Дорнод  аймгийн Мэргэжлийн сургалт үйлдвэрлэлийн төвийн мэргэжлийн үнэмлэх гардуулах ёслолын арга хэмжээ  өнөөдөр буюу 06 дугаар сарын 11-ний өдөр Мэргэжлийн сургалт үйлдвэрлэлийн төвийн "Урлаг танхим”-д боллоо. Уг арга хэмжээнд  урилгаар аймгийн Засаг даргын орлогч Ш.Ёл, Хөдөлмөр, халамжийн үйлчилгээний газрын дарга Н.Мөнхгэрэл,  Үндэсний баялаг бүтээгч Өүлэн-Менч ХХК-ны биет төлөөлөгч Дорнод аймаг дахь Дорнын Өүлэн салбарын захирал  С.Дэмид-Очир, УБТЗ-ын Баянтүмэн тасгийн  даргын төлөөлөгч Ж.Нанзаддорж,  Дорнод аймаг дахь Зэвсэгт хүчний 327 ангийн ахмад  н.Баянбаатар   нар оролцлоо.

Энэ хичээлийн жилд  тус сургуулийг 9 мэргэжлээр 89 оюутан төгсч, ажил амьдралын гараагаа эхэлж байна.

Мөн энэ үеэр урлаг, спортоор бусдыгаа манлайлж, мэргэжлийн хичээлүүдэд тогтмол амжилттай суралцсан шилдэг оюутнуудаа сургуулийн захиргаанаас шагнаж, урамшуулсан бөгөөд:

Мэргэжлийн аварга төгсөгчөөр Барилгын цахилгааны ангийн оюутан –  н.Ганзориг

Урлагийн авъяаслаг төгсөгчөөр Компьютерийн оперотерын ангийн оюутан  –  н.Ариунбаяр

Спортын манлайлагч төгсөгчөөр Төмөр замын ангийн оюутан  –  н.Бат-Эрдэнэ

Мэргэжлийн шилдэг анги хамт олноор Компьютерийн оперотерын 1а анги

Бүтээлч анги хамт олноор оёмол бүтээгдэхүүний Оёдолчин анги

Хөдөлмөрийн шилдэг анги хамт олноор Барилгын засал чимэглэлийн анги тус тус ШИЛДЭГ-ээр шалгарлаа.

Түүнчлэн амжилттай суралцаж төгссөн оюутнуудыг ажил олгогч байгууллагуудаас хамтран ажиллах урилга гардуулсан бөгөөд сургуулийн захиргаанаас оюутнуудын хийсэн гар урлал, сийлбэр, үндэсний хувцас, гурилан бүтээгдэхүүний үзэсгэлэн зохион байгууллаа.