Ардчилсан намын гишүүдийн шинэчилсэн бүртгэл өчигдөр 00.00 цагт дууслаа. Шинэчилсэн бүртгэл өнгөрсөн арванхоёрдугаар сарын 25-наас хойш үргэлжилсэн юм. Бүртгэлд өчигдрийн 12.00 цагийн байдлаар 116 мянга 800 гишүүн хамрагдаж 1200 төгрөгийн татвараа төлсөн байна хэмээн Намын Ерөнхий нарийн бичгийн дарга Л.Эрхэмбаяр мэдэгдсэн. Тэгвэл бүртгэл дуусах мөчид 160 мянга гаруй гишүүн бүртгүүлсэн байна гэж эх сурвалж мэдээлж байна. 

Тус намын шинэ дүрмээр намын шинэчилсэн бүртгэлд хамрагдаж, гишүүний татвараа төлсөн эрхэм намын даргын сонгуульд оролцох эрхтэй юм. АН-ын даргын сонгуулийн сурталчилгаа журмын дагуу зохион байгуулагдаж байна. Ардчилсан намаас аливаа санал асуулга, рейтинг тогтоох судалгааг явуулаагүй байгаа. Тиймээс фэйсбүүк болон, сайтуудаар явж байгаа дүнг АН-аас албан ёсоор няцааж байна гэж Л.Эрхэмбаяр мэдээлсэн юм. 

Намын даргын сонгууль энэ сарын 29-нд явагдана. 

Б.Анир 

zaluu.com

---