Аймгийн Удирдах ажилтнуудын шуурхайгаар 2015.04.13-04.20-ны өдрийг хүртэлх хээрийн түймрийн нөхцөл байдлыг Дорнод аймгийн Онцгой байдлын газрын дарга, Онцгой байдлын хурандаа Н.Гантөмөр танилцууллаа.

Дорнод аймгийн нутагт 2015 оны 04 сарын байдлаар 24 удаагийн ой, хээрийн түймэр гарч урьдчилсан байдлаар 15 гэр байшин, 34 хашаа саравч, 2 тээврийн хэрэгсэл, 739 толгой мал, 2 сая га хээрийн талбай шатаж байгаль экологид 108 сая, эд материалд 265,8 сая, түймэр унтраахад шууд зардалд 28,8 сая төгрөг нийт  402,7 сая төгрөгийн хохирол учраад байна.