Хонг-Конг, Нью Йоркийн хөрөнгийн биржүүдэд бүртгэлтэй, 1.5 их наяд америк долларын зах зээлийн үнэлгээ бүхий томоохон компани болох "Петрочайна”-ийн тэргүүн асан Жианг Жиемэн авлигын хэргээр 16 жилийн ял сонсчээ.

Тэрбээр "Петрочайна" болон түүний толгой компани болох Хятадын үндэсний газрын тосны корпорацийг тэргүүлж байх үедээ авлига авсан, хууль бусаар их хэмжээний хөрөнгөтэй болсон, мөн төрийн өмчийн компанид ажиллаж байхдаа эрх мэдлээ урвуулан ашигласан гэмээ хүлээсэн юм. 

"Петрочайна" компанийн хувьд Монголд 1998 оноос хойш үйл ажиллагаа явуулж байгаа бөгөөд татвараас зугтсан, байгаль орчны нөхөн сэргээлттэй холбоотой Монгол Улсын хууль, дүрмүүдийг зөрчсөн холбогдож байсан юм. 

Т.Бэх