Жижиг, дунд үйлдвэрийг хөгжүүлэх сангаас 2026 онд орон нутгийн болон сангийн хамтарсан санхүүжилтийн эх үүсвэрээр жижиг, дунд үйлдвэр, үйлчилгээ эрхлэгчдэд дэмжлэг үзүүлэх зорилгоор Хүнс, хөдөө аж ахуй, хөнгөн үйлдвэрийн яам, Жижиг, дунд үйлдвэрийн газар/SME Agency of Mongolia болон  Дорнод аймгийн Засаг даргатай “Зээлийн ерөнхий нөхцөл тохиролцох, хамтран ажиллах гурван талт гэрээ”-г байгуулсан.

Үүний дагуу Засгийн газрын 2020 оны 113 дугаар тогтоолоор батлагдсан “Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам”-ын дагуу бичил үйлдвэр, үйлчилгээ эрхлэгчийн зээлийн хүсэлтийг цахим хэлбэрээр https://sme.gov.mn/login-аар дамжуулан хүлээн авах үйл ажиллагаа эхэллээ.

Эхлэх: 2026 оны 04 дүгээр сарын 20-ны өдрийн 08:30 цагаас

Дуусах: 2026 оны 05 дугаар сарын 19-ний өдрийн 17:30 цаг хүртэл

ХӨНГӨЛӨЛТТЭЙ ЗЭЭЛИЙН НӨХЦӨЛ:

Зээлийн зориулалт, хугацаа: Үндсэн хөрөнгийн зээл 8 жил, Эргэлтийн хөрөнгийн зээл 5 жил

Зээлийн хүү : 5 хувь (жилийн)

ХӨНГӨЛӨЛТТЭЙ ЗЭЭЛ ОЛГОХ САЛБАР.

Сүү, сүүн бүтээгдэхүүн боловсруулах;

Мах, дайвар бүтээгдэхүүн боловсруулах;

Даршилсан хүнсний бүтээгдэхүүн үйлдвэрлэл;

Мод, модон бүтээгдэхүүн үйлдвэрлэл;

Оёмол болон гар урлал бүтээгдэхүүн үйлдвэрлэл;

Хог, хаягдал дахин боловсруулах үйлдвэрлэл;

Арьс шир, ноос ноолууран бүтээгдэхүүн үйлдвэрлэл;

Барилгын материал үйлдвэрлэл;

Хэвлэлийн үйлчилгээ;

Сав, баглаа, боодлын үйлдвэрлэл;

Төмс,хүнсний ногоо тариалах, агуулах, зоорь;

Модны үр үрсэлгээ, жимс, жимсгэний аж ахуй;

Хүнсний ногоо, малын тэжээл тариалах, хураах техникийн түрээсийн үйлчилгээ;

Эрчимжсэн аж ахуй;

Туслах аж ахуй /зөгий, гахай, тахиа/;

Малын тэжээлийн үйлдвэрлэл;

Мал эмнэлэгийн үйлчилгээ;

Мал үржүүлэх технологийн үйлчилгээ;

Малын тэжээл бордооны үйлдвэр;

Аялал жуулчлал, хоол боловсруулах.

Нийслэлээс орон нутагт шилжин үйлдвэр, үйлчилгээ эрхлэгч аж ахуйн нэгж, орон нутагт шилжсэн иргэнийг ажилд авсан үйлдвэр, үйлчилгээ эрхлэгч аж ахуйн нэгж;

Импортыг орлох шинэ бүтээгдэхүүн үйлдвэрлэл;

Инновацийн бүтээгдэхүүн нэвтрүүлэх;

Хүнсний түүхий эдийн бэлтгэн нийлүүлэлтийн сүлжээнд оролцогч;

Цагаан алт хөдөлгөөн;

Атар-4 тариалангийн тогтвортой хөгжлийн аян;

Бүсчилсэн хөгжлийн үзэл баримтлал.

ХОЛБОО БАРИХ УТАС: 77485555-1 Жижиг, дунд үйлдвэрийн газрын Зээл, төслийн газар.

Дорнод аймгийн Хүнс, хөдөө аж ахуйн газар70585111 , 80368080

Жижиг, дунд үйлдвэрийн газар/SME Agency of Mongolia