Манай улсад улаанбурхан өвчин дэгдэлт хэлбэрээр гарсантай холбогдуулан ЭМСС-ын 2015 оны 188 тоот тушаал, АЗД-ын А/224 тоот захирамж, ЭМГ-ын даргын А/22 тоот тушаалын дагуу 2015 оны 05 дугаар сарын 15-ны өдрөөс 2015 оны 05 сарын 25-ыг хүртэл нэмэлт дархлаажуулалтын ээлжит 10 хоногийн аяныг "Хүүхэд бүрийг улаанбурхан өвчний эсрэг вакцинд бүрэн хамруулья”уриан дор 6 сартайгаас 6 хүртэлх насны хүүхдүүдийг дархлаажуулалтад хамруулах ажлыг зохион байгуулан ажиллаж байна.Манай аймагт улаанбурхан өвчний сэжигтэй тохиолдол 22 бүртгэгдэж үүнээс 12 тохиолдол БОЭТ-ийн халдвартын тасагт хэвтэн эмчлүүлж байна. Аймгийн хэмжээнд дархлаажуулалтын хамралт 8791 хүн буюу 93,4 хувьтай байгаа тул дархлаажуулалтын аяныг 2015 оны 06 сарын 05-ны өдрийг хүртэл сунган ажиллахаар болоод байна. Иймээс улаанбурханы нэмэлт дархлаажуулалтад хамрагдаагүй хүүхдийг ӨЭМТөвүүдэд харъяалал харгалзахгүй вакцинжуулж байгаа тул эцэг эхчүүд 6 сартайгаас 6 хүртэлх насны хүүхдээ нэмэлт дархлаажуулалтад хамруулахыг уриалж байна.