"Англи хэлтэй Дорнодын хүүхдүүд" уралдаанд 1120 хүүхэд оролцжээ. Уралдаанд шалгарсан сурагчдыг аймгийн Засаг дарга хүлээн авч, шагнал гардуулсан байна. 

Дорнод аймгийн ИТХ-аас баталсан "Англи хэлтэй Дорнодчууд" хөтөлбөрийн хүрээнд ЕБС-ийн англи хэлний сургалтын чанарыг дээшлүүлэх, сурагчдын англи хэлний мэдлэг чадварыг бүтээлчээр хөгжүүлэх зорилгоор аймгийн ЗДТГ-ын Нийгмийн бодлогын хэлтсээс дээрх уралдааныг зохион явуулсан юм. Уралдаанд оролцогчдоос ирүүлсэн бичлэг материалыг үзэж дүгнэсэн багш нар: "Хүүхэд залуус эх хэлний боловсролыг сайтар эзэмшихээс гадна англи, орос, хятад зэрэг гадаад хэлтэй байхыг чухалчилдаг болсон" гэв. 

URL: https://www.choibalsan.mn/index.php?newsid=35479