Өчигдөр Ерөнхийлөгч асан, МАХН-ын дарга Н.Энхбаяр АН-ын удирдлагуудтай биечлэн уулзжээ. Түүнийг Шадар сайдаар томилох аман тохироо хэрэгжихээ больсонтой холбоотой энэ уулзалт тун ширүүхэн болж, ойлголцолгүй салжээ. Эх сурвалжуудын өгүүлж буйгаар АН-ын даргын өрөөнөөс бухимдуу гарсан МАХН-ын дарга  Н.Энхбаяр  "Бид өмнөх хэлэлцээрийн үеэрх танай саналыг хүлээн зөвшөөрч болно. УИХ-ын сонгуульд МАН-тай хамтарья” хэмээн УИХ дахь МАН-ын бүлгийн дарга С.Бямбацогт руу утсаар ярьсан гэнэ. Мөн оройдоо МАХН-ын НБДарга Ж.Сүхбаатар  МАХН, МАН хамтран ирэх 3 сарын 1-нд намын баяраа тэмдэглэх шийдвэр гарган, ажлын хэсэг байгуулжээ.

Ийнхүү АН-д хууртсан Н.Энхбаяр МАН-тай хэлэлцээр хийж эхэлсэн бололтой. Өмнөх хэлэлцээрийн үеэрх МАН-ын санал гэдэг нь МАН, МАХН-ын эвслийг М.Энхболд удирдана, эвслээс нэр дэвших квотын харьцаа МАН 70%, МАХН 30% байна гэсэн яриа аж.

П.Мандах Sonin.mn

URL: http://www.choibalsan.mn/index.php?newsid=15012