"Монгол улсын Дорнод, Хэнтий, Сүхбаатар аймаг, БНХАУ-ын ӨМӨЗО-ны Шилийн гол аймаг, Тунгляо, Улаанхад хотын зургаан талт хамтын ажиллагааны 4 дэх удаагийн уулзалт 2018 оны 8 дугаар сарын 4-5-ны өдрүүдэд Чойбалсан хотноо зохион байгуулагдана.

Үүнтэй холбогдуулан аймгийн Засаг даргын орлогч Ч.Ганбатаар ахлуулсан ажлын хэсэг хуралдлаа.  Энэхүү уулзалт БНХАУ-ын ӨМӨЗО-ны Шилийн гол аймагт 2015 онд, Тунгляо  хотод 2016 онд, Улаанхад хотод 2017 онд тус тус зохион байгуулагдаж байсан бол дөрөв дэх уулзалт Монгол улсын Дорнод аймагт болох юм.