Сүүлийн 6-7 жилийн хугацаанд Чимээгүй тахал хэмээх сахарын өвчнөөр оношлогдсон иргэдийн тоо манай аймагт эрчимтэй өсчээ. БОЭТ-ийн амбулаторийн мэдээллээс харахад долоо хоног тутам 3-5 иргэн шинээр оношлогдож байгаа юм. Энэ төрлийн өвчнөөр өвчилж, эмнэлгийн хяналтад орсон иргэдэд төрөөс эм тарианы зардлыг даадаг байна.

Сахарын хэмжээ тэнцвэржүүлэх инсулин тариа нэг бүрийн үнэ нь 15-18 мянган төгрөг, хайрцгаараа 70 мянга гаруй төгрөгийн үнэтэй. Гэтэл өвчлөгсдийн тоо өсч, эмийн эрэлт нэмэгдсэнтэй холбоотойгоор эм тариа тасрах  болжээ.

Сүүлийн 14 хоногийн байдлаар л гэхэд Дорнод аймагт инсулин тасраад байгаа юм. Шалтгааныг тодруулахад Дорнод аймагт инсулин нийлүүлэх гэрээтэй Монос компанид 4.6 сая төгрөгийн өртэй байгаа тул 11-р сарын эмийг нийлүүлээгүй гэж байна.

Иймээс шинээр оношлогдож буй иргэдийнхээ тоон өсөлттэй уялдуулж, эм тарианы төсвийг нэмэгдүүлэх шаардлагатай байгаа юм.