Монголын улстөрийн нам хүчнүүд өнгөрсөн дөрвөн жилийн үйл ажиллагаагаа ард түмнээр дүгнүүлэх цаг тун дөхөөд байна. Тэрчлэн ирэх сарын 29-нд болох сонгуульд сойх хүмүүсээ өнөөдөр тодруулж, маргааш гэхэд Сонгуулийн Ерөнхий Хороонд баримт бичгүүд нь хүргэгдсэн байх ёстой.

Улстөрийн гол хоёр хүчний зүгээс энэ удаагийн сонгуульд хүмүүсээ сойхдоо үнэхээр УИХ-д өрсөлдөх чадамж, боловсролтой хүмүүсээ сойж байна уу, эсвэл улстөрийн хор найруулга өргөн дэлгэр явагдаад байна уу гэдэгт хариулт өгсөн шийдвэрийг өнөөдөр гаргацгаах юм. Ахмад парламентч Д.Дэмбэрэл хэлэхдээ  "Манай намын боловсон хүчин их, нэр дэвших боломж бололцоотой, бэлтгэгдсэн, бидний халааг авах залуу үе өргөн байна. Улсын Бага хурлаас эхлэн, анхны ардчилсан сонгуульд сонгогдсон, мөн парламентад тасралтгүй зургаан удаа сонгогдсон миний хувьд  дараагийн залуу боловсон хүчнүүдээ хүндэтгэж байна.  Одоогийн нэр дэвшигчдэд халааг маань авч сонгогдох боломж бийг харж байгаадаа сэтгэл хангалуун байна. Намаа ч сонгуульд амжилттай оролцоно гэж итгэж харж байгаа. Миний зүгээс намаа ялуулах, нэр дэвшигчдээ ялуулахын тулд туршлага, мэдлэг мэдрэмжээ дайчлан ажиллана аа. Тэдэндээ тусална. Ер нь бол, парламентад хийсэн үйлстэй хүн сонгогдож байх учиртай. " хэмээн хэлснийг энд ишлэн хүргэж байна.

Ингээд энэ удаагийн УИХ-ын сонгуульд АН болоод МАН-аас нэр дэвшигчдийн хэн нь хэнтэйгээ тулж байгааг хүргэж байна.

Б.Тамир