88 дахь удаагийн Оскарын наадам энэ сарын 28—ны ням гарагт болох юм. Улаан хивсний ёслол оройн 7 цагт эхлэх бол нээлтийн үйл ажиллагаа оройн 8 цаг 30 минутад эхлэнэ. Үйл ажиллагааг ABC телевиз шууд дамжуулна. Энэ жилийн Оскарын наадамд "The Revenant’’ кино нийтдээ 12 төрөлд нэр дэвшиж олны анхаарлыг ихээхэн татаад байгаа. Тус киноны гол дүрийг Оскарын шагнал авч байгаагүй хэдий ч үзэгчдэд хүлээн зөвшөөрөгдсөн жүжигчин Леонардо ДиКаприо бүтээсэн юм. Энэ жил түүнийг Оскар аваасай гэж хүсэж байгаа хүн олон байгаа. Гэсэн ч энэ жил шилдэг эрэгтэй гол дүрийн шагналд нэр дэвшиж байгаа "Danish Girl” киноны гол дүрийн жүжигчин Эдди Редмейн тун хүчтэй өрсөлдөгч юм. Тэрээр 2014 онд "The Theory of Everything” кинонд эрдэмтэн Стивэн Хоукингийн дүрийг бүтээж үзэгчдээс өндөр үнэлгээ авсан билээ.

Эх сурвалж: "zms.mn”

А.НОМУУНДАРЬ

---