУУЛЛАГУУДЫН ЭРХ БҮХИЙ АЛБАН ТУШААЛТНУУДЫГ МЭРГЭЖЛИЙН УДИРДЛАГААР ХАНГАЖ АЖИЛЛАХ ЭРХЭМ ХҮНДЭТ ҮҮРГЭЭ НЭР ТӨРТЭЙ ХЭРЭГЖҮҮЛЭН АЖИЛЛАЖ БАЙГААГ ЦОХОН ТЭМДЭГЛЭХЭД ТААТАЙ БАЙНА.
МОНГОЛ УЛСАД "ПРОКУРОРЫН АЛБАНЫ ӨДӨР” ТОХИОЖ БАЙГАА ЭНЭХҮҮ БАЯРТ ӨДӨР ТУС АЙМГИЙН ПРОКУРОРЫН ГАЗАРТ АЖИЛЛАЖ БАЙСАН ҮЕ ҮЕИЙН АХМАД ПРОКУРОР, АЖИЛТНУУДАД БАЯРЫН МЭНД ХҮРГЭХИЙН ЯЛДАМД МАНАЙ БАЙГУУЛЛАГАТАЙ ХАМТРАН АЖИЛЛАДАГ ХУУЛЬ ХЯНАЛТЫН БАЙГУУЛЛАГУУДЫН НИЙТ БИЕ БҮРЭЛДЭХҮҮН, НУТГИЙН ЗОН ОЛОН ТА БҮХЭНД АЖЛЫН АМЖИЛТ, ЭРҮҮЛ ЭНХИЙГ ХҮСЭН МЭНДЧИЛЬЕ.
АЙМГИЙН ЕРӨНХИЙ ПРОКУРОР, ХУУЛЬ
ЦААЗЫН ИТГЭМЖИТ ЗӨВЛӨХ Т.УУГАНБААТАР
URL: https://www.choibalsan.mn/index.php?newsid=24821
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих